في يوم جديد كانت غرام نايمه ع الشزلونج وقاعد قصادها دكتور
دكتور كامل :يعني انتي مسمحاه دلوقتي
غرام اتنهدت:اه مسمحاه بس خايفه اقرب
كامل :ودا قدرت احله انتي بقالك ثلاث شهور بتتعالجي عندي واقدر اقولك انك عديتي المرحله دي جربي كدا تقربي
غرام بصتله :يعني مش هفتكر نفس المشهد
كامل :لا مش هتفتكري لان حبك ظهر خلاص. انتي الاول كرهك ليه كان مغطي ع الحب دا لكن دلوقتي الحب هو الي اكبر وقدر ينتصر ع الكره دا
غرام :انت بتتكلم جد ي دكتور
كامل ابتسم :اه بتكلم جد وتقدري تشوفي دا بنفسك
انتي قولتيلي انتي في الشهر الكام دلوقتي
غرام :في الشهر السابع
كامل :وبقالك اد اي بعيده عن فهد
غرام :ست شهور
كامل :طيب كدا انتي مش بس نسيتي المشهد انتي نسيتي كل حاجه حصلت
غرام ابتسمت وهي مبسوطه انها هتقدر تقرب من غير ما تفتكر المشهد :انا بجد مش عارفه اشكر حضرتك ازاي
كامل :مفيش شكر ولا حاجه دا شغلي
غرام قامت من ع الشزلونج بتعب لكن محستش بتعبها قصاد فرحتها الي غطت ع كل حاجه وشكرت الدكتور وخرجت برا العياده وهي حاسه انها طايره من الفرحه
في شركه الزيني نزل فهد من شركته وركب عربيته واتحرك وشغل اغنيه وهو ماشي ع الطريق
(بسلم عليك. مصطفي قمر)
بسلم عليك، علشان لقيتك مرة واحدة وحشتني بسلم عليك، دا إنت اللي كان حضنك زمان بيضمني
فهد :اه والله ي ابني وحشتني اووي
فهد كان بيسوق وهو مستمتع بالاغنيه وهي بتحكي عن شعوره وبيفتكر لما نام في حضنها وكانت اول مره يحس براحه كدا وهي برغم كل الي حصل منه لكن رمت كل دا ورا ضهرها لما شافت وجعه وحزنه. وكانت عايزه تخفف عنه ...جت في دماغه فكره ورن ع غرام
عند غرام كانت في اوضتها قاعده ع السرير وهي مشتاقه ليه لكن مكسوفه تكلمه
غرام :يوووه بقاا ي غرام ما تكلميه مستنيه اي هو انتي مش كان نفسك تتعالجي عشانه واديكي خفيتي خلاص اهو مستنيه اي تاني
فونها رن في اللحظه دي وابتسمت بلهفه لما شافت اسمه منور الشاشه وهو مش بس نور الشاشه دا نور ابتسامتها ووشها الي ابتسم لهفه وردت لكن مسمعتش صوته كان قاصد انو يكلمها عشان يسمعها الاغنيه
كانت بتسمعها وهي مبسوطه اغنيه برغم بساطه كلامها لكن كان كافي انو يسعدها
بسلم عليك علشان لقيتك مرة واحدة وحشتني
بسلم عليك، دا إنت اللي كان حضنك زمان بيضمني صعب عليّ أداري حنين، عاش جوايا بقالو سنين
نفسي أتطمن بيك يا حبيبي و لو مش جاي أجيلك فين ليل و نهار أنا هستناك، قلبي فنار و الجنة معاك شوق هيجيني و شوق هياخذني و مش هرتاح غير و أنا وياك
بسلم عليك بقالك كثير، غايب وسايب روحي ليك متشوقه
بقالك كثير، و لا إنت مش عايز تشوفني خلاص بقى. بقالك كثير، غايب
وسايب روحي ليك متشوقه
غرام دمعت بشوق وهو فعلا واحشها مش زي ما الاغنيه بتقول نفسها تشوفه دلوقتي قبل كمان شويه
بقالك كثير، و لا إنت مش عايز تشوفني خلاص بقى صعب عليّ أداري حنين، عاش جوايا بقالو سنين نفسي أتطمن بيك يا حبيبي و لو مش جاي أجيلك فين ليل و نهار أنا هستناك، قلبي فنار و الجنة معاك
شوق هيجيني و شوق هياخدني و مش هرتاح غير و أنا وياك
بسلم عليك، علشان لقيتك مرة واحدة وحشتني بسلم عليك، دا إنت اللي كان حضنك زمان بيضمني
خلصت الاغنيه وبمجرد ما خلصت كان غرام دموعها ع خدها محستش بيها كانت دموع فرحه وعرفت اد اي هو بيحبها وانها وحشاه
فهد بحب وشوق :وحشتيني ي غرامي
غرام بخفوت :وانت كمان
فهد مكنش مصدق انها نطقتها وفرمل العربيه بقوه :انتي قولتي اي.
ملقاش رد
لا وحياتك مش وقت سكوت نفسي اسمعها منك ي غرام
غرام قلبها كان بيدق بقوه وردت بصوت واطي :وحشتني
فهد برغم ان كان صوتها واطي لكن سمعها وهو مكنش مركز غير فيها وسمعها ودنه وبيأكدها قلبه بدقاته القويه :انا مش مصدق نفسي يعني بجد وحشتك
غرام ابتسمت بحب :هستناك متتاخرش عليا
فهد اتحرك بالعربيه وساق بسرعه رهيبه :اتاخر دا انا هطير
غرام برقه :ههههههه لا براحه لتعمل حادثه
فهد ابتسم:هبقي شهيد حبك ي غرامي
غرام سكتت ومردتش وهي هتموت من الكسوف
فهد :لا دا انا مصدقت انك تتكلمي عايز افضل اسمع صوتك لحد مااوصل
غرام :طب عشان تعرف تسوق
فهد :لا انا عارف اسوق
وقف فهد العربيه لما لمح شجره في نص الطريق وخبط ع الدركسيون بغيظ
:ودا وقته. مين الغبي الي وقع الشجره دي كدا
معلش ي حبيبتي خليكي معايا ثواني هشيل الشجره
غرام حست بقلق وان فيه حاجه غلط :بلاش ي فهد. لف وارجع بلاش تنزل عشان خاطري
فهد :بلاش اي دا انا مصدقت انك حنيتي وعشانك اشيل ونش مش بس شجره عشان اجيلك ي حبيبتي
غرام وقفت بقلق :فهد عشان خاطري بلاش انا مش مطمنه
حست غرام بألم في بطنها :اااه. فهد
فهد كان خرج من العربيه ورايح ناحيه الشجره لكن لما سمع صوتها وقف بقلق :مالك ي غرام
غرام بسبب قلقها حاسه بألم في بطنها لكن مكنتش عايزه تقلقه :مفيش بس عشان خاطري ارجع
فهد :ي حبيبتي اهدي مفيش حاجه
فجاه ظهر اشخاص ملثمين وماسكين في ايديهم عصايات ضخمه
فهد بصلهم واتكلم في الفون :طب اقفلي دلوقتي ي حبيبتي
غرام بقلق:في اي ي فهد
ملحقش تكمل كان فهد قفل المكالمه. رنت تاني وهي هتموت من القلق وبردوا مفيش رد وبدا الألم يشتد عليها وقررت ترن ع ريان
