الحلقه9-10
منقولة
#اليتيمه🍃زي ماتعرفو 200تعليق نزلكم 10
الحلقة التاسعة🍃
______________________________
خش عمي للحوش القاني اني وسجي مقعمزين ونهدرزو مع ع امال
ع جمعه: قعدين مابدلتوش
ع امال: من وين جو وهما يحكولي😂
ع جمعه:😂 قلنالك بري معانا انتي ماتبيش
ع امال: خيرني نمشي للملاهي
قيس: السلام عليكم
عمي: وعليكم السلام .... جبت السيارة
قيس: اي قدام الحوش
سجي:😍 تعالي ميمي نشوفاها
اني:😍 هيا
وطلعت اني وياها ركبنا فاها
سجي: واخيرا تو نبدو نطلعو من غير مايتكلم قيس البارد
اني:😂 خيرك مستعجله غير نتعلم كيف نسوق قبل
سجي:😂 تي ماتاخدش معاك سبوعين
وقعدنا نهدرزو بعدين تلفتت لي الروشن شفت يزن✨
اني: هدا شن يدير في شارعنا😱
سجي: منو
اني: يزن شوفي
سجي:😱😱 هاا انشالله يسكن هني
اني: لالا ماضنيتش اول مرة نشوفه
سجي: واقف علي حوش عمي رمضان 《جارنا》 بالك يقربلهم
اني: مافيش احتمال غير هكي
سجي:😍 ياوخيتي محلااه
اني: 😳 قيس جي سكري فمك
قيس: هيا انزلو شن قعدتو في السيارة😠
سجي: باهي نازلين😒
اني نزلت وكيف بنسكرها
قيس: خشي ماتشوفيش في الولاد واقفين في الشارع😡
اني: بنسكرها😒
قيس؛ هاتي تو نسكرها اني
اني مديتله المفتاح وخشيت للحوش اني وسجي ولما بنسكر الباب جت عيني في عين يزن ضحكلي وقام حاجبه اني قربعت الباب في وجهه وخشيت
سجي: 😱 شافك
اني: اي جت عيني في عينه
سجي: معش فهمته الولد هدا وين ماتمشي تلقيه
اني: اوووف فوتينا من سيرته 😣
سجي: 😱حي نسينا ماكلمناش سيمو
اني؛ اي حقا تو نركب فوق ناخد فوني ونكلمها
سجي: ماشي هي
وركبت اني وياها لي دارها وخديت فوني اتصلت بي سيمو مقفل كلمت امها
اني؛ الو
ام تسنيم: اهلين بنتي شن اخبارك
اني: الحمدلله ياعميمه كيف حالك انتي وحال صحتك
ام تسنيم: والله بخير الحمدلله
اني: عميمه بنسألك ع تسنيم فونها مقفل انشالله خير
ام تسنيم: والله شن بنقولك حالتها حاله من وين ماروجت من المستشفي وهي مسكره ع روحها وتبكي وخلاص
اني: لاحول الله باهي جنبك هي
ام تسنيم: لالا والله توا خشيت علاها راقدة
اني: اها امالا تو نكلمها لما تفيق
ام تسنيم: انشالله وحاولي معاها وافهمي خيرها
اني: بإدن الله انشالله
ام تسنيم: هي امالا سلميلي ع سجي وعلي عمتك
اني: يوصل انشالله تصبحي ع خير
ام تسنيم: تلاقي الخير
وسكرت .....✨
اني: اوووف😔
سجي: شن قاتلك خيرها سيمو
اني: مسكره ع روحها الدار وتبكي وخلاص اكيدة ع قصة فراس
سجي: عطاها مايرفعها هالفعة الي اسمها سجوود😡 مش حاتخلي فراس وسيمو ع حالهم
اني: انشالله خير وخلاص 😔 والله خايفة علاها تسنيم دلوعه ومع قله الماكله خايفة تصيرلها حاجة😔💔
سجي: شن رايك نمشولها😍
اني: توا في هاليل😳
سجي: اي عادي نقولولهم تعبانه ومريضة هلبا وهكي نفلمو عليهم شويا تو يخلونا😂
اني:😂😂 عمي وعمتي عادي لكن قيس
سجي: غير تعالي نجربو
اني: هيا
وفتحنا الباب والقينا قيس كيف جاي بيعطيني المفتاح ....✨
سجي: قيس
قيس: خيرك
سجي: سيمو صاحبتنا مريضة هلبااا وتعبانه نبو نمشولها
قيس:😳خيرها💔
سجي: مريضه عندها هبوط وهكي
قيس: اجلاها غدوة توا ليل امت بتمشو وامت بتروحو
اني نطيت وقتله: بنباتو غادي😍
قيس: تباتي عينك مش غادي😒
اني: مبردك😒
سجي: غير هيا وراس قيس
قيس: تي لالا وبوها وخوتها وولاد لالا
سجي: تي لا ماعندهاش خوت هي راس بنيه وبوها مسافر قعدة هي وامها بروحهم هدا علاش بنمشولهم
اني: اي وتوا كلمتنا امها قالت مريضة هلبااا وهكي والله حرام غير هيا حطنا
قيس قعد يفكر تي ارفعهم شن فاها ومنها تكسب شوفتها😍: وااك قداش ماتنقو هي فيسع البسو وتعالو
اني: 😍😍يس يسس
سجي: هي لابسين حني نجيب حاجتنا ونجو😍😍
قيس: ماشي ماتعطلوش ومدلي مفتاحي وخش لي دراه بدل وساوة شعره وبخ برفانه وطلع ....✨
.
.
~
.
.
~
اني: غريبة قال باهي 😁
سجي: تي اي حتي اني مستغربه
اني: هي هي اطلعي خير مايغير رايه😂
سجي: هيا 😁!
وخدينا شنطه صغيرة حطينا فاها توتي وتوتت سجي ومعجون وفرشات وبرفان وهكي ورفعنا الماي فاي ونقالاتنا ونزلنا《طبعا هدا كله من غير مانسألو لاعمتي ولاعمي قيس قال باهي خلاص😂....✨》
.
.
.
~
.
.
~
عمي:😳وين علي خير
اني:😳اااا
سجي: بنمشو لي تسنيم صاحبتنا مريضة هلبا وماعندها حد مسكينه وكلمنا قيس قال باهي عادي نرفعكم
عمتي: مصحك شن كلمتي قيس ماعندكش ام بو انتي😡
اني:😔💔
سجي قعدت تفنص في امها متع خيرك ميرال: تي اي اي ياماما عادي خيرك انتي سألنا قيس وهو بيرفعنا😳😠
عمي: باهي خلاص برو زينه
سجي: 😍تي من الاول هكي ياحاج رعشتنا نحسابوك بتقول لا 😁
عمي: ههههههههه 😂😂😂 بري بري خير مانغير رايي
سجي: لاخلاص ماشيين 😂
وطلعت اني وسجي والقينا قيس مقعمز يستنا ولي اول مرة ماعيطش وماقالش خيركم عطلتو ولاحاجه😁
قيس: كلمتوها قلتو بنجو
سجي شبحتلي:😳لالا
قيس خبط ايده ع الدومان: امالا ماشيين تهزو في راسكم هكي علااش 😡😡 كان مالقيناهاش هي😠😠
اني: تي باهي وانت تعيط 😠ماعندها وين ماشيه
قيس شبحلي من المرايه: اسكتي انتي 😒
سجي: اوووف خلاص اسكتو تو نكلمها 😒
وكلمت ام تسنيم وقلتلها شويا وبنجوكم
.
.
.
~
.
.
.
~
امنه: امت بيعطوك خروج
فراس: غدوة😣
امنه: خيرك😳
فراس: جنبي يوجع شويا😣
امنه: خلاص ارتاح هدا مكان العملية
فراس: تعبتك معاي
امنه: ماتقولش هكي انت خوي وتوأمي مافيش تعب بيناتنا
فراس : ااااخ 😣
امنه: توجع هلبا انادي الدكتور😢
فراس: لالا خلاص مرة مرة تنخص بس
امنه؛ ماكلمتش تسنيم
فراس: فونها مقفل😔
امنه: خلاها ع راحتها توا اكيد قعدة متعفلقة من الي صارلما تهدا تكلمك
فراس: عارفها لما تتعفلق تبدا تبكي ومعش تاكل
امنه: لالا ماتفكرش هكي اكيدة خويلة مش حاتخلاها
فراس: انشالله
امنه: ارتاح انت ننزل للكافيتريا ناخد عصير ونجيك
فراس؛ باهي وديري بالك الدنيا ليل تخوف
امنه: كون مطمن
وخدت فونها وفلوس وكلمت صاحبها قاتله مع فراس وفي المستشفي مانقدرش نحكو اليوم وخدت عصير واميه وركبت
.
.
.
~
.
.
.
~
قيس: هدا الحوش
اني: اي هو
قيس: باهي وينها خل تطلع
سجي: تي شن تطلع انقولولك مريضة كلمت امها تو تفتحلنا
قيس : اوووف تعبه ع الفاضي هي انزلو😒
سجي: شنوو😒
قيس: تي انزلي النم 😠
سجي: تي باهي نزلنا 😠
وانزلت اني وسجي وقيس مشي لي وليد .....✨ فتحتلنا ام تسنيم سلمنا علاها وقلتلنا تسنيم في دارها وماتعرفش انكم جايين ركبنالها ......✨
طق طق طق طق
تسنيم: خشي ياماما مفتوح😔
خشيت اني وسجي القيناها عاطيتنا بي ضهرها ومتغطيه وغامه راسها في الورغان جينا وقعمزنا جنبها
اني: خيرها صاحبتنا من مزعلها
تسنيم حولت من راسها الورغان ولما شافتنا قعمزت وقعدت تبكي
سجي: اعلاش البكي توا هي
اني : سيمو خيرك
تسنيم: قهرني قهرني😭😭 فاعد يحبها والله الا يحبها😭😭
سجي: جعله مايولي عطيهم كيه هو الخسران
اني: انتي تسكتي خير لانه بتزيدي الطين بله 😒
ماتعدليش سيمو 😔ماتقوليش هكي هي الوقحه غالطه وهو كان مريض شن بيديرلها
تسنيم: لالا 😭😭كان يقدر يوخر 😭كان يقدر لما قالت حبيبي يقولها اني حبيبتي تسنيم😭😭 لكن هو سكت شن معناها اااه قوليلي شن معناها😭😭
سجي: ماليهاش معنه غير انه حمار وبهيم ويمشي يملح وفوتي عمه واحد زي هدا ماتمشي معاه غير الكلبة الي زيه 😠
تسنيم زادت تبكي اكتر
اني: عطيك مايرفعك تو باهي هكي 😡 مش وقته الكلام اسكتي خير 😒
سجي: امالا تبيني نسايرها ونقولها لا يحبك 😬وهو حقير يفكر في غيرها
اني: سجيي😡😡
تسنيم : اي صح هو حقير 😭😭وكلب وتافه 😭😭وكلام سجي صح
اني: الحق في الكلبه الي تهدي فيك جعلك ماسكتي😒
سجي: الرجاله كلهم هكي كدابين وخوانين😡😡 عطيهم داا يرفعهم كلهم الا وليد 👐
سجي كانت تدوي بحرقه وبجديات اني خلاص معش قدرت نفلقت ضحك وتسنيم تضحك والدمعه في عينها
اني: الا وليد صار😂😂😂😂
سجي:هكي طلعت معاي امالا تبيني نجمعه معاهم لا ياماما 😂👌
تسنيم: 😂😂😂 عن شكلك ضحكتيني
اني: ايووه ديما اضحكي وفوتي الي يبيك يجيك
تسنيم: انشالله مانفقدكم
اني وسجي: ولانفقدوك
تسنيم: كيف خلاكم قيس تجو
سجي: ماتسأليناش لانه بروحنا مش عارفين ومش مصدقين انه قال باهي
اني: اصلا اليوم مش طبيعي
تسنيم: شكلها راضيه عليه
سجي: قيس منضره منضر حب طيح سعدك
.
.
.
~
.
.
.
✨قيس ووليد في القهوة✨🍃
وليد: لنقنها استحليته فيك 😂تعبت روحك من غير ماتشوفها
قيس: تي اسكت ياراجل 😒
وليد:😂😂 ماك حمار كان كلمتها راك عرفت راسك من ساسك
قيس: تي بنكلمها شن بنقولها واني عمري ماحتكيت مع بنت ولانعرف حتي كيف ندوي معاهم
وليد: فالح غير تحتك بي ميرال ومكرها في عيشتها
قيس: تي ويبين ميرال غير
وليد: كيف غير
قيس وهو يألرقل: هكي تحسها غريبه بنت وطفله وكل شيء مع بعض تعرف مرات نبدا مكسد نمشي نتعارك معاها فاها جووو مش عادي❤
وليد: والله مافي جو الا انت
قيس:😒😒
.
.
.~
.
.
.
~
يزن : اوووف وينها بعتلها ااد ماقبلتش زعمك شافتني وعرفتني ومابتش تقبل اوووف اوووف ياميرال غير امت تبادليني نفس الشعور بس اليوم لما شفتها وهي راكبه السيارة وتهدرز مع سجي بعدين تلفتت وقعدت تشبحلي تحسابني مش شايفها لكن هدا ولد جيرانهم كيف تعيش معاه اني لازم ندير حاجه ماتجيش تقعد عايشة مع راجل غريب
وقعد هكي يكلم في روحها ويتفكر في ميرال .....✨
.
.
.
.
~
.
.
.
.
.
~
✨اني وسجي وتسنيم مقعمزين ع السرير وفاتحين نت ونهدرزو ✨
تسنيم: اوووف اكيدة راقد لانه مش اون لاين 😔
سجي: اسكتي وبالك عابيه بتكلميه😒
تسنيم:😒
سجي: شوفو وليد نزل صورة ليه هو وقيس جديدة😍 ياوخيتي طالع طررف 😍
تسنيم: ياوخيتي حتي قيس طررف😍😍😂
اني:😱😱 حي حي
تسنيم وسجي:😳خيييرك
اني: يزن بعتلي اااد 😭
سجي: خلعتيني واقبلي
اني: نقبل عينك هدا يبي بلووك وكيف بنديرله
تسنيم: تي لالا ياغبيه شوفيه وهدرزي معاه قبل شن جاك منه الولد باش اديري هكي
اني: تي شن نقبله في احلامه هدا ماناقص نهدرز مع ولد
سجي: هدا ماناقص نهدرز مع ولد😒 وقعدت تعيب فيا😂 لاقيتيه انتي طيح سعدك
تسنيم: خلاها تو تجي وحدة تاخده منك وانتي اقعدي مصي في الليلم
اني: عاجبني الليم 😒
ومابيتش لانقبله ولانرفضه خليته هكي لامعلق ولامطلق وسكرنا النت التلاته وقعدنا نهدرزو ونضحكو ونتفكرو في اياماتنا وصورنا قبل وفاتت علينا الليله كلها ضحك ولعب.....✨
.
.
.
.
~
.
.
.
~
نضنا الصبح فطرنا ومع 12جانا عمي روح بينا بدلنا وقعدنا مع عمتي في الكوجينه ونساعدو فاها
وفاتو ايامات ومافيش جديد فراس طلع من المستشفي وحاول يكلم تسنيم لكن هي ترفض وماتردش عليه امها مشتلهم مرة بعد ماروح لكن تسنيم مابتش
قيس كل يوم يفكر بيكلم تسنيم لكن فيه حاجه ترد فيه
سجي كل يوم تخش ع صفحه وليد وتتفرج ع صوره وتعليقاته مع صحابه وعلي امل انه يفكر فاها
وليد كل مايحط راسه ع المخدة تجي سجي ع باله بضحكتها وهبالها ومواقفهم ويقعد يتفكر ويضحك
سجود مستغله الفرصة وكل يوم تجي لي فراس وتحاول تتقرب منه لكن هو يصد فاها
يزن معش كلمني يشوف فيا في الجامعه وخلاص وعنده ولو بصيص امل انه انا نكلمه
اني قعدة زي قبل مافيش جديد في حياتي مافيش حد نحاف عليه ولانتفكر مواقفنا مع بعض حدي الجامعه والحوش وخلاص .....✨✨
.
.
.
.~
.
.
.
~
عيلة فراس مدايرين زي الحفله البسيطه خاطر فراس روح من المستشفي بخير 🍃🍃
.
.
~
ام تسنيم: هيا وراس بنيتي خلينا نمشو والله عيب نخلي خالتك بروحها
تسنيم: اني مانبيش ياماما بري انتي كان تبي
امها؛ من بيرفعني وبوك مسافر هيا علي خاطري والله خالتك طلبتني وتبيني نساعدها
تسنيم: عنديش نيه ياماما😣
امها: مش معطلين امت ماتبي نروحو بعدين شن غيرك زمان كنتي تنقي نقان باش تمشي لي امنه😒
تسنيم خافت امها تفتح معاها قصه فراس: باهي هيا نوضي البسي مابين ماوتيت
امها: هيا باهي
ركبت تسنيم لي دارها لقت فراس يتصل سكرت عليه وخشت دوشت ع السريع ولبست سروال جيشي ضابط وسورية بيضه دخلتها في السروال ودجاكه كحله طويله وقامت شعرها ديل حصان ودارت ميك اب بسيط ولبست وشاحها وبخت برفانها ولبست اكسسواراتاها وخدت شنطتها وفونها ومشت هي وامها ووصلو غادي خشت امها مع ام فراس وقعدت تساعد فاها وتسنيم خشت سلمت ع البنات ومن ضمنهم سجود وقعدت تساعد فيهم
تسنيم: فراس شن حاله😔
امنه: كلميه وشوفيه
تسنيم: امنه تكلمنا في الموضوع
امنه: باهي باهي خليك هكي لين تاخده سجود😒
تسنيم: هه ماهو وخداته من الاول
امنه: تو من عقلك انتي تي فراس يحبك انتي وبس ومش شايف غيرك
تسنيم: هه اني وانتي هكي نشوفو وعيونها تعبو دموع
امنه: خلاص اووس ماتبكيش 😔
تسنيم؛ بنمشي للحمام
امنه: به
خشت تسنيم للحمام مسحت دموعها وساوت روحها وهي طالعه تلاقت مع فراس
تسنيم؛😳
فراس: 😳😍حبيبتي
تسنيم: فراس حول من قدامي😠
فراس: مافيش الحمدلله ع السلامه
تسنيم؛ فراس ووخر خيرك 😢
فراس بدي يقدم اكتر: خيرها حبيبتي لاها سبوع فايتتني وماعدلتش عليا ولاسألت علي حالي
تسنيم: اسأل روحك وشوف تصرفاتك😡 ودفاته ومشت
خشت مع البنات
فراس: اووف اني لازم اليوم نصالحها لازم😣
سجود: فراس تبي حاجه
فراس: لالا لا مانبي شيء انتي اطلعي من حيااتي بس😡😠
سجود: خيرك تعيط شن درتلك اني
فراس: تي فوتي عمي النم😡 ومشي وخلاها
سجود: تو تشوف يافراس كان ماندمتكش علي كل كلمه قلتها 😬
وفات الوقت ووتو كل شيء وبدو الناس يجو مش عازمين هلبا هما اصلا وحطو الغدي وقعمزو كلهم وكانت امنه وتسنيم وسجود في الكوجينه امنه وتسنيم طلعو وسجود قعدت وتسنيم نست فونها ويوصلها مسج من فراس خدت سجود المسح وقراته
فراس《حبيبي عارفك زعلانه مني واني اسف ولو تحبيني تعالي في داري كلهم لاهيين ومش حايركزو علي خاطر حبنا تعالي نستنا فيك❤》
سجود: ههههه جو افلام ورومنسية والله ماك متهني باها ومسحت المسج وخدت رقم تسنيم وبعتتلها بنقالها 《بري شوفي حبيبك مع مني في الدار》 ومشت سجود لي دار فراس
تسنيم: حبي نسيت فوني في الكوجينه نجيبه ونجي
امنه؛ تمام
خشت تسنيم وشافت المسج قراته وهي بين تصدق ولالا وعيونها معبيات دموع تبي تركب وتشوف وخافت تركب وتشوف حاجه تكسرها وتقهرها وبعد صراع بين عقلها وقلبها جمعت قوتها وركبت .....✨
.
.
.
~
.
.
.
فراس كان مقعمز في الدار ويستنا فاها خشت سجود
فراس: حبيبي
سجود؛ عيونها
فراس:😳😳 سسجود شن اديري هني
سجود قربت منه: مش بعت مسج لي حبيبتك😌
فراس: شنوو
سجود لصقت فيه: واهي جاتك حبيبتك ❤
فراس: سجود اقلبي وجهك من الدارر😡😡 خير مانتفاهم معاك بطريقة تانيه
سجود حطت يداها ورا رقبته وقعدت تتكلم ونفسها في وجها: شن هي الطريقة 😌
فراس تخلطو عليه المواقف تفكر حبه لي سجود وتفكر تسنيم ضعف بكل وقعد مستك ويشبح لي عيون سجود وخلاص ....✨
تسنيم ركبت وصلت لي داره وهي تدعي انشالله ماتلقاش الي تفكر فيه واول مافتحت الباب القت صدمه عمرها القت حب حياتها القت حبيبها مع حبيبته القديمه ولا هو واقف وهي لاصقة فيه وحاطه يداها ورا رقبته
فراس اول ماشاف تسنيم دف سجود
فراس: تتسنيم مش هكي انتي فاهمه غلط😳
تسنيم:😡😢
سجود:😌😂
#❤