"Bei, are you listening?"
Those words woke Bea up from her daydreaming, kahapon niya pa iniisip ang tungkol sa kanila ni Jho. Yung kiss sa cheek. Yung treatment, at siya mismo. Hindi siya mapalagay kung normal ba iyon o mayroon siyang namumuong paghanga sa dalaga. Mabait naman si Jho, at siguradong hindi ito mahirap mahalin. Ang tanong, kaya niya ba? Dahil kasabay ng posibleng pag-usbong ng damdamin ay tuluyang pag-bitaw sa kanyang matalik na kaibigan. Mahirap ang posisyon ni Bea kahit hindi niya namamalayan sa ngayon, lalo pa't wala siyang alam sa bagong intensyon ni Jia sa kanya. Mula nung araw na magka-bati muli sila, naging mabilis din ang pagbabalik ng kanilang samahan, subalit, nahati ang atensyon ni Bea sa kanya at kay Jho.
"A-Ano nga ulit?" Tanong ni Bea dahil nawala siya sa kwento ni Jia.
Si Jho nanaman iniisip niya. "Sabi ko, labas tayo mamaya." Pag-ulit ni Jia at tumango tango si Bea, "Kahit dyan lang sa tabi tabi. Tambay, ganun." Suhestiyon pa niya at ngumiti si Bea bilang pag-payag. Niyakap niya ito at kinurot ang pisngi tulad ng ginagawa nila dati.
"Tayo lang ba?" Nanigurado lang si Bea dahil baka may balak itong i-sama ang manliligaw kaya ma-OP lang siya. Ayaw na niya ding masaktan dahil sa isang tao. Nang tumango si Jia ay ngumiti muli ito, "Sige." May konting hiya parin siya kay Jia kahit medyo okay na sila. Hindi nito maiwasan ang pagka-hiya dahil sobrang awkward nila nung una tapos nagka-yayaan ulit. Namataan siya ni Jia kasi ang tipid sumagot, kaya hinarap niya sa kanya ang dalaga tapos hinalikan sa pisngi.
"Wag kang mahihiya sa'kin." Sabi niya habang natulala si Bea. Mas gumulo ang kanyang isipan dahil sa galik palang ni Jia ay malakas agad ang epekto nito. Hindi niya muna iyon pinansin at binalik ang ginawa sa kanya ni Jia, humalik din siya pero 'di namalayang malapit ito sa labi. Napa-atras siya konti at nakitang mamula ang pisngi ni Jia.
"Sorry." Mahina niyang sinambit at tumango si Jia. Nagtinginan sila ng mabuti at mga mata'y nangingiusap. Tumayo si Jia mula sa kama at hinila siya patayo tapos kinulong ang sarili sa kanyang mga bisig, walang nag-salita at tanging tibok ng puso ang maririnig sa loob ng kwarto. Pakiramdam ni Bea ay ligtas si Jia sa kanyang mga kamay ngunit tinatak niya rin sa isipan ang katotohanang may iba itong minamahal.
Kumalas si Bea nang mag-ring ang phone ni Jia, um-excuse muna ito para sagutin ang tawag. Pinakinggan ni Bea ang mga salitang binitawan nito at napag-alamang si Miguel ang ka-tawagan. Pagkatapos ay bumalik siya kay Bea at tumabi tapos pinatong ang ulo sa kanyang balikat. Tahimik niyang pinagmasdan si Jia at pinipigilan sarili na halikan uli. May sensasyong tumutulak sa kanya pero maling mali iyon, maski ang pagtingin sa kanyang labi ay pinipigilan rin.
--
Dumiretso sila sa Park at umupo sa may swing, pareho silang nagkekwentuhan at tawanan sa mga oras na andun sila. May mga panahong patago nilang tititigan ang isa't isa at kapag nahuli, ay tatawa na lang din. Nakakatuwang isiping aware si Jia sa feelings ni Bea pero ang isa naman ay hindi. Wala pang balak umamin si Jia dahil sa gusot na pinasok niya ngayon, mahirap para sa kanya sapagkat merong Jho at Miguel sa kanilang paligid at kailangan niyang maging ma-ingat sa hakbang na gagawin. Ang mahalaga ay nakukuha niya muli ang tiwala at atensyong pinupuno ni Jho nung wala siya sa kanyang tabi. Bumalik naman sa kanyang isipan ang nangyari kahapon sa birthday ni Jho, halos magkumahos sa selos si Jia na tinatago lang dahil kasama nila si Miguel. Wala siyang magawa nun at ayaw rin niyang masira ang saya nila habang sine-selebreyt ang kaarawan ni Jho. Napagtanto niyang mahigpit ang kompetisyong nilalaro nila ni Jho at aminado siyang malaki ang lamang nito ngayon dahil sa kasalanang ginawa niya. Kahit ganun ay hindi susuko si Jia at gagawin ang lahat para mapatunayang siya ang karapat-dapat piliin ng Bestfriend niya.
"Jia, okay lang ba sa'yo kung sasama ako kay Jho bukas? Nagyaya kasing lumabas." Paalam ni Bea at nahinto sa pag-isip si Jia, matamlay na ngiti ang natanggap niya at hinawakan si Jia sa kamay. Sino ba ako para tumanggi? Pwede naman akong bumawi some other time.
"Ingat kayo, kung san man 'yang punta niyo." Sabi na lang ni Jia at ngumiti si Bea. I know her very well, hindi 'yon marunong magpatalo. But as I've said before, there's no way I'm giving up that easily.
"Huwag kang magagalit, ha? Ikaw parin Bestfriend ko." Biro ni Bea at hinampas siya ni Jia. Nasaktan ito sa salitang 'Bestfriend' pero tumawa na lang. Hinila siya ni Bea palapit at napayakap ito bigla, buti na lang at nakakapit si Bea at hindi nahulog sa swing. Mamaya nun ay nagtawanan ulit sila, "Sana lagi tayong ganito."
Tinignan siya ni Jia sa mata, "Pwede naman, gusto rin kitang makasama eh." Sagot niya at hinawakan ang magkabilang pisngi nito, "I love you, Best!" Sambit niya pero sa loob looban ay gusto nitong totohanin ang 'I love you' sa dalaga. Tumayo ang isa tapos hinalikan siya sa noo. Sa halik nun ay kusang dinaloy ng kuryente si Jia sa loob dahil sa kilig, hindi siya makapag-salita at ngumiti na lamang.
--
"Jho!" Sigaw ni Bea ngunit 'di pinansin. Nakita niyang naglalakad palayo si Jho, hinabol niya ito at hinawakan sa braso, "Hey..." Tawag niya at tumigil ang dalaga. Akala niya'y magsasalita ito pero tinignan lang siya tapos nagsimulang maglakad ulit. Sinundan lang siya ni Bea hanggang sa huminto ito malapit sa entrance ng hallway, "Okay ka lang ba?"
"Oo, nagmamadali lang. See you later." Sabi ni Jho at mabilis na tumalikod. Hindi talaga ito nagmamadali, gusto lang niya makalayo. Nakita niya kagabi ang dalawa sa Park na sobrang sweet pa. Nais niyang lapitan ang dalawa tapos ilayo si Bea pero naniniwala siyang magkakagulo lang sila. Umalis agad siya doon dahil hindi makayanan ang selos.
Nagtaka ito sa kanyang kilos at inisip na baka may kasalanan nanaman siya. Balak niya pa itong sundan pero mabilis nawala si Jho sa kanyang paningin, bumuntong hininga na lang siya lumabas ng building. Pagkatapos ng klase ay dumeretso siya sa tapat ng klase ni Jho para maghintay, wala silang training ngayon dahil may laban sila kontra Adamson. Pagkalabas ni Jho ay kinuha ni Bea ang kanyang gamit para mabawasan ang bigat sa dala. Hindi parin nagsalita si Jho hanggang makarating sila ng Dorm kung saan naghihintay ang ibang teammates. Silang dalawa na lang ang hinihintay kaya't dali dali silang umakyat sa kanilang floor at pumunta sa kanilang kwarto para magbihis. Pagkatapos nun ay sabay na pumasok sa elevator, habang asa elevator sila ay nagsalita si Bea dahil ayaw na niya sa pagiging matahimik ni Jho.
"Sorry, for whatever that is. Bati na tayo, please?" Humarap siya kay Jho at hinawakan ang magkabilang braso nito. Lumihis lang ng tingin ang isa kaya't hinarap niya muli ito sa kanya, "Sorry na." Hindi niya na pinagsalita si Jho at kinulong ito sa kanyang yakap, "Let's focus on our game today." Huli niyang sabi at tumango si Jho habang nakayakap parin sa kanya.
Pagbukas ng elevator ay nakatingin sa kanila ang lahat pwera kay Jia na tinuon ang atensyon sa kamay ni Bea na asa bewang ni Jho. Magkalapit din ang katawan nila at masyadong uminit ang mata ni Jia dahil dun, umiba siya ng tingin at saktong tinext siya ni Miguel para i-good luck sa laban. Maliit na ngiti ang nilabas ni Jia tapos nun ay tinawag ni Mich ang atensyon niya kasi aalis na. Throughout the journey, nakabantay lang ang mga mata ni Jia kina Bea at Jho na magkatabi kahit sa bus. Tuwing titignan siya nina Mich ay pekeng ngiti lang ang maibibigay niya dahil sa labis na pagseselos. Halos hindi magkausap si Jia at Bea nung asa Arena na sila at hindi rin malapitan ni Jia dahil nasa tabi lagi si Jho.
"I'm always here to support you." Natibag ang atensyon ni Jia dahil sa sinabi ni Miguel. Halos mapasampal siya sa sarili kasi nakalimutan niyang may kausap siya ngayon. Ngumiti at tumango si Jia at niyakap siya ni Miguel, "Step by step, Jia." Na-gets niya ang ibig sabihin at nakunsensya subalit hindi maiwasang mainis sa pagiging sweet ni Jho at Bea, and at the same time naaawa siya kay Miguel.
Kumalas siya sa yakap at pumunta si Jia sa pwesto nina Mich na kanina pa nakatingin sa kanya. Yumuko na lang siya at hinagod ni Mich ang kanyang likod, "Kahit hindi ka umamin, alam ko." Kusang napatingin si Jia at inakbayan siya ni Mich, "Ayan kasi, nandyan na. Ikaw rin ang nahihirapan ngayon." May tumulong luha kay Jia na agad pinunasan nung isa at pinatong ang ulo nito sa kanyang balikat, "You have to learn the hard way." Dagdag niya bago ibalik ang atensyon sa pinapanuod nilang laban.
Asa loob na sila ng dugout at nagsasalita si Coach Tai while they were preparing. Itong si Jia ay patagong sinusulyapan si Bea na busy maglagay ng muscle tape at lumihis ng tingin nang kalabitin ni Kim, ngumiti lang si Jia at tinapos sintasin ang kanyang sapatos. Dumako muli ang kanyang mata at nakitang papalapit sa kanya si Bea na may dalang muscle tape. Hindi ito nagsalita at pinaabot ni Bea ang kanyang kamay para balutan ng tape. All the while, tinitignan ni Jia si Bea pero hindi directly at matapos nun ay nag-thank you siya kay Bea. Rumesponde si Bea sa pamamagitan ng isang halik sa noo bago bumalik sa kabilang side ng room. Mga nakakalokong ngiti at tingin ang binigay nila Kim kay Jia at hinagisan niya sila ng towel tapos tumawa ng mahina. Kahit kinikilig siya ay nanatili siyang diskreto sa dahilang ayaw niyang malaman ng ibang tao. Maski sa paglabas nila mula sa dugout, nagagawa niyang tignan si Bea ng patago. Mukha nga siyang taga-bantay at minsa'y tinitignan ang kilos ni Jho at Bea pag magkalapit. Nandun yung pagseselos niya na dinadaan na lang sa warm-up, hindi niya naman gugustuhing ma-issue at magulo ang laro dahil First 6 din si Jho mamaya. Si Bea yung tipong palipat-lipat kina Jho at Jia, hanggang sa maaari ay hindi niya pinu-pokus ang atensyon sa isa para walang inggitan.
Nagsimula ang laro, at tama nga ang sinabi ni Alyssa sa kanyang interview na magandang laban ang ibibigay ng Adamson. Lalo na't nag-struggle sila ngayong Round 2 at kailangan makabawi. Consistent naman ang depensa ng Ateneo subalit ganoon din karami ang errors nila, kadalasan, miss communication. At ang pinaka-madalas magkagulo sa court ay sina Jia at Jho, mostly sa defensive side nagka-problema. Pilit na ayusin ni Jia ang kanyang laro pero naiilang siya mag-set kay Jho at lagi itong napupunta kina Ella. Kung wala na siyang ibang options, dun niya ibibigay kay Jho para paluin. Wala kang maririnig sa dalawa at ilangang kilos lang ang mahahalataan, at mas lalong magkakailangan tuwing asa pwesto nila si Bea. Hindi na pinapansin ni Jho ang pakiramdam na 'yon ngunit nandun ang selos niya sa trato ni Bea kay Jia. Eventually, natalo parin ng Ateneo ang Adamson sa loob ng limang sets. Kung hindi sila umayos in both ends ay matatalo na sana sila, pinaalalahan ni Coach Tai sa mga babae na huwag dalhin sa court ang nasa labas lang dapat.
Pabalik sila ng dugout nung tinawag ni Miguel ang atensyon ni Jia na sobrang proud sa kanyang laro, inakap niya at kino-congratulate si Jia sa panalo. Pinaliwanag naman ni Jia ang kanyang mga errors at yung pagka-wala ng focus pero sabi ni Miguel ay wala siya dapat ipagalala dahil naka-survive parin sila. Sa sobrang bait ni Miguel ay kinakain muli si Jia ng kanyang konsensya. Kinuwestiyon niya ang sarili kung dapat bang masaktan si Miguel dahil hindi siya yung lalaking sinasaktan, napaka-rare ng isang katulad niya at malaki ang suportang binibigay nito. Pagkatapos ng kanilang pagusap ay umalis na si Miguel, nung tumalikod siya ay bumungad sa kanya ang dalawang babaeng masayang nag-kulitan at harutan. Pakiramdam niya'y babagsak siya sa kinatatayuan kung patuloy na panunuorin ang lambingan nila kaya madali siyang bumalik sa loob ng dugout.
Ang batchmates niya lang nandun dahil nag-shower ang iba. Nabasa agad nila ang malungkot nitong mukha na tinatakpan ng walang emosyon. Pagtabi niya kay Mich ay pinatong ang kanyang ulo at pinalupot ang kamay sa kanyang bewang tapos pumikit kasabay ng pagtulo ng kanyang luha.