قاعده في الكوشه وهي مبتسمه وفرحانه لكن اختفت ابتسامتها لما شافتها بتقرب منها ووقفت
هديل وقفت قصادها وعيونها بتصرخ من الندم بصالها ومش عارفه هترضي تسامحها ولا لا
لو اترمت في حضنها هتبادلها الحضن ولا هترفض وتبعد :انا اسفه ي تالا
اسفه ي حبيبتي ع كل حاجه واسفه ع ظلمي ليكي
انا زيك بالظبط مكنتش اعرف حاجه
تالا حضنتها بقوه والاختين عيطوا وهما في حضن بعض ومشهد اتأثر بيه الكبير قبل الصغير :متتأسفيش ي هديل انتي ملكيش ذنب
محدش فينا كان يعرف حاجه ..انتي اختي ي هديل ملناش غير بعض ومستحيل ازعل منك
هديل بندم:يعني مسمحاني
تالا بحب:انا مزعلتش منك عشان اسامحك
يامن :خلاص بقاا ي جماعه كفايه نكد وحيات ابوكوا دا فرح
بعدوا عن حضن بعض وابتسموا ومسحوا دموعهم وبصت تالا ل غانم :شكراً ي احسن اخ شوفته في حياتي
انا مهما قولت مش هيوفي الي انت عملته معايا
غانم ابتسم وسلم عليها:انا معملتش غير واجبي وانتي لسه قايله اخ
وبصراحه الي المفروض تشكريه هو يامن جوزك
هو الي عمل كل حاجه وهو الي كشفلنا الحقيقه كلها
ولولاه مكناش عرفنا اي حاجه
تالا بصت ل يامن بحب وامان وهي مبتسمه وبعينيها بتشكره وبتعشقه اكتر
هو الي اثبتلها انو قادر يحميها من العالم كله ويخبيها جوا حضنه ويامن بصصلها ومبتسم بعشق فوق عشقه ورجع بص ل غانم بمزاح :انت عايزهم يحبوني يعني طيب انا معنديش مانع
غانم ضحك وقربها لحضنه :هههههههههه لا قصدك تحبك لكن مراتي ليا لوحدي
يامن غمزه :ايوا بقاا ي عم ماشي
غانم :هههههه يلا نسيبكوا بقاا تستمتعوا بفرحكوا دي ليله العمر عمرها ما تتعوض سلام
....................................
واقف بيشرب العصير وهو متعصب اتخنق منها وكرهها خصوصاً بعد ما خد باله من نظراتها ل فهد
وهو نفسه يقتلها بين ايديه لكن مش قادر وندم من الاول ع قراره انو يتجوز اجنبيه وهو عارف ثقافتهم غير ثقافته وتقاليدهم غير تقاليده
كل دا كافي انو يدمر العلاقه من قبل ما تبدأ
سمع صوت انين خافت ولمحها من بعيد واحده جميله ورقيقه لكن استغرب دموعها ومتردد يروح ولا لا لكن في الاخر حسم قراره وراح
حسام :احم احم
مسحت دموعها بسرعه ولفت وبصتله :احم مين حضرتك
حسام :انا اسمي حسام وانتي
چنا :انا چنا بس يعني حضرتك قصدي محتاج حاجه
حسام:الحقيقه انا شوفتك من بعيد يعني وشوفتك وانتي بتعيطي
انا اسف لو بدخل بس مفيش حاجه تستاهل انك تعيطي عشانها بعيداً اني مش عايز اعرف السبب
چنا بصت في الارض بحزن والدموع اتجمعت في عينيها تاني:لا فيه يستاهل ..بس انا الي غبيه وضيعته من ايدي
بس ربنا عوضه بواحده احسن مني تصونه وتحبه
حسام استغرب :هو انتي بتتكلمي عن مين
چنا مسحت دمعه نزلت منها لما شافت بنتها بتقرب منها :معلش بعد اذنك ياريت متجبش سيره قدام بنتي اني كنت بعيط او اي حاجه
حسام :اكيد متخافيش
بس هي بنتك تبقي لانا
چنا :اه هي
لان وخالد قربوا منهم ولانا بصت ل مامتها :ماما كنتي فين انا بدور عليكي من بدري
چنا ابتسمت وهي بتداري حزنها :انا كنت بجيب عصير ي حبيبتي
خالد بص ل حسام باستغراب :بابا هو حضرتك تعرف مدام چنا
حسام بصله:اه لسه متعرفين دلوقتي
هي تبقي مامت لانا
خالد :اه هي
چنا بصت ل حسام وابتسمت:الحقيقه انا اتشرفت بمعرفه حضرتك
حسام ابتسم:انا اكتر
وبصراحه بحييكي ع تربيتك بنتك ماشاء الله جمال وادب واخلاق
صعب وجودها خصوصاً في بلد زي امريكا
چنا وهي مبتسمه:الحقيقه دي شهاده اعتز بيها
شكراً لحضرتك
خالد ابتسم:طيب احنا هنسيبكوا بقا تتعرفوا وهروح انا و لانا
مسك ايديها ومشيوا
واتكلم حسام وچنا وبدأت اول نظرات واول احساس يحس بيه
....................................................
في قصر الزيني. بتزقه وتبعد عنه وهي متعصبه :ابعد عني بقاا ي عمار
عشان انا مخنوقه
عمار لحقها ومسك ايديها ووقفها : ي روح عمار استني بس هفهمك
انتي عارفه كريمان وطريقتها وعايزه توقع ما بينا
يعني يرضيكي تخليها تنتصر
چيسي ضربته ع صدره بغيره:وانت خبيت عني ليه
الا لو فيه حاجه بينكوا
عمار :والله ما فيه حاجه بينا وبعدين مش كل عميل يجيلي هاجي اقولك
دا شغل ي حبيبتي وانا بتعامل مع رجاله وستات
چيسي ربعت ايديها بغيره:اه والمفروض انا ارضي بالامر الواقع
لا ي عمار انا هاجي معاك الشركه
عمار رفع حاجبه:تيجي فين ي حبيبتي
شركه اي ببطنك دي ..لا طبعاً مش هيحصل
چيسي بغضب:ايوا مش عايزني اجي عشان مشوفش خيانتك بعيني
عمار مسح ع وشه بغضب:ي ولي الصابرين يارب
هو ابن الكلب الي اسمه يامن الي سخنك والله هخليها ليله مطينه عليه زي ما قلبلي ليلتي
چيسي :هو بردوا الي سخن ماانت لو مش بتعمل حاجه غلط محدش يقدر يسخن
عمار بيكتم غضبه وبيبصلها بهدوء :ي چيسي ي حبيبتي
انتي مينفعش تيجي الشركه بحملك دا وبعدين هسيب انا الشغل ومش هركز غير معاكي اخاف تتعبي او يحصلك اي حاجه مش هعرف اتصرف
لكن هنا انتي في امان هيعرفوا يتصرفوا وستات مع بعض تسلوا بعضكوا لكن في الشركه انتي هتزهقي
چيسي دبدبت ع الارض بغيظ:والمفروض اسيبك بقا معاها
عمار :ي اختااااي
تسيبيني مع مين ي چيسي دي عميله الي بينا شغل بس
كفايه بقاا حرام عليكي
چيسي بصتله وهي بتفكر وهي فعلاً بتثق فيه وتحبه بس بتغير وعارفه كريمان وخبثها لمن ثقتها الاكبر في جوزها الي عرفاه وبتحبه
ابتسمت :خلاص عفونا عنك
عمار اتنفس بقوه :اوووف اخيراً دا انتي طلعتي عيني ي شيخه
تعالي بقاا عشان هطلع عينيك زي ما طلعتي عيني
چيسي بتبعد ووقفت ورا الكرسي وهما كانو في ساحه القصر وبتضحك:هههههه اعقل ي مجنون. هتولدني بدري والله بسببك
عمار بيلف عشان يمسكها :مش هسيبك بردوا
چيسي :ههههههه ي عمار الواد هيقع بس بقاا
عمار لف بخطوه سريعه ومسكها من ايديها وشدها لحضنه وهو بيضحك:هههههه طب ما يقع ي حبيبتي دا انا حتي هتلاقيني بلقفه
ونجيب الي بعده حالاً
چيسي خبطته ع صدره :اي نجيب الي بعده دا هو سوبر ماركت
وبعدين انا تعبت مش قادره اكمل اوعاا بقا كدا خلينا نطلع الفرح شغال
عمار :تعبانه اشيلك ي روحي
والفرح براحته شغال واحنا بردوا شغالين تعالي بقاا
سمعوا صوت ضحك انوثي
عمار بحماس :اللهم صلي ع النبي سامعه
دا القصر هيولع النهارده شالها بين ايديه تعالي بس
چيسي ضحكت :هههههههه وانا الي كنت فكراكوا عيله محترمه
عمار غمزها بمكر وهو طالع ع السلم :طبعاً ي روحي احنا محترمين جداً بس احترام عن احترام تفرق
......................................................
خلص الفرح وطلعوا العروسين اوضتهم
تالا قاعده ع السرير بهدوء وهي بتراقب تفاصيله ..حركاته.. لهفته ...حماسه ..كل حاجه فيه وشيفاه بيقلع هدومه بحماس ولهفه
يامن بيرمي قميصه باهمال وبيفك حزام بنطاله وبيقرب منها بلهفه:اخيرااً
اتقفل علينا باب دا انا كنت قربت انسي تفاصيلك
تالا حضنت وشه بين ايديها برقه ونظرات عاشقه:انا بقاا عمري ما نسيت اي تفصيله فيك
عارف ليه
يامن بيبوسها في خدها بشغف:ليه ي روحي
تالا سندت ع صدره وحضنته وهي بتمرر ايديها ع ضهره بحركات بتجننه وتثيره:عشان ع طول شيفاك قصادي
عمرك ما غيبت عن بالي لحظه بشوفك حتي في احلامي
يامن بيفك سحاب الفستان وهو في حاله توهان رهيبه وعشق مغرقهم وبيمرر ايديه ع ضهرها بحنان وشالها برا الفستان :وانا بردوا ي روحي. عمرك ما غيبتي عن بالي بس قربك هو الي كنت مشتاق ليه .. باسها عند موقع قلبها
احساسك ودقات قلبك كنت مفتقدها ..عيونك الي لامعه بالحب دي كنت نفسي اشوفها ..حتي نبره صوتك كانت وحشاني بجنون
متتخيليش لما سمعت صوتك حصل اي كأن روحي رجعتلي من تاني
كنت بعمل المستحيل عشان ارجعلك في اسرع وقت
كانت دايبه في كل لمسه وحضن وبوسه منه مددها ع السرير وهي داخل احضانه
مكدبش خالي لما قال انهارده ليله مش هننساها ابداً
عارفه ليه ..عشان انهارده مفيش اي حاجه تشغلنا عن بعض
نظره عيونك الصافيه دي كانت بالنسبالي الدنيا وما فيها
تالا ابتسمت بحب:انت عمال تتكلم وتقول كلام حلو مش قادره اصمد قصاده
مسبتليش حاجه اقولها ابداً
جوايا كلام كتير كنت هقوله بس انت سبقتني وقولت كل حاجه
يامن ابتسم بجنون :مش محتاجه تقولي حاجه ي حبيبتي لاني شايف وحاسس قبل مااسمع
فاكر يوم ما خدتك من قدام الجامعه وحلفت انك مش هتكوني لغيري
مش ناسي يومها كلمتك لما قولتيلي وقتها مش هكون معاك غير بجسمي
كلمتك دي وجعتني حسستني اني شخص اناني
مش عايز منك غير جسمك بس لا ي تالا
انا عملت كل دا عشان تبقي معايا بكل تفاصيلك بحبك ..وروحك ..وعقلك
كل حاجه تكون ليا مش جسمك بس
انتي عيليتي في نظري وقتها وحبيتك اضعاف
قولت مفيش غيرك الي هتشيل اسمي وتصوني وتربي ابني احسن تربيه
تالا عيونها دمعت من الحب ودفنت راسها في حضنه بقوه وحضنته :انا حاسه اني بين ايدين ملاك مش بني ادم
انا مستاهلش حبك دا ..انا الي عرضت حياتك للخطر بغبائي وقله فهمي
يامن ابتسم وبيمرر ايديه ع شعرها بحنان:بالعكس انتي الي سهلتي مهمتنا اكتر
منكرش فعلاً انك كنتي متسرعه بس الحمدلله انها عدت ع خير
وبعدين احنا هنفتح في القديم ولا اي.
انهارده لازم ننسي كل حاجه فاتت ونكمل حياتنا
لازم اخد حق كل لحظه عيشتها في بعدك
ضمها بتملك وجنون وبص في عيونها ..هتتحملي جنوني وشوقي ليكي
تالا بايديها لمست دقنه الخفيفه برقه وبصت في عيونه وهزت راسها بخجل :انا عشانك اتحمل اي حاجه مش بس جنونك
..................................................
عدي شهور اخري
وفي مستشفي الزيني
حاله هرج ومرج جوا غرفه العمليات وصقر ماسك الدكتور من لياقه قميصه بغضب وغيره:انت مبتفهمش بقولك غور هات دكتوره
والا اقسم بالله اخليك ترقد مطرحها
الدكتور بخوف من بطشه وقوته: ي صقر بيه
مفيش دكتوره دلوقتي والدكتوره المتابعه ليها سافرت عندها رساله بتقدمها
صقر بعصبيه:انا ميخصنيش عندها رساله ولا نيله سودا عليك
تجيب حالاً دكتوره من تحت الارض اتصرررف
رغد بتعض ع شفايفها بتعب وبتصرخ :ااااااه الحقني ي صقر مش قااااااااادره
صقر بصلها بقلق وزق الدكتور بعيد وقرب منها :متخافيش ي حبيبتي
حالاً هتيجي الدكتوره
رغد بصرااخ:لاااااا مش قاااادره اتصرف ي صقر خليه يولدني
مش قااااادره
صقر بغيره :هو مين دا الي يولدك انتي اتهبلتي في عقلك
انتي عارفه هيولدك ازاي دا انتي تسيبيهم جوا ولا انه يولدك
رغد مسكت في چاكيت بدلته وبتصرخ :ااااااااه. همووت ي صقر
حسبي الله ونعم الوكيل فيك هووووولد ي بااااارد
صقر بص للممرضه بغضب :انتي بتتفرجي ع اي اتصرفي اعملي اي حاجه ولديها انتي
الممرضه بخوف :انا ..حاضر ي فندم
بس ممكن حضرتك تخرج برا عشان وجود حضرتك موترني
صقر مسكها من ايديها بغضب وشدها :انا محدش يؤمرني ي بت انتي
وبعدين اخلصي ولديها مش هنفضل طول الليل هنا
