في جناح فهد وغرام
واخيراً بعد ايام كتير عاشوها هما كمان في عذاب ووجع اتنفسوا براحه وهي نايمه في حضنه ومبسوطه وهو سعادته الضعف عشان بنته الي اخيراً رجعت لحضن حبيبها وحبيبته ومراته الي مبسوطه عشان بنتها
غرام ابتسمت بسعاده:متتخيلش انا فرحانه اد اي انهم رجعوا لبعض
فهد باسها ع خصلات شعرها بحب:وانا مش عايز غير انك مبسوطه ي حبيبتي عارفه ابتسامتك دي عندي بالدنيا وما فيها
غرام بحب:انا مبسوطه طول ماانت معايا وجنبي
عارفه اني مقصره معاك واني بنكد عليك في اي مشكله تحصل مع ولادي كأنها بتحصل معايا بس بجد غصب عني
فهد بمكر: مين قال انك مقصره. ي حبيبتي لو انتي قصرتي انا عمري ما بقصر في واجبي وانتي عرفاني مبقصرش في اي حاجه تخصني
غرام ابتسمت:طبعاً عرفاك مبتتوصاش ابداً سواء فرح او حزن
فهد بحنان:ربنا ما يجيب حزن ابداً ي حبيبتي
غرام :امين يارب. الا قولي ي فهد. هو انت جبته ازاي. وازاي كنت عارف ان لمى هتقول كل دا وكمان قرارك
قاطعها فهد:بس بس اي كل دا اهدي هههههه انتي حسستيني اني في تحقيق
غرام وهي مبتسمه:ايوا قر واعترف دلوقتي
فهد :هههههه مش لايق عليكي الدور دا خالص متحاوليش ي حبيبتي
غرام برجاء:طب قول بقا وبطل بواخه
فهد غمزها وباسها ع خدها :بس انا بحب البواخه. باسها ع شفايفها برقه. وبموت في البواخه كمان
غرام ابتسمت :طب بس بقا وقول
فهد ضمها لحضنه اكتر واتنهد:ماشي ي ستي.
انا لما سالت الدكتور قالي انو مينفعش لمى تسافر عشان الحمل ودا خطر عليها خصوصا عشان نفسيتها كانت وحشه فا انا فكرت اضرب عصفورين بحجر اولهم مسيبش لمى لوحدها وهي في الحاله دي ثانيا ارجعهم لبعض وطبعاً ليث كان قافل فونه ومبيروحش الشغل لكن بعلاقاتي قدرت اوصله
واتكلمت معاه وعشان اثبتله ان الي بقوله مش مجرد كلام طلبت منه يسمعها من غير ما تعرف وقتها مش هيبقي فيه مجال يكدبها
ووهمت لمى انها هتسافر كنت عايزها ترفض وبشده وفعلاً دا الي عملته وقدرت اخليها تتكلم وتقول عن الي جواها وهو سمع وعرف
غرام بصتله باعجاب:انا بجد محظوظه بيك اووي
فهد ابتسم:اي رايك بقاا. تفتكري بالي عملته مستهلش نقضي ليله هنا قبل ما نسافر حرام انا جاي عشان ننبسط ولقينا مشكله الي هو مش بنلحق نستمتع مع بعض
غرام برقه ونعومه قربت :حبيبي انا كلي ملكك وبين ايديك انت تستاهل اكتر من مجرد ليله نقضيها سواء هنا
فهد انفاسه عليت بعشق :عارفه رغم اني عايز افترسك دلوقتي بس انا لازم اخرجك شويه قبل ما نسافر انا جايبك هنا عشان تتبسطي
غرام :حبيبي انا فرحتي بوجودك جنبي مش بالخروجات ولا السفر
كفايه عليا اني اشوفك مبسوط واشوف ولادي بخير وكويسين
فهد :طب اعمل اي انا في القلب الطيب دا وبعدين انتي هتاخديني في دوكه ومش هنخرج. قومي يلا خدي شاور والبسي
غرام ابتسمت:حاضر
باسها فهد بوسه سريعه ودخلت الحمام تاخد شاور وبعد دقايق سمع خبط ع بابا الجناح قام ولبس شورت قطني خفيف وفتح الباب وهو فاكر انهم الروم سيرفس لكن استغرب لما شافها هي وهو مش متوقع مجيتها
فهد باستغراب :Nareen! What are you doing here anyway? Where is your husband ؟
(نارين! ماذا تفعلي هنا ؟ واين زوجك؟ )
نارين بتبصله باعجاب ع عضلاته البارزه والقويه وهو كان من غير هدوم من فوق وبشورت قطني خفيف :oooooh! You are so handsome
(اووووه! انت وسيم للغايه)
قربت منه وقبل ما تلمس عضلاته بايديها الناعمه مسكها بقوه وبصلها بنظره قادره انها تقتلها في لحظتها :I'm not gonna charge you for not keeping your husband, but i love my wife , and I never cheat on her . Now get out of here
(انا لن احاسبك ع هذا الكلام. وعدم صيانتك لزوجك لكن انا احب زوجتي ولا اخونها ابداً . زقها برا الغرفه. والان اذهبي من هنا )
نارين بتدلك ايديها مكان ضغطه وبرغم خوفها منه لكن زاد اعجابها بيه اكتر
قفل فهد الباب بقرف وتقزز ودخل كانت غرام خارجه من الحمام
غرام باستغراب :مين الي كان بيخبط ومالك مضايق ليه
فهد بضيق:مفيش انا هدخل اخد شاور بسرعه عشان ننزل
غرام وقفته ومنعته:لا مش هننزل قبل ماافهم مالك بجد
فهد بصلها :هتصدقيني وتثقي فيا
غرام :طبعاً هصدقك وهثق فيك. وبعدين معقوله بعد السنين دي كلها بتسال
دا انا أأتمنتك ع نفسي
فهد اتنهد:عارفه مين الي كان بيخبط
غرام باستغراب :مين
فهد :نارين
غرام بدهشه:اوعي تكون نارين مرات حسام
فهد :ايوا هي
غرام بغيره:ودي جايه عايزه اي
فهد :تفتكري جايه لحد هنا عايزه اي
غرام كانت بتولع من الغيره:ااي القرف دا ازاي تبص لحد غير جوزها
فهد :لان ببساطه عندهم هنا الموضوع عادي وممكن يحصل قدام جوزها عادي بس عشان حسام راجل شرقي فا مينفعش قدامه
غرام :وهو ازاي يقبل يتجوز واحده زي دي
فهد :هو واخدها عشان الجنسيه وهي وخداه عشان غني فا الموضوع كله مصالح
غرام :استغفر الله العظيم يارب وهي البجحه جايه عادي وعارفه اني في الجناح
فهد :اقولها تاني عندهم الموضوع دا عادي الراجل ممكن ينام مع اربعه مع بعض
غرام بدهشه:ليييه يعني ديزل
فهد :هههههههه انتي مستقله بينا احنا الرجاله ولا اي. وبعدين ي حبيبتي دا فيه بلاوي بس انا مش عايز افتح عينيكي ع حاجات زي كدا
غرام بسخريه:اه ماانت خبره
فهد قرب منها وغمزها :الا خبره. دا انا ابو الخبره كلها بس ع فكره انا كدا مكافئتي هتزيد انا واحد ضحيت بصاروخ
غرام خبطته ع صدره بغيره:الهي صاروخ يفجرها هي وابنها الي حارق دمي دا
فهد :هههههه كنت فاكرك هتدعي عليا
غرام بقلق:بعد الشر عنك دا انا ادعي ع نفسي وانت لا
فهد مسك ايديها وباسها بحب:بعد الشر عنك ي حبيبتي هو زي ماانتي قولتي هي وابنها. ههههههه
غرام بغيظ:بس عشان انت فارسني ال صاروخ ال وبعدين دي مسلوعه
فهد :طبعاً ي حبيبتي انا معايا الملبن كله وكمان جمال اجانب يعني الواحد ميحنش للعرق الاجنبي خالص
غرام ابتسمت:الجمال دا ليك انت لوحدك ي حبيبي
فهد ضمها بتملك:طبعاً ليا انا لوحدي انتي فاكره ان فيه حد ممكن يلمس صباعك حتي دا انا اقتله
غرام :ههههههه طب يلا ادخل خد شاور عشان نخرج ولا رجعت في كلامك
فهد بيبصلها بمكر:نفسي ارجع في كلامي خصوصاً بالريحه الي تجنن دي بس انتي عرفاني عمري ما رجعت في كلمه او وعد خدته ع نفسي
غرام وهي مبتسمه:عارفه ي حبيبي
باسها فهد ودخل خد شاور كانت هي جهزت ولبس هو وكمان وخرجوا
في قصر الزيني
سلم الكل ع فهد وغرام
شريف بيسلم ع فهد :اي ي ابني دا كلوا انت قولت اسبوع. ابتسم وغمزه. ولا شكلك عجبتك القعده عشان يخلالك الجو
فهد ابتسم بثقه:انت عارفني بستغل اي فرصه عشان يخلالي الجو والله كنت ناوي اكمل بس اعمل اي الشغل بقاا
شريف :الشغل! امممم يعني ميمشيش معاك العيله
فهد :عيب عليك انتوا ولا جيتوا في بالي اساساً
شريف بسخريه:واطي طول عمرك
فهد :لا حوش الواد برميل شهامه. ومقضيها تليفونات
قمر قاطعت الجدال دا وقربت من فهد وحضنته:وحشتني اوي ي حبيبي
فهد ابتسم وبادلها الحضن وبص ل شريف وهو بيغيظه:وانتي كمان ي روح حبيبك وحشتيني جداً. متتخيليش انتي وحشاني اد اي دا انا مرضتش اكمل اصلاً وجيت عشانك
قمر ابتسمت وهي عارفه انو بيغيظه بعدت عن حضنه وبصتله :وانت والله وحشتني اوي. بقا معقوله تقعد كل دا هونت عليك
فهد وهو مبتسم :انتي عارفه عمرك ما تهوني عليا ابداً بس اعمل اي في غرام مكنتش عايزه تسيب لمى مصدقت شافتها ومسابتهاش. بس عيب عليكي انتي عارفه اخوكي مسيطر
قمر وهي مبتسمه:طبعاً ي حبيبي عارفه هو فيه احلي منك في السيطره
شريف كان بيولع من الغيره:طب اي مش هنخلص جو العشق الممنوع دا
فهد بيغيظه:لو مضايق امشي انا لسه قاعد معاهم وخد ابنك معاك اصل چيسي وحشاني جداً
عمار بمزاح:اي ي خالو مش كدا دا انت حتي كنت في بلاد الاجانب الجمال كله
چيسي خبطته بكعبها ع رجله بغيظ وصوت واطي سمعه عمار وفهد :ماشي ي عمار قصدك اني وحشه
فهد مسكها من ايديها وشدها من حضنه بهدوء:اه هو قصده فعلاً كدا. دا عبيط مش مقدر النعمه الي في ايديه. غمزها بمكر. لكن انا بقاا بقدر جداً
عمار شدها من فهد:وانا بردوا بقدر وبعدين كام مره هقول لحضرتك دي مراتي والله
غرام :ههههههه سيب الواد في حاله حرام عليك
فهد ابتسم و غمزها :عشان خاطرك انتي بس ي حبيبتي
يلاا انا هروح الشركه اشوف اي الاخبار
صقر باعتراض:لا حضرتك لسه جاي من السفر ارتاح وبكره تروح الشركه
فهد بصله بقوه:من امتي وانت بتؤمرني ي صقر انا اروح الشركه وقت مانا عايز ولا خلاص ورثتني بالحيا
صقر باحترام:انا مقصدش كدا ي بابا حسك معانا في الدنياا بس قصدي حضرتك جاي من سفر واكيد تعبان
فهد بجديه:لا انا كويس يلاا
اتحرك فهد وخرج برا القصر وصقر حاول يخرج وراه لكن غرام مسكت ايديه وبابتسامه حنينه منها قادره تغير موده :متزعلش من باباك. انت عارفه هو مش بيحب حد يؤمره
صقر ابتسم :عارف. متقلقيش ي حبيبتي انا مقدرش ازعل منه اصلاً. لاني زيه
غرام بحب:ربنا يخليك ليا ي حبيبي
صقر مسك ايديها وباسها وبصلها بحب:ويخليكي ليا ي ست الكل
انا الحق اتحرك بقاا بدل ما اتنفخ
غرام :هههههه ماشي ي حبيبي خلي بالك من نفسك.
صقر :حاضر ي حبيبتي
في شركه الزيني
دخل فهد مكتبه ووراه صقر والسكرتيره
فهد بجديه وهو بيقرب من المكتب وقعد ع الكرسي :عايزك تجبيلي كل الصفقات الي تمت في غيابي
السكرتيره رحاب:حاضر ي فندم اي اوامر تاني
فهد بصلها :لا تمام روحي انتي
رحاب :عن اذنك ي فندم
خرجت رحاب وكان قعد صقر قصاده
صقر بهدوء:ممكن بقا حضرتك تحكيلي في اي. واي سبب المده دي كلها الي قضيتها في امريكا كل دا. هي لمى كويسه
فهد بهدوء:لمى حامل
صقر سكت ثواني وابتسم بسعاده:بجد
فهد ابتسم:اه بجد هو انا يعني ههزر معاك
صقر وهي مبتسم:لا مش قصدي بس مش مصدق نفسي يعني انا هبقي خال
فهد :كبرتوني ي ولاد الكلب وانا لسه في عز شبابي
صقر :ههههههه يعني منفسكش تشوف احفادك ولا اي ي جدو
فهد :امشي ياض اطلع برا. انت اي الي جابك ورايا اصلاً
صقر :هههههههه مش عارف ناس كدا طلبت مني نروح الشركه
فهد :اه ماانت مصدقت اني سافرت ومأنتخ جنب المدام وسايب الحمل كله ع ريان
صقر :والله انت دايما كدا ظالمني. لان المدام حامل
فهد بسخريه:لا ي شيخ تصدق كنت ناسي. يلا ياض روح شوف شغلك. مش عايز رغي
صقر ابتسم:تمام ي فندم
خرج صقر وابتسم فهد وسند بضهره وهو مبسوط ب حمل لمى ورغد وهو اخيراً هيبقي جد اه بيهزر ويضحك لكن جواه فرحه وسعاده ملهاش مثيل
دخل ريان وشافه وهو مبتسم وسرحان استغرب وقرب منه :فهددددد
فهد فاق وبصله بغيظ:يخربيت معرفتك ي شيخ
ريان غمزه :اي سرحان في مين اعترف. شكلك عجبك بنات امريكا ي بختك كنت هايص انت في امريكا
فهد :لا ي اخوياا ولا عجبني ولا بتاع انا قلبي مفيهوش غير غرام
يعني بالنسبالي الستات دول هوا
ريان ابتسم:ايوا بقاا ي فهد ي جامد. فينك ي غرام تيجي تسمعي الكلام الي بيتقال
فهد ابتسم:هي مش محتاجه تسمع لانها عارفه
المهم اخبارك اي
ريان وهو مبتسم قعد وبصله :الحمدلله هاا بقا قولي سر السعاده الي ع وشك دي
فهد :هههههههه ع طول فاهمني كدا
ريان ابتسم بثقه:طبعاً امال لو انا مفهمتكش مين هيفهمك ها قولي بقاا
فهد :ماشي ي سيدي سر السعاده دي ان لمى حامل
ريان وهو مبتسم بسعاده:بجد طب الف مبروك عشان كدا قعدت كل دا في امريكا
فهد :اه. الله يبارك فيك.
ريان:طب وجيت ليه الشركه مرتاحتش ليه انت جاي من سفر
فهد :انت عارف راحتي في الشغل برتاح كدا اكتر
ريان اتنهد:عارف ي اخويا انت هتقولي
فهد :طب يلا روح شوف شغلك وبطل رغي
ريان:ههههههه ماشي ي اخويا يلا سلام
فهد :سلام
في الجامعه خلصت محاضرتها وخارجه وشافت قصادها واحد وقف ومنعها من الحركه وشافت بوكيه ورد في ايديه رفعت عينيها وبصتله ونفخت بضيق وحاولت تمشي لكن وقف قصادها
خالد بهدوء:لمى ارجوكي اسمعيني
لمى بضيق:افندم فيه مصيبه تاني عايز تلبسهالي
اظن انك عرفت اني متجوزه وحامل كمان
خالد :اه عرفت بس اديني فرصه تسمعيني
لمى :واديك فرص بتاع اي. انت ولا اي حاجه بالنسبالي وياريت تبعد عني لانك مش قدي
مشيت خطوه وحاول يمسك ايديها يمنعها لكن ايد اقوي مسكت ايديه
ليث بقوه وحده:هي مش قالتلك تبعد عنها ولا انت مبتسمعش
خالد اتعصب وزقه :وانت مالك. انت مش خلاص سيبتها عايز منها اي
الناس شايفين شد وجذب بينهم لكن مش فاهمين كلامهم لانه بالعربي
ليث بقوه:انا هقولك عايز منها اي. ضربه ليث بالبوكس ووقع خالد ع الارض من قوته وليث مسك ايد لمى ومشي
لكن خالد اتعصب اكتر ومسح الدم من شفايفه ووقف وشد ليث وضربه لكن ليث كان اسرع ومسك ايديه بقوه وحصل اشتباك بينهم وجيه الامن وقبضوا عليهم
عند فهد في الشركه قطع انشغاله في الملف رنه فونه واول ما شاف اسمها رد ع طول
فهد بابتسامه:اخيراً افتكرتي ابوكي اي هو ليث نساكي كل حاجه
سمع صوت عياطها قلق واختفت ابتسامته :لمى مالك في اي
لمى بنحيب ودموع: ليث ي بابا
فهد بقلق:ماله ليث في حاجه حصلت.
لمى حكتله الي حصل باختصار
فهد خبط ع سطح المكتب بقوه وغضب :هو الزفت دا لسه مصمم وراكي
لمى :ارجوك ي بابا اتصرف انا بموت ومش عارفه ادخله
فهد كان جواه قلق عليها جدا. :طب اهدي ي حبيبتي وانا هتصرف بس عشان خاطري بلاش انفعال متنسيش انك حامل
لمى بدموع:حاضر بس ارجوك اعمل حاجه
فهد :حاضر والله انا هتصرف
قفل فهد معاه وهو هيموت من القلق عليها وضغط ازرار ع الفون وحط الفون ع ودنه وهو القلق الي جواه ظاهر ع ملامحه عصبيه وغضب
فهد بجديه:ايوا ي ديفيد
مش وقته سلامات دلوقتي. المهم جوز بنتي مقبوض عليه عندكوا عايزوا حالاً يخرج
اسمه ليث سليم الصاوي ايوا
بقوه. حالاً ي ديفيد يخرج ولا دقيقه واحده يقضيها في السجن انت فاهم
ماشي هتصل بيك اعرف عملت اي
سلام
في القسم اطلقوا سراح خالد
ليث بص ل ظابط بعصبيه:Why didn't I go out with him and he beat me up too?
(لماذا لم اخرج مثله فهو ايضاً اعتدي علي بالضرب)
خالد بصله باستفزاز:لان ببساطه انا معايا الجنسيه الامريكيه وبعدين قولتلك قبل كدا انا اقدر بالجنسيه دي اوديك في داهيه
ليث بقوه:اعلي ما في خيلك اركبوا واقسم بالله لو قربت من لمى تاني ما هيكفيني فيك عمرك فاااهم
خالد :لا مش فاهم وبعدين انت عايز منها اي مش سيبتها ولا فرحان بخيانتها ليك
ليث مهتمش بوجوده في القسم ولا انه هيتحبس وضربه بالبوكس بقوه وصوت اقوي :انا مراتي اشرف من امثالك ي وسخ
الظباط كتفوه بقوه وخالد بصله بغضب وقبل ما ياخدوه ع الحجز وصل الظابط بأمر :let him go
(اطلقوا سراحه)
خالد بصله بدهشه:But how did he get here?
(لكن كيف فهو اعتدي علي)
الظابط بجديه:Sorry,Mr.khaled ,but it's over.He should go
(اسف استاذ خالد لكن الامر منتهي يجب ان يذهب)
الظباط سابوه وهو بص ل خالد بانتصار وخلصت الاجراءات وخرج وكانت في استقباله لمى الي جريت لحضنه وهي منهاره من العياط
لمى بدموع :اخيراً انا كنت هموت وانت جوا ومش عارفه ادخلك
ليث بيطبطب عليها بحنان :اهدي ي حبيبتي انا كويس مفيش حاجه
لمى بندم :كل دا بسببي انا السبب
ليث :طب وانتي مالك دلوقتي انا الي ضربته وانا الي اتخانقت معاه
لمى :بس هو لو مكنش اتعرضلي مكنش حصل كل دا
ليث بقوه :انتي الي يتعرضلك اقتله مش اضربه بس وبعدين احنا هنفضل واقفين قدام القسم كدا يلا بقاا
لمى بعدت عن حضنه ومسحت دموعها وبصتله :حاضر
خالد كان خارج في اللحظه دي وبص ل ليث بقوه وغيظ وقابله بنفس النظرات القويه ونظرات انتصار وتحذير انو يقربلها تاني
ركب خالد عربيته واتحرك وليث ولمى ركبوا عربيتهم واتحركوا
قاعدين كلهم في الريسبشن بيبصوا لبعض بزهق ويامن وتالا متوترين وبيبصوا لبعض
فهد بقوه :في اي هو الاستاذ مش ناوي ييجي ولا اي وبعدين انا اعرف ان الاصول لما حد يجي البيت يكون مفضي نفسه ولا دا هو متعلمهوش
غرام مسكت ايديه باحراج وبصوت واطي :اهدي عشان خاطري مش كدا
تالا والدموع متجمعه في عينيها من الاحراج :انا اسفه ي اونكل بس حقيقي معرفش هو اتاخر كل دا ليه
شريف وقف بقوه:فهد عنده حق دي قله ذوق وطالما هو مش مقدر مين الي جاي عنده يبقي ميستاهلش اننا نجيله اصلا. يلا ي يامن
يامن قرب من باباه باحراج :بابا عشان خاطري اهدي هو شويه وهيوصل
شريف بصله بغضب:هو مين الي شويه وهيوصل الذوق ي استاذ انو يكون مستنينا مش احنا الي نستناه انا اصلا غلطان اني سمعت كلام عيل زيك
تالا كتمت دموعها بالعافيه وطلعت تجري ع اوضتها وطلعت اختها وراها
كان قاعد جوز اختها شخص محترم وكويس وهو بردوا كان محرج بسبب تأخير عمها لكن وقف قصادهم بقوه واحترام :اولاً انا اسف ع الي حصل بس انا موجود بالنيابه عنه
فهد بقوه:احنا الي اسفين بس الاصول مبتقولش كدا ومع احترامي ليك انا مش بستهتر بيك ولا حاجه بس اظن انك عارف الاصول وفاهم وشكلك محترم يعني مينفعش نخطبها منك ووكيلها مش موجود
:مين قال ان وكيلها مش موجود
بص الكل لمصدر الصوت وكانت اخر صدمه ممكن يتوقعوها
فهد غمض عينيه بقوه وهو بيعصر قبضه ايديه وغرام فاقت من صدمتها وشافت ملامح فهد مسكت ايديه بتهديه
شريف وقمر وفهد وغرام كانوا مصدومين
اما صقر ويامن وعمار ورغد وچيسي فا محدش فيهم فاهم حاجه ومش عارفين سبب النظرات دي اي
غانم اتنهد براحه :اظن وكيلها اهو وصل ي فهد بيه اتفضلوا بقاا
شريف بقوه:مستحيل. مفيش جواز. يلا ي يامن
يامن بقلق : ي بابا استني بس
شريف بغضب :انا قولت يلا يعني يلااا ومن غير اي كلام تاني
خرج شريف ووراه الباقي اما فهد فا فضل يبصله بنظراته القويه والغامضه وغرام واقفه مستنيه تشوف اخر النظرات دي
فهد قرب منه وبصله وابتسم بمكر:كفاره ي راجل كدا تخرج من السجن ومتقولناش
غانم استغرب :سجن
فهد بصله ورجع بص ل عزيز وهو مبتسم وهمس بفحيح الافعي :اي دا هو محدش يعرف انك كنت في السجن ضحك وبعد وبصله. ههههههه قصدي السفر معلش بقاا الواحد بينسي كتير.
عزيز بصله بغيظ وقوه:شرفت ي فهد
فهد بثقه :طبعاً مشرف لما نشوف انت هتفضل مشرف لحد امتي
بص ل غرام ولف ايديه حوالين خصرها. يلا ي حبيبتي
عزيز بغيظ:لسه زي ماانت متغيرتش بنفس الغرور والتكبر
فهد لف وبصله بقوه :اهم حاجه تكون انت اتغيرت لان لو دا محصلش فا معنديش مانع انفذه انا
خرج فهد وغرام برا الفيلا والكل مستغرب ومش فاهم حاجه
في ساحه القصر
شريف بعصبيه:وانت سيبت كل بنات مصر وملقتش غير دي وعايز تتجوزها
يامن بنرفزه:ومالها دي ي بابا. انا بحبها ومفيهاش غلطه وبعدين في اي الي بين حضرتك وبين عمها
شريف بغضب:مش مهم تعرف في اي بس كلوا الا البنت دي وانا اصلاً كنت معترض ع الموضوع من الاول وكويس ان حصل دا عشان ننهي كل حاجه من قبل ما تبدأ
يامن بقوه:انا مش هتجوز غيرها ي بابا حتي لو اتجوزتها من وراكوا
ضربه شريف بالقلم بقوه وعصبيه والكل اتصدم حتي يامن بصله بصدمه لاول مره باباه يمد ايده عليه وعيون بتصرخ من الغضب بصله وخرج برا القصر وعمار بيحاول يلحقه وصقر وراه
فهد وقف قصاده وبصله بغضب :اي الي انت عملته دا
فيها اي لما يتجوزها هو هيتجوزها هي ولا هيتجوز عمها ابنك راجل ومن حقه يختار الي هيكمل معاها حياته وبعدين هي الي هتيجي تعيش هنا مش هو ال هيروح
شريف بغضب:وانا اي الي يضمنلي ان ميكونش عمها هو الي زاققها عليه واكيد فيه حاجه في دماغه
فهد :مظنش دا يحصل البنت كويسه ومحترمه وملهاش دعوه بعمها
شريف :بردوا لا ي فهد انا عندي ميتجوزش خالص ولا انه يتجوز البت دي
فهد اتنهد :انت الكلام مش هينفع دلوقتي لما تهدي نبقي نتكلم
شريف :دا اخر قرار عندي مش هيتجوز البت دي يعني مش هيتجوزها
طلع شريف الاوضه
فهد بص ل قمر :اطلعي ي قمر حاولي تتكلمي معاه هو ممكن يسمعك
قمر ودموعها ع خدها :وابني ي فهد خايفه يعمل في نفسه حاجه
فهد بهدوء:متخافيش عليه عمار وصقر معاه مش هيحصل حاجه المهم اطلعي انتي دلوقتي
قمر :حاضر
طلعت قمر اوضتهم وكل واحد راح اوضته
في اوضه فهد وغرام
غرام قاعده ع السرير بدهشه وفهد بيغير هدومه
غرام :مين كان يصدق ان يطلع عم البنت هو عزيز الي كان محبوس
فهد بقوه :انا الي ازاي معملتش حساب يوم زي دا الزفت دا طلع بسبع ارواح
غرام :بس واضح من كلامك انك مازلت موافق ع الخطوبه
فهد قرب منها وقعد جنبها ع السرير :اه موافق. لاني شوفت فعلاً حبهم لبعض وكمان انا رايح وعارف ان عزيز يبقي عمها وهو بردوا عارف وقاصد انو يتأخر
غرام بدهشه:عارف طب ومقولتش ليه
فهد :كنت عايز اشوف اخر الموضوع دا اي انا متأكد ان فيه حاجه غلط
ظهورعزيز فجاه وراه مصيبه ومتأكد انو عايز يستفاد من ورا خطوبه يامن وتالا
غرام :وطالما انت عارف كل دا ليه بتقنع شريف انو يوافق
فهد :لان الولاد ملهاش ذنب تتدفع تمن دا خصوصا انو عمها مش باباها يعني البنت مش زيه ومتأكد انها مش تبعه
غرام :طب هنعمل اي
فهد :هقنع شريف انو يوافق لان لو موافقش كدا مش هيبقي في صالحه وممكن عزيز يجي من ناحيه يامن ويخليه يتجوزها من ورانا ومش بعيد يخليه يكرهنا
غرام بدهشه:معقوله. لا اكيد يامن مش كدا
فهد :انا عارف ان يامن مش كدا بس عزيز ابو كدا وممكن يعمل اي حاجه عشان ينتقم من الي عملته فيه زمان
غرام :طب هنعمل اي انا قلقانه اوي ع يامن دا عنيد جداً وهينفذ الي في دماغه
فهد :متقلقيش ي حبيبتي انا هتكلم مع شريف وهحاول اقنعه
غرام بقلق جواها:يارب ي فهد
فهد مكنش حابب يفتح موضوع لمى عشان غرام متقلقش اكتر وتضايق وفضل انو يحل الموضوع لوحده
في كافيه قاعد صقر ويامن وعمار
عمار بهدوء:ع فكره انت غلطت مهما حصل مكنش ينفع تهدد بابا بالشكل دا
صقر :عندك حق ي عمار انا معاك بصراحه في دا انت فعلاً ي يامن مكنش ينفع تقول الكلام الي قولته دا
يامن بصلهم بغضب :ماانتوا محدش فيكوا حاسس بالنار الي جوايا محدش عارف يعني اي حبيبتك ممكن تضيع منك في اي وقت
صقر غمض عينيه بقوه:لا حاسس وعارف واظن انك عارف الموضوع فا انا مش حابب افتحه تاني
و انت بطريقتك دي مش هتحل حاجه بالعكس انت بتعقدها اكتر وبتخلي باباك يعند اكتر لازم بالمسايسه نعرف الاول سبب العداوه وبعدين نتكلم
يامن :حتي لو فيه سبب عداوه انا وتالا ملناش دعوه انا مش هتجوز عمها وبعدين بابا مقالش ان فيه عداوه ولو فيه ليه مش عايز يقول
عمار:هو ملحقش يقول عشان كدا خلينا نرجع القصر ويومين تلاته ونتكلم ونفهم
يامن بتصميم :انا مش هرجع القصر ولا هتشوفوا وشي
صقر بقوه:انت بتهددنا ولا اي ي يامن
يامن :لا مبهددش بس انا حر ومش عايز ارجع القصر
عمار :ودا لحد امتي ان شاء الله
يامن :معرفش بس انا مش طايق ارجع القصر ومخنوق محتاج ابقا لوحدي
عمار :بس احنا مش هنمشي من هنا غير ورجلينا ع رجلك
يامن بضعف ووجع:معلش ي عمار سبني لوحدي ارجوك انا مخنوق
وقف وخرج برا الكافيه وحاول عمار يلحقه لكن وقفه صقر
صقر بهدوء:سيبه هو محتاج يكون لوحده وبعدين هو مش صغير عشان يتوه
عمار اتنهد ورجعوا الاتنين القصر
بعد ايام قدام جامعتها كان واقف مستنيها شافته وبرغم انها نفسها تجري وتترمي في حضنه لكن غيرت اتجاهها وهي بتحاول تتجاهله لكن هو متجاهلهاش قرب منها ووقف قصادها
يامن بحب ووجع: تالا ارجوكي اسمعيني انا بقاالي ايام بجيلك الجامعه وانتي مبتكونيش موجوده حتي بقف قدام الفيلا اقول هتخرج ومبتخرجيش وفونك مش بتردي. انتي ليه بتعملي فيا كدا
وجعها كلامه وعتابه ليها بالشكل دا ودمعت :عشان مينفعش ي يامن احنا خلاص الي بينا انتهي من قبل ما يبتدي انا هتخطب ي يامن ارجوك انساني
الكلمه نزلت عليه زي الصاعقه اتصدم واتوجع معقوله هتكون لغيره معقوله هتنساه بالسهوله دي. بتقول ان علاقتهم انتهت من قبل ما تبدأ متعرفش انها بدات من زمان بدات من اول نظره عين ولمسه شفايف وحضن حنين تترمي عليه وتفضفض بالي جواها وبعينيه بيعاتبها قبل شفايفه:ليه استسلمتي بسرعه كدا هو دا وعدك ليا اننا هنتحدي العالم عشان بعض
انا لحد دلوقتي مرجعتش القصر ومستعد اتجوزك ونعيش بعيد لوحدنا
تالا مكنتش متحمله عتابه ونبره صوته الي وجعتها قبل ما توجعه :غصب عني ي يامن بس احنا علاقتنا محكوم عليها بالاعدام من البدايه
عمي حكالي ع كل حاجه وارجوك ابعد عني مش عايزه اكرهك ي يامن وياريت ترجع القصر مامتك زمانها بتتعذب دلوقتي عشانك واكيد باباك قلقان عليك
يامن مسكها من دراعها وهزها بعنف :انا عايزك انتي افهمي بقاا. ليه تكرهيني واي الي قالهولك عمك ممكن تكرهيني بسببه فهميني ي تاالا
الكل كان بيبص وهما مش فاهمين حاجه وتالا خدت بالها من نظرات الناس
تالا بضعف واحراج:يامن ارجوك سبني الناس بتتفرج علينا كفايه فضايح
يامن بقوه :انتي لسه مشوفتيش الفضايح لحد دلوقتي ي تالا
بس انتي الي اختارتي تبعدي عني لكن انا مش هسيبك لحد غيري
شدها يامن من ايديها وهو بيسحبها لعربيته وسط صراخها ونظرات الناس وهما بيحاولوا يحوشوا لكن محدش قدر كان زي الثور الهايج
واتحرك بعربيته وهو مش سامع اي توسلات ليها وصراخها وضربها فيه بالنسبه لوجعه اضعف من شكه الدبوس
تالا بخوف وهي شايفه في عينيه نظرات كلها غل وانتقام مش شايفه نظره الحب الي بتشوفها دايماً :يامن ارجوك سبني. والله هعمل اي حاجه انت عايزها
يامن بقوه:انا عايزك انتي
تالا بلعت ريقها بوجع:وانا موافقه بس وقتها هكون معاك بجسمي بس مش هتلاقي حبي ولا هتلاقي قلب بينبض ليك وقتها هتكون قتلته بنفسك
يامن بيحن ويهدا كلامها وجعه وضايقه هو مش شخص شهواني عشان يفكر في جسمها بس هو عايز روحها ..عايز حضنها... عايز حبها مش مجرد جسم يتمتع بيه كام ليله ويزهق عايزها هي كلها. العربيه سرعتها بتهدا مع هدوء ملامحه وركن ع جنب :انا مش عايز غيرك ي تالا
عايز كل حاجه فيكي انتي ليه عايزه توجعيني ليه استسلمتي بسرعه
احنا لسه في اول سلمه
تالا بوجع:ومينفعش نطلعها ي يامن لازم ننزل ومنطلعش السلم دا
بصتله انت عارف ان خالك فهد حبس عمي
يامن بدهشه:خالي انا
تالا :اه هو حطله مخدرات في الشقه بتاعته وبلغ عنه ولو مش مصدق اتاكد من خالك
يامن كان في دوامه مش مصدق الي بيسمعه منها :طب لو نفترض ان دا حصل احنا ذنبنا اي. بصلها. ذنبنا اي نتظلم بسبب مشكلتهم هما
انا قولتلك مستعد اخدك ونبعد مش هخليكي تعيشي في القصر
تالا :مش بالمكان ي يامن انا مستعده اعيش معاك حتي لو في السجن بس العداوه مستمره انا كنت دايماً بسمع عن استاذ فهد انو شخصيه قويه ومحترمه وانو قدر في وقت قصير يبقي امبراطور الشرق الاوسط. وهو فعلاً كدا لكن طلع كل دا بالكدب والتلفيق
يامن بصلها بقوه وصوت اقوي:تاااالاا حسك عينك اسمعك بتغلطي في خالي
انا متأكد ان فيه سوء تفاهم ومتأكد ان خالي مش كدا يعني صوني لسانك ي بنت الناس بدل مااخليكي تصونيه بطريقتي
مش معني اني بحبك اني هسيبك تغلطي في حد من اهلي
تالا خافت فعلاً من صوته القوي وبلعت ريقها بخوف لكن حاولت تستجمع شجاعتها:قصدك ان عمي كداب
يامن نفخ بغضب :انا مقولتش كدا بس دا مش معناه ان خالي يعمل كدا
بس من هنا لحد مااعرف اقسم بالله فونك لو اتقفل هاجي اكسره ع دماغك
جامعتك تروحيها ع طول لان لو يوم مروحتيهاش هتلاقيني في اوضتك في عربيتك. ومتساليش ازاي ولو عرفت انك اتخطبتي لغيري هقتلك
برغم تهديداته وحده صوته لكن كأي بنت اتبسطت انها تلاقي حد متمسك بيها لدرجه دي وقادر انو يعمل اي حاجه عشانها وكتمت ابتسامتها باعجوبه وبصتله:حاضر
بصله وشاف ابتسامتها الي بتحاول تمنعها وهو كان فاكر انها هتعند ..هتتحدي لكن ابتسم لما لقاها وافقت وملامحه لانت
يامن اتحرك بالعربيه وهما الاتنين هاديين الشد والجذب الي كان بينهم ارهقهم ويامن جواه تصميم انو يعرف ويفهم الحقيقه كلها
وصلها قدام باب الفيلا
تالا بصتله ورسمت ملامح الجديه:ياريت الجنان الي حصل انهارده ميحصلش تاني
يامن بصلها ورفع حاجبه بثقه:موعدكيش لان الجنان الي شوفتيه ميجيش نقطه من بحر جناني الحقيقي لو حصل اي حاجه من الي قولتلك عليهم
تالا بغيظ:ماشي ي يامن. عن اذنك
دخلت تالا الفيلا وهي طالعه ع السلم لكن وقفها صوت قوي وكان عمها
عزيز بقوه:تالا
تالا بلعت ريقها وهي خايفه يكون شاف يامن لفت وبصتله بتوتر:ايوا ي اونكل
عمي بجديه:انا مش محذرك متقابليش الزفت دا ولا تكلميه
تالا بصت في الارض بتوتر :ايوا بس
قاطعها بقوه:من غير بس واضح ان اخويا معرفش يربيكي وانا بقاا هربيكي
من انهارده مفيش خروج الجامعه وتليفونك مش هتشوفيه تاني
تالا دموعها نزلت في اقل من ثانيه:انا اسفه ي عمي مش هتكرر تاني
عزيز قرب منها وشد شنطتها :مسمعش نفس اطلعي ع اوضتك
طلعت تالا وهي منهاره من العياط وحبست نفسها في الاوضه
في شقه لمى كانت قاعده ع مكتبها بتذاكر وسمعت رنه الرساله ع فونها مسكته وشافت الرساله كانت من رقم غريب فتحتها وبتقرا مضمونها
مساء الخير ي احلي بنت شافتها عيني
ابتسمت وهي مش محتاجه تعرف ان حبيبها هو الي بعت الرساله دي لكن الي استغربته ليه بيبعتها من رقم غريب وفي نفس اللحظه سمعت قفل باب الشقه وقفت وطلعت برا الاوضه وشافته قصادها
لمى ابتسمت وقربت منه ولفت ايديها حوالين رقبته وهو انحني ب راسه وباسها ع خدها ولف ايديه حوالين خصرها :حمدلله ع السلامه ي حبيبي
ليث ابتسم بحب:الله يسلمك ي حبيبتي. عامله اي انهارده
لمى :الحمدلله هو شويه تعب لكن ماما قالتلي ان دا طبيعي
ليث :عارفه ي لمى رغم اني مبسوط انك حامل بس مكنتش عايز دلوقتي عشان دراستك وانتي كدا هتنشغلي بالحمل وهتسيبي الدراسه
لمى بحب:متقلقش ي حبيبي انا لما بحس بتعب برتاح وبعدين اي الي مش عايزه دلوقتي دا. دا انا بتمناه من زمان
ليث خدها ودخلوا الاوضه:ههههههه من زمان اه ي سافله
وانتي اشعرفك بقاا اني كنت هتجوزك او اني اكون بحبك
لمى شاورت ع قلبها وبصتله بحب:هو دا الي عرفني واكدلي انك عمرك ما هتكون لحد غيره
ليث ابتسم وقرب وباسها مكان ما شاورت وباسها ع خدها وشفايفها:يبقي عنده حق ي حبيبتي لان فعلاً عمري ما حبيت غيرك ولا عيني شافت بنت غيرك بس احكيلي بقاا ليه رغم اننا متفقين نأجل موضوع الحمل انتي حملتي
لمى ابتسمت ببرائه:لاني بصراحه وقفت برشام منع الحمل من شهر ونص
قولت احطك قدام الامر الواقع
ليث قرصها من خديها برفق :اه ي سوسه بس تعرفي احلي امر واقع اتحطيت فيه
لمى :هههههه طب الحمدلله كنت فاكره هتقتلني لما تعرف اني حامل
ليث ضمها لحضنه :ههههههه دا انا اقتل نفسي ولا اجرحك حتي ي روحي
لمى سندت ع صدره وهي بتسمع صوت دقات قلبه القويه والعاشقه:بعد الشر عنك ي حبيبي. بس ممكن اعرف بقاا ازاي انت وصلت وتبعتلي رساله تعاكسني فيها عملتها ازاي في وقت واحد
فتح عينيه واستغرب وبعدها عن حضنه وبصلها بحده وغيره:مين دا ي روح امك الي بيعاكسك
لمى استغربت :يعني اي مين هو مش انت الي بعت الرساله
ليث بغيره :انتي هبله ي بت هو انتي مش مسجله رقمي
لمى :اه مسجلاه بس انا قولت انك بتهزر وعملتها من رقم تاني
ليث بحده:فين الزفت الرساله
لمى راحت ع مكتبها خدت الفون وفتحته وادتهوله وقرا الرساله وعينيه بتصرخ من الغيره
ليث بقوه:هو مفيش غيره الي بعتها
لمى باستغراب :قصدك خالد.
ليث :هو زفت بس اقسم بالله ما هرحمه
لمى منعته بخوف :لا ارجوك انا مصدقت الموضوع الي فات عدي ع خير ارجوك ي ليث بلاش
ليث بجديه:متخافيش ي حبيبتي بس انا مستحيل اسيب الكلب دا هو مش ناوي يجيبها لبر ابداً ولازم اوقفه عند حده
لمى بقلق وندمت انها عرفته لكن لو كانت تعرف ان هو مكنتش قالتله ابداً:مش هيقف ي ليث. هو مش هيقف انت ضربته بدل المره الف وكل مره بيعند اكتر ارجوك خلينا نتجاهله ووعد مني اي حاجه هيعملها هتجاهلها
ليث بحده:انتي بتكلمي عن ابن اختك دا واحد متزفت معجب بيكي استنى اي ان شاء الله لما يجي يطلبك مني
لمى :مش هيحصل والله
ليث بجنون وغضب :انتي هتجننيني انتي كمان هو اي الي مش هيحصل ليه هو انا هستني كمان لما يحصل ويجي يطلبك مني
لمى :مش قصدي بس قصدي ان انا هتجاهل كل رسايله وكل كلامه
ليث :هو جاب رقمك اصلاً منين
لمى استغربت فعلاً ازاي مفكرتش في كدا :معرفش صح بس ممكن يكون خده من اونكل حسام لان طلب رقمي وقتها
ليث ضغط ع اسنانه بحده:ماشي ي لمى الزفت الرقم هيتغير لما نشوف اخرتها مع الزفت دا وانتي كدا كدا حامل يعني مش هتروحي الجامعه تاني
واي حاجه هتحتاجيها انا هذكرهالك
لمى :بس كدا هتعبك معايا
ليث :مش هتزفت اتعب بس اقسم بالله لو الموضوع اتمادي لهقتله والي يحصل يحصل انا مش عارف يعني هو سايب بنات امريكا كلها ومركز معاكي انتي
لمى ضربته ع صدره بغيظ:قصدك اي. قصدك اني وحشه
ليث بصلها ورفع حاجبه بقوه وهي اتوترت وابتسمت ببرائه:خلاص انا وحشه ي سيدي
ليث بلامبالاه مصطنعه:بس. ي بت ي هبله انتي
قلع جاكيت بدلته وغير هدومه ومدد ع السرير وهو بيغمض عينيه بتعب وارهاق
لمى نامت جنبه وهي بتلعب في شعره:ليث
ليث وهو مغمض عينيه :اممممم
لمى وهي كاتمه ضحكتها :لولو
ليث فتح عين وبصلها بقوه :عارفه لولو دي لو قولتيها تاني هزعلك
لمى ضحكت :ههههههه ليه كدا دا حتي الاسم حلو
ليث بهدوء:لمى ي حبيبتي
لمى بحب :نعم ي حبيبي
ليث :اتخمدي بدل مااخمدك انا
لمى بتمرر ايديها ع صدره بنعومه بتثيره وتجننه:طب ما تخمدني ي حبيبي
ليث بصلها بمكر :ع فكره الاغراء دا مش في صالحك خالص فا اهدي كدا بدل مااتجنن عليكي. انتي حامل ي بنت الناس
لمى ببرائه:طب اعمل اي مانا بحب امشي ايدي ع عضلاتك بتبقي صلبه كدا وحلوه
ليث اتنفس بقوه :ااااه ي مجنونه انتي ماشي ي لمى بس متجيش بعد كدا تزعلي انا هوريكي بقاا تعملي اي
لمى حطت ايديها الصغيره حاجز ع صدره:ههههههه لا استني انت بتصدق
ممنوع ي حبيبي
ليث بمكر:انا عارف انو ممنوع بس فيه حاجات تانيه متاحه ولا اي ي حبيبتي
لمى حمحمت بخجل:احم احم قلبي الصغير لا يتحمل
ليث :ههههههه لا دا لازم يتحمل ويتحمل ويتحمل كمان ي روحي
في بلكونه اوضتها نط عليها بمهاره وسرعه ودخل الاوضه شافها وهي نايمه ع السرير وكان الغطا بعيد عنها وهي لابسه هوت شورت احمر وتيشيرت اسود كان هيتجنن من جمالها وهو اول مره يشوفها باللبس دا
بلع ريقه بتوتر وقرب منها يغطيها لكن اتحركت اكتر وبعدت الغطا خالص عنها وهو هيتجنن وغمض عينيه بقوه وغطاها كويس لكن في لحظه فتحت عينيها وشافته قريب منها صرخت صرخه خفيفه
تالا بخوف وهي بتداري نفسها:انت بتعمل اي هنا
يامن بلغبطه:بعريكي. مسح ع وشه. قصدي بغطيكي
تالا بصتله بغضب :انت سافل وقليل الادب وبعدين دخلت هنا ازاي
يامن اتنفس بقوه ونظم انفاسه ووقف وبصلها :انا قولتلك ي تالا اليوم الي هتعملي فيه الي حذرتك منه وقتها هتشوفي جناني
تالا اتوترت :وانا عملت اي
يامن رفع حاجبه بقوه :لا والله يعني مش عارفه عملتي اي
لما متروحيش الجامعه وفونك مقفول ومبتخرجيش يعني بتعندي معايا ي تالا
تالا وهي متوتره من وجوده في الاوضه لوحدهم:لا طبعاً وانا هعند معاك ليه مبسوطه بوجودك يعني
يامن ابتسم وغمزها :يمكن
تالا بنرفزه :يامن احترم نفسك واتفضل بقاا امشي عشان لو حد شافك هتبقي مصيبه
سمعوا دوشه برا وصوت زعيق وفجاه اتفتح الباب وكان عمها واختها وجوز اختها
عزيز بص ل هديل اختها بغضب :صدقتيني دلوقتي هي دي بقاا تربيه ابوكي ياما قولتلوا خلفه البنات بتجيب العاار وهو مصدقنيش وادي النتيجه
تالا كانت مصدومه ومن صدمتها ونظرات خذلان من اختها مكنتش قادره تنطق او تدافع بتهز راسها بعنف بتنفي اي فكره خدوها عنها
يامن بصله غضب :تالا متربيه احسن تربيه ومش هسمح لاي حد يجيب سيرتها بكلمه
عزيز بغضب :انت ليك عين تتكلم اصلاً انت تخرس خالص والفضيحه دي لازم تتلم وغصب عنك هتكتب عليها دلوقتي
يامن بقوه:وانا موافق
تالا اخيراً اتكلمت وهي اتجرحت وهما معتبرينها سلعه بيبيعوا ويشتروا فيها بصتلهم بدموع:لا طبعاً انا مش موافقه انا مغلطش ولا عملت حاجه غلط
هديل بغضب ووجع:انتي تخرسي خالص مش كفايه حطيتي راسنا في الطين
واسم بابا الي قعد سنين يبنيه ولحد ما مات الناس بتذكره بكل خير دلوقتي هيبقي شكله ازاي
تالا مصدومه مش مصدقه ان اختها صدقت وموثقتش فيها:انتي مصدقه الي بتقوليه دا ي هديل انتي عرفاني كويس عمري مااعمل كدا
هديل بصتلها ب خذلان واستحقار:انا شوفت بعيني محدش قالي
تالا بوجع:شوفتي اي. انا لسه زي مانا محدش لمسني بصت ل غانم وبرجاء بتطلب منه يصدقها لكن اختها نفسها صدقت فا مكنش قصاده غير انه يصدق وهو شاف بعينيه وبعتاب ولوم. حتي انت ي غانم مصدق ارجوكوا صدقوني انا مظلومه والله
يامن :للاسف ي تالا محدش هيسمع ولا هيصدق غير نفسه
عزيز بسخريه :خلصتوا الفيلم الهندي دا انت يالا هتكتب عليها دلوقتي
يامن بقوه:وانا قولت ماشي هاتوا الماذون ومستعد اتجوزها دلوقتي
بعد ساعه وصل الماذون وكتبوا الكتاب وسط دموع ووجع من الكل ماعدا يامن الي برغم انو فرحان لكن مكنش عايز يتجوزها بالطريقه دي
وعزيز الي كان كل دا من خططه
♥️♥️♥️♥️♥️♥️♥️♥️♥️♥️♥️