#سايمون
#الحلقة١٢
هند شافت ل زهور : انتي حقا شن عرفك في هدا كله مواليد قداش انتي ؟؟
هناء : ايي صح مواليد قداش ؟
زهور : ٣٠٠٠
نصدمووووو : نعمممممم؟؟؟؟
زهور : اي ٣٠٠٠
هناء : ههه وماشاء الله عارفة المعلومات هادي كلها تي اني كان تقوليلي السنة يلي فاتت شن صار نقولك نسيت
زهور ضحكت: كان تنسي مشكلتك هادي
هناء : مش وقت برادتك
زهور : حني في الزمن يلي فيه اجباري المعلومات هادي يعرفها كل شخص وطبعا مش المعلومات هادي بس هلباا حاجات بتصير في السنوات الجاية يلي هي مستقبلكم ،طبعا لازم كل حد يفهمها ويعرفها
هند : ايي عادي حتى حني في المدراس يعطو فينا كل شي صار في السنين والقرون يلي فاتت في التاريخ
زهور : ايي نعرف لكن انتو تعليمكم مش قويي ومزال اساليبكم مش متقدمة
في هادي اللحظة خشت عليهم فرح بهلبااا اكياس
هند بفرحة،زي الصغار : حيييي هلباااا اكياس
ومشتلها تجري وطبعا لحقوها البنات بفرحة
زهور بجوع : هاااتي هاتتي الله ريحة ماكلة
بدت تشم في الاكياس وتبوس في السندوتشات
زهور : انتو اكتر شي نحبه ، ورجعت تاكل
هناء تشوفلها وتبي تضحك على تصرفاتها العبيطة : بعقلك انتي شن تبوسي نبي نفهم
زهور وكالعادة تتكلم وفمها معبي ماكلة : ايي بعقلي نحببب الماكلة شن دخلك انتتي
هند متقرفة منها : بااااهي كولي واسكتي بسس
هناء وهند بدو ياكلو مع فرح يلي كانت تعبانة من الدوران من محل ل محل
بعد ماكملو ماكلتهم
زهور بطنها خلاااص تعبت من الماكلة : واااع بطننني معش نقدر نتحمل
شافتلها فرح : قتلك ماتكتريش ولااا
هنااء تتفرج على الكياس لكن لتوا مافهمتش علاش فرح جايبة لبس متع ولاد : فرح شكلك اتلخبطي مع اكياس حد تاني
فرح : كيف ؟
هناء قامت تيشرت شبابي : شوفي ها
فرح ابتسمت : لالا مش متلخبطة اني هكي قاصدة
هناء قربت حواجبها من بعض : علااش ؟
فرح سندت ضهرها على الحيط : لانكم مش حتطلعو الا وانتو لابسين هكي
كلهم بصوت واحد : شنوووو
فرح غمضت عيونها وابتسمت : يلي سمعتوه
YOU ARE READING
سايمون Simon (رواية ليبية )
Fantasyلما تنوض من نومك وتلقى كل شي في حياتك تغير جذريا ، ولما تلقى ناس من عصور مختلفة معاك وجايين كلهم بنفس طريقتك يلي جيت بيها ، كيف بتتصرف بش ترجع لعصرك وحياتك الطبيعية ؟ !! خيال +اكشن رواية باللهجة الليبية نتمنى تعجبكم ❤ #سايمون بِقلم : wesal_elhamh...
