في فيلا غرام
نزل فهد وشاف ريان وفرح وهما قاعدين مع بعض ابتسم بخبث وقرب منهم
فهد :يلا بينا
ريان وقف وبصله:اه يلا انا كنت مستنيك اصلا
فرح :طب خليكوا نتغداء سواء
فهد :معلش ي فرح مره تانيه
ريان بصله بغيظ وخبطه في بطنه بس من غير ما فرح تاخد بالها وهو كان عايز يفضل اكبر وقت ممكن معاها ي عالم القدر هيجمعهم تاني ولا لا
فهد بصله وكتم ضحكته: احم طب خلاص طالما مصممه
فرح ابتسمت وهي مبسوطه :خمس دقايق وهيكون جاهز
ثواني هنادي غرام
طلعت فرح وهي كانت طايره من الفرحه ودخلت اوضه غرام
عند فهد وريان
فهد بصله وضحك :ههههههه ولما انت واقع كدا ليه راسم دور الثقل
ريان :مش قادر اقربلها عايز اشوفها طول الوقت لكن صعب بعد الي حصل نقدر نقرب هبص في وشها ازاي وانا مقدرتش احميها وغيري لمسها
فهد كان باصصله وشايف ملامحه الي كلها حزن ووجع وهو بيتعذب حط ايده ع كتفه :كل حاجه هتتحل باذن الله سيبها ع الله
ريان بحزن:ونعمه بالله
عند غرام كانت في اوضتها وهي بتعيط وبتفتكر كلامه ع اد ما حست فعلاً انو بيحبها وعايزها ع اد ما هي مش قادره تقرب كانت كل ما تقرب تفتكر نفس المشهد بيتكرر قدامها ودا الي مخليها مخنوقه
سمعت خبط ع الباب مسحت دموعها بسرعه وبصوت حاولت يكون طبيعي :ادخل
دخلت فرح وقربت منها ومن فرحتها وحماسها مخدتش بالها من ملامح غرام الي كان باين عليه الحزن :ريان تحت هو وفهد وانا عزمتهم ع الغداء تعالي معايا بقاا نحضر الغداء لان الداده مش موجوده
غرام بصتلها باستغراب :طب مانا عملت الغداء هو بس هتحضريه وتحطيه ع السفره
فرح:ماشي تعالي معايا ساعديني
غرام :طيب روحي انتي وانا نازله وراكي
فرح:ماشي بس متتاخريش
دخلت غرام الحمام غسلت وشها ونزلت وساعدت فرح في تحضير الغداء وحطوه ع السفره وقعدوا الاربعه يتغدوا وفي وسط الاكل حست فرح بمغص في بطنها وقامت بسرعه وهي ماسكه بطنها وحاطه ايديها ع بوقها
فهد وغرام فهموا وبصوا لبعض وهما قلقانين انو يشك في حاجه او يعرف
ريان قام وهو قلقان عليها وكان واقف قدام الحمام وبص ل غرام الي قربت منه هي وفهد :هي مالها. انهارده شكلها مش مظبوط
وكمان داخت وكانت هتقع من شويه
غرام اتوترت لكن قدرت تخفي دا :هي كشفت من كام يوم والدكتور قالها انو مغص عادي وهيروح مع الوقت
ريان :وهتفضل كدا لحد امتي.
غرام :هي مستمره ع العلاج متقلقش انا جنبها
ريان كان فعلاً قلقان عليها جداً :لو فيها اي حاجه بجد متخبيش عليا
غرام :مفيش حاجه بجد ما لو فيه انا اول واحده هخاف عليها دي اختي
ريان :مش عارف ليه مش مطمن دا مش مغص عادي
لو فضلت كدا انا هاخدها المستشفي واعملها كل التحاليل عشان اطمن
غرام بصت ل فهد وخافت انهم يتكشفوا ورجعت بصت ل ريان:انا عملت كدا فعلاً بس الدكتور اكدلي انو مغص عادي عشان يعني اكتر اكلنا من برا
خرجت فرح في اللحظه دي وكان وشها اصفر وباين عليه التعب
ريان بقلق :مالك ي فرح.
فرح كانت مبسوطه وهي شايفه خوفه عليها وكان نفسها تفرحه بخبر حملها لكن خايفه.ينكر الطفل دا وهو استغني عنها بسهوله مش هيستغني عن ابنه او ممكن ينكره بصتله :انا كويسه مفيش حاجه
غرام :اهو زي ما قولتلك مغص عادي
ريان:طيب انتي كويسه دلوقتي تحبي تروحي المستشفي
فرح :لا انا كويسه
فهد :سلامتك ي فرح
فرح :الله يسلمك ي فهد
انا اسفه اني قلقتكوا وقومتكوا من ع الاكل
ريان :اهم حاجه نطمن عليكي ي فرح
فهد وغرام بصلهم وهما كاتمين ضحكتهم اما ريان فا كان هيموت ويقرب منها وياخدها في حضنه من تاني ويطمن قلبه بوجودها
فرح ابتسمت وهي مبسوطه وشايفه خوفه وحبه ليها باين في عينيه وبصتله هي كمان بحب وكان نفسها يحضنها ويطمنها بوجوده وانو عمروا ما هيستغني عنها
فهد وغرام انسحبوا بهدوء من جنبهم وهما عايزين يسيبوهم لوحدهم وخرجوا في الجنينه يتمشوا
ريان مسك ايديها وقعدها ع الكرسي ترتاح وقعد هو كمان :تحبي اعملك عصير عشان يهديكي
فرح :لا مش قادره اكل او اشرب اي حاجه
ريان :انتي شكلك خاسس اوي
فرح بلعت ريقها بحزن ودمعه نزلت من عينيها غصب عنها وهي كانت بتتعذب وهو قدامها ومش قادره تلمسه او حتي تقوله ع الي جواها :هو عشان المغص دا مخليني مش قادره اكل
ريان مسح دمعتها بلمسه رقيقه وصوت هادي :طب ليه الدمعه دي دلوقتي
فرح انفجرت من العياط الي كانت حبساه وبكدب :عشان بطني وجعاني اووي
فرح كانت عايزه تقوله لان بعده هو الي بيعذبها وحزنها الي مبقاش يفارقها من ساعه ما سابها كانت كل حاجه بتوجعها بعده ووجوده لانها مش قادره تقول كل الي حاسه بيه
ريان كان جواه احساس ان مش بس بطنها الي وجعاها :طب تعالي نروح المستشفي نطمن
فرح :لا مش عايزه اروح في مكان
عند فهد وغرام كانوا بيتمشوا في الجنينه بهدوء
فهد بصلها :انتي روحتي كشفتي او متابعه مع دكتور
غرام :اه متابعه مع دكتوره جنب الشركه بروحلها انا وفرح
فهد :وابننا عامل اي
غرام :الحمدلله وصحته بقت كويسه
فهد :طب وبالنسبه لشغل الشركه مش هيأثر ع البيبي
غرام :لا لان خلاص الحمل ثابت انا في الشهر الثالث واكيد هخاف ع ابني ومش هسمح ان يحصلوا حاجه
فهد ابتسم وهو مبسوط انها رجعت عن الي كان في دماغها وخافت ع ابنهم :طيب بس لو حسيتي انك تعبانه فا بلاش تعندي وتكملي
غرام :ان شاء الله
فهد :هي فرح عملت تحليل ال DNA
غرام :اه عملتوا بعد ما بعتلنا عينه دم من ريان واتاكدنا انو ابنه هو
فهد :كنت متاكد انو ابنه فعلاً
غرام :هو انت جبت منه عينه دم ازاي
فهد :دي سهله كانت شكه دبوس في ايديه من غير مااقصد
غرام بعدم تصديق :من غير ماتقصد بردوا
فهد :ههههه لا بصراحه اقصد
غرام :طب خلينا نرجعلهم
فهد :سيبيهم شويه يمكن بيتصالحوا
غرام :ماشي
اه صح كنت هنسي طلعت غرام شيك من جيبها واعطته ل فهد
فهد باستغراب :اي دا
غرام :دا شيك ب ثمن الديون الي انت دفعتها للبنك
فهد وهو بيحاول يتحكم في غضبه بصلها وسابها ومشي
عند ريان وفرح دخل فهد
فهد بجديه:يلا ي ريان
ريان بصله باستغراب :في اي
فهد :مفيش يلا بس لو هتقعد خليك وهمشي انا
ريان :لا انا جاي معاك
دخلت غرام في اللحظه دي وفهد كان متجاهلها ومشي هو و ريان
فرح بصت ل غرام باستغراب :اي الي حصل بينك وبين فهد خلاه ماشي متعصب كدا
غرام :مفيش انا كنت بديله الفلوس الي سددها للبنك
فرح :قولتلك مش هيرضي وممكن يضايق وفعلا دا الي حصل
غرام :وليه بقاا دي فلوسه وحقه
فرح :بس انتي كدا يعتبر هنتيه
غرام :كل دا عشان بديله حقه
فرح :بس انتي مراته يعني مفيش بينكوا ماديات
غرام :انتي الي بتقولي الكلام دا. اشحال ما كنتي عارفه الي فيها
فرح :بس هو عايز يردك وبيحبك.
غرام :طب ماانتي ريان بيحبك
فرح بحزن :بس مش عايز يردني وحتي ما حاولش دا لولا انو شافني صدفه مكنش هيعرف اني جيت اعيش معاكي
غرام :هو غصب عنه ي فرح مش سهل بردوا عليه الي حصل
فرح بوجع:يعني هو سهل عليا
سهل عليا ان حد يلمسني غيره بس انا غصب عني انا كنت فاقده الوعي
غرام :وهو عارف دا بس محتاجين وقت كل واحد يحاول ينسي الي حصل
فرح :مش سهل حاجه زي كدا تتنسي
غرام :عارفه انو مش سهل بس حبكوا لبعض هينسي
فرح :وانتي وفهد حبكوا لبعض هينسي الي حصل
غرام اتنهدت :مظنش اني هقدر انسي واسامح
وبعدين احنا هنقعد نتكلم ولا اي. خلينا نطلع نشوف باقي الشغل
فرح :لا انا مليش مزاج. محتاجه ارتاح لاني حاسه اني تعبانه اوي وبطني وجعاني
غرام :طيب اطلعي انتي ارتاحي وانا هلم الاكل وهطلع وراكي
فرح:طب هساعدك ونطلع سوا
غرام:لا انتي تعبانه اطلعي وانا هشيل
فرح:طيب
عدي شهرين من غير اي احداث جديده غير محاولات فهد انو يصالحها
اما ريان وفرح فا ساعات القدر بيجمعهم ويتكلموا وشويه شويه بيبدأوا يعدوا المرحله دي ويتجاوزوها لكن محدش فيهم قادر يخطي اخر خطوه وهي انهم يقربوا
وفي يوم في شركه العدلي
كانت قاعده غرام ع تربيزه الاجتماعات وجنبها فرح ومن الناحيه التانيه حسام وشادي
مدير قسم عامر :هنعمل اي ي غرام هانم في الموضوع الي قولت لحضرتك عليه
غرام باستغراب:موضوع اي
عامر :الصفقه الي قولت لحضرتك عليها احنا بالصفقه دي هتفتحلنا طاقه القدر دا غير لما الكل يعرف اننا بنتعامل مع شركه الزيني دا هيخلي عملاء كتير تتعامل معانا
غرام :لا انا شايفه اننا بشغلنا ومجهودنا هنقدر نكسب عملاء كتير مش عشان هنتعامل مع شركه كبيره زي شركه الزيني
عامر :بس ي فندم
غرام :من غير بس الي قولته يتنفذ احنا بنعمل اقصي ما عندنا
واكيد مش عشان العملاء هيعرفوا اننا بنتعامل مع شركه الزيني هيجروا علينا انا مش مع المبدأ دا نهائي
احنا زي مااحنا بشغلنا ومجهودنا مش بشغل غيرنا
وكمان فيه عرض من شركه BMU ودا الي هنشتغل عليه الفتره الجايه
عامر :الي تشوفيه حضرتك ي هانم
خلص الاجتماع وخرج الكل
حسام باستغراب :انتي ليه رافضه اي تعاملات مع شركه الزيني رغم انها شركه كبيره ومعروفه واي حد يتمني يتعامل معاها
غرام :اي حد غيري انا وبعدين انا حره مش عايزه اتعامل مع الشركه
شادي :معلش ي غرام اسمحيلي اقولك انك غلطانه في النقطه دي
احنا محتاجين نوقف الشركه ع رجليها من تاني وعشان نعمل دا لازم نستغني عن العواطف يعني دا شغل
لكن مشاكلك انتي وفهد لازم تبقي برا الشغل وانا ملاحظ انك مش عايزه اي حاجه من ناحيته
غرام :انا مبدخلش العواطف في الشغل بس انا مش عايزه تعاملات معاه واظن انا حره وكمان انا عندي عرض احسن مع شركه تانيه
شادي :مش دي الي صاحبها عزيز الشناوي
غرام :اه هي
حسام:بس انتي متعرفيش ان عزيز دا فيه تنافس بينه وبين فهد لكن فهد هو الي مكتسح السوق
غرام :ميهمنيش اعرف وبعدين هو جيه لحد هنا وطلب مني صفقه كبيره وبعرض كويس واظن بردوا دي شركه كبيره
شادي :بس مش زي شركه الزيني دي امبراطوريه
غرام :اعملوا حسابكوا عشان الاجتماع بكره في شركته
حسام :بردوا مصممه
غرام :انا اتفقت خلاص ومش برجع في كلمتي ابداً
في شركه فهد وريان
فهد وقف بغضب وهو باصص ل سليم الي كان واقف قصاده :انت متاكد من الكلام الي بتقوله دا ي سليم
سليم :ايوا ي فندم متاكد انا شوفت عزيز الشناوي وهو خارج من الشركه
ريان :اهدي ي فهد يمكن ليه صديق في الشركه وبيسلم عليه
فهد قعد ع الكرسي بقوه:لا انا متاكد انو عارف الي بيني وبين غرام واكيد عرض عليها صفقه عشان يكسبها في صفه
ريان :بس غرام مش غبيه عشان توافق ع حاجه زي كدا
فهد :غرام عايزه تتحداني وبس
بس لو طلع الي في دماغي صح يبقي غرام فعلا بتتحداني بس كلوا الا دا
ريان :بس هي متعرفش ان فيه عداء بينكوا
فهد بصله بغضب :فيه حد ميعرفش العداء الي بيني وبين عزيز خصوصا لو سيده اعمال لازم تكون عارفه السوق كلوا ودرساه
ريان :في دي عندك حق بس يمكن تكون موافقتش
فهد بقوه وهو بيغلي من الغضب :بتمني تكون موافقتش لان لو وافقت معرفش رد فعلي هيكون اي ساعتها
بص ي سليم. عايزك تعرفلي كل حاجه وتعرف عزيز راح الشركه ليه وقابل مين
سليم :حاضر ي فندم
فهد :عايز المعلومات دي في اسرع وقت ي سليم يعني ع انهارده بليل تكون جايبلي المعلومات دي
سليم :حاضر ي فندم عن اذن حضرتك
ريان بص ل فهد :ي ابني اهدي انت محسسني انها وافقت
فهد :لو غرام عارفه العداء الي بيني وبين عزيز يبقي هتوافق ولو متعرفوش ودا مستبعداه فا ممكن توافق وممكن لا ع حسب العرض الي مقدمه
ريان :بس غرام ذكيه ومستبعد انها توافق
فهد :غرام ع اد ما هي ذكيه بس عنيده
في الليل كان فهد طول الوقت بيفكر ومستني يعرف كل المعلومات وهو بيغلي من جواه
دخل سليم المكتب :عرفت لحضرتك كل المعلومات
فهد بلهفه:هااا
سليم :عزيز فعلا راح الشركه عشان يعرض صفقه ع مدام غرام وكانت صفقه كبيره جدا وبعرض كويس
فهد :كنت متاكد. طب وهي وافقت ولا رفضت
سليم :وافقت وبكره فيه اجتماع في شركه عزيز الساعه ٣
فهد كور قبضه ايديه بغضب :ماشي ي غرام لما اشوف اخرتها معاكي اي
خرج فهد برا المكتب وهو متعصب
في فيلا غرام دخلت اوضتها واتفاجئت ب حد شدها وكتم بوقها وهي اتفزعت
فهد بهمس:متخافيش دا انا
سابها فهد وهي بعدت عنه وبصتله بغضب :انت ازاي دخلت هنا واي اسلوب الهمجيه بتاعتك دي
فهد قرب منها بهدوء يسبق العاصفه :هسألك سؤال وجاوبي عليه ب اه او لا
غرام :سؤال اي دا
فهد :انتي عارفه العداء الي بيني وبين عزيز
غرام :وانت بتسال ليه وبعدين انا ميهمنيش العداء الي بينكو
فهد بقوه:لا يهمك ي غرام. لما تروحي تتفقي معاه ع صفقه من ورايا وانتي عارفه ان فيه مشاكل وعداء بينا يبقي لازم يهمك
غرام :دا شغل ويهمنيش الي بينكوا وبعدين الشغل مفيهوش عواطف
فهد قرب خطوه منها وهي بترجع لورا :بجد. طب ليه رافضه تتعاملي معايا رغم ان شركتي اكبر من شركته
غرام :والله انا حره اتعامل مع الي يعجبني
فهد بصلها بقوه :ماشي ي غرام. بس تعامل مع عزيز مش هيحصل وبلاش تتضريني اعمل حاجات انا مش عايز اعملها. انا اقدر في ثانيه امحيه من ع وش الارض واقدر بردوا اوقف شغل الشركه بتاعتك ومتشتغليش خالص بس انا مش عايز اعمل كدا ومحترم انك عايزه تشتغلي وتكبري شركه مامتك بس تعملي حاجات لمجرد انك تتحديني فا دا مش هيحصل ابداً
غرام بقوه:وانا مبتهددش ي فهد ولو فكرت تأذيني او تأذي الي حواليا فا انسي ان ليك ابن مني
فهد مسك ايديها بقوه وغضب :مش فهد الزيني الي يتهدد ي غرام انا اقدر اخد ابني ومش هتشوفيه طول حياتك ولو فاكره انك بتستغلي اني بحبك فا انا عندي ادوس ع قلبي ولا انك تستغليني فا فوقي كدا واعرفي انتي بتكلمي مين
ولاخر مره بحذرك ي غرام بلاش تتحديني. انتي لسه لحد دلوقتي مشوفتيش وشي التاني وبتمني متشوفيهوش
ولو ع عرض عزيز فاانا عندي عرض احسن منه بمراحل
غرام زقته ع صدره بقوه :انا مش ماديه ي فهد ولا بجري ورا الفلوس. عشان تقولي الكلام دا
فهد بغضب :امال دا تسميه اي انك تكوني عارفه الي بيني وبين عزيز ومع ذلك وافقتي ع العرض
غرام :اسميه شغل وانا من حقي اشتغل مع الي يعجبني
فهد :وهو دا عاجبك
غرام :اه عاجبني. شخص محترم وكويس ومتعداش حدوده معايا
فهد :قصدك اني مش محترم ي غرام
غرام بسخريه :والله كل واحد عارف نفسه
فهد من كتر الغضب الي كان عاميه محسش بنفسه وهو بيضربها بالقلم بقوه :لا انتي زودتيها اوووي
غرام حطت ايديها ع خدها بصدمه وبصتله ودموعها نزلت في اقل من ثانيه :بتضربني تاني ي فهد
فهد انب نفسه وهو مكنش قصده يضربها :انا مكنش قصدي
غرام بغضب :اطلع برااااا
فهد بصلها وهو مضايق من نفسه انو ضربها وخرج برا الاوضه وبرا الفيلا كلها
غرام قعدت ع السرير وانفجرت من العياط
عند فهد ركب عربيته واتحرك وهو بيضرب ع الدركسيون بقوه :غبي. بدل ما تصلح بتخرب اكتر بدل ما تقربها منك بتبعدها عنك اكتر
هتحبك ازاي وانت بتضربها رغم انك وعدت نفسك مش هتمد ايدك عليها ولا هتلمسها غير برضاها
اي ي فهد نسيت وعودك دي كلها
تاني يوم الصبح في شركه العدلي
دخلت غرام مكتبها وبمجرد ما دخلت نزلت عليها بلالين من فوق وكان المكتب مليان بلالين وورد وهي زي اي بنت بتفرح من كلمه حلوه او لحظه احلي ابتسمت وقربت من المكتب وشافت بوكيه ورد وفتحت الكارت وكان مكتوب ( بحبك ي غرامي )
اتفاجئت غرام ب حد حط ايده ع عينيها وعرفت مين وكتمت ابتسامته وتحدثت بجديه :شيل ايدك ي فهد
فهد ابتسم وهي لفتلوا بهدوء:معقوله بتحبيني لدرجه دي عشان كدا عرفتيني
غرام :جيت ليه تاني فيه حاجه مقولتهاش امبارح جاي تقولها انهارده
فهد بحب :بصراحه فيه حاجات نفسي اقولها
غرام :خير اي تاني
فهد قرب خطوه ومبقاش فيه فاصل بينهم وبص في عينيها :عايز اقول اني بحبك. واسف ع الي عملتوا امبارح
غرام اتوترت من قربه وبعدت عنه :بسهوله دي
فهد :عارف انو مش بسهوله دي بس انتي بردوا عصبتيني ي غرام
انتي جرحتيني امبارح لما تشكري في حد قصادي وكأني هواء مش موجود وكمان تقولي اني مش محترم وتقفلي كل السكك الي بفتحها عشان اقربلك
غرام :وانت جرحتني اضعاف الجرح الي جرحتهولك ي فهد ومش سهل اسامح واعدي وانت ترجع تضربني وتهني
فهد :عمري ما هفكر امد ايدي عليكي تاني دا وعد وخدته ع نفسي
غرام :وانا صعب ارجع اصدقك واثق فيك تاني
فهد :يعني دا اخر كلام عندك ي غرام
غرام مردتش وفضلت بصاله. كان نفسها تسامحه بالسهوله الي هو فاكرها دي بس هي عايزه يوم ما ترجع ميكونش فيه ذره وجع حاسه بيها ناحيته
فهد لقا صمتها طول بصلها بهدوء:ماشي ي غرام براحتك
خرج فهد وهي قعدت ع كرسي المكتب ودفنت وشها بين ايديها وانفجرت من العياط وبصت ل بطنها الي كبرت
غرام :كان نفسي اسامحه بجد ع الاقل عشان خاطرك عشان ميحصلش معاك نفس الي حصل معايا وتشوف الي انا شوفته بس غصب عني مش قادره. بس انا عمري ما هحرمك من باباك ابداً
دخلت في اللحظه دي فرح واتفاجئت هي كمان بشكل المكتب وابتسمت وهي بتقرب من غرام :الله مين الي عمل كدا في المكتب
بصتلها فهد مش كدا
غرام بحزن:اه هو
فرح :طب وانتي زعلانه ليه المفروض تفرحي
غرام :لا مش من حقي افرح انا مش قادره ارجعله مش هقدر اعيش معاه حياه طبيعيه تاني بعد الي حصل كل ما بشوفه قصادي رغم اني نفسي اترمي في حضنه بس بفتكر ان هو نفسه الي اغتصبني وهو نفسه الي جرحني وعذبني
فرح كانت زعلانه ع صاحبه عمرها وبرغم انها بتساعدها لكن مش قادره تساعد نفسها :بلاش تفتكري دا. افتكري كل حاجه حلوه عملها عشان تسامحيه
غرام :مش بايدي ي فرح. مش بايدي كل دا زي ماانتي بردوا مش بايدك ترجعي ل ريان
فرح بحزن:عندك حق
غرام :انا اسفه ي فرح مقصدش والله
فرح :ولا يهمك ي غرام انتي مغلطيش
المهم دلوقتي مش هنمشي ولا اي كدا هنتاخر ع الاجتماع
غرام :لا انا لغيت الاجتماع ولغيت الصفقه كلها
فرح باستغراب :اي الي غير رايك فجاه
غرام :لقيت ان الصفقه محتاجه سيوله كبيره واحنا مش معانا السيوله دي عشان كدا رفضت
فرح بعدم تصديق :وانتي لسه واخده بالك من السيوله دلوقتي
غرام :لا بس قولت اننا هناخد قرض بس لقيت ان احنا لسه مسددين الديون الي كانت علينا فا مكنتش عايزه ديون تاني ونشتغل ع قدنا لحد ما يبقي عندنا ربح عالي
فرح :عين العقل فعلاً
في عياده لدكتوره نسا وتوليد
كانت فرح وغرام قاعدين وفرح كانت بتبص لكل زوجه وهي معاها زوجها وكان نفسها يكون ريان جنبها ويطمنها
وكانت غرام نفس احساسها وبتتخيل فهد جنبها وماسك ايديها وهو بيطمنها ومبتسم وابتسمت هي تلقائي لكن فاقت ع صوت الممرضه وهي بتنادي ع اسمها هي وفرح نزلت منها دمعه غصب عنها مسحتها وقامت هي وفرح
عدي ايام من غير اي احداث وفي يوم كانت فيه حفله لكل رجال الاعمال والسيدات كمان
في فيلا غرام جهزت نفسها ولبست فستان تحت الركبه ضيق من عند الصدر ونازل ع واسع من غير اكمام بلون اسود ومش مبين بطنها الي كبرت وحطت ميك اب خفيف وكانت ايه في الجمال والرقه
وفرح لبست فستان طويل وواسع ومن غير اكمام ايضاً بلون كشمير وحطت ميك اب خفيف وكانت زي ما وصفها ريان ب القطه السيامي فعلاً كانت جميله جدا وكانت بتحاول ع اد ما تقدر تخفي بطنها
خلصوا وخرجوا برا الفيلا وكان حسام وشادي مستنينهم وهما لابسين بدل شيك جداً وبصلهم باعجاب
حسام باعجاب :اي الجمال دا
غرام وفرح ابتسموا :ميرسي ي حسام
شادي باعجاب :لا بجد انتوا حلوين اوي ماشاء الله
حسام :غرام ينفع اطلب منك طلب
غرام :اكيد طبعا ي حسام اتفضل
حسام:ممكن تشيلي اللينسيز لون عينيكي الطبيعي احلي بكتير
غرام سكتت شويه وافتكرت كلام فهد وابتسمت ورجعت بصت ل حسام :انا اسفه ي حسام بس انا بحب اللون
حسام :خلاص طالما بتحبيه انا مش هجبرك ع حاجه
ركبوا الاربعه العربيه واتحركوا
في مكان واسع وجميل ومتزين بطريقه رائعه
كان واقف فهد و ريان وشريف وقمر ومصطفي مع بعض وفهد وريان بيبحثوا بعينيهم بين الموجودين وشريف خد باله
شريف بخبث :انتوا بتدوروا ع حد ولا اي
قمر :هههههه شكله حد مهم عشان كدا عمالين تتلفتوا حواليكوا ومش ع بعضكوا
فهد بصلها بغيظ:وانتي مالك ي بارده خليكي في جوزك
شريف :ع فكره جوزها موجود ومش هسمحلك تشتمها
فهد :يلا ياض انت وهي انا مش عارف اي الي جابكوا
شريف :انت نسيت اني رجل اعمال ولا اي
فهد :دا من حظي الاسود
مصطفي :انا تعبت منكوا ع طول ناقر ونقير كدا
قمر :اه والله ي بابا قولهم اصل انا تعبت بجد
شريف :هو انا عملت حاجه مانا واقف غلبان اهو
قمر زمت شفتيها بسخريه :اه انت غلبان اووي
شريف قرب من ودنها ووشوشها :تحبي تشوفي الغلبان دا هيعمل اي
قمر بخجل :لا محبش خلاص
فهد رفع حاجبه :كنت بتقولها اي خليتها احمرت كدا
شريف بص ل قمر :اقوله
قمر حطت ايديها ع بوقه بخجل :بس انت فضيحه.
شريف شال ايديها وضحك:ههههههه لا خلاص مش هقولك حبيبتي بتتكسف
فهد :حبك برص
شريف : ي ابني هتغابي عليك انا محترم الراجل الطيب دا الي مش عارف جاب واحد زيك ازاي
فهد :تحب اقولك ازاي
مصطفي بأمر :خلاص انت وهو اي لعب العيال دا
انتوا هتكونوا ابهات ازاي بالشكل دا
شريف :والله مش عارف ي اونكل هيبقي اب ازاي دا ولا التاني الي جنبه
ريان باستغراب :انت قصدك عليا
فهد خبط شريف في بطنه بغيظ وبص ل ريان :لا بيتكلم عليا انا
شريف قرب من ودنه ووشوشه :هو ميعرفش ان مراته حامل
فهد بغيظ:لا ميعرفش واكتم بوقك دا
شريف :اممممم حيث كدا بقاا انا لازم استغل الموقف
اولاً تحترمني وتكلمني باسلوب احسن من كدا
فهد :بسيبابا روح العب بعيد لو عايز تروح تقوله براحتك قول
شريف :هو براحتي بس مش هقول مش عشانك. عشان الواد الغلبان دا
ريان :هو انا ليه حاسس انكوا مخبين حاجه علياا
فهد :وهنخبي عليك اي
ريان:مش عارف بس عمالين توشوشوا في بعض كأن فيه حاجه
فهد :لا مفيش حاجه
شريف صفرر باعجاب لما شاف غرام وفرح وهما نازلين من العربيه :انا بنت عمي جامده ي جدعان اي الجمال دا
قمر ضربته ع صدره بقوه وغيره:لم نفسك انا واقفه
شريف بصلها :يعني من وراكي عادي
انتي غريبه اوي عندك المبدا عادي لكن قدامك لا
قمر :ولا قدامي ولا من ورايا ي شريف وانا لولا اني بحب غرام كنت قتلتك انت وهي
شريف غمزها :واهون عليكي بردوا تقتليني
قمر :لا متهونش بس يوم ما تبص لواحده غيري يبقي تهون
شريف :ههههههه ي حبيبتي غرام بنت عمي وبعدين بصي اخوكي رايحلها وهو بيغلي ازاي عشان حسام وشادي معاهم وشكلي كدا لازم ادخل لان اخوكي مش هيعدي الليله دي ع خير
قمر بصت عليه وكانت قلقانه:اه عندك حق طب بليز متخلهوش يعمل حاجه متهوره انا عارفاه وكمان ريان الاتنين شكلهم هيقتلوهم مش هيسلموا عليهم
شريف :متقلقيش
قرب شريف من غرام وقبل ما فهد يتكلم سلم شريف عليهم
شريف :ازيك ي حسام وانت ي شادي
حسام و شادي :الحمدلله وانت اخبارك اي ي شريف
شريف بص ع فهد وقلق من نظراته :انا كويس بقولك ي حسام انت وشادي معلش ممكن ثواني عايزكوا في موضوع
حسام:اه طبعا ماشي
مشي حسام وشادي مع شريف وبعدوا عنهم
ريان بجديه وهو جواه بيغلي من الغضب :فرح عايزك ثواني
فرح بلعت ريقها بتوتر :حاضر
فهد وغرام
فهد بحده:ممكن اعرف الهانم كانت راكبه العربيه معاهم ليه
غرام :عادي حبوا يوصلونا وبما اننا كلنا رايحين مكان واحد وافقنا
فهد :دا ع الاساس انك متجوزه كيس جوافه ولا اي
غرام :انت اصلا مالك بالموضوع احنا اتفقنا ع الطلاق
فهد :مين قالك اني اتفقت انا متفقتش ع حاجه انني الي طالبه الطلاق وانا مش موافق
غرام :بس لسه القضيه شغاله
فهد :القضيه دي تبليها وتشربي مايتها وانا حذرتك لو شوفتك معاهم تاني وانتي بتتحديني اشربي بقاا وشوفي انا هعمل فيهم اي وكل مره هتتحديني فيها ي غرام رد فعلي مش هيعجبك
فهد لف عشان يمشي لكن غرام مسكته من ايديه وبصتله وهي قلقانه انو يأذيهم :انت هتعمل اي ي فهد
فهد :هعمل الي كان المفروض يحصل من زمان
انا الاول احترمت الصداقه الي بينكوا ومعترضتش ع شغلهم معاكي في الشركه لكن تسوقي فيها وتركبي معاهم العربيه ومش عملالي اي اعتبار فا هنا لازم اعرفك اني مش بهدد وبس
غرام :انا بحذرك ي فهد لو اذيتهم مش هتشوفني تاني
فهد :تمام
وانا بردوا حذرتك قبل كدا اني مبتهددش واني ممكن ادوس ع قلبي ولا انك تستغلي حبي ليكي غلط
مشي فهد وهي متابعاه بعينيها وخايفه ينفذ تهديده
عند ريان وفرح
ريان بحده:انتي ازاي تركبي معاهم العربيه
فرح بتوتر :انا كنت مع غرام مش لوحدي
استجمعت شجاعتها وبصتله بغضب ثم انت مالك صح انا حره انت مش طلقتني
ريان قرب خطوه منها :وانا عشان طلقتك هتمشي ع حل شعرك
فرح :احترم نفسك ي ريان انا مش جايه من الشارع عشان تقولي كدا
ريان :انا عشان عارف انتي اي ي فرح بقول كدا
وبصراحه انا اكبر غلطه عملتها اني طلقتك مكنش ينفع اطلقك
مسك ايديها وضغط عليها لكن بقوه وتملك انا كان المفروض احبسك في حضني عشان متركبيش عربيات مع حد تاني
فرح برغم انها قلقت من نظراته وقربه لكن لما شافت حنيته الي ظهرت فجاه ونبره التملك في صوته ابتسمت وفرحت انه عايز يردها واترمت في حضنه
وهو ابتسم وضمها لحضنه بقوه وهي كانت وحشااه بجنون وبحبه قدر يعدي المرحله الي عدت في حياتهم والي كانت اصعب مرحله عدت عليهم وممكن تعدي ع اي حد
ريان بعدها عن حضنه وحط ايديه ع بطنها وبمزاح :اي دا انتي تخنتي ولا اي. لا انا غيرت رأي خلاص لما تخسي بقاا ي حبيبتي
فرح ضربته ع صدره بخفه:ع فكره انت بايخ
ريان بحب:بس البايخ دا بيحبك انتي ي روحي
فرح بحب ولهفه:وانا كمان بحبك اووي ي ريان
ريان :طب احنا هنفضل نحب في بعض هنا انا عايز اعوض الوقت الي عيشناه بعيد عن بعض وانتي بعيد عن حضني
فرح بصوت عاشق وهي باصه في عيونه :هتصدقني لو قولتلك وحشني حضنك اووي
ريان بص هو كمان في عيونها :ي روحي الحضن وصاحب الحضن كلوا ملكك
عند قمر وشريف كانوا باصين ع ريان وفرح وهو مبتسمين
شريف:هههههه وادي اول عصفورين راحوا لجنه حبهم
قمر :ههههههههه عندك حق لما نشوف العصفورين التانين
شريف :لا دول مش عصفورين دا ديناصور وقطه
قمر بصتله :لا والله واشمعنا بقاا بنت عمك قطه واخوياا ديناصور
شريف :اي ي حبيبتي انتي مش شايفه اخوكي ولا اي دا زي درفه الدولاب
قمر ضربته ع صدره:الله واكبر الواد هيحصلوا حاجه من قرك
هتجيبوا ارض انت
شريف :مالك اخوكي ارض من غير مااعمل حاجه
قمر :لا ي بابا انا اخوياا اسد
شريف :هههههههه لا فهد
قرب منهم فهد :مالكوا بتضحكوا ع اي
شريف :لا مفيش امال انت كنت واقف مع حسام وشادي بتعمل اي قتلتهم ولا لسه
فهد :انت مش شايفهم واقفين زي البغال اهم
شريف :قل اعوذوا برب الفلق العيال هيموتوا
فهد :بس ياض انا مش ناقصك
شريف :بااااس انا هروح ل حبيبتي ولا هتقولي بس ولا هس
فهد :ما هي قمر جنبك اهي
شريف بخبث :لا قصدي ع غرام حبيبتي
فهد بصله بقوه :ي. ابني متضرنيش ارمل اختي
شريف :بعد الشر عني وبعدين انت مالك مش انتوا هتطلقوا
فهد :لا مش هنطلق غرام مراتي سواء بارداتها او غصب عنها هي مراتي وانا تعبت من بنت عمك اي دا دماغها حجر دا قمر لانت وهي لا
شريف بثقه:ي بابا انا مسيطر
قمر بصتله :بتقول حاجه ي شريف
شريف :لا ي حبي دا انا بقوله غرام بنت عمي دماغها ناشفه انا عارفها
قمر :اه بحسب
فهد بسخريه :واضح السيطره ي عم المسيطر
شريف :اي رايك
فهد :جامده جامده مفيش كلام
بقولكوا هي فين غرام
شريف :شوفتها وهي رايحه ناحيه الحمام
فهد :اممممم تمام
لف فهد عشان يمشي وشاف قصاده شخص وهو مبتسم ابتسامه بارده
الشخص مد ايده يسلم:ازيك ي فهد
فهد بابتسامه صفرا وهو بيضغط ع اسنانه بحده :الحمدلله وازيك ي عزيز
عزيز :تمام. اي ي بني بقالنا كتير مش بنشوفك اي هو يعد ما باباك طلع عايش بطلت تشتغل ولا اي
فهد بقوه :مين قال كدا انت الي شكلك ريحت في البيت شويه ومش متابع اخر الاخبار وان انا الي استمريت في اداره الشركه
عزيز بخبث :بالعكس انا متابع اخر الاخبار ومتابع كمان ان مراتك رافعه عليك قضيه خلع
بصراحه انا لو منك اطلقها بدل الفضايح دي
فهد :لا شكراً خلي نصيحتك لنفسك احنا مستغنين عنها
لان مفيش قوه ع الارض هتبعدني عنها
عزيز :اممممم واضح انك بتحبها اووي
فهد :دي حاجه متخصكش
عزيز :بصراحه لو جيت للحق هي حلوه خصوصاً لون عينيها الاخضر يجنن
شريف كان متابع الحوار كله هو وقمر :الله يرحمك ي عزيز والله كنت رخم بس يلا اذكروا محاسن موتاكم
قمر مقدرتش تمسك نفسها من الضحك :هههههههههه هموت يخربيتك هههههههه
فهد بكل قوه وغيره ضربه بالبوكس :انا هوريك الحلاوه كويس ي روح امك
اتجمع الكل حوالين فهد وعزيز وهما بيتفرجوا وحاول شريف يبعد فهد عنه وفعلا بعد وقت قدر وكان عزيز واقع ع الارض وهو بينزف
وغرام كانت خرجت من الحمام وشافت فهد وهو واقف وع ايديه دم وعزيز كان بينزف
فهد بصلها وقرب منها وشدها وساب الحفله كلها ووراه شريف وقمر ومصطفي
واتحرك فهد وغرام بالعربيه. وشريف ومصطفي و قمر رجعوا القصر
عند فهد وغرام كان بيسرق بسرعه رهيبه وهو بيغلي من الغضب
فهد بحده من غير ما يبص ل غرام :هو شاف عينيكي ازاي
غرام بصتله باستغراب :هو مين دا
فهد :غرااام متستعبطيش انا مش هضربوا من الباب لطاق بقولك شاف لون عينيكي الحقيقي ازاي وانتي المفروض طول الوقت بتلبسي لينسيز
غرام :لان لما جيه الشركه عيني كانت وجعاني من اللينسيز فقلعتها
فهد وقف عربيه وبصلها بقوه :وهي يوم ما توجعك توجعك وهو الوحيد الي يكون موجود
غرام :قصدك اي. قصدك اني اقصد اقلعها
فهد بعصبيه :انا مقصدش كدا بس انتي مسمعتيش الزفت دا كان بيعاكسك وبيتكلم عليكي ازاي فور دمي الزباله
غرام كانت فعلا شيفاه في حاله غليان رهيبه وكانت الغيره بتصرخ في عينيه :طب خلاص اهدي
فهد :اهدي ازاي وانا نفسي اخذق عين كل واحد بيبصلك باعجاب. اعمل فيكي اي طب عشان محدش يعاكسك دا انا قولت كويس انك خافيه لون عينيكي لان دي لواحدها ممكن اقتل فيها الي يفكر يبصلها. يفكر بس مجرد تفكير تخيلي بقاا الي يوصفها ويعاكسك تفتكري اعمل فيه اي
غرام كتمت ابتسامتها :هو انت من ناحيه عملت فا انت عملت دا انت شلفط الراجل
فهد بضيق:وكان نفسي اقتله في ايدي بس لولا انهم حاشوني عنه
غرام :احم خلاص انت بهدلته. وبعدين انت مخدتش بالك من حاجه
فهد باستغراب :حاجه اي
غرام :ان ريان وفرح اختفوا من اول الحفله ودا معناه اي
فهد :اتصالحوا
غرام :ايوا طبعاً الحمدلله
فهد :الحمدلله عقبال الي في بالي
غرام :احم طب مش هتوصلني ولا اي ولا ارجع مع حسام وشادي
فهد بصلها بحده:ايوا كمليها خليني اروح اقتلهم يبقوا ثلاث جثث بسببك ي غرام
غرام :ههههههه لا خلاص الطيب احسن
فهد بصلها وابتسم وهو مبسوط بضحكتها ورجع بص ل طريق واتحرك وبعد وقت وقف قدام مطعم فخم ومشهور
غرام باستغراب :انت وقفت هنا ليه
فهد :جعان وبصراحه مبعرفش اسوق وانا جعان
غرام بعدم تصديق :لا ي شيخ
فهد :اه والله يعني هكدب
غرام :لا متكدبش اتفضل وانا هستناك هنا
فهد :لا طبعا انتي هتيجي معايا. انتي عايزه الناس تقول عليا بخيل مش بأكل مراتي وبعدين انتي حامل ولازم تتغذي
غرام :امممم وخايف ع كلام الناس ولا ع ابنك
فهد :دا كلام تقوليه. كلام الناس طبعاا
غرام ضربته ع صدره بقوه وخرجت من العربيه وهو ضحك وخرج وقرب منها :هههههههه بهزر انتي مالك واخده كل حاجه ع اعصابك ليه
غرام بغيظ:عشان انت تغيظ واتفضل روحني بقاا مش هاكل معاك
فهد :ي بنتي مااحنا كنا كويسين ليه بتقلبي فجاه ولا دي هرمونات الحمل
غرام :ملكش دعوه بحملي دلوقتي اتفضل ناكل عشان نمشي
فهد مسك ايديها وسند ايديها في ايديه :ايواً كدا حلو
بذمتك مش شكلنا حلو وانتي ماشيه جنبي بالبطيخه دي
غرام خبطته في كتفه :طب شوفلك بطيخه تانيه بقاا تاكل معاك
فهد :هههههههههه خدي ي بطيخه. هههههه قصدي ي غرام
مسكها فهد وطلعوا ع السلم :ههههههه بهزر ي حبيبتي في اي
غرام بغيظ:هزارك بايخ زيك
فهد :بذمتك يعني القمر دا بايخ
غرام بسخريه:قمر بالستر ي اخويا
فهد بمزاح :طب ما تستري علياا ربنا يستر عليكي
غرام مقدرتش تكتم ضحكتها وهما داخلين المطعم وقعدوا ع التربيزه :هههههههههه يحنن ي بابا
فهد غمزها :ماشي ي جميل اتقل براحتك مسيرك تيجي تحت المخرطه وساعتها مش هرحمك
غرام اتكسفت وبصت في الارض
فهد :ههههههه خلاص مش هتكلم اصل لو هتفضلي تتكسفي كدا محدش هيقدر يمنعني عنك حالاً وما هيهمني مطعم ولا مش مطعم
غرام بخجل يقتل :خلاص ي فهد بقاا
فهد :حاضر ي روح فهد
هاا تحبي تاكلي اي
غرام :اممممم مش في دماغي حاجه اطلبلي انت
فهد :خلاص هطلب انا ع ذوقي
طلب فهد الاكل وبعد وقت جيه الجرسون وقدم الاكل
فهد :احطلك شطه
غرام :اكيد انا بحب الشطه
فهد :امممممم بتحبي الشطه امال قبل كدا مكنتيش بتحبي الشطه
غرام :احم انت لسه فاكر
فهد : وهي دي حاجه تتنسي دا انتي خلتيهم بيتنططوا من الشطه
غرام :هههههه وانت بردوا لما حاولت تشربني الشربه بالعافيه وروحت دلقتها عليك
فهد :عجباكي اووي ي اختي
غرام :هههههههه بصراحه اووي كنت فرحانه فيك
فهد :بصراحه وانا كان نفسي امسك الاكل اكلهولك كلوا عشان تشوفي الشطه الي حطتيها
غرام :انتوا الي خرعيين دي شطه امال لو كنت حطيت ملين ولا سم كنتوا عملتوا اي
فهد :كمان كنتي عايزه تقتلينا
غرام :بصراحه مكنتش طيقاك اما مامتك وجومانه فا الله يرحمهم ويسامحهم بقاا
فهد :امين يارب طب ودلوقتي بطقيني ولا
غرام :انت محطتليش شطه صح
فهد فهم انها بتتهرب بصلها وهو بيحطلها الشطه ورجع وسألها :بردوا مردتيش علياا
غرام :مطلبتش عصير ليه
فهد بصلها بغيظ وهو هيطق منها ونده ع الجرسون وطلب عصير :هاا فيه اي حاجه تاني محتجاها الهانم
غرام :لما افتكر هقولك
فهد :طب كلي انا غلطان اني بسالك
غرام :ايوا احسن متسالش بعد كدا تاني
فهد:ماشي تقلي في حساباتك براحتك بس يوم ما تبقي تحت ايدي غمزها مش هقولك هعمل اي خليها مفاجاه
غرام شرقت وهي بتاكل من كتر التوتر والخجل وكانت بتشرب مايه وبصتله بغيظ
فهد :ههههههههه اهدي اهدي
غرام بغيظ :ركز في اكلك بقاا عشان كنت هتموتني
فهد :ههههههه بعد الشر عنك ي حبيبتي
خلاص مش هتكلم اهو بصراحه انتي كويس انك لابسه اللينسيز والا كنت اتهورت من زمان
غرام :هو دا الي مش هتتكلم خلاص
فهد :ههههههه ما اعمل اي فعلاً شكلك يجنن
ظهرت بنت فجاه ووقفت قصاد فهد وكانت هي نفس البنت
رشا بسعاده:فهد مش معقول
فهد غمض عينيه بغيظ وبينه وبين نفسه:الله يحرقك ي شيخه طلعتلي منين دي مش وقتك خالص
رشا :فهد انت مش فاكرني انا رشااا
غرام :ما ترد عليها ي استاذ فهد. اي مش فاكر رشا
فهد بص ل رشا :احم ازيك ي رشاا
رشا ابتسمت:بصراحه بقيت كويسه اول ما شوفتك.
فهد كان هيطق منها : شكراً ي رشاا
رشا:بس مقولتليش مين دي.
فهد :غرام. مراتي
رشا :اه صح انا نسيت انك متجوز طب انا اسفه لو كنت عملتلك ازعاج
فهد ابتسم بغيظ :ولا يهمك هي اطينت لوحدها اصلاً
رشا :طب انا همشي بقاا فرصه سعيده ي فهد قربت منه وباسته برقه ع خده. وهو ملحقش يمنعها وكل دا غرام كانت بتولع
مشيت رشا وقامت وقفت غرام وهي حابسه دموعها بالعافيه وخرجت برا المطعم
فهد وقف ودفع الحساب بسرعه وخرج ورا غرام :حسبي الله ونعم الوكيل فيكي ي رشاا اللهي اشوف فيكي يوم ي شيخه
غرااام استني غراام
غرام كانت بتحاول توقف تاكسي وهي كانت متعصبه وقرب منها فهد ومسك ايديها :استني بس
غرام زقت ايديه وبعصبيه:بعد اذنك متلمسنيش روح ل ست رشاا بتاعتك دي.
فهد :استني بس والله هفهمك. انا فعلاً اعرفها. بس والله توبت عن السكه دي
غرام :انا ميهمنيش كل دا وبعد اذنك سبني في حالي دلوقتي
فهد :طب تعالي اوصلك مفيش تاكسي في الوقت دا
غرام :لا انا هتصرف شكراً ارجع انت ل استاذه رشاا زمانها دلوقتي صحتها تعبانه عشان مشافتكش الخمس دقايق دول
فهد :ي غرام والله احلفلك بأيه اني توبت عن السكه دي حتي دي اول مره اشوفها فيها من شهور وصدفه زباله
غرام :اه زباله عشان انا موجوده ومخلتكوش تقضوا ليله حلوه مع بعض بس متقلقش هصلح غلطتي وهمشي وهسيبكوا براحتكوا
فهد بنفاذ صبر:ي غرااام افهمي بقاا قولتلك مفيش حاجه بيني وبينها دلوقتي يعني مفيش حاجه هتحصل سواء قدامك او من وراكي
غرام بغضب:وباستك ليه الا لو كان فيه حاجه
فهد :هو انا قولت مفيش حاجه بس دا كان زمان والله وتوبت
وبعدين لحظه بس هو انتي بتغيري
غرام :لا طبعا مش بغير. وانا اغير عليك ليه يعني اتعميت
فهد ابتسم وهو جواه مبسوط انها غيرانه عليه :والله بتغيري كل حاجه فيكي بتقول انك بتغيري
غرام :قولت مش بغير وبعد اذنك روحني انا تعبانه وعايزه ارتاح
فهد :حاضر هوصلك بس والله بتغيري
غرام :مش بغير
ركبت غرام العربيه وهو بردوا ركب وهو مبسوط بغيرتها عليه
فهد :هههههههه بتغيري ي غرام
غرام :لا مش بغير وبس بقاا
فهد ضحك واتحرك بالعربيه وبعد وقت وصل الفيلا
فهد حضن ايديها بين ايديه:انا اسف بجد ع الي حصل انهارده بس والله مكنت اعرف انها موجوده او انها هتبوسني وملحقتش حتي امنعها
غرام :ماشي
حاولت تخرج لكن مسكها فهد ورجعها تاني
فهد :مش هسيبك غير لما تقولي انك مش زعلانه
غرام :خلاص مش زعلانه
فهد :لا مش من قلبك
غرام :خلاص بقاا ي فهد
فهد :ماشي خلاص بس بردوا عايزك تضحكي زي ما كنا بنضحك واحنا في المطعم
غرام ابتسمت ابتسامه خفيفه:حلو كدا
فهد بخفوت :بحبك
غرام :احم طب سبني بقاا
فهد :هههههه معلش مخدتش بالي اني ماسكك اتفضلي
خرجت غرام من العربيه ودخلت الفيلا وهو كان متابعها بعينيه واول مااطمن انها دخلت اتحرك هو للقصر
في فيلا ريان وفرح والي اخيراً نورتها فرح من تاني بوجودها جنبه وهي في حضنه
ريان بصلها وهو حاطط ايده ع بطنها الي كانت كبيره :يعني كل دا كنتي حامل وانا معرفش
فرح بلعت ريقها بتوتر :ماهو بصراحه كنت خايفه اقولك وترجعلي عشان البيبي بس
ريان :انتي عبيطه صح. انا بحبك ي فرح واكيد لو كنت هرجعلك فا هرجع عشانك
فرح بعبوس:ما هي غرام قالتلي كدا وفهد كمان وبصراحه اقنعوني خصوصا اني كنت فاكره انك مش طايقني
ريان قربها لحضنه اكتر :انا مطقكيش انتي روحي ي فرح بس فعلاً كان غصب عني انا الي كنت فاكر انك مش عايزه تعيشي معايا عشان مقدرتش احميكي
فرح حطت صباعها ع شفايفه:ارجوك خلاص خلينا ننسي ونكمل حياتنا مع بعض
ريان جواه مش قادر ينسي حاجه زي كدا لكن بيمثل النسيان عشان ميتوجعش :انا مجرد ما شوفتك نسيت اسمي اصلاً انتي متعرفيش انتي كنتي وحشااني ازاي بس دا ميمنعش اني هاخد حق انك خبيتي علياا موضوع زي دا وفهد حسابه معايا بعدين
وانتي بردوا عشان سمعتي كلامهم
فرح برقه:خلاص بقاا وحياتي هو عشان بيحبك كان بيعمل كدا وهو الي كان بيقربني ليك والسبب انك جيت الفيلا. اول مره
ريان :ايوا صح يعني لما كنتي دايخه وجريتي ع الحمام كل دا مكنش مغص
فرح :ههههههه لا مكنش مغص كان انتفاخ
ريان رفع حاجبه باعجاب :لا ي شيخه انتفاخ. طيب انا هاخد حقي دلوقتي ي فرح
فرح :هههههههه اهدي ي مجنون
ريان غمزها :انتي لسه شوفتي جنون ي حبيبتي حالاً هوريكي الجنون الي ع اصله
تاني يوم في شركه الزيني
كان فهد في مكتبه بيباشر عمله ودخل ريان
فهد غمزه :اي ي نمر. سبع ولا ضبع
ريان بثقه :عيب عليك سبع طبعاً
فهد وقف وقرب منه وحضنه :هههههههه مبروك ي صاحبي
ريان وهو مبتسم :الله يبارك فيك
خبطه في بطنه. بس دي بقاا عشان خبيت عني انها حامل
فهد :هههههههه هي قالتلك علياا
ريان :اه قالتلي وقالتلي الي انت عملتوا عشان ترجعنا لبعض شكراً ي صاحبي
فهد :لا شكراً اي بقاا بعد الضربه دي
ريان:ههههههه احسن تستاهل عشان اقعد ثلاث شهور معرفش ان مراتي حامل
فهد :ي اخوياا طب مانا عارف ان مراتي حامل في خمس شهور ومفيش اي حاجه حصلت عملت نفس الموضوع معاك وهي فاكره اني عايز ارجعها عشان الطفل
رياان :هو شكل البنات كلها تفكيرهم كدا
فهد :فكرتني صح مش شوفت رشا امبارح
ريان باستغراب :رشا مين
فهد :ي ابني البت الي كانت عجباك
ريان :عجباني اي يخربيتك هتوديني في داهيه انا لسه رادد مراتي امبارح شكلك عايزها ترفع عليا قضيه خلع
فهد :ههههههههه. ي ابني مش قصدي دا ع الاساس اني بعشقها انا قصدي قابلتها في المطعم وانا وغرام كنا بنتعشي
رياان :اوبااا لا دا احنا نقعد بقاا وتحكيلي كل حاجه
قعدوا وبدا فهد يحكي :بس هو دا كل الي حصل
ريان :وغرام مقامتش جابتها من شعرها
فهد :بصراحه كنت حاسس انها شويه وهتمسك فيها مش هتسيبها دا سبحان من سكتها عنها
ريان :هههههههه بصراحه موقف زباله يارب ما يحصل معايا انا توبت الحمدلله
فهد :دا ع الاساس اني كنت نايم مع واحده امبارح مانا بردوا توبت
ريان :ربنا يستر بقاا لان احنا نمنا مع بنات بعدد شعر راسنا يعني من كترهم احنا ممكن منفتكرهمش
فهد :انا مكنتش فاكرها اصلا دا هي الي قالتلي
ريان :طب وعملت اي مع غرام
فهد :قولتلها الحقيقه
ريان بدهشه:يخربيتك قولتلها انك نمت معاها
فهد :ايوا امال هكدب اصل لو كدبت وهي بعد كدا عرفت مش هتثق فيا لكن انا قولتلها الحقيقه وهي عارفه كل حاجه عني زمان وقولتلها اني توبت
ريان :عندك حق وانا بردوا فرح عارفه عني كل حاجه يعني مكدبتش عليها في حاجه ومسمحاني
فهد :بس انا بقاا غرام مش مسمحاني
ريان :لان انت مخونتهاش. انت اغتصبتها وعذبتها وغير الاهانه الي شافتها
فهد :بس بحاول ع اد مااقدر عشان تسامحني وتنسي
دخل في اللحظه دي
مدير الحسابات رؤوف بخوف :مصيبه ي فهد بيه
فهد بصله ووقف هو وريان :في اي مصيبه اي دي
رؤوف : اسهم الشركه قلت بسبب الخبر الي نازل في الجرايد
فهد مسك منه الجريده وقرا الخبر
رجل الاعمال المعروف فهد الزيني يعتدي بالضرب ع رجل الاعمال عزيز الشناوي بدون ادني سبب وايضاً رفع عليه زوجته قضيه خلع وهذا يدل ع همجيته والخ
فهد بغضب :مين الي نزل الخبر دا
ريان خد منه الجريده وقراها وبص ل فهد بدهشه:انت عملت كدا فعلاً
فهد :اه
رؤوف :الخبر دا خسرنا كتير ي فندم
وعملاء بدأو يسحبوا صفقاتهم
فهد بعصبيه:يغوروا في ستين داهيه
ريان :اهدي ي فهد احنا لازم نعمل حاجه
فهد :هنعمل اي يعني. انا متاكد ان عزيز استغل الي حصل عشان يخسرني
ريان :عشان كدا متسبهوش ولازم غرام تتنازل عن قضيه الخلع
فهد :انا مش هجبر حد ع حاجه ي ريان هي حره
في شركه العدلي كانت غرام في مكتبها ودخلت فرح
غرام بصتلها :متاخره ساعتين ليه ي هانم
فرح :هههههههه يعني انتي مش عارفه
غرام ابتسمت :عارفه طبعاا مبروك ي قلبي
فرح :الله يبارك فيكي ي حبيبتي
غرام :احكيلي بقاا عمل اي لما عرف انك حامل
فرح :الفرحه مكنتش سيعاه بس طبعا بهدلني عشان خبيت عنه
غرام :ههههههههه تعرفي فرحنالك اووي
فرح :فرحنالي عشان بهدلني. اه ي واطيه
غرام :هههههههه لا ي هبله فرحانه انك رجعتي لجوزك
فرح:عندك حق وانا بصراحه فرحانه اووي احنا اول ما مشينا من الحفله روحنا للمأذون ردني وبعد كدا روحنا الفيلا
غرام غمزتها :ايوا بقاا واي كمان اشجيني
فرح بخجل :انتي بقيتي سافله ي غرام
غرام :هههههههههه من عاشر القوم
فرح غمزتها :قصدك ع فهد
غرام :احم احم محكتلكيش صح الي حصل امبارح بعد ما مشيتي
فرح باهتمام :اي الي حصل
في اللحظه دي دخلت السكرتيره
رحاب :غرام هانم فيه خبر كدا نازل في الجرايد بخصوص جوز حضرتك وكمان جايبين سيرتك معرفش يهم حضرتك ولا لا
غرام باستغراب :خبر اي دا
رحاب :بسبب حفله امبارح نازل صوره لاستاذ فهد وهو بيضرب عزيز الشناوي وكمان بيقولوا ان حضرتك رافعه قضيه خلع ع استاذ فهد
غرام :والموضوع دا اتعرف ازاي
رحاب :حضرتك سيده اعمال وكمان استاذ فهد رجل اعمال مشهور واكيد ليه اعداء وحاجه زي كدا مبتستخباش
غرام :طب هاتي الجريده وروحي انتي ي رحاب واي اخبار تخص الموضوع دا تبلغهاني ع طول
رحاب :حاضر ي هانم
وكمان استاذ حسام واستاذ شادي قدموا استقالتهم وسافروا
غرام بدهشه:ليه
رحاب :بيقولوا جاتلهم فرصه عمل برا
غرام :طيب روحي انتي ي رحاب ومتنسيش الي قولتلك عليه
رحاب :حاضر ي هانم
فرح بصتلها :هو اي الي حصل امبارح
غرام :ما هو دا الي كنت هحكيهولك بس انا لازم اتصرف دلوقتي كدا فهد هيخسر جامد في الموضوع دا
فرح :ياما قولتلك اتنازلي عن القضيه
غرام بضيق :اهو الي حصل بقاا بس انا هتصرف لازم اعمل حاجه
فرح :طب كلمي محامي الشركه خليه يشوف حل للموضوع دا
غرام :فكره فعلا
ضغطت غرام ع زرار :رحاب ابعتيلي استاذ توفيق دلوقتي
رحاب :حاضر ي هانم
بعد ايام عند فهد و ريان
ريان :انت اي الي خلاك تشتري اسهم الشركه كلها رغم ان سعرها نزل جامد واحنا بكدا بنخسر مش بنكسب
فهد :متقلقش انا عارف انا بعمل اي
ريان:اول مره تعمل حاجه من غير ما تكون مفهمني
فهد :هتعرف دلوقتي كل حاجه
ريان كان مستغرب وكان اول مره فهد يكون غامض معاه
سمعوا خبط ع الباب ودخل رؤوف واول ما دخل ابتسم فهد بثقه
رؤوف باعجاب :بصراحه حضرتك عبقري ي فهد بيه فكره اننا نشتري الاسهم كلها وبسعر رخيص كدا كانت فكره حلوه
سعر الاسهم علي بعد مااشتريناه وبقا لينا نصيب اكبر في السوق
وكمان فيه خبر نزل في الجرايد انهارده لحضرتك بيعتذروا فيه
فهد :اقرا الخبر
قرا رؤوف الخبر :
اعتذار عام من رئيس مجلس اداره الجريده. ل سيد فهد الزيني رجل الاعمال المعروف
وخبر اخر. تكذيب خبر رفع قضيه خلع ضد رجل الاعمال فهد الزيني
وسبب ضرب السيد فهد ل رجل الاعمال عزيز الشناوي هو الاساءه لفظاً عزيز الشناوي ل زوجه رجل الاعمال فهد الزيني
فهد :عملتيها بردوا ي غرام
ريان :انت كنت عارف انها هتعمل كدا
فهد :كنت حاسس وطلع احساسي صح
ريان :وكنت عارف انها هتسحب قضيه الخلع
فهد :اه. و كنت عارف ان هيتردلي كل حاجه عشان كدا قولت استغل دا لمصلحتي واشتريت باقي الاسهم ودي كانت الضربه الي وجهتها ل عزيز عشان ميفكرش يتحداني
رؤوف :احنا نقدر نرفع قضيه نطالب فيها بتعويض عشان تشويه سمعه حضرت
فهد بص ل رؤوف :اعمل كدا فعلاً عشان بعد كدا يفكروا الف مره قبل ما يكتبوا حاجه ضدي
رؤوف:حاضر ي فندم عن اذنك
ريان بص ل فهد:لا انا كدا اتلغبطت ممكن تفهمني
فهد :ماشي هفهمك
بعد الي حصل انا كنت عارف تفكير غرام وعارف انها هتسحب قضيه الخلع ومش هتقبل الي اتقال عشان كدا قولت اضرب عصفورين بحجر واحد هو اشتري اسهم الشركه وكمان غرام تسحب قضيه الخلع وفي نفس الوقت عرفت ان غرام بدات تسامحني وتتصافي
ريان :يخربيت دماغك اي دا معقوله حافظ غرام لدرجه دي وعارف هتعمل اي
فهد بحب:حافظها بس دا انا صاممها
ريان :طب وناوي تعمل اي بعد كدا
فهد اتنهد:مش عارف بس تعبت وحشتني اووي وهي مش راضيه تحن ولا تسامح
ريان :متقلقش ي صاحبي. هتحن وهتسامح بس اديها وقت
فهد :اديها وقت لحد امتي ي ريان دا احنا بقالنا خمس شهور
ريان :يمكن لما تولد ههههههه
فهد مسك زهريه جنبه وكان هيرميها عليه وهو متغاظ منه لكن كان ريان خرج بسرعه من المكتب وهو بيضحك عليه
عدي شهر اخر وفي يوم
في شركه العدلي كانت قاعده غرام وبتسمع اغنيه وهي مغمضه عينيها
الكل فاكر انها قويه ومش بتحبه او بتقوي قلبها عشان متحبهوش فاكرين انها مبسوطه ببعدها عنه ومبسوطه وهي عايشه كدا وفاكرين انها عايشه حياتها عادي لكن هي بتتعذب اكتر منه ونفسها تقرب
وقالوا سعيدة في حياتها واصلة لكل أحلامها. وباينة عليها فرحتها
في ضحكتها وفي كلامها وعايشة كأنها في جنة وكل الدنيا مالكاهاا
نزلت دموعها زي الشلال وهي مش قادره تصمد اكتر من كدا وجعها الي فات كوم ووجعها دلوقتي كوم تاني متعذبه في بعده ومشتاقه ليه عايزه تنسي وتسامح
وقالوا عنيدة وقوية ما بيأثرش شيء فيها محدش في الحياة يقدر
يمشي كلمتو عليها هتحلم ليه وتتمنى مافيش ولا حاجة ناقصاها
ومن جوايا أنا عكس اللي شايفينها وعالجرح اللي فيها ربنا يعينها
ساعات الضحكة بتداري في جرح كبير ساعات في حاجات ما بنحبش نبينها
فهد كان واقف عند الشباك وهو حاطط ايده في جيبه وبيسمع اغنيه وكانت كل حاجه فيه بتنادي باسمها شوقه ليها عدي الجنون بمراحل وبرغم انو اتعذب في بعدها بردوا بيحبها وهو كل ما يشوفها بيحس ان روحه غابت عنه وراحتلها وقلبه بيتمني يعيش جنبها دايما وميبعدش عنها لحظه
بعمري شاريك
ومهما في قربه دوبني ومهما في بعده عذبني بحب الدنيا في وجوده واحب عذابي في غيابه
وروحي تملي بصالوا وسيباني وريحالوا وقلبي بخوف بيتمني ثانيه يعيشها بوصالوا.
مابين الميل ونار الويل بقالي سنين اانا والليل بنستني هواك ي جميل علينا يفووووت لا عدي هواك ولا شوفناك ومهما قسيت وماله فدااك
لا عمري نسيت ولا هنساااك لحد الموووووووت
فهد شافها في خياله وسرح في عيونها الي بيعشقها وهو طول الوقت مشغول بيها وع باله ع طول ومغبيتش عن باله لحظه وهو مشتاق لكل تفصيله فيها ونفسه لما يقرب يكون برضاها
بعمري شاريك وعيني عليك بعيش علشان بموت في عينيك وفيك حيران ومشغول بيك وع باااالي معاك الشوق اخدني لفوق وكنت بضيع لقتني بفوق رجع وياك زماني يروق ويحلااااالي
كان خوفه انها تنساه او يطول بينهم الحنين والشوق وهي الي قدرت ترجعه فهد القديم شاف فيها غرام القويه الوحيده الي وقفت قصاده واتحدته مشافش قبلها في الدنيا ولا يمكن هيشوف بعدها. اكتفي بيها وهي ماليه عينيه وماليه كل حياته دايما بيحلم بيها ومش بتغيب عنه لحظه
مشوفتش قبله في الدنيا ولا يمكن هشوف بعديه مفيش غيره مالي عينيا ولا بغيره حلمت انا بيه ياليلي حقيقي انا خايف يطول بينا الحنين والشوق لامتي بس مش عارف انا عاشق نسيه المعشوق
كان من غيرها زي الطير المجروح ومش لاقي علاج وهي الي قدرت تداوي جرحه وكانت ليه الدواء نفسه ترجع لحضنه وهو اسير حبها
وكنت غريب لقيتلي حبيب لروحي دواء ولقلبي طبيب ونفسي معاه يكونلي نصيب وحضن وبييييييت وليه انا بيك حلمت كتير وليه انا بيك لقتني اسير مفيش اسباب ولا تفسير غير اني هوييييييييت