عن كمية الاحباااط الكببير يلي نحسه لما مانلقيش تعليقاتكم او تصويتاتكم على البارت 😭😭
تعبتولي نفسيتي علقووا قولولي رايكم اي شي 🥺
شكرا للبنات يلي يعلقووا ويعطووا في رايهم I love you بجددد ❤
ويلي مايعلقوش علقوا وروني كومنتاتكم ❤
#الحلقة_٣٩
____________________________
وما كملش خالد كلامه الا وشاف رجل الديناصور قدام وجهه
هنننني ، راااحت الالووان من وجهه خاالد وتاامر وجههم شحب مرررة وحدددة قعدووا زييي الاصنااام جاامديين وااقفييين معش عارفين حتى كيف يتحركوا ، عيونهم مفتوحة على كبرهاااااا رجللل الديناصوور قدااام وجههم بزززبط ، التفكير وقفففف كلل شي وقف في لحظتها
الدنيا مقلوبة الديناصورات هدمت كللللل شيييي ، الوااضح انه في عركة بين الديناصورات صايرة هني ، لانه الدم في كلللل مكاااان الدم وبكمياات كبببييييرة
كللل شيييي قااعد يهتتتز كللل شي قاعد يدمر قدامهم ، وهما واخدين وضعية الاصنام ماافيش ايي حل تااني غمضواا عيوونهم واستسلموا للموت ، وجههم كلله عرررق ، لبسهم تعبى بالعررق بديي كلله مييية من الخوف
سمعوا صوت حاجة قووووية تحركت قدامهم فتحوا عيونهم ببطئ وهما يرجفوا بجسمهم كللله ، لقوا الديناصور بضخامته وجهه قداااام وجههم بزببببط انفااسه كااانت زي النار على وجوهم منظره كااان مرررررعب عيووونه الكبااار الضخمااات قدااامهم خشمممه وفتحاته الكبااار يلي قاعدات يحرقوا فيهم قدامهممم فمه الكبببيير يلي بياااكلهم قدااام وجههم ، هننننني التنفسسس هرررررب كلل شييي هررب الحواااس وقفت معش يسمعوا معش يشوفوا
خالد عارق ومش قادر حتى يتنفس شعره نازل عليه من كمية العرق يلي صارتله فكه يرجف ، بيمووت خلااص بيمووت
وفي لحظة وحدددة بسسس تامر شد خالد بسسسسسسررررررعة وجررررري بيييه للكهف بدووو يجروووا بأقصى سرعة عننندهم يجروووا ويجروووا ، وهما يجروا قعد الديناصور يجري ورااهم كان حجمهم صغييييييير جنب حجم الديناصور يلي قاعد يمشي وراهم ويجرري وصوووته العاالي والغلييييظ قاااعد يسبب في الخوف والرهبببببة
وهماا قريبب يوصلووا قداام الكهف عثر تامر حاول خالد يساعده بش ينوض بسرعة بسس فات الاوان ، في ديناصور شد تامر قبل مايلاحظوه في الدوووشة والتلخببيييط يلي صاااير ، خالد بدي يعيط وهو يرجحف شننن بييدييير ، تاامر شااده الديناصوور واننني الديناصور التااني بيوصل فيااا ، في لحظة هاادي خالد عرف انه خسسر كللل شييي ، خلاااص الديناصور قريب منه خلاااص هوو انتهييييي ، غمض عيونه وهو يرجف مع بعضه ، يستنى امتى بيقضي علييه ، وهو مغمض عيونه في حاجة شداته بسسسرعة ودخلاته للكهف في نفس اللحظة يلي وصل فيها الديناصور قدامه
خالد فتح عيونه بشوية وهو قاعد يرجف ، شاف ليده لجسمه يشوف ليديه برجفة وهو مشش مصددق اننني قااعد عااايش يعننني ماامتتتش ، قام عيونه بسرعة لشخص يلي دخله كان متوقع انه يكون تامر ، بس اول ماشاف لشي يلي دخله انصصصدددم وعرررف ان نهااايته هكي ولاا هككككي بتصيييير ، في لحظات اتضحت عنده الرؤية استجمع شوية القوة يلي قاعدة عنده ، ونفذ بجلللللده بسسسسسرررعة وطلللع منن الككهفففف ، يلي دخله للكهف كاان نوع من انواع الغوريلااااا الضخمممة والمفتررسة ، كييف وصلت للكهف هدا والوقت هدااا بذات الله اعلم
شاف قدامه لقي تامر طايح مجروح وينزف مشاله بسرعة سنده عليه ، وبدي يجري بيه للاازم يرررجعوووا، لينا ليهاا رربي ماانقدرش نقعد اكتر من هككي
خالد يعيط بصوت عاالي : ولعهااا السااعة فييسع هياااا ولعهاااااا بنموتوااا ياااتاامررر .
تامر طلع الساعة من جيبه وهو يرجف وتاعب من النزيف يلي صارله ، بدي يشغل فيها ب إيديه يلي يرجفوا مع بعض ، فجاءة ومن حيث لا يدرووا يطلعلهم رئيس المااافيا قداام وجههم ، في وقتها انصدموا لكن ماقدروش يتكلموا او يتناقشوا في الوضع يلي صاير
خالد يعيييط ويسرع فيي تامر انه يشغل الساااعة بسسرعة الديناصورااات تجري تبي تهجججم عللليهمممم ، تامر يولع في الساعة ومعشش تببي تووولع ، الرئيس فك الساعة من ايد تامر بسرعة وشغلها بسرررعة وهووو خااايف من الديناصور يلي صوت تنفسه قرب من وددنه هلباا ، يسمعوا في صوت الديناصوررر يسمعوااا في صوت تنفسه قدام ودنهم ، قلوبهم اطقققق اطققققق يرجفوااا عرقوووا الوانهم راااحت ، فتحوا عيونهم فجاءة لقوا روحهم في مزرعة كبييييييرة ، خالد وتامر والرئيس ،يشوفوا للمزرعة وهما مصدوميين ، همااا تواااا رجعوووا ل ١٩٣٠ رجعووووا للحظات كانوا بيموتووا قبللل ثااانية كنااا بنمشوووا فيهاااا قبل شويية كااان لهيب تنفس الديناصور قدام وجههم بزببببط ، طاحوا التلاتة على عشب المزرعة وهما يتنفسوا بالقوة وعرقهم يصب منهم ، طاحوا التلاتة وهما لتوا مش مصدقين انهم مزال عايشين لتوا
"""""""""""""""""""""""
شدت بنتها في غمرها وطلعت بيها من المطبخ، تبي تطلع بيها يدهوروا شوية ويشموا هوا قبل ما عصام يوصل ، كانت سعادة بنتها لا توصف لما عرفت انها بتطلع وبتشري اللعاب زي ماوعدتها امها ، ابتسمت رهف على سعادة بنتها ، لبست رهف كندرتها ،حطت شنطتها على جنب وبنتها في ايدها وطلعوا
..................................
راجعين من زردتهم وفي طريقهم لحوشهم ، كل واحد فيهم يبي يرجع يكمل نومته في سريره الدافي ، الكل واخد اجازة من شغله اليوم يعني مافيش حاجة وراهم اليوم هو راحتهم ، وصلوا عصام لحوشه قابلتهم رهف وبنتها وهما جايين على نفس الطريق وفي ايدهم اكياس ، سلموا عليهم شوية ، وطبعا الوضع لا يخلووا من عياط وبكي لولو تبي تامر يقعد معاهم ، دقايق ورجعوا طلعوا بسيارتهم بيروحوا لحوشهم
مشت الدقايق وهما يهدرزوا لعند ماوصلوا قدام شارعهم وهما كيف بيخشوا لشارع لاحظوا السيارة يلي واقفة قدام حوشهم ، شافوا لشخص يلي واقف قدام باب حوشهم
تامر شاف لخالد : مش هادي سيارة النفاخة ؟؟
خالد بإستغراب : اي هي ، لكن شن تبي جايتني مش من عوايدها ؟؟
كانوا يشوفوا لسارة وهي تقيم وتنزل في ايدها وكأنها قاعدة مترددة اطق على بابهم او لا
علي ضرب خالد على كتفه : ايوواا حننني خااااالد اووو ايوااا
ادم نقزله : اووو خلووودة كان تشوفها روورو توااا تورييك
خالد شافلهم : تيي اسكتووا خلوني نفكر
علي شافله وبدي يتكلم زي رورو : هعهعههعههخخه تفكر فيا خلودة
ضحكوا في السيارة على تعليق "علي" لرورو كلل ماايلقى ايي فرصة
خالد دفه وضحك : هههههه اسسكت مبردك يا راجل
وقف محمد السيارة قدام الحوش ، وهني سارة شافتلهم على طوول لانها كانت بتطلع خلاص مافيش حد فتحلها الباب
محمد شاف لخالد يلي كان وراه وتكلم بهدوء : انزل شوف خيرها
خالد فتح الباب وهو يتأفئف
تامر ضحك بشوية وتلفتله، بهمس :هههه استعد لنفخ
خالد قرب شوية وهمس : كل صبح مستعد اني شن الجديد
نزل خالد وهو يحاول يعدل ملامح وجهه شوية مايبيش يبينلها انه انزعج بشوفتها
اما باقي الشباب نزلوا من السيارة وبدوا ينزلوا في بضاعتهم
خالد شاف ل سارة وابتسم ابتسامة باردة : صباح الخير
سارة توترت شوية ، ابتسمت : صباح النور
سكتت وقعدت تحرك في عيونها من موقفها حست روحها بايخة
خالد استغرب سكوتها هادي جايتني بش تقولي صباح الخير ؟
خالد حاول يبين انه يسرح في صوته بش تنتبه من سرحانها
سارة شبكت يديها في بعض بقوانطيها الشفافات : اكيد استغربت جيتي
خالد حط يده في جيبه : تبي الحق استغربت
سارة تكلمت بهدوء : ا اي اي نعرف ، اني جاياتك في موضوع
خالد قرب حواجبه من بعض : علاش الموضوع مايستناش غدوا ؟
سارة تحشمت حست بشعور اخيي توواا ، رجعت تكلمت بهدوء وثقة : على حسب كلامهم مايستناش
خالد شافلها بأستغراب
سارة بنفس الهدوء : اليوم في مجموعة شباب وبنات جونا لشركة
خالد منتبه : اي باه ؟
سارة كملت كلامها : حاولنا نطلعوهم لكن هما اصرووا انهم يشوفوك
خالد ببرود : انتي عارفة اني مانع التواصل ...
ماكملش كلامه الا و سارة قطعت عليه: اي اي نعرف ، بس هما يقولوا انه الموضوع فيه حياة او مووت
خالد بإنتباه على كل حرف قاعدة اطلع فيه : باهي مرات يكذبوا ، في هلبا داروها الكذبة هادي !!
سارة تنفست بعمق : قلتلهم شن يضمني انكم ماتكذبوش
خالد تنهد صارله ملل يبي يخش يرقد وهادي معش تبي تمشي ، عاارفتني الموضوع هدا مسكره ومانبي حد يجيني نبي نعيش حياتي طبيعي من غير دوشة المعجبين يلي النهار كله جايين يبوا يقابلوني ، كانت تقدر غدوا تكلمني علاش جايتني في يوم اجازتي في يووم رااحتي !!
خالد يمثل في الاهتمام : اي وشن جاوبوك ؟؟
سارة تحاول تتذكر : قالولي قوليله حني
تحاول تتذكر شن قالتلها لينا : الرواد ايووا الروااد قالولي هكي قولي
خالد هنننننني وكأنه حد صب عليه مية مسقععععة ، ولاااا تووقع يطلعوووا في الوقت هداااا
سارة انصدمت لما شافت ملامح خالد تغيروا بسسرعة ، وجهه لونه تغير بدي يتمتم ، لهدرجة الناس هادوا يأثروا فيه هكي ؟؟
خالد قاعد مش مصدق ، تكلم بصوت واطي : م متت متاأكدة ق قالولك الرواد ؟؟
سارة هزت راسها بهدوء : اي قالوا الرواد
هني خالد شد راسه ، حس الدنيا بدت تلف بيه ، كان بيفقد توازنه بس سارة ادخلت في اللحظة الاخيرة
مشت سارة جرري نادت على الشباب يلي خشوا للحوش من بكري ، جوو جرري لما سمعوا صوتها يلي مايطمنش ، شافوا خالد قاعد يفقد في توازنه ، شدوه بسسرعة ودخلوه لداخل ، خاافو علليه خييره خاالد شن هو يلي سارة قالاته وخلاته يوصل انه توازنه يختل ؟؟
مشي محمد بسرعة للمطبخ دارله امية وسكر ، الواضح انه هبوط سكر ، حاولوا يفيقوه يشربوا فيه
اما سارة واقفة بعيد شوية ، شادة على يديها ، خايفة على خالد هادي اول مرة تشوفه بالحالة هادي !، من هما الرواد هادم مننن هماا يلي مخليين خالد هككي ؟؟ ، لااازم نعرف شن قصتهم لااازم
اول ما فاق خالد شافلهم كلهم ومش عارف كيف يقولها
تامر بخوف على خالد : اننني قتللك مااكلتك نااقصة لكن انت الله يهديك
خالد لتوا قاعد مش مصدق يلي سارة قالاته الرووواد توااا علااش توا بذات جوناا كييف
ادم شاف لسارة على طوول : انتي شن قلتيله خلاه هكي يصيرله
خالد شافلهم كلهم : الروااد
هني كلهم تلفتوله على طووول ، ملامح وجههم تغيرت ، محمد يلي كان شاد طاسة المية طاحت منه ، الكلمة هاادي خلتهم ينصدمووا يسكتووا يجمعوا في الفكرة ، هماا الروااد الرواااااد جوووو توااااا ، مش مستوعبين الكلمة يلي قالها خالد
خالد تنفس بعمق وتكلم فيسع : هما توا عندي في الشركة
الشباب سااكتين لتواا قاعدين على اثر الصدمة لتواا مش مصدقين ، ك كييف لينا سنين هنني ، نسينا او تقدروا تقولوا تناااسيناا الروااد بش نقدروا نكملوا حياتنا ، بس يطلعونا هكي فجاءة خلتنا نفقدوا تركيزنا تشوششنا
محمد تكلم بسرعة بعد ماتجاوز الصدمة شوية : بنمشي معااك هيا نووض
تامر شافلهم وناض بسسرعة : هيااا حتى انني معاكم هيااا فييسيع
كان الجو مشحووون هلباااا متوووتر هلبااا ، مصدمين مشوشيين كل شي تلخبط ومزااال بيتلخبط اكتر
طلعوا الثلاثة بسسسرعة ، وطبعاا سارة طلعت قبلهم بش تحفظ ماء وجهها لانه خالد واضح بيسحب عليها وبيمشي في سيارة صحابه مش معاها
خش محمد بسرعة لسيارة وبدي يفتح في السيارة بأقصى سرعته ، خشوا تامر وخالد بسسرعة لسيارة ، قلوبهم اطقق واطققق ، بدي محمد يسوق بسرررعة ، يبي يووصلووا لشركة بسسسرعة .
اما عند ادم وعلي
ادم تكلم من غير ما يشوف لعلي : اني خايف من ردة فعلهم لما يشوفوني
علي شافله وسكت ، شن بيرد عليه ، يطمنه ويقوله لا توا يستقبلوك بلأحضان لا طبعاا ، عاارف باقي الرواد لو شافوه معاهم حتكون ردة فعلهم قااسية
ادم رجع شعره وراه وزفر بالقوووة ونااض مشي للحمام ، فتح المية على قوتها وحط راسه تحتها على طول ، غمض عيونه لعله المية هادي تبرد عليه شوية النار يلي قاعدة تشعل في راسه
اما عند محمد ، وصل قدام الشركة درس السيارة عشوائيا في ايي مكان يقابله ، كانوا الناس مخلوعين من صوت سيارته السررريع وانخلعوا اكتتتر لماا درسها بطريقة عشوائية لعند مادارت صوت مزعج في التدريس
نزلوا الشباب بسرعة من السيارة وبأقصى سرعتهم بدووا يجروووا ، لعنننند ماااوصلوووا قداام باب الشركة ، همااا توااا يفصللهم خطوووااات بسسسسس ويشوفواا الروواد قدااام وجههم بزززبط ، اول ما وصلوا قدام الباب الكبير خففوا سرعتهم ، شافوا لبعض هما الثلاثة وبلعوا ريقهم قبل مايخطوا خطوة تانية ويخشووا
رجوع بالذاكرة ^^
""""""""""""""""""""""
على عشب المزرعة طايحين ، ليل عليهم الليل وهما لتوا مش مصدقين نجاتهم من موتهم في لحظة وحدة بسس ، طايحين ويتفرجوا على النجوم في السماا ، ساكتين وقاعدين على نفس طيحتهم الاولى مافيش حد فيهم حاول حتى يتحرك من مكانه ، صوت تنفسهم اختلط مع صوت الريح ، كانوا طايحين على العشب يلي انحرق من قوة الاشعة ، ناض خالد بهدوء وهو تعباان من مكانه ، شاف قدامه لقي جهة العشب يلي ولعوا الساعة فيها كلهاااا انحرقت وانتتهت عكس باقي العشب يلي موجود في المزرعة ، لون العشب كان اخضر اما الدائرة يلي اشتغلت فيها الساعة تحولت للأسود الغااامق
ناض وشد راسه من الوجع ، لتوا مش مستوعب شي ، شاف لتامر قدامه انخلع لما شافه ينزف ، كان ناااسي او مالحقش انه يفكر ان تامر انجرح ، مشي لتامر بسرعة بدي يسند فيه على كتفه جرحه خطيير بيرفعه للمستشفى حالته ماتستناش ، نزف هلباا وهدا واضح على حوايجه يلي كلهم دم !!
شاف جنبه لقي رئيس المافيا مغمى عليه والواضح ان حالته الصحية ماتبشرش بالخير ، شافله خالد ومشي وخلاه هدا الشخص كان يستنى في اي فرصة بش يقضي عليييهم ، مش حينقده خلليييه هكككي يمووت موتت الكلاااب ، هدا اقل شي يستحق ان يصيرله
مشي خالد وهو يعرج حاط تامر علي ضهره ، خالد شاف لرجله لقاها مجروحة ، شكلي انجرحت من غير ماننتبه ، الواضح ان خالد انجرح بس مانتبهش لجرح هدا في الوقت هداكا ! ، بدي يمشي بتعب وهو رافع تامر ، خاايف تصير لتامر ايي حااجة ، يحاول يسرع خطواته وهو يعرج ويتنفس بالقوة ، يمشي في نص المزرعة الكبيرة ، وقف وهو داهش كيف بيكمل المسافة هاادي كلهااا ، صعببة كييف ، كمل مشي وهو تعبااان ، يمششي وحااس ان المسافة معش تبي اتم ، شاف لتامر لقاه تعبان هلباا عاارق الدم متع تامر خالد قاعد يحس بيه وهو ينزف منه ، خالد بدي يجري بأقصى سرعة عنده يحااول يسعف تاامر بأقصى جهد عنننده
وهو يحااول يجرري ، جي في عينه ضي سيارة ، وقف خالد ووجهه معبي بالعرق ، وصلت السيارة قدام وجهه خالد والضي متاعها خلى عينه تتسكر من قوته، نزل من السيارة شاب حاط نظارات طبية على عيونه ، مسرح شعره على الجنب ولابس لبس بسيط ، الشاب اول ماشاف لخالد وتامر خااف منهم وفي نفس الوقت خاف عليهم ، كانت حالتهم مزريية هلبا
تكلم الشاب وهو يعتعثر في الكلام : خ خيررر خييركم هنني ش شن شن ادير اديروووا
خالد شافله وتكلم بتعب واااضح : ا ا ارفعنا للمستشف....
وماكملش خالد كلامه الا وهو طايح ومطيح تامر يلي على ضهره ، طاقته استنزفت تمتتت معشش يقدررر يتحممل خااارت قووته وطاح
الشاب شافلهم وهو فاتح عيونه وفمه على وسعهم هاادوو من وين طلعوووا مننن وييين ، وخيرررهم هككي كأنهم طاالعين من حررب ، معش عرف كيف ينقدهم ولا شن يدير يخاف ينقدهم وينحط في مشاكل تانية ، شافلهم مرة تانية وهو خااايف ويديه يرعشوووا ، مشي لسيارته بسرعة وجي بيشغلها وبيطلع بس في اللحظة الاخير بلع ريقه ونزل من السيارة وهو يدعي بصوت عالي ، خااايف بسس ماايقدرش يخليهم في الحالة المزرية هادي ، مراات يمووتوا
مشالهم وبدي يقيم فيهم وهو يرعش ، حط خالد في السيارة ومن بعدها حط تامر ، شاف ليديه من بعد ماسكر باب سيارته ، لقاهم معبيات بالدم ، وجهه اصفرر لوونه ، دممم هداااا دم ، شاف لملابسه لاقاهم معبيااااااات بدم ، بدي فكه يرررجف الموقف يلي انحط فيه صعبببب وخطيير
مشي يجري وهو يعدل في نظاراته ، خش لسيارته وسكرها بالقوة ،ومشي بسسسسرعة شغل السيارة وعلى طول للمستشفى ، يسوق وهو طول الطريق يرجع يشوفلهم ويطمن على حالتهم ، مع رجفة ايده بخوف من الموقف يلي نحط فيه
يتبع...................
شن بيصير في خالد وتامر وهما في الحالة هاادي ؟ 🤔
رئيس المافيا "ادم" شن تتوقعوا يصير فيه ؟ 🤔
توقعاتكم للحلقة الجاية ❤
تصوييت ❤
كومنننت ❤
بقلم وصال الحمحوم wesal_elhamhoum ❤