3
November 11, 2014
If you just know how frustrated I am right now! Pagpasensiyahan kung baliw man ang update, ito ang outcome. Baligtad ang utak ko eh, I do RomCom pag ganito ako, sa drama pag masaya, mas madalas ako stressed kaya madalas RomCom na uupdate.
*************************************************
“Ibig mong sabihin may nangyari na sa inyo ng pamangkin ko?” Tanong ng isa pang may edad na babae, talagang lumapit sa kanya. Gusto niya sanang pagtaasan ng mga kilay ang mga ito. Big deal? Helloooo! Nasa makabagong henerasyon na sila ngayon.
“Tita, let me explain. Ma, Lola, lahat kayo, pakinggan nyo muna ako.” Hindi na nakatiis si Celerio, baka kasi kung ano pa ang lalabas sa bibig ng babaeng ito na may sayad yata.
“Ano pa ba ang ieexplain mo ha,Celerio? Matapos kong ibigay ang lahat-lahat sa iyo, alam nyo, Lola, hinabol ko pa siya rito, ayaw niya akong kausapin, nawala na lamang siyang bigla.”
Tumulo na ang mga luha ni Thalia, sunud-sunod. The perks of being a drama club way back in college, talaga palang mapapakinabangan mo sa oras ng pangangailangan.
“Sandali, maupo nga muna kayong dalawa. Ipaliwanag mo ito, Celerio, hindi kita pinalaki para lamang mang-api ng babae.” Galit na sabi ng Mama niya.
Siya pa ngayon ang masama? Siya pa ang nang-api?
“Na-nahihilo po ako, Lola.” Arte ulit ni Thalia, alam niya, kapag naupo na siya, hindi na titigil ang mga tanong, kailangang makagawa ng paraan upang makaiwas.
Nataranta naman ang mga tao sa bahay nila, pwera kay Celerio, alam kasi niyang umaarte lang ito.
“Naku, papahingahin muna natin si Thalia. Ikaw, Celerio, dalhin mo na nga siya sa kuwarto mo at nang makahiga man lang, mamaya na natin siya kakausapin, o bukas.” Utos ng Lola Letty niya.
“La! Bakit naman sa kuwarto ko?” Reklamo niya.
“Si Kuya naman, akala mo eh may itatago pa kay Ate. Akala ko pa naman eh may hinihintay na babaeng maging single and available, yun pala ay may tinatago na sa amin.” Tukso ng kapatid niya.
“Sige, magpahinga na muna kayo.” Taboy ng Mama niya. “Alalayan mo nga ang nobya mo, Cel. Ano ka ba?” Galit na ang Mama niya. Tuloy wala siyang nagawa kundi hawakan ang alam niyang nag kukunwari-kunwariang babaeng ito. Hindi niya akalaing papayag ang mga ito na patuluyin ang bwisita nila sa kuwarto niya!
Nasaan ang pagiging konserbatibo ng mga ito?
Pagkapasok ay agad na binitawan niya ang babae. “Ano ba ang drama mo ha? Ano ang mga pinagsasasabi mo sa pamilya ko? Baliw ka ba?” Matigas pero mahinang sabi niya.
“Sobra ka! Sa ganda kong to, mapagkakamalan mo akong baliw? Tignan mo nga oh. Look at my face, Lado.” Inilapit niya ang kanyang mukha sa binata. Malapit na malapit, ito tuloy ang napaatras. “Saan ang trace ng kabaliwan jan? Baka magulat ka na lang, bukas pag gising mo, ikaw na ang baliw sa akin.” Mayabang na sabi niya.
“Baliw ka nga!” Biglang binuksan nito ang cabinet niya. Naghanap ng maisusuot, at walang sabi-sabing naghubad ng t-shirt.
“Hoy bastos! Bakit ka naghuhubad sa harap ko! Walanghiya ka, maniac!” Naeeskandong sabi ni Thalia, pero hindi siya umiwas ng tingin, macho papa pala si Lado, mas abs!
Ngumisi ito na tila nakakaloko. “Kuwarto ko to, Miss. Isa pa, kung naeeskando ka, eh di umalis ka. Titig na titig ka naman.”
“Ha? Eh..eh sa jan ako nakaharap sa iyo. Felingero ka! Ang kupal lang, ano, yang abs na yan, wala yan sa abs ni Aron Mi..” Napahinto siya. Oo nga pala, hindi na dapat niya ito naaalala. “Si-sige na nga, tatalikod na. Feeling! Mukha ka naman ano.”
“Ano?” Kunot ang noong tanong ni Celerio.
“Wala. Sige na, may abs ka na.” Sabay talikod. Nakaramdam na siya ng pagod at gutom, hindi pa pala siya nananghalian. Hindi pa sila nagkikita ng kanin sa araw na ito. Nakakahiya namang magsabi kay Lado.
Pagtingin niya ay nakabihis na ito, naka boxers na lang ang lumang t-shirt, pang mahirap lang talaga ang suot. Hindi ba pwedeng kinonsidera man lang siya nito na bisita? Napasimangot siya nung makitang butas pa ang t- shirt nito sa bandang dibdib dahil sa kalumaan. Buti na lang maganda ang katawan.
Nanlaki ang mga mata niya nung biglang nakita niyang humilata ito sa kama.
“Hoy! Anong ginagawa mo?” nakapikit na ito. Walang pakialaam sa kanya. Ni hindi sumagot, siya na parang tanga na nakatayo lamang, naghihintay ng sunod na gagawin.
Lumapit na siya at hinawakan ito sa braso. Tigas ha. Nagwowork- out? “Lalake, anong ginagawa mo?”
Dumilat ito at pasupladong sumagot. “Ikaw, anong ginagawa mo? Kuwarto ko ito, hindi ba? So pwede akong matulog kung gugustuhin ko.” Wala siyang pasensiya ngayon. Isa pa, ito ang pumiling sumama sa kanya. Kung matino itong babae, wala sana ito sa tabi niya ngayon. Mga babae talaga, ilan na lang ba ang katulad ni Gab… siya na naman.
“Eh saan ako matutulog?”
“bahala ka.” Walang pakiaalam niyang sagot.
“Are you really like that? Hindi ka ba talaga gentleman? Hahayaan mo akong nakatayo rito?”
“Look Miss.”
“Thalia, Tha-lia. I’m Thalia Hermosa.” Pagpapakilala niya sa sarili, in case na nakalimutan na nito ang pangalan niya.
“Whatever. Ni hindi ako sigurado kung tunay mo ngang pangalan yan.”
“Aba! Sumusobra ka na ah! Kahit humingi ako ng favor sa iyo, wala kang karapatang pagdudahan ako, ano? You like a proof? Sige, I’ll show you some, I.D.s ba? Birth certificate? Gusto mo tumawag ka pa ng pulis.” Napatingin siya sa bandang likuran ng pintuan. Ngayon niya lang napansin na may nakasabit na uniporme ng pulis dun.
“Pu-pulis ka?”
Hindi nito sinagot ang tanong niya. Bakit ba hindi na lang niya dinala sa presinto ng Parang ang babaeng ito? Sa huli bumangon rin siya, kumuha ng kumot at extrang bedsheet, naglatag sa sahig at humiga.
“Kung gusto mong matulog, ayan na ang kama, patulugin mo lang ako dahil pagod ako.” Pagod rin ang puso niya.
Ganun? Suplado talaga! So pulis ito? Pulis na ubod ng suplado at wala yata sa bokabularyo ang salitang gentleman. Aba! Kung ganito ito makitungo sa isang napakagandang babaeng katulad niya, pwes, hindi siya papaapekto! Siya pa? Maliit na bagay. Sa dinami-rami ba naman ng nangyari sa kanya, hindi na uubra ang ganitong ugali nito sa kanya.
“K. Fine!” Hinila niya ang kanyang travelling bag, pagkatapos ay naghalungkat ng pwedeng masuot. “Pssst!” Tawag niya. “Saan ba ang banyo?”
“Wala, nasa labas.” Nakapikit pa rin ito.
“Ha? Wala ka sa loob ng kuwarto mo?”
“Palagay mo kung meron sa loob ng kuwarto ko, sasabihin ko pang nasa labas?” Pangsosopla nito.
She rolled her eyes! Sarap lang itapon ng hawak niya sa lalaking ito. Yun nga lang, panty pala at bra ang hawak niya. Sige na, pagpasensiyahan at baka broken hearted. Walang wedding ring eh, nakita niya sa mga daliri nitong nakatakip sa mukha niya.
“Gutom ako.” Maya-maya ay sabi niya. Pakapalan na lang ito ng face, bukas, mag-iiwan na lang siya ng pera pag-alis niya.
Hindi ito kumilos. Ah ganun ha! Sa gutom talaga siya at gusto niya na ring maligo. Ayaw siyang asikasuhin ha, pwes, siya ang gagawa ng paraan.
“Bahala ka, I’ll tell Lola Letty and Mama that you are so rude to me.” Sabay hawak sa doorknob.
Napabangon bigla si Celerio.
Putek!
***********************************************
Kung may magyayaya ng tagay/inuman ngayon, jo-join ako. Tagay ta bay!
-Xian-