✦ ◉ •
WELCOME BACK TO
DOLLHOUSE
▬▬ THE FLASHBACK
CONTINUATION ▬▬
"Bakit parang iniiwasan nila ko?"
"H-huh? Hindi ah. Akala mo lang siguro."
"Hindi. Ilang araw ko na silang napapansin na naiwas sa'kin. May nagawa ba kong mali?"
"Nago-overthink ka na naman, Babe."
"Hmm. Hindi eh. Si Gunner din hindi ako kinakausap ilang araw na. Ang lamig na naman niya sa'kin. Something's wrong. Bakit ayaw nila sabihin sa'kin?"
"Hindi nga sabi. Sadyang busy lang siguro lahat. Alam mo naman din si Gunner, parang babae 'yon na may mood swings. Minsan malambing, madalas beastmode. Buti nga napaamo mo ang lalaking 'yon."
"I think I'm making him worse, Dorothy. Lagi na lang siyang napapaaway sa'kin."
"Ang dami kasing lalaking papansin sa'yo. Bakod na bakod ka na din ni Claude at Alpha. Pasaway mga epal mong manliligaw. Hindi ba nila maintindihan na kayo na ni Gunner?"
"Ewan ko ba. Inaasar din nila ata si Gunner. Anong oras na nga pala?"
"It's already 4:44pm. Why?"
"Ah. May lesson kami ni Prof."
SA HINDI KALAYUAN AY pinag-uusapan din sila Babe at Dorothy nila Hera at Flame. Masungit ang tingin ni Flame kay Babe. Malakas ang pagngatngat niya sa fishball na may partner na scramble sa sobrang inis.
"Tingnan mo, kinukuha na niya loob ni Dorothy. Mamaya si Java naman ang uutuin niya," bulong ni Flame habang nanguya.
Si Hera naman ay nalilito kung makikinig sa pinagsasabi ni Flame o kung bibili rin sa labas ng street food.
"Bawal ka sa street food, 'di ba?" tanong ni Hera.
Napairap si Flame. "Masarap ang bawal kaya siguro nasarapan si Babe kay Prof. Azazel."
"Ugh. Eww."
"I mean, what the fuck? Oo, matamis magsalita si Prof. Azazel. Oo, naging P.E. teacher siya dati at catchy ang muscles ng gago...."
'Catchy?' isip-isip ni Hera habang nagra-rant si Flame.
"Oo, siya na pinaka-mabango at fresh na prof. Siya na rin pinaka-gwapong prof sa Lancaster, aminin na natin. Sige na. Pero bebe, professor mo 'yon eh. May pamilya 'yon eh! Eto namang prof na 'to, gago rin. Tinolerate pa si Babe. Punyeta," reklamo ni Flame saka napapadyak.
"You mentioned she likes older guys? Baka kaya niya nagustuhan si Azazel?"
"I mean, duh, Gunner. Tsaka pansinin mo lahat ng nanligaw sa kanya, ang pinapansin niya lang, puro mas matatanda. Hinahawaan niya ang iba nating school mate babae. Gusto na rin nila ma-thunders na. I don't know. It looks so weird to me. Liking men with a larger age gap is a trend, I guess?"
Hera shrugged. "Maturity habol ng iba."
Natawa si Flame saka umiling.
"Age doesn't guarantee maturity."
"Uhhm. Wait. Paano ko ba i-explain? Hmm," sandaling natahimik si Hera. "Flame, when I say mature, what I mean is goal-oriented, focused, has a firm belief, and well-mannered. Minsan kasi, mas maraming experience sa iba't-ibang bagay ang mas matatanda. Experiences taught them lessons that shaped their maturity. Pero sa sitwasyon ngayon, isa si Azazel sa patunay na hindi lahat ng matanda may pinagkatandaan."
"That's the point. Hera, we need to fix this. Hindi ko na kaya manuod. Naaawa na 'ko kay Gunner. We should call DepEd or NBI o kaya DSWD. We need to report them---"
"At bakit kayo tatawag ng NBI o DSWD?"
Biglang dumating sina Ichiro at Echo. Kabadong nagkatinginan si Hera at Flame nang bigla silang sumulpot sa likod nila. Sa gitna kasi sila ng stage nakaupo habang pinapanood ang mga nagsisiuwian.
"Tatawag ako NBI kasi 'yong matandang aso ng kapitbahay namin jinujugjug tuta namin tuwing hapon. May problema?" tanong ni Flame.
Napangiwi si Echo. "Yikes. Pedo doggo."
Si Ichiro ay nagpipigil ng tawa. "Pfft. Jugjug."
"Oh 'di ba? Tsk. Huwag nga kayo epal. Seryoso topic namin," saway ni Flame.
Lumapit si Ichiro. "Penge muna fishball."
"Neknek mo fishball."
"Ang damot! Bibili ako marami, huwag ka hihingi sa'kin ah---"
"Tara, Ichi. Bili tayo. Libre mo 'ko."
"Wow. Neknek mo libre."
Nagtalo na ang dalawa at napailing na lang si Hera.
. . . . . . . . .
DAYS PASSED BUT still, there's no improvement.
The lessons continued. Hera peeks once in a while and witnesses the same shit every afternoon. She's getting hopeless. She's now planning to report it to authority too.
Gunner, on the other hand, is getting worse.
Ilang beses na niyang nahuhuli si Babe na may hickey. Ang palusot na natatanggap niya lagi, pantal lang daw.
"Hindi. Ako. Tanga!" sigaw niya saka binato ang bote ng alak sa dingding. Nabasag iyon at may mga bubog na tumama sa pisngi niya pero wala siyang paki. Mas nasasaktan siya sa nangyayari at sa pagsisinungaling sa kanya.
Gunner tried to let her admit what's happening.
Magkasama na naman sila. Naglalakad sa corridor. Kung dati ay si Gunner ang daldal nang daldal, si Babe na lang ngayon. Gunner is just there, walking, turning numb as he silently observe the hickeys and love marks. He's in pain again. Alcohols can't make him numb enough.
"Babe, saan galing 'to?" tanong niya saka tinuro na mismo kay Babe ang kanina pa niya tinitingnan. Mabilis iyon tinakpan ni Babe, napapikit na lang si Gunner. Harap-harapan na siyang niloloko pero hahanap pa rin siya ng paraan para masabing siya pa rin at mali ang hinala niya.
"Pantal 'yan tapos kinamot. Alam mo naman skin allergy ko. Bigla-bigla naatake," sagot ni Babe. "Gunner, kumain ka na? Anong nangyari sa pisngi mo?"
"Ako pa rin ba mahal mo, Babe?" diretso niyang tanong.
"Huh? Ano pinagsasabi mo?"
"Those are love marks, Babe. Hindi ako gumaya niyan kaya saan galing 'yan?" tanong na niya.
"These are from allergies. Ano ba pinagsasabi mo? Pinagdududahan mo ba 'ko, Gunner?"
"I know what your allergy looks like---"
"Sinasabi mo ba na nagsisinungaling ako? God, Gunner. I thought you trust me," asar at tila nasasaktan niyang sabi. Umalis si Babe at naiwan si Gunner.
Naiwan si Gunner na sinisisi na naman ang sarili niya.
. . . . . . . .
Gunner didn't stop pursuing her back though. He waited every afternoon. What confuses him is why Babe is getting mad every time he waits for her.
""I hate how your professor is watching us right now, Babe. Ano 'yan? Atat na atat turuan ka? Ang sama pa ng tingin sa'kin."
"D-Don't mind him. Late na kasi ako. Sige na, umuwi ka na. Please?"
"Just let me stay here outside..."
"Gunner, please."
"I just want to stay, Babe. Hindi naman ako manggugulo. Hihintayin lang kita."
"Ayokong naghihintay ka dito sa labas nang matagal."
"But I don't mind waiting---"
"Gunner, please, just leave!"
Napakurap si Gunner nang sigawan siya ni Babe. Napatingin sa kanya ang ibang studyante. Pinagtawanan siya ng ibang lalaki, ang ibang babae naman ay pinagbubulungan siya at si Babe.
"Tsk. Pinag-uusapan tuloy ako," bulong ni Babe na naiiyak at umiwas ng tingin kay Gunner.
Gunner bit his lip and just nodded his head.
"Sorry," bulong ni Gunner, medyo nahihiya sa nangyari at nagsisisi kasi nagalit na naman si Babe. "I'll go ahead. Please, message me when you get home---"
Babe walked out and left Gunner in pain and confusion.
. . . . . . . . .
"Alpha! Echo! Ichi! Claude!" sigaw ni Flame, madaling araw na. "Buksan niyo gate!"
Naalimpungatan si Alpha at tumingin sa orasan habang nakahiga sa kama. Clock says its still 2am. Nagtataka siya, bakit niya naririnig si Flame? Bumukas ang pinto ng kwarto niya at bumungad si Ichiro na nagkakamot ng mata.
"Bakit, Flame?" tanong ni Ichiro.
Nagtaka tuloy si Alpha. "Huh?"
Napansin niyang tulog pa ang diwa nito kaya binato niya si Ichiro ng unan, "Hindi 'to gate. Kwarto ko 'to. Bumaba ka do'n, buksan mo gate. Andyan ata si Flame. Magsusuot lang muna 'ko ng short."
"Ehhh. Echo, ikaw na," nakapikit na sabi ni Ichiro saka nahiga sa sofa sa kwarto ni Alpha. Tulog na ito ulit.
"BUKSAN NIYO GATE!" sigaw na naman ni Flame na parang siga na inagawan ng tulog.
"Huy! May natutulog!" saway ng kapitbahay kay Flame.
"Alphaaaaaaa!"
"Eto na. Eto na," bulong ni Alpha habang nagsusuot ng maayos na damit. "Bakit ba nakatakas kela Java 'to ng madaling araw?"
Nagmadali si Alpha at bumaba na. Wala si Claude dahil naharot na naman ito. Si Echo ay nananaginip at nahilik pa sa kwarto. Si Ichiro naman ay nakatulog ulit sa kwarto niya. Siya lang pwede magising sa ganyang oras.
Binuksan niya ang gate at bumungad si Flame na akay-akay si Gunner. May natulo na dugo sa kilay nito.
"Tsk. Tsk. Tsk. Ano'ng nangyari?" agad na kinuha ni Alpha si Gunner mula kay Flame, hindi niya alam kung paano ito naakay ni Flame papunta sa kanila sa ganoong estado lalo na't malikot si Gunner.
"Naglasing. Nagwala. Nakipagsuntukan sa Andromeda. Na-corner ng isang grupo. Pinagtulungan. Ayan," sagot ni Flame saka dumiretso sa dorm nila Alpha. "Penge tubig. Na-stress ngala-ngala ko kakatalak do'n."
Um-oo na lang siya. Napailing na lang si Alpha saka inakay si Gunner na tila tulog na paloob sa dorm. Amoy na amoy na naman ang alak sa kaibigan niya. Hindi ito nagkkwento sa kanila kaya hindi niya alam bakit nagiging ganito si Gunner netong nakaraan. Laging tulala, moody, at parang laging malalim iniisip.
Naabutan niyang seryosong nainom si Flame ng tubig.
"Alpha, may gusto ako sabihin sa'yo."
Tiningnan niya lang ito. Hindi niya alam kung lasing din ba si Flame o hindi.
"May alam kami ni Hera kailangan mo malaman."
Kumunot ang noo niya. "Ano?"
Seryosong tumingin si Flame sa kanya.
"May... may nagsend sa'min ng file... Hindi namin alam kung sino. Hindi ka matutuwa... Tungkol 'to sa kaibigan na'tin."
Ayaw ni Alpha ng paliguy-ligoy. "Ano nga?"
"Huwag mo sasabihin kay Hera na sinabi ko sa'yo..." bulong ni Flame. Tumango si Alpha.
'Please, don't tell anyone' biglang pumasok sa isip ni Flame pero umiling siya. This needs to stop. Someone needs to do something because she can't take it anymore.
"Alpha, I need to show you a video."
"What video?"
"I... I don't know... someone just sent it to us. Sa tingin ko... dapat mo malaman..." putol-putol na sabi ni Flame, medyo lasing pa siya kaya nahihirapan siya sabihin ang gusto niya sabihin.
"Anong video ba 'yan?"
"Babe."
Mas lalong naguluhan si Alpha.
"Babe and Prof. Azazel." pagtapos ni Flame.
Biglang bumalik sa isip niya ang naabutan niya noong isang hapon. Kumuyom ang kamay niya sa narinig. Gusto niya ulit sapakin si Azazel. Shit. Someone filmed it? Isip-isip pa niya.
"I think... I already know that," seryosong sabi ni Alpha.
Naguluhan si Flame.
"Alam mo?"
Tumango si Alpha. Kumukulo dugo niya pero ayaw niya ipahalata kay Flame. Gusto na naman niyang sugurin ang nasabing professor.
"You need to watch it," sabi ni Flame.
Tumanggi si Alpha.
Hindi niya alam.
Hindi niya alam na magkaiba ang alam niya sa alam nila Flame at Hera.
TO BE CONTINUED.