#سايمون
#حلقة٩
هند تجري تجري وتحمست في اللعب
من قوة جريها طاحت على واحد من اجهزة التحكم !!!!
فرح : لاااااااا
زهور وهناء وقفو لعبهم فجاءة وفتحوو عيونهم على كبرهم
هند انصعقت من يلي صار : لاااااا ياااربي لااا
.............
تامر : شن رايكم نمشو نشرو لبس بش نبدو من غدوا
محمد ناعس : خليها غدوا انوضو بكري ونشرو
خالد بأعتراض على محمد : لالا نشرو توا
بش نبدو من الصبح
محمد وكأنه اذكر حاجة : حقا انتو لبنات من بكري بروحهم راه
تامر : استنى اني مبكري مزعل زهور خلي نشريلها حاجة نرضيها ونروحو
خالد يضحك عليه : يا حنين انت
محمد : ماشاء الله طلعت تعرف ترضي
واني تعطي فيا على راسي وحتى اسف مافيش
تامر مشي وخلاهم يتهزو عليه
تامر وصل لواحد من محلات الملابس وخشله
لحقوه محمد وخالد
خدو ملابس ليهم وطلعو
خالد شاف لمحمد : توا بنرضو زهور يامحمد
محمد على اساس يسخف : تامر اعتبرني زهور واشريلي ايي شي
تامر شافله : مش طالع عليك الجو
خالد يضحك : ايي يطلع على زهور
تامر حط يديه في جيوبه وخلاهم وراه : مبردكم
تامر شري اسوارة لي زهور
مع ضحك وتعليقات محمد وخالد عليه
ومشو راجعين لانهم خلاص تاعبين ونعسانين
طبعا مايعرفوش المصيبة يلي مستنيتهم !
..........بقلم وصال الحمحوم
اول ما وصلو لولاد لمكان الالة يلي كانت من المفترض تكون في لمكان هدا لانه من اول ما وصلو كانت هني
لكن مع كل الاسف كانت الالة بحح مهناش !!!
تامر ومحمد وخالد بنفس الصدمة شافو لبعض
وبصوت واحد : وينهااا ؟؟؟
......
فرح بتوتر وخوف كبييير قاعدة تحاول توقف الالة بحسب خبرتها البسيطة
كانو لبنات كلهم يبكو من الكارثة يلي انحطو فيها
فرح بعيااط وهي متوترة : تييي اسكتتتتووو معش تزيدو توتروني
هناء بتوسل لفرح وهي وجهها احمر من البكي : بالله عليك فرح حاولي ترجعينا
فرح قاعدة تحاول وتحاول لكن مافيش فايدة
خلاص فرح فقدت الامل نزلت على ركبتها وبدت تبكي وتشهق من البكي
YOU ARE READING
سايمون Simon (رواية ليبية )
Fantasyلما تنوض من نومك وتلقى كل شي في حياتك تغير جذريا ، ولما تلقى ناس من عصور مختلفة معاك وجايين كلهم بنفس طريقتك يلي جيت بيها ، كيف بتتصرف بش ترجع لعصرك وحياتك الطبيعية ؟ !! خيال +اكشن رواية باللهجة الليبية نتمنى تعجبكم ❤ #سايمون بِقلم : wesal_elhamh...
