تفاااعلوووا 😍❤❤
نبي نرد على كومنتاتكم بس النت عندي ضعيييف 😭على العموم نحبكم ونحب توقعااعتكم والكومنتااات يلي قااعدة تزييد تشجع فياااا 🤤❤❤
#الحلقة_٤٦
كانوا يلي في الحوش مش فااهميين شيي ، بوهم علاش طلع ؟ ، هناء خيره صوت بكاها عااالي في المربوعة ؟؟ ، هند علااش متكنطية وقالبة الدنيا ؟؟
______________________________
تفاجئوو البنات بشوفته ، توسعت عيونهم على الاخر ، فرح زادت رجفتها وعرفت انه معش في مفر ، بدت تفتح في الباب بعصبية تحاول تفتحته تكسره بس مافيش فايدة محمد مسكره بالمفتاح كوييس
زهور توقف التفكير عندها ، الرئيس شن جابه هني ؟؟ ، وبعديييين علااش هوو مووجود مع الشبااااب ، الحيواان هدااا كييف وصل لعندهم ؟
اما لينا كانت ردة فعلها مختلفة تماااماا ماخدتش حتى فرصة تفكر هو شن جابه اصلا ، اول ماشافاته اذكرت كل شي صار معاها اخر مرة ، مشتله وهي تعيط قعدت تضرب بهستيرية ، تبي تقتللله هدااا الشي الوحيد يلي كانت تبي اديره في وقتها ، مشوا الشباب فيسع يحاولوا يبعدوها على ادم يلي يحاول يوقفها من غير ما يأذيها بس هي مستمرررة في ضربها مش مدورة الايادي يلي قاعدة تحاول توقفها
قدروا يبعدوها على ادم ولو شوية بصعووبة بااالغة ، تعيط ودموعها في عيونها : يا حيووووااااان مووت علاااش قاااعد عااايش ، شننن جااابككك هننني معااااناااا يا خرااااا كل مانمشي نلقاك هم في وجهي
يحاولوا يوقفوها يفهموها شن صاير ماافيش فايدة قاعدة مستمرة
لينا تعيط وعروقها بارزاات : عصااام ويينن قتتتلتله هااا قتلللتتته ماااهووو مش جديييد عليييك الشييي هداااا
وقفت فجأة وتذكرت حاجة في نص عياطها شافت للبنات بسرعة بوجهه احمر معبي بالدموع : هدا هدا هو نفسه ادم يلي حكالنا عليه عصام في الرسالة ؟؟!!!!!
مراد واحمد شافوا للبعض على طووول ، نسوووا قصة الرسالة نسووا انه عصام كاتبلهم انه رئيس المافيا اسمه ادم وهو ولد سايمون
زهور قربت حواجبها من بعض تحاول تتذكر : قص قصددك ؟؟؟ ، صحح صحح ايي كييف نسينااا
فرح استغلت فرصة انهم مشغولين في وجود ادم وعياط وهستيرية لينا ، بدت تتسحب لعند ماوصلت ورا محمد ، بحركة سريعة خدت المفتاح من جيبه ، رجعت مكانها بسرعة قبل مايحسوا بيها
تامر يهدي في لينا: خليه يقول ماعنده بسس اني معااك بس اعطيه فرصة تانية
لينا شافتله بوجهه مخنووق وهي تعيط : خيرك تااامر انت عاارف شن قااعد تخررط ؟؟ ، هداا ولد ساايمون عااارف ولد سايمون شن معناااه من نفسسس الطينة !!
تامر شافلها بنظرة ترجي : اعطيه فرصة وهو حيفهمك علاش هو كان هكي يدير معااانااا
لينا فقدت السيطرة على روحها : هيييي انتتت عصااام مش معروووفة اراضيييه بسببب الحيوااان هداااا فاااهم شن معنى هداااا ؟؟
تامر شافلها : من قالك عصام مش معروفة اراضيه ؟ ، عصام موجود معانا !
لينا لا إراديا وكأنه جبااال طاحت من اكتافها ، نزلوا اكتاافها ومعاهم دموعها الحارة يلي نزلت على طوول
في نفس اللحظة هادي ، فرح بكامل سرعتها فتحت الباب وطلعت وهي تجري ، انتبه عليها محمد ومشي يجري وراااها بدون حتى مايفكررر ، شافه " علي" وهو يجري لما ملقاش فرح فهمها طوول ، طللع بسسرعة وعلى طووول مشي الجيهة يلي قعدووا يجروا فيهااا
كانت تجررري وتجررري تشوف يمين ويسار وين تقدر تمشي وين تهرب، قدرت بذكاءها تلخبط الطريق واضيعهم
وقفت ورا واحد من المباني يلي موجودة في الشارع ، حطت يديها على ركابها نزلت راسها على نفس المستوى ، تحاول تتنفس دهشت هلبا من الجري ، ماحستش الا بحاجة انضربت على راسها وخلتها اطيح فاقدة الوعي
رجوع بالذاكرة ^^
""""""""""""""""""""""""""""""""""""""
مقعمزين هما الاتنين قدام خالد يلي على حسب كلامه يبيهم في موضوع
شافلهم خالد بوجهه تعبان : بنقوللكم كلام وياريت يطبق بالحرف بدوون نقاشات
رهف حاطة يد على الكرسي والتانية مسندة بيها : قول ماعندك
خالد شافلهم : نبيكم تتكلموا مع الرئيس
محمد قام حواجبه : مع من نتكلمووا قلت ؟؟
رهف بإعتراض : اني ماتحلمش حتى نتكلم معاه
بعد مرور ساعة
رهف ومحمد طالعين من غرفة خالد
رهف شافت لمحمد وهو يسكر في الغرفة وراه : مش حيخلونا نخشوا لغرفته صعبة
محمد سكر الباب ومشي خطوة ، رفع حاجبه : من قالك بنستنوهم يخلونا
رهف قربت حواجبها وبتضييق عيونها : مافهمتش
ابتسم محمد ابتسامة مش مفهومة على جنب : تعالي وراي توا تفهمي
بعد دقايق كانوا محمد ورهف طالعين من غرفة ولابسين لبس الاطباء ، حاطين كمامات بغرض انه مايعرفهم حد
رهف بضحكة خفيفة شافت لمحمد : هههه بيكشفونا راه
محمد تلفتلها : بحركاتك هادي حتخليهم يكشفونا امشي وراي وانتي ساكتة
مشت رهف وراه وهي تتأفئف ، يمشوا بخطوات هادية لعند ماوصلوا لغرفة رئيس المافيا ، شافوا قدامهم لقوا الدكتور قاعد ، وقفوا بعيد على الغرفة يستنوه امتى بيطلع
رهف شافت لمحمد وبهمس : خايفة ننكشفوووا
محمد فنص فيها وبهمس : تيي اسكتتتي وترتيني ، كان حد تكلم معاك عندك البطاقة الشخصية خنبتها من وحدة من الدكتورات
رهف حطت يدها على وجهها بخووف ، بعدها ضربت محمد على كتفه بالقوة : بتوديناااا في دااهية
شافت للبطاقة يلي حاطها على جنب في البالطو : لا والثقة واخد بطاقة الدكتووور ...
سكتها محمد لما شاف الدكتور طلع من غرفة الرئيس وسكر باب الغرفة وراه
شاف يمين ويسار يتأكد بعدم وجود حد في الممر ، مرت ثواني وهو يتجول بعيونه على المكان بش يتأكد بعدم وجود اي حد
مشي محمد بخطوات سريعة ووراه رهف الخايفة لعند ماوصلووا قدام الغرفة ، تجمدوا مكانهم هما الاثنين لما سمعوا صوت الممرض وراهم
الممرض بصوت مرحب : كيف حالك دكتور مصعب
بردة فعل سريعة خش محمد للغرفة على انه ماسمعاش وخشت رهف وراه
وقف الممرض بإستغراب علاش الدكتور ماردش عليه ؟ ، فات الموضوع على اعتبار انه الدكتور كان مش منتبه ، مشي كمل طريقه عادي من غير مايحس ان في حاجة غريبة صارت
اما رهف اول ماخشت ورا محمد سكرت الباب بالقفل بسسرعة وهي حاطة يدها على قلبها
رهف وهي حاطة يدها على قلبها : قلبببي طااااح
محمد شافلها وحط يدها على وجهه ومسحه : اففففف قريب مشينا فيها
سمعوا صوت وراهم يتكلم من بين سنونه : ششن اديرووا هنننني؟؟ برااااا
مشي محمد فيسع وحط يده على فم رئيس المافيا بيسكته صوته العالي بيفضحهم
رهف بديهيا لما شافت ان الزجاج حيبين كل شي مشت وغطاته بالستارة بحركة سريعة
محمد من بين سنونه وبعصبية : اسسكتتت
وهو حاط يده يسكت فيه عضه الرئيس بالقوووة خلت محمد يوخرر وهو شاد يديه بألم
الرئيس يعيط بعرووق بارزة : اطلعووووا برااا وجووهكممم مااانبييش نشوووفهااااا
رهف شافت لعيونه بتفنيص : طلووع مشش طااالعينن ، يا بتسكت برضاااك يا هداا يسكتك
قالت كلامها وهي تأشرله على جهاز الصدمات الكهربائية
الرئيس ولا كأنه رهف قالت اي شي بدي ينادي في الممرضين بصوت عالي
محمد خدي الشرشاف وحط على فمه وبكل قوته حطه بش يسكت : اسمعنا شن بنقولولك من غير جوو مفرخ
رهف شافتله وهي تحرك في الجهاز متع الصدمات في ايديها بإستفزاز : محمد خليييه يدير جو المفرخ خلي نلعبوا مع بعض
الرئيس غمض عيونه ببطئ وهو متكنطي من الحالة يلي وصلها ، اشر لمحمد بيده يوقف بهدوء
حول محمد الشرشاف بحذر ، يعني لو اي صوت تاني حيطلع من الرئيس بيرجع الشرشاف بسسرعة
فتح الرئيس عيونه ببطئ ممزوج بتعب واضح ، بتكشيرة وجهه تكلم : شن تبوا ؟؟؟
محمد شافله بنظره كرهه ، وبكل هدوء : بنتكلموا وبنتناقشوا مع بعض ياريت ماديرلناش فضايح
شافتله رهف بإستفزاز : هههه ولوو بيدير فضايح عارف شن بنديرلك صحح ولااا
قالت كلامها وهي تقرب في جهاز الصدمات عليه بإبتسامة مستفزة
غمض الرئيس عيونه وهو وااالع لو كان في حالته الصحية الطبيعية راه ماتجرئش حد فيهم يتخطى حدوده معااه ، يبي ينوض يضربهم يشدهم من رقبتهم من حركاتهم وكلامهم يلي اقل شي ممكن ينقاله مستفزززز
الرئيس شاف لرهف بنظرة معبية كرهه : هيااااا قولووا يلي عندكم !!!
.................................
قدام باب المستشفى كانت رورو خاشة بخطوات سريعة حايسة في روحها تقبل يمين ويسار ، اول ماشافت ممرضة قدامها شدتها من لبستها
رورو بصوت عالي : خلووودة ويييين
الممرضة حطت يدها على قلبها من خلعتها : خيرك يا اختي شن في !
رورو غمضت عيونها ورجعت تهز فيها : خلوودة عندكم هننني وييينه ، اكيييد خنبتييه منني نعرفكممم يا خنااابااات
الممرضة شافتلها بشفقة تسحابه حد ماتلها : لا حول لله قعمزي وخيتي استهدي بالله وقوليلي شن اسمه بالكامل بش نرفعك ليه
رورو تتأفئف : اسمه خلوودة قلناا
الممرضة بإستغراب : اي شن اسمه الكامل اختي ؟
بعد محاولات من فهم الممرضة شن تبي رورو بزبط ومن يكون خلودة ؟ ، قدرت انها توصل رورو لغرفة خالد
رورو شافت من الزجاج لقاته خالد تكلمت بفرحة : حييي خلوودة هدااا
الممرضة بإبتسامة : تقدري تخش....
من قبل ماتكمل كلامها لقت رورو خشت غرفة خالد زي المداهمة
رورو بصوت عالي على اساس حزين : واععععع خلووودة من دااارلككك هكككي
فتح خالد عيونه بخلعة قاعد مش مستوعب شن هو المخلوق يلي قدامه
لوحت شنطتها وطاحت عليه تبكي دروحها : وااااعععع ماخلوو فييككك شيي كييف بنتزوجووا تواااا
خالد اول ماطاحت عليه رورو الروح طلعت منه ، زاد توجع اكتر من انه متووجع
خالد بصوت متألم وعالي : حووللييي بعيييد علياااا ااااه بطنني
رورو قاعدة تتبكى وتخبط فيه : خلوودة وجعتني هلباا واااععععع كيف بناخدك هككككي
خالد بدي التنفس يهرب كسرتله جسمه ، حس الجروح تحركت بدي يعيط : تيييي حووولي بتقتليييني
حولت رورو من عليه وهي تمسح في القرف يلي طلع من خشمها بيدها : واععععععع من داارلك هككي توووا نقعمز عليه نقتله
خالد معش عرف من وين يلقاها من الوجع يلي زادت حركاته عليه ولا من صوت بكاها يلي يهجج بلاد
رورو واقفة في نص الغرفة وهي تبكي بإزعاج : واعععععع تسخففف منظرككك
خشوا الممريضين يتاجروا للغرفة بعد ماسمعوا صوت رورو
الممرض بخوف : شن فييي شننن فيييي
مشي لخالد بسرعة يشوفه ، يفحص فيه خايفه يكون حالته صارت فيها حاجة ، جاته رورو شداته من البالطو من تالي وطلعاته وهي تبكي
رورو تمسح في خشمها : خيركمممم هااادي اننني نبببكي ولااا اول مرة تسمع بكية رقيقة و حساسة
الممرض انقرف منها وهي تمسح في خشمها وهو قاعد بيتكلم سكرت رورو في وجهه الباب هو و الممرض يلي معاه
رورو رجعت لخالد يلي غمض عيونه من الالم يلي صارله : شكلهم حسدوك على بكيتي هعهههخخ
خالد فتح عيونه بتعب وااضح : اطلعي برااا توااا
رورو قعمزت في الكرسي يلي جنبه : ماتخافش حتى كان بحالتك هادي راضية بيك
هزت راسها اطمن فيه : متخافش خلودة متخافش
خالد استفزاته كيف تتكلم : اطللللعي برااااا مششش ناااقصكك
خدت رورو شنطتها : هعهعهههخههخ حتى وانت مريض عصبي خلودة
خالد وصلت معاه وخصوصا الوجع بدي يزيد : برااااااا
........................................
خدي محمد كرسي وقرب على سرير الرئيس وتكلم بجدية : من غير مانطولها لا عليك ولا علينا لينا شن درتلها !!؟
الرئيس بنظرة باردة : مانعرفش وينها اصلا
قام محمد حاجبه : بالله عليك امالا من هو يلي كانت عنده ؟؟
الرئيس تكلم بطريقة مستفزة : قتلك مانعرفشش وينهاااا ماتفهمش انت
محمد كتف يديه وهو بيطربق : ههه صدقتك
وقال بطريقة هازية : يا رئيسسس
وشد على حرف السين لما قالها
الرئيس شافله بإستحقار وماردش عليه
رهف كانت طريقة كلام الرئيس معاهم مستفزتها على الاخررر ، مشت وشداته من رقبته من غير ماتحس بروحها : شن درنااالككك شننن درناا معاااككك حننني ؟؟ علااش هككي اديررر فينااا
محمد قعد يفك في رهف بصعوبة ، كانت مش حاسة بيلي ادير فيه
محمد بعصبية : رهف مشش هكي حنني جايين مش بش هكي نديرووا
فكت ادم بعيون تغلي اعطاته نظرة كرهه
الرئيس غمض عيونه يبي صحته مش قادر يتحمل هدا كله يصير معاه ومش قادر حتى يدافع على نفسه
فتح عيونه وشافلهم بعيون حمرااا تكلم بعصبية : مصح وجهك انتي وياه مزال تسألي شن درنالك حنني ؟؟؟؟ ، بسببك انتي وغيرك من الرواد الكلاب كانت امي الضحية
رهف قربت منه بتضربه بس محمد شدها بسرعة : شننن قاااعد تخرررط شننن اممك شنن دخلناا بيهااا امكككك حننني
محمد فنص في رهف : اسكتتتي بتفضحييي بينااااا
الرئيس فنص فيهم و واضح انه معش قادر يتحمل : خلووني برووحي براا يا كلاااب
رهف بكرهه كبيير ، شدت يديها بغيظ : كلاااب في عيننك
محمد شافله وهو قايم حواجبه : ممكن نفهم امك شن جابها في هدا كله ؟؟
ضحك الرئيس بألم : هههههه لا يا براءة انت
محمد قرب منه بعصبية : مانلعبش معااك انني امك شن دخلهاااا ؟؟؟؟
الرئيس فتح عيونه على كبرهم وهو يتكلم من بين سنونه : قتلتووهااا !!! قتلتووووووهاااااااااا تبي تعرف امي شننن دخلهاااا قتلتوووهاااا ، ا قت للل تووو هااااااا
صارت لرئيس زي الهستيرية معش وقف على نفس الكلمة" قتلتوها " شافوا رهف ومحمد لبعض بصدمة لما شافوا دموعه قاعدة تنزل وهو يعيط بنفس الكلمة
محمد مشاله وشده من كتافه يهدي فيه صوته بيخلي الدكاترة تجيي : وقففف خلااص فهمت فهمتتت
سمعوا صوت باب الغرفة يطق ، شافت رهف لمحمد وحطت يدها على قلبها
محمد يوقف في الرئيس يلي معش سكت لتوااا
مشت رهف بخطوات مهزوزة لعند الباب وبصوت حاولت قدر الامكان تخليه واثق : مانبوش ازعاج الدكتور بيشوف شغله
الممرضة بصوت مستغرب : الدكتور داخل ؟؟
رهف معش عرفت شن بتقول : بتدخلي في امور الدكاترة انتي بري شوفي شغلك
الممرضة بصوت مُحرج : متأسفة على الازعاج
اول ماسمعت رهف صوت خطوات الممرضة بعدت نزلوا اكتافها براحة
محمد ماكنش بأيده الا انه يضرب الرئيس كف بش يرجع طبيعي ، قام ايده واعطى الرئيس كف قووي على وجهه خلاه يحس بروحه
محمد شافله بتأسف : ماكنش بأيدي الا ان هكي ندير متأسف
"""""""""""""""""""""""""""""""""""""""""""
درست سيارة محمد قدام الحوش ، وبنظرة سريعة لشارعهم يطمن من الوضع ، اول ما طمن شاف ل " علي " وهز راسه ، شافله" علي" ومن بعدها خدي فرح وقامها هو ومحمد يلي جي يساعدة في انهم يشيلوها لداخل
خش لداخل لقاهم كلهم يشوفولهم وهما مدخلين فرح
خش محمد وعلي دخلوا فرح وحطوها على الكنبة ، شاف محمد للكل واشرلهم على فرح : حاولت تهرب لكن ربك ستر
زهور حطت يديها على وجهها وقعمزت للحظات وشافتلهم : خلوني بروحي معش نقدر نتحمل اكتر من هكي
ناضت من مكانها وملامح وجهها متلخبطة كتروا عليها الصدمات والخيبات
شافت لتامر وتكلمت بهدوء : اعطيني اي غرفة نخش نرتاح فيها لو سمحت
ناض تامر معاها وركبوا الدروج مع بعض لوحدة من الديار
خشت زهور وعلى طوول حطت راسها على المخدة
اما لينا يلي راسها وجعها تعبت وتلخبطت وكل شي انقلب عندها ركبت لدروج بخطوات تايهة ، لعند مالقت روحها قدام باب الحمام خشت وسكراته وراها ، لا شعوريا لقت روحها فاتحة شيشمة الدوش ومقعمزة تحتها بالملابس يلي عليها ، دموعها بدووا ينزلوا مع المية يلي قاعدة تصب عليها
اما لوطة في الصالة
قعمز ادم على الكنبة وهو يشوف لفرح بكرهه : باهي يلي لحقتوا عليهاا
تامر مسح على شعره : كيف بيقتنعووا بحالتهم هاادي ؟
شافوا الشباب لبعض وكل واحد في مية تساؤل في راسه ، من بعدها شافوا لفرح يلي كانت ملوحة على الكنبة وهي فاقدة وعيها
............................................
بعد مرور ساعات
هناء قاعدة تبكي في مربوعتهم واكلهااا الندم على يلي داراته ، كل مايجي حد من عيلتها يبي يكلمها او يفهم منها خيرها تلزه واطلعه برا ، تمشي يمين ويسار شادة يديها قريب من قلبها تبكي تهز في روحها توتر خوف ندم كل شعور سئ كان جايها في هادي اللحظة
ماحستش الا ب هند خاشة بكل عصبية ومسكرة الباب وراها
هند حركت ملامحها بعصبية وهي حطة صبعها مقابل وجهه هناء : من بكري نحاول نفهم علاش دخلتي مراد واحمد مافيش جواب مقنع يجييني ، هناااء نبي نعرف حاجة وحدة بس مراد يستاهل يلي درتيه فيه ؟؟؟
شافتلها هناء بفك يرجف ووجهه متأثر ، مش قادرة ادافع على نفسها ب ولا شي
هند بنفس العصبية : اننني نجااوب علييك طبعااا لاا ، انتتي وحدة حقييرة ومااتهمكش الا مصلحتتتك مصلحتتككك وبسسس هدا يلي قدرت نوصله !!!!
كانت هناء تسمع في كلام هند وتحس فيه زي السكاكيين في قلبهاا ، مع كل كلمة تطلع من هند قاعد جرح قلبها يزيد ويزييد
هناء تكلمت بتأثر وقلب مجروح : حتى لو فهمتك وجهة نظري مش حتفهميني
هند شافتلها بهزوة وكتفت يديها : ههه قلتيلي وجهة نظررر ؟؟؟؟ ، شن وجهة النظر يلي تخليك تخربي حياة شخصين كانوا يحاولوا يساعدوك بسس ؟؟
هناء جاية بتتكلم تشرح توضح ، بس قص عليها صوت السيارة يلي صوتها واضح انها تجري ، وقفت قدام الحوش
شافوا هند وهناء لبعضهم بسرعة كل شي وقف عندهم ، لما سمعوا صوت خطواته وهو خاش ، وصوت خطواته تخوف ، فتح الباب وهو متكنننطيييي
سكر الباب وراه بكككككل قوووته ، صوت تسكيرته خلى الحوش كله يهتز مع بعض ، العيلة كانوا في الداخل خايفين ومش قادرين ينطقوا بكلمة ، عمر مايبي حد يدخل حالياا
هناء وهند بلعوا ريقهم وهما يشوفوا فيه خاش للمربوعة بوجهه يخووف ، خش وسكر باب المربوعة بالقوة وقعمز مقابلهم
عمر بوجهه معبي غل : الاخ طلع عنده جرايم تاااااانية!!!
هناء حاولت ادير روحها مصدومة على قد ماتقدر : كيف عمي ؟
عمر بعصبية مغطية عيونه : داير جريمة هكي كبرهااااا وماااشي هاارب هو وخوووه الكلللب ،لكننن ويييين بيهرررب مننني تييي اقسسسم بالله وراه ورااااه لعند مانجيب نهايته هو وخوه
طلع عمر تليفونه من جيبه بعصبية وهو يضغط على ارقام ، شافلهم مرة تانية : حقكم ناخدهولكم بأيدي مداامني قااعد نتنفسس مااتخاافوش بنااتي والله ماحد يقدر يمس شعرة فيكم واني موجود
ناض وهو يكلم في شخص ، طلع من المربوعة ، ومن خلال كلامه فهمووا انه يكلم في جماعة يدوروله مراد واحمد
هند شافت لهناء بحقد : كللله منكككك هااا شوووفي نتاايج يلي درتيييه
هناء تحاول تخلي روحها قوية : هند هما توا مهنااااااش مستحيييل يلقاااهم هماا في عصر تاااني اصلاااا
هند ضحكت بهزوة : هههه اييي باااه ديمااا بيقعدووا غااادي ؟؟ ،هماا مشش بيرجعووا لحيااتهم الطبيعية ولااا اني غااالطة ؟؟
بلعت ريقها بخوف : هند تتفكري لما قلتيلي نقدروا نرجعوا بالزمن ونصلحوا كل شي
هند بتضييق عيون : وباااه ؟؟
هناء تلعب بإيديها بتوتر : لو رجعنا للألة نديروا هكي ، نرجعوا بالزمن ونصلحوا هدا كله
هند قامت حواجبها : شكلك نسيتي شن قلتيلي ، مش قلتي مايجيش ومش عارفة شني !!!!
هناء قامت حاجبها وتبدلوا ملامحها فجأة : نخترقوا القوانين عاادي !!
شافتلها هند ببرود ورجعت راسها على الكرسي وهي تفكر في كلام هناء
يتبع ...................................
توقااعتكم يا حلويييين ؟؟ 🤔🤔
رايكم ❤
تصويت ❤
كومنت ❤
بقلم وصال الحمحوم wesal_elhamhoum ❤