ឡានស្ព័រសេរ៊ីទំនើបពណ៌ខ្មៅរលោងបើកចូលដល់ក្នុងក្រុងនាពេលល្ងាចមានមនុស្សដើរលេងអ៊ូអរតាមដងវិថី Joo បញ្ជាចង្កូតឡានឱ្យបរទៅមុខយឺតៗដើម្បីឱ្យមនុស្សបីនាក់ទៀតដែលនៅក្នុងឡានជាមួយអាចរំសាយអារម្មណ៍បានខ្លះ
Jimin ចុចបើកកញ្ចក់ឡានសម្លឹងទៅខាងក្រៅ ខណៈដៃរឹងមាំរបស់ Yoongi អោបកៀកចង្កេះគេជាប់ហើយងាកមើលទៅតាមគេដែរ
“ នៅខាងក្រៅអ៊ូអរដល់ហើយ! ” Jimin ងាកមកសើចដាក់រាងក្រាស់ដែលញញឹមញឹមៗបកដាក់គេវិញ
“ ពេលទំនេរចាំបងនាំអូនមកលេង ល្អទេ? ” រាងក្រាស់និយាយតិចៗតែល្មមឱ្យលឺបានទាំងអស់គ្នា
“ អ្ហឹម! ” រាងតូចងក់ក្បាលយល់ស្រប ដោយខំប្រឹងសម្លឹងមើលទៅក្រៅតាមប្រឡោះកញ្ចក់ទ្វារឡាន ស្របពេល Joo បើកជិតហួសកន្លែងអ៊ូអរទៅហើយទើបគេនឹកឃើញរឿងដែលត្រូវធ្វើ
“ Yoongi.... អូនចង់ញ៉ាំការ៉េម! ”
Jimin ទារញ៉ាំការ៉េមទាំងអាកាសធាតុចាប់ផ្តើមត្រជាក់ជិតដល់ថ្ងៃធ្លាក់ព្រិលស្អែកខាងស្អែកទៅហើយ ឃើញចរិតទាមទារដូចកូនក្មេងរបស់ Jimin ធ្វើឱ្យ XianNu ដែលអង្គុយស្ងៀមមិនមាត់នៅកៅអីខាងមុខក្បែរ Joo ដែលជាតៃកុងឡាន សម្លឹងមើលតាមកញ្ចក់ទាំងមិនសូវពេញចិត្តថែមទាំងហួសចិត្តខ្លាំង និយាយឱ្យចំគឺជ្រេញឫកពេញទំហឹងតែម្តង តែក៏មានអារម្មណ៍ថាច្រណែនពេលគេត្រូវ Suga ថ្នាក់ថ្នមដល់ថ្នាក់នេះ
“ ត្រជាក់ណាស់កុំញ៉ាំអី ប្រយ័ត្នផ្តាសាយ ” Suga ជំទាស់ថែមទាំងអះអាងហេតុផលសមរម្យតែអ្នកដែលទាមទារនៅតែគ្រវីក្បាលមិនខ្វល់ គេចង់បានអ្វីគឺត្រូវតែបាន
“ អត់ទេ អូនចង់ញ៉ាំវា ”
“ ចុះបើឈឺតើគិតយ៉ាងម៉េច? ”
“ ... ” Jimin មិនតបគ្រាន់តែខាំមាត់ហើយងាកមុខចេញពីមនុស្សមាឌធំដែលកំពុងតាមមើលភ្នែកគេ ទឹកមុខកំសត់ៗមួយនោះជំរុញចិត្ត Suga ឱ្យប្រកែកមិនបានព្រោះមិនចង់ធ្វើឱ្យគេមិនសប្បាយចិត្តផង
“ Joo អែបឡានទៅ! ”
“ បាទ! ” ម្ចាស់ឈ្មោះងក់ក្បាលហើយកាច់ចង្កូតបត់ឡានអែបទៅលើចិញ្ចើមផ្លូវម្ខាង
“ ចង់ញ៉ាំរសជាតិអី? ខ្ញុំទៅទិញឱ្យ ” Joo សួរបណ្តើរដោះខ្សែក្រវាត់សុវត្តិភាពចេញបណ្តើរតែត្រូវអ្នកក្រោយឃាត់
“ ខ្ញុំទៅទិញខ្លួនឯងបាន! ” Jimin រ៉ាប់រងហើយបើកទ្វារឡានបម្រុងចេញតែត្រូវអ្នកនៅជិតចាប់ដៃជាប់មិនឱ្យចេញទៅបាន
“ កុំទៅម្នាក់ឯង! ”
“ មិនអីទេ អូនទៅម្នាក់ឯងបាន! ” រាងតូចលើកដៃគ្រវីដាក់ Suga តិចៗឱ្យគេទុកចិត្តហើយទើបរត់បកក្រោយទៅរកកន្លែងសម្បូរមនុស្សអ៊ូអរដើម្បីទិញអ្វីដែលគេចង់បាន
“ បារម្ភ? ទៅមួយភ្លែតវាមិនស្លាប់ទេដឹង? ” XianNu សួរធ្វើហីៗមុននឹងទាញកាបូបបើកទ្វារចេញទៅតាម Jimin ដែរ
“ ទៅតាមទេចៅហ្វាយ? ” Joo សម្លឹងមើលតាមកញ្ចក់ឡានពេលឃើញចៅហ្វាយងាកខ្លួនតាមមើល XianNu និង Jimin ដែលដើរកៀកជិតគ្នាឥតឈប់
“ មិនចាំបាច់ទេ! ” រាងក្រាស់បែរអង្គុយត្រង់ខ្លួនវិញហើយផ្អែកក្បាលនឹងកៅអីសម្រាកបន្តិច ទោះ XianNu ឃោរឃៅ តែនាងមិនក្លាហានដល់ថ្នាក់ធ្វើអ្វី Jimin នៅតាមកន្លែងសាធារណៈបែបនេះទេ
“ ឱ្យការ៉េមខ្ញុំមួយមក! ”
“ ឱ្យពីរមក ” XianNu ដើរមកតាមក្រោយឈរជិត Jimin ធ្វើឱ្យគេប្រញាប់ងើបមុខមើល
“ ... ” រាងតូចមើលមុខ XianNu ពេលនាងលើកចិញ្ចើមដាក់ទើបងាកមុខចេញ នាងមកក៏ល្អម្យ៉ាងដែរ នឹងបានបង្ករឿងតាមចិត្តទៀតនោះអី ឃើញ Jimin សើចតិចៗទើបអ្នកម្ខាងទៀតបន្ថែម
“ ខ្ញុំមកចេញលុយឱ្យឯង ”
“ អា៎... អរគុណ! ” រាងតូចញញឹមស្រស់ស្ទើររហែកមាត់ហើយទទួលការ៉េមពីអ្នកលក់ដើរចេញទៅមុន XianNu បាត់
“ អរគុណ! ” នាងក្រមុំឱ្យប្រាក់ថ្លៃការ៉េមហើយទើបដើរត្រឡប់ទៅឡានវិញ តែពេលមកដល់បែរជាមិនឃើញ Jimin Joo ប្រាប់ថាមិនទាន់ឃើញត្រឡប់មកឡានទេ
“ នាងមិនមើល Min ទេអ្ហេស? ចង្រៃមែន! ” Suga ស្រែកស្តីឱ្យភរិយាខ្លាំងៗ ទើបនាងស្រែកបកមកវិញទាំងកម្រោលតាមរបៀបមនុស្សមិនបានខុស
“ អូនមិនមែនម្តាយគេឯណា គេធំហើយគ្រាន់តែប៉ុន្នឹងចាំផ្លូវមិនបានទេអ្ហេស? ”
“ បើគេចាំមិនបានពិតមែននាងចង់យ៉ាងម៉េច? ”
“ អូនចង់យ៉ាងម៉េច? បងស្រែកដាក់អូនមុន ទោះវង្វេងក៏វាមិនងាប់ទៅណាបាត់ភ្លាមៗដែរ ខ្លាចតែវារត់តាមប្រុសបាត់ផងក៏មិនដឹង ”
“ Hwang XianNu! ” Suga ដាល់ឡានជិតកន្លែង XianNu ឈរមួយដៃធ្វើឱ្យនាងបិទភ្នែកគេចខ្លាចត្រូវមួយកណ្តាប់ដៃធ្ងន់របស់គេ
“ មុននេះអូនមិនបាននិយាយថាមើលថែគេទេ ចង់គេស្លាប់ឬរស់មានអីទាក់ទងនឹងអូន? បងចង់សម្លាប់អូនព្រោះអាក្មេងម្នាក់នោះបាត់ខ្លួនអ្ហេស? ” XianNu ស្រែកតឹងសរសៃកដាក់វិញមិនព្រមចាញ់ ប្រាប់ត្រង់ចុះថានាងមិនបាននិយាយអ្វីខុស បើគេហ៊ានធ្វើបាបនាង នាងប្តឹងប៉ូលិសមិនខាន
“ មនុស្សដូចនាងគ្មានថ្ងៃយល់ បើគេកើតអី ខ្ញុំសម្លាប់នាងហើយដើរចូលគុកមិនខាន មានចាំស្នាមរបួសលើខ្នងទេ? ” Suga លូកដៃសង្កត់លើខ្នងរាងស្តើងខ្លាំងៗទើបកែវភ្នែកនាងប្រែទៅជាក្រឡេបក្រឡាប់ពេលនឹកឃើញទិដ្ឋភាពនៅយប់នោះ នាងនៅចាំបានថាគេឆ្គួតខ្លាំងប៉ុណ្ណា សូម្បីតែប៉ារបស់គេក៏ហ៊ានគំហកដាក់
“ ចៅហ្វាយ ខ្ញុំតេហៅមនុស្សឱ្យមកជួយរកហើយ! ” Joo រាយការណ៍តិចៗធ្វើឱ្យ Suga ដកដៃចេញពីខ្លួន XianNu ហើយចេញទៅតាមរក Jimin ដោយមិននិយាយអ្វីមួយម៉ាត់ ខណៈនាងជាប្រពន្ធឈរក្តាប់ដៃដែលញ័រមិនកម្រើក បបូរមាត់ញ័រតតាត់ស្របពេលកែវភ្នែកឡើងរលីងរលោងទឹកភ្នែកបណ្តើរៗ នាងខ្លាចគេនៅពេលនោះណាស់
........
កម្លោះតូចអង្គុយលើបង្អួចក្នុងបន្ទប់បឺតបារីមួយដង្ហើមហើយទើបបង្ហុយផ្សែងពណ៌សចេញមកក្រៅយឺតៗ ភ្នែកបើកព្រឹមៗពេលផ្សែងបារីហុយមកប៉ះមុខរបស់គេ
“ ហឹស៎! ” Jimin សើចក្នុងន័យចំអកពេលលូកដៃចូលហោប៉ៅអាវរងាររបស់ខ្លួនហើយឃើញកាបូបលុយរបស់ Suga នឹកមិនឃើញសោះថាប្រុសម្នាក់នោះលួចដាក់កាបូបលុយចូលហោប៉ៅគេតាំងពីពេលណា
“ ចិត្តល្អពិតមែន ឱ្យទាំងកាបូបតែម្តង! ” គេដាក់កាបូបចូលហោប៉ៅអាវវិញហើយដុតបារីមួយដើមទៀតមកបឺត មុននេះគេចេញពី XianNu ហើយក៏ហៅតាក់ស៊ីជិះមកទីនេះ ពេលនេះមិនដឹងថាអ្នកខាងនោះជ្រួលច្របល់ប៉ុណ្ណានោះទេ
“ ក្រាក! ” JHope បើកទ្វារចូលមកក្នុងបន្ទប់ដូចសព្វដង តែពេលឃើញ Jimin អង្គុយលើបង្អួចម្ខាងទើបដើរចូលទៅរកយឺតៗហើយលូកដៃអោបចង្កេះគេ
“ ជក់បារីមិនល្អទេ! ” រាងក្រាស់ថើបកញ្ចឹងកអ្នកអង្គុយជក់បារីថ្នមៗធ្វើឱ្យគេសើចហើយងាកមុខមករក
“ បងក៏ជក់ដូចគ្នា ” Jimin ដកបារីពីមាត់ហើយដាក់កន្ទុយបារីចូលក្នុងមាត់ JHope ឱ្យគេបឺតបន្ត
“ មកវិញលឿនដូចចិត្តមែន! ”
“ នឹកបងពេកនឹងណា៎! ” Jimin អង្អែលមុខ JHope ថ្នមៗធ្វើឱ្យគេឱនមកថើបមាត់យ៉ាងទាន់ហន់ រាងក្រាស់បឺតជញ្ជក់បបូរមាត់ក្រាស់របស់គេខ្លាំងៗហើយថើបអូសមកដល់គល់ក
“ បងមិនទាន់ងូតទឹកទេ! ” Jimin សើចហើយច្រានមនុស្សមាឌធំឱ្យថយចេញបន្តិចតែគេមិនព្រមឈប់ហើយនៅលើករាងកាយតូចរបស់គេមកដាក់លើតុជិតនោះទៀត
“ JHope...! ”
“ បងទ្រាំមិនបាន សុំពេលនេះម្តងហើយ ពេលងូតទឹកហើយសុំទៀតណា៎ ” JHope ខ្សឹបដាក់ត្រចៀករាងតូចហើយទាញដោះអាវរបស់គេចេញខណៈម្ចាស់ខ្លួនក៏មិនបានប្រកែក ទើបអោនមុខទៅថើបឈ្មុសឈ្មុលទាមទាររកអ្វីដែលគេត្រូវការដើម្បីមកពន្លត់ភ្លើងប្រាថ្នាំដែលកកស្ទះក្នុងខ្លួន
To be continue.....