#الحلقة الاولى
بنت تنوض من النوم وتلقى روحها في كهف مظلم في شوية ضي طالع من برا
ناضت بخطوات هادية طلعت برا شافت لسماء مايلة للأحمر استغربت خيره هكي لونها ؟
شافت طيور كبيييرة ف سماء صوتها بروحها كفيل انه يرعبك ! خافت وشدت على يديها من الخوف والدموع معبية عيونها
اني وين شن ندير هني خيرها لبستي متغيرة ؟
اهلي وين حوشنا وين شن جابني هني ؟اكيد اني نحلم ! كل شي ملخبط مش فاهمة شي نبي حد يفهمني !!
وبدوون سابق انذار يجي طير كبييير ويشدها من حوايجها ويطير بيها بعييييد
.........بِقلم وصال الحمحوم
ف مكان تاني او تقدرو تقولو ف زمن تاني !!
احمد :توا كيف بنديرو ف الورطة هادي قووولي يا مراد البنت ماليهاش ذنب ادخلها في اخترعاتك الفاشلة
مراد وبكل عصبية ومايبيش يبين روحه خايف :انت مادخلكش اني عارف شن ندير !
احمد شافله وتنفس بكل قوته وطلع متعصب ومتنرفز من تصرفات خوه !
مراد متعصب وناادم ع تصرفه يلي مش مدروس كويس ناض يخبط ويلوح وهو قاعد يخبط دار كارثة ما كانتش في الحسبان !!
مراد : لاااااااا
قاعد يحاول يصلح الكارثة يلي دارها لكن تقريبا مافيش فايدة !
(رواية وصال الحمحوم )
........
يطيررر بيها الطير وبسرعة لوحها ف مكان وطار
اغمى عليها من قوة الطيحة
ناضت بعد وقت
:اه راسي يوجع فيا اني وين
شافت منظر ماكنتش متوقعة انها في حياتها بتشوفه لا مستحييل لا مستحيل يلي نشوف فيه يارب نكون في حلم يارب قعدت تبكي وترعش لعند ما اغمى عليها مرة تانية
......
في مكان كان قريب من بطلتنا
كان في مجموعة من بنات وولاد يتناقشو
زهور :شن بيصير فينا توا ؟
خالد : توا لينا قداش على هدا الحال لأمتى بنقعدوا هكي شكله مافيش حل
هناء : تفائل مرات تصير معجزة !
تامر من بعيد شوية شاف لهناء وقعد يضحك بأستهزاء : صار معجزة قلتيلي ؟
هناء بإحباط نزلت راسها : نتفائل ع اساس
........بِقلم وصال الحمحوم
ناضت وتفاجئت انه مش حلم
قعدت تبكي بصوت عالي وتعيط وخايفة من المنظر يلي قدامها يلي كان عبارة عن هياكل عظمية وبالأف !!
وبصوت عالي :قصدكم اني بنموت هكي خلااااص هادي نهايتي لاااا مانبيش انموت هكيييي لااااا مانبيييش وين عيلتي وين اني مانبيش نموت
وهي قاعدة تعيط وتبكي بأعلى صوتها
ضربتها حاجة على راسها وطاحت
......(رواية وصال الحمحوم )
زهور : لينا وعصام وين ؟
فرح : صح وينهم ؟
YOU ARE READING
سايمون Simon (رواية ليبية )
Fantasyلما تنوض من نومك وتلقى كل شي في حياتك تغير جذريا ، ولما تلقى ناس من عصور مختلفة معاك وجايين كلهم بنفس طريقتك يلي جيت بيها ، كيف بتتصرف بش ترجع لعصرك وحياتك الطبيعية ؟ !! خيال +اكشن رواية باللهجة الليبية نتمنى تعجبكم ❤ #سايمون بِقلم : wesal_elhamh...
