فهد وغرام ولادهم. صقر و لمى
ريان وفرح. بنتهم رغد
شريف وقمر ولادهم عمار و يامن
بعد عشر سنين اخرين
قاعد بكل قوه بعيون الصقر ونظرات ثاقبه متابعها بعينيه بيراقب تفاصيلها ..حركاتها...ضحكتها ...ردود افعالها كل حاجه بيراقبها
شاب عنيد ..قوي ..حاد ..متملك بدرجه كبيره صعب خضوعه والسيطره عليه عارف انها خايفه منه شايف نظراتها المتوتره من قرب اي شاب منها مش مبسوط بالخوف دا لكن مبسوط ان مفيش اي شخص هيقرب منها
عايز يكون هو كل حاجه في حياتها هو الي يفرحها وهو الي يزعقلها لما تغلط وهو الي يصالحها بردوا يكون هو كل شئ لكن فعلاً كلام باباه صح هي ممكن تخاف منه لسه فاكر كلامه وحافظه وبيدور في راسه ع طول
كان قاعد في كافيتريا الجامعه وقعد قصاده عمار
عمار بص ع المكان الي باصص فيه واتنهد بزهق ورجع بصله :ي ابني مبتزهقش خالص هتفضل ع طول كدا بتراقبها من بعيد
صقر وهو مبعدش عينه عنها لحظه:اه هفضل كدا مبزهقش ولا بمل
عمار :طيب ي سيدي انا معاك انك بتحبها ليه مقربتش منها ومعيشها في رعب من قرب اي شخص ليها انت بقالك سنين من واحنا في المدرسه دا البت جالها عقده من الولاد بسببك
صقر :ودا انا فرحان بيه عشان محدش يقربلها بس الاستاذه بتعند معايا ومش عايزاني انا كمان اقرب منها
عمار : ليها حق بصراحه انا لو مكانها هعمل كدا دا انا الراجل وبخاف منك بنظراتك دي تقتل الواحد وهو واقف
صقر غمض عينيه بوجع عمره ما بين لحد وجعه كان فعلاً موجوع مش فرحه ان يكون حبيبك بيخاف منك ويترعب لما يشوفك بس غصب عنه حبه ليها مخليه بيتجنن لما حد بيقربلها وفي نفس الوقت مش عارف يكون حنين دي طبعاه وخصاله صعب تتغير بيحبها لكن مش عايز حاجه تكسره ووجعاه رفضها ليه كلام عمار عارفه واتقاله كتير وكل مره بيتوجع وهما مش حاسين فاكرينه جبل مبيتهزش لكن هو بيتحرق من جواه وبثبات :سبني لوحدي ي عمار
عمار :حاضر ي صقر هسيبك بس كنت عايز اقولك ع حاجه يمكن تلين الحجر شويه
صقر وهو لسه متابعها بعينيه وبيسمعه بلامبالاه:حاجه اي
عمار :الجامعه عامله رحله ل شرم ثلاث ايام وعرفت ان رغد عايزه تطلعها لكن تقريبا باباها رافض عشان بنت لوحدها فا لو انت قدرت تقنع باباها يوافق وتطلع انت كمان معاها وقتها هتفرح جداً ويمكن دا يقلل الخوف الي عندها منك
صقر بجديه:تمام اكتب اسمينا كلنا انا وانت ورغد وشوف زميلتك لو هتيجي
عمار باستنكار :زميلتي انت بيئه اوي مش عارفه انت ابن طنط غرام ازاي معقوله واحده بالرقه والجمال دا وتجيبك انت طب ازاي
صقر بصله بقوه :تحب اقولك ازاي ولا شكلك نسيت علقه زمان وعايزني افكرهالك
عمار :مالك ي صقر هي هبت منك ولا اي وبعدين مكنتش مره استغليت انك بتلعب في الچيم وقولت تجربه فيا وكل دا ليه عشان
قاطعه صقر بقوه وهو بيتحكم في اعصابه لابعد حد بيعتبر عمار اكتر من اخ بالنسبه ليه وهو الوحيد الي بيقدر يتكلم معاه بحريه :قبل ما تفكر وتنطقها احمد ربنا اني بحاول اتناسي الموضوع عشان بعتبرك اكتر من اخ لكن لو جبت سيرتها تاني هنسي انك ابن خالتي
عمار وقف بغضب وقوه :ماشي ي صقر سلام
