تفااعلواا وصوتواا 😥❤
#سايمون
#الحلقة_٢٤
علي" شد على شعره خلاااص تعببب ، شن هدا يلي قاااعد يصييير يااارب
.............................
تامر ناض من مكانه : خيرك ماقتليش من لما نراقب فييه ؟؟؟
خالد : مش وقته الكلام هدا يا تاامر
تامر شافله : اماالا امتى وقتته ؟
محمد ناض وهو عيونه حُمر : مششش وقتتك ياا تاامر تواااا ، قوولي شن شفت لما راقبتها ؟؟
تامر رجع لمكانه وعرف ان كلامه مش وقته توا ، حكالهم كل شي صار من لما راقبها قاللهم على السيارة السودا والشنطة يلي طلعتها والدوشة يلي صارت ، حكالهم كل شي
محمد شد راسه بقوة وشاف لخالد : يعننننننني هي نفسها السياارة يلي شفنااهاا ؟؟؟
خالد ناض من مكانه : اي الواضح انها نفس السيارة ، ومعنااها يلي في الشنطة هو العيل الصغير
تامر انخلع : اييي صح كيف مافكرتش فيهاااا ، معنااهااا بووك ويلي معاه هما يلي خنبوا العيل الصغيير
محمد يشوف للفراغ وعيونه حُمّر : يا خوفي نطلع اني هو العيل الصغير يلي خطفوه
خالد قرب حواجبه من بعض : كييف ؟؟
محمد قام جاكيته : بوي طلع اخطر من توقعي اخطررر
تامر تنهد : توا شن بنديروا ؟
محمد وقف قدام باب الحوش : بنمشي لمصراتة وانتوا كملوا مراقبة
خالد بتسأول: شن عندك فيها مصراتة ؟؟
محمد يفتح في الباب : توا تفهم مرة تانية توا بنمشي
تامر : بنمشي معاك
محمد اشرله يقعد : اقعد توا نمشي بروحي
خالد ناض : رجلنا على رجلك
محمد معش يبي يتكلم : تبوا تمشوا هيا معاي
ناضوا الشباب مع محمد بيمشوا معاه يخافوا يخلوه يمشي بروحه ، بيمشوا ومش عارفين محمد بشني يفكر او علاش بيمشي غادي اساساا
............................
كانت محطوطة على السرير اثار دموعها قاعدات على خدها ، يشوفلها "علي" بشفقة على حالها ، يسأل في نفسه هما علاش قاعد يصير معاهم هكي ، ااااه باهي لأمتى يا "علي" بتقعد هكي لأمتى ، لازم نحط حد للموضوع هدا ، لا اني ولا اي حد من الرواد يستاهل يلي قاعد يصير معاه
شاف لرهف شوية وفي خاطره ، ماتستاهليش يلي قاعد يصير معاك ، سأل نفسه نبي نعرف ساايمون علااش هدا كله دايره فيناا حني شن ذنبناا ؟؟؟، شن بيستفيد من هدا كله ، انت انسان مريض يا ساايمون مرييييض ، توصل بيك الحقارة تضحي بحياة ناس زينا بش تشوف نتايج اختِراعاتك يلي مش معرووف ناجحة او فاشلة !!! ، خلاااص لازم نتلاقى مع الرواد يلي موجودين هني ونتفاهم معاهم ، لااازم نوقفهم
أنت تقرأ
سايمون Simon (رواية ليبية )
Fantasyلما تنوض من نومك وتلقى كل شي في حياتك تغير جذريا ، ولما تلقى ناس من عصور مختلفة معاك وجايين كلهم بنفس طريقتك يلي جيت بيها ، كيف بتتصرف بش ترجع لعصرك وحياتك الطبيعية ؟ !! خيال +اكشن رواية باللهجة الليبية نتمنى تعجبكم ❤ #سايمون بِقلم : wesal_elhamh...