រាងតូចស្តើងគ្រងដោយរ៉ូបគេងយប់ពណ៌ផ្ទៃមេឃស្រាលស្តើងវែងដល់កជើងតែមានឆែកតាំងពីត្រឹមគល់ភ្លៅផុតទៅខាងក្រោម សក់ត្រង់វែងទម្លាក់ចុះជាមួយផ្ទៃមុខសរលោងម៉ត់ខៃ អង្គុយនៅមុខកញ្ចក់សម្អាងក្នុងបន្ទប់រង់ចាំស្វាមីដែលដេញនាងឱ្យមកបន្ទប់មុនព្រោះជាប់ភារកិច្ចលើគ្រែជាមួយប្រុសក្មេងដែលជាអ្នកបម្រើដាច់ថ្លៃក្នុងផ្ទះ
កែវភ្នែកមូលក្រឡង់ក្រហមដាមជាប់ដោយទឹកភ្នែកភ្លឺព្រៀកៗសម្លឹងមើលរូបរាងល្អឥតទាស់របស់ខ្លួនក្នុងកញ្ចក់ នាងនៅតែគិតមិនយល់ថាកូនស្រីលំដាប់សេដ្ឋីមានមុខមាត់កិត្តិយសដូចនាងប្រៀបមិនបានក្មេងប្រុសបម្រើនោះត្រង់ណា
“ ក្រាក....! ” ទ្វាររបើកឡើងក្រោកក្រាកទាំងកណ្តាលអាធ្រាត្រគ្មានបន្ថយសម្លេងដោយស្នាដៃចៅហ្វាយប្រុសម្ចាស់ផ្ទះគ្មានក្រែងរអែងក្បាលនរណាឡើយ
ឈានជើងចូលមកដល់ក្នុងបន្ទប់ភ្លាមរាងសង្ហារក៏ត្រូវកែវភ្នែកពិឃាតសម្លឹងមើលតាំងពីចុងសក់ដល់ចុងជើង តែគេនៅរក្សាស្នាមញញឹមសោះកក្រោះជាប់តាមនិស្ស័យឈាមត្រជាក់របស់គេធ្វើឱ្យអ្នកដែលជាភរិយាកាន់តែក្តៅក្រហាយឡើងទប់មិនជាប់ចង់តែហក់ទៅវាយប្តីថោកទាបនាងទាល់ឱ្យស្លាប់បាត់ពីមុខពីមាត់ទេ
“ នេះរំលងអាធ្រាត្រហើយ! ” រាងតូចស្តើងបោះជំហានទៅជិតស្វាមីដែលអង្គុយប្រឡេះឡេវអាវនៅចុងគ្រែ
“ ចឹងអូនគេងទៅ នៅយប់ពេលមិនល្អទេ ប្រយ័ត្នឆាប់ចាស់លែងស្អាតទៅ! ” Suga តបយ៉ាងសាមញ្ញហាក់គ្មានរឿងអ្វីកើតឡើងទាល់តែសោះ
“ ប្តីទៅគេងជាមួយប្រុស បងថាទៅ... អូនអាចបិទភ្នែកគេងទេ? បើជាបង... បងបើកទ្វារបន្ទប់ហើយឃើញអូនអោបថើបលើគ្រែជាមួយប្រុសផ្សេងបងអាចស្ងប់ចិត្តបិទភ្នែកគេងដូចគ្មានអ្វីកើតឡើងបានទេ? ”
XianNu ទ្រាំមិនលឺមាត់លឺកមិនបានព្រោះបើនាងនៅស្ងៀមគេក៏កាន់តែបានដៃឡើងគ្មានស្រាកស្រាន្ត
“ អូនច្បាស់ជាមិនចង់ឱ្យបងមានស្រីក្រៅទេ ត្រូវទេ? តែពេលនេះបងក៏បំពេញបំណងអូន បងមិនបានទៅមានស្រី តែបងមាន- ”
“ បងមានប្រុស!.... ” នាងតបកាត់សម្តី
“ មែនហើយ! បែបនេះអូននៅចង់បានអ្វីទៀត? ” រាងក្រាស់លាតដៃទាំងសងខាងលើកស្មាសួរ គេមិនសួរដេញដោលរឿងដែលនាងធ្លាប់ឆ្លងកាត់មនុស្សប្រុសមកប៉ុន្មាននាក់ទម្រាំធ្លាក់មកដល់ដៃគេ មិនមែនមានន័យថាគេមិនដឹងទេ កេរ្តិ៍ឈ្មោះនាងក៏មិនបានក្រអូបអស្ចារ្យអីណាស់ណាដែរ នាងត្រូវគេយកទៅនិយាយដើមតគ្នាព្រោងព្រាតពីរឿងផ្លាស់ប្តូរមិត្តប្រុសដូចដូរស្បែកជើង ពួកអ្នកមានមុខមាត់មានកិត្តិយសក្នុងសង្គមអស់នោះគឺល្អតែនឹងមុខប៉ុណ្ណោះ ឬក៏នាងគិតថាយកក្រដាសមកខ្ចប់ភ្លើងជាប់?
“ ប្រុសឬស្រីវាដូចតែគ្នាទេ! Min Yoongi បងកុំហួសហេតុពេក... បងសម្តែងធ្វើដូចមិនយល់ពីអ្វីដែលអូននិយាយ ហេតុអី? បងគិតថាខ្លួនឯងជានរណា? តាំងពីថ្ងៃរៀបការបងក៏មិនដែលប៉ះអូនសូម្បីបន្តិច បើបែបនេះដដែលបងរៀបការនឹងអូនធ្វើអី? ” នាងស្រែកក្តែងៗរបៀបអស់ភាពអត់ធ្មត់ តាំងពីក្មេងមកនាងក៏មិនដែលអោនក្បាលឱ្យនរណាស្រាប់ហើយ
“ ហេតុអី? ហេតុដែលបងមិនចូលចិត្តប្រើរបស់រួមនឹងហើយ អូនខ្លួនឯងគួរតែយល់ច្បាស់ហើយថាបងសម្តៅទៅលើអ្វីមិនចាំបាច់បងបរិយាយចំៗពេកទេ... "
“ អស្ចារ្យ Min Yoongi! បងដឹងគ្រប់យ៉ាងតែបែរជានៅសម្តែងធ្វើធម្មតាទៀត ពានរង្វានតារាឯកអូស្ការឆ្នាំនេះគេចមិនផុតពីដៃបងទេ.... ” ទឹកមុខផ្លាស់ប្តូរលឿនជាងផ្លេកបន្ទោរ ជ្រុលជាគេបានដឹងពីធាតុពិតនាងហើយ នាងក៏មិនចាំបាច់លាក់បាំងចរិកធម្មជាតិរបស់នាងដែរ នាងជាភរិយាប្តូរពីកំហឹងមកញញឹមយ៉ាងពិសពុលក្នុងមួយពព្រិចភ្នែកមុននឹងនិយាយបន្ត
“ តែមិនថាបងធ្វើក្នុងគោលបំណងអ្វីទេ អូនដាច់ខាតមិនសំងំឱ្យបងប្រើប្រាស់ឡើយ Suga អូនប្រាប់បង.... អូននឹងបំផ្លាញគ្រប់គ្នាដែលហ៊ានមិនឱ្យតម្លៃអូន សូម្បីតែអាក្មេងម្នាក់នោះ! ” នាងប្រើដៃចង្អុលទ្រូងរាងក្រាស់ចំៗហើយច្រានគេទៅក្រោយតែគេហាក់នឹងធឹងធម្មតាមិនថមថយទៅតាមកម្លាំងនាងសូម្បីបន្តិច
“ អូនចង់ធ្វើអ្វីក៏បាន XianNu.... តែលើលោកនេះគ្មានអាថ៌កំបាំងទេ ចំណុចខ្សោយរបស់អូនមាននៅក្នុងដៃបង បើអូនហ៊ានងើបមុខរឹងរូសនៅមុខបង បងនឹងវាយអូនឱ្យដួលរាបដល់ដីងើបក្បាលលែងរួច! ” រាងខ្ពស់គ្រវាសដៃប្រពន្ធចេញហើយក្រោកដើរហួសទៅបន្ទប់ទឹកបាត់
“ ... ” XianNu មិនតបត នាងងាកចេញងើយមុខឡើងទប់ទឹកភ្នែកកុំឱ្យស្រក់ ទោះនាងជាហង្សខ្ពង់ខ្ពស់ប៉ុណ្ណាក៏ក្នុងនាមជាមនុស្សស្រីមានបំណងរស់នៅដោយសុខសាន្តជាមួយគ្រួសារដ៏រីករាយតូចមួយប៉ុណ្ណោះ តែពេលនេះជីវិតអាពាហ៍ពិពាហ៍នាងមិនត្រឹមតែគ្មានភាពផ្អែមល្ហែមទេតែបែរជាមកត្រូវប្រើអំណាចប្រកួតប្រជែងគ្នាទៅវិញ មិនអីទេបើគេចង់លេងនាងក៏រីករាយកំដរគ្រប់វិនាទី
“ អូនច្បាស់ជាមិនហ៊ានងើបមុខនៅនឹងមុខបងទេ តែបើក្រោយខ្នងបង.... អូនក៏មិនហ៊ាននិយាយទុកដូចគ្នា! ”
ព្រឹកព្រលឹមថ្ងៃថ្មីកម្មវិធីក្នុងទូរទស្សន៍ចាក់ផ្សាយពីដំណឹងការវិលត្រឡប់របស់ Kim SeokJin ក៏ដូចជាចាក់សារឡើងវិញនូវសន្និសីទកាសែតកាលពីម្សិលមិញស្ទើរតែគ្រប់ប៉ុស្តិ៍
Jin រៀបចំខ្លួនតាំងពីព្រលឹមព្រោះត្រូវសម្ភោធបើកការថតរឿងថ្មីដែលគេបានចុះកិច្ចសន្យាទុកជាមុន តួឯកប្រុសដែលឈរលើតារាងកំពូលជាច្រើនឆ្នាំជួបជាមួយតារាស្រីវ័យក្មេងទើបនឹងរះដែលកំពុងកើនសន្ទុះគាំទ្រដូចឡើងកាំជណ្តើរធ្វើឱ្យខ្សែភាពយន្តដ៏ថ្មីស្រឡាងមួយនេះត្រូវគេប៉ាន់ស្មានថានឹងក្លាយជាភាពយន្តដ៏មានឥទ្ធិពលបំផុតក្នុងឆ្នាំនេះ
“ អរុណសួរស្តីរាមច្បង! ” នាងតូច Hachimitsu តារាស្រីវ័យក្មេងមានទាំងសម្រស់និងសមត្ថភាពដែលទើបនឹងត្រូវមហាជនចាប់អារម្មណ៍ក្រោយពីសម្តែងខ្សែភាពយន្តខ្នាតធំជាតួអង្គរងដែលសាច់រឿងត្រូវបញ្ចប់ដោយតួរងប្រុសគូរគ្រងរបស់នាងត្រូវស្លាប់យ៉ាងមិនសមហេតុផលទុកឱ្យនាងរស់នៅឈឺចាប់ទ្រាំបៀមទុក្ខលេបគ្រោះតែម្នាក់ឯងធ្វើឱ្យតួអង្គកំសត់របស់នាងក្លាយជាទីចាប់អារម្មណ៍កាន់តែខ្លាំងឡើង រាងស្តើងក្រោកពីកៅអីឱនក្បាលចុះបន្តិចជាការគោរពដល់ Jin ជារាមច្បងក្នុងវិស័យសិល្បៈដែលត្រៀមនឹងចូលឈុតសម្តែងជាមួយគ្នាក្នុងពេលបន្តិចទៀតនេះ
“ អរុណសួរស្តី Hachimitsu! ” Jin អោនក្បាលតបមុននឹងងាកទៅគួរសមដាក់បុគ្គលិកគ្រប់គ្នា
“ អរុណសួរស្តីគ្រប់គ្នា!! ” រាងក្រាស់ដើរហួស Hachimitsu ទៅអង្គុយកៅអីមុខកញ្ចក់រៀបចំសក់រួចរាល់ហើយទើបក្រោកដើរមកជិតនាងតូចវិញព្រោះដល់ពេលដើរលើកម្រាលព្រំក្រហមហើយ
“ កាន់ដៃទូលបង្គំមកព្រះនាងតូច! ” Jin លាតដៃឱ្យតួឯកស្រីកាន់ព្រមទាំងអោនក្បាលចុះបន្តិចជាការគួរសម កាយវិការគេរំញោចស្នាមញញឹមរបស់នាងក្រមុំមួយរំពេច Hachimitsu ក្រោកឡើងដើរអោបដៃ Jin ឡើងទៅលើឆាករួមគ្នា ព្រោះក្នុងខ្សែភាពយន្តថ្មីនេះជាប្រភេទស្នេហារំជួលចិត្តបូករួមនឹងឆាកប្រយុទ្ធដ៏ក្តៅគគុកដែលកើតចេញពីស្នេហារវាងព្រះនាងតូចនិងអង្គរក្សរូបសង្ហារកូនប្រុសរបស់អនុសេនីយ៍ទោលក្នុងរាជវាំងធ្វើឱ្យមួយគូរនេះគឺសាកសមគ្នាខ្លាំងមែនទែនប្រៀបដូចវីរបុរសនិងទេពធីតាឋានសួគ៌
ក្រោយពីកម្មវិធីសម្ភោធបើកការថតបញ្ចប់គឺពេលរសៀលទៅហើយដូច្នេះទើបពួកគេចាប់ផ្តើមរៀបចំថតប្លង់ទីមួយតែម្តងព្រោះវាជាប្លង់យប់របស់តួឯកប្រុសថតនៅលើដំបូលអគារ
“ Jin មានមនុស្សបញ្ជូនឡានកាហ្វេមក ” YuYav រត់មករក Jin ដែលកំពុងធ្វើសក់ព្រោះវាចម្លែកណាស់ដែលមានមនុស្សបញ្ជូនឡានកាហ្វេមកលើកទឹកចិត្តនៅថ្ងៃទីមួយតែម្តង
“ នរណាបញ្ជូនមក!? ”
“ មានតែអក្សរពីរតួទេ RM... ” នាងបង្ហាញក្រដាសដឹងជញ្ជូន
“ រាមច្បងពិតជាពូកែមែន សម្តែងថ្ងៃទីមួយក៏មានមនុស្សបញ្ជូនរបស់មកលើកទឹកចិត្តទៅហើយ! ” Hachimitsu សរសើរយ៉ាងអស់ពីចិត្ត
“ បន្តិចទៀតនាងនឹងមានមនុស្សធ្វើបែបនេះដាក់ដែរហើយ មិនអីទេ ខ្ញុំស្គាល់គេ! ” មុខសង្ហារញោចស្នាមញញឹមហើយទាញទូរស័ព្ទចេញទៅក្រៅមើលឡានដែលគេបញ្ជូនមក
“ ខ្ញុំក៏សង្ឃឹមថាបែបនេះដែរ ” នាងគោះជើងនឹងតុតិចៗទាំងក្តីសង្ឃឹម ធ្វើជាតារាសម្តែងជួរមុខមានអ្នកគាំទ្ររាប់លាននាក់ជាក្តីស្រមៃរបស់នាងតាំងពីក្មេងមកម្លេះ
YuYav កាន់កាហ្វេដែលទើបនឹងទិញមកក្នុងដៃដើរទៅជិត Hachimitsu ពេលនេះនាងសម្តែងជាតួឯកស្រី ហេតុអីនៅតែគ្មានអ្នកចាត់ការផ្ទាល់ខ្លួនទៀត?
“ ញ៉ាំទេ? ”
“ អា៎... អរគុណ! ” Hachimitsu ទទួលកាហ្វេមកញ៉ាំហើយញញឹមដាក់អ្នកទិញឱ្យបន្តិច
*នាងគួរឱ្យស្រឡាញ់ណាស់* YuYav គិតក្នុងចិត្តមុននឹងអង្អែលសក់វែងរបស់នាងតូចថ្នមៗ
“ ហេតុអីនាងមិនទាន់មានអ្នកចាត់ការទៀត? ”
“ រឿងនេះអ្នកម៉ាក់ក៏និយាយជាមួយខាងក្រុមហ៊ុនដែរតែពួកគេថារកមិនទាន់បាន ”
“ មិនអីទេ ទុកឱ្យខ្ញុំជួយនាងក៏បានដែរ! ” YuYav ចាប់ផ្តើមធ្វើម៉ូតសក់និងផាត់មុខថែមតិចតួចឱ្យ Hachimitsu នាងក៏ស្អាតដូចព្រះនាងស្រាប់ហើយមិនបាច់តុបតែងច្រើនពេកទេ
“ លោកបញ្ជូនឡានកាហ្វេមកមែនទេ? ” Jin ឈរនិយាយទូរស័ព្ទសម្លឹងមើលឡានកាហ្វេដែលមានរូបរបស់គេស្ទើរគ្រប់កន្លែងរួមជាមួយពាក្យលើកទឹកចិត្តមួយឃ្លា ( Fighting Hyung ) ទាំងញញឹម
“ លោកពេញចិត្តទេ? ”
“ លោកមិនចាំបាច់ចំណាយលុយច្រើនបែបនេះក៏មិនអីដែរ! ” ច្បាស់ជាពេញចិត្តហើយ គេខានទទួលអារម្មណ៍បែបនេះយូរហើយតាំងពីផ្អាកពីសិល្បៈមួយរយៈធំ
“ ខ្ញុំជាអ្នកគាំទ្ររបស់លោក មិនអីទេ តែយ៉ាងណាក៏ធ្វើឱ្យបានល្អណា៎ ខ្ញុំចាំគាំទ្រជានិច្ច ” RM សើចញឹមៗក្នុងបន្ទប់ធ្វើការ ទោះគ្មានពេលទៅចូលរួមដោយផ្ទាល់តែគេក៏ព្យាយាមបង្ហាញទឹកចិត្តតាមកាយវិការខ្វល់ខ្វាយទាំងនេះ សង្ឃឹមថាថ្ងៃណាមួយ Jin អាចនឹងមើលឃើញទឹកចិត្តរបស់គេខ្លះ
“ មែនហើយ រឿងរបស់ Jimin ដល់ណាហើយ? ”
“ ខ្ញុំឱ្យគ្រប់ផ្នែកតាមរកហើយ ពេលនេះកំពុងតែឆែកមើលកាមេរ៉ាតាមផ្លូវសាធារណៈ មិនយូរទេច្បាស់ជារកឃើញ ”
“ រំខានលោកហើយ!! ”
“ មិនអីទេ វាជាកាតព្វកិច្ចរបស់ប៉ូលិសស្រាប់ហើយ!! ”
Jin និយាយចប់ទើបដើរត្រឡប់ទៅខាងក្នុងវិញឈរមើល YuYav រៀបចំខ្លួនឱ្យ Hachimitsu នាងច្រមក់ YuYav ច្បាស់ជាគិតអីក្នុងចិត្តមិនខានទាំងដែលធម្មតានាងមិនដែលខ្វល់ខ្វាយនឹងមនុស្សជុំវិញខ្លួនទេតែថ្ងៃនេះចិត្តល្អរៀបចំខ្លួនឱ្យតារាស្រីថ្មី
“ អេសហែម....! ” រាងក្រាស់សំលៀងបំពង់កធ្វើឱ្យគ្រប់គ្នាងាកមកផ្តោតអារម្មណ៍លើគេលើកលែងតែ YuYav ដែលធ្វើមិនបានលឺ
“ ... ” នាងហ៊ានធ្វើមិនខ្វល់ពីប្រុសចាស់ក្នុងដៃនាងផងហេស?
“ ខ្ញុំថារាមច្បងត្រូវការបងហើយ សក់មិនទាន់ហើយចាំខ្ញុំរកបុគ្គលិកមកជួយក៏បានដែរ! ” Hachimitsu ហាក់រអៀសខ្លួនដែលឱ្យជំនួយការអ្នកដទៃជួយបែបនេះ
“ កុំខ្វល់ពីគេអី ក្មេងទាក់ទាញចំណាប់អារម្មណ៍វាតែងតែបែបនេះហើយ! ” នាងបន្តធ្វើកិច្ចការក្នុងដៃព្រោះដឹងពីបំណងរំខានចិត្តរបស់ Jin បើគេគ្មានការងារធ្វើគេមិនឱ្យនាងអង្គុយបានសុខទេ ឈ្លោះគ្នារាល់ថ្ងៃនៅតែពេលកំណត់ថ្ងៃហៅឡើងសៃវៀនវាយគ្នាមួយស្មើប៉ុណ្ណោះ
“ គាត់អាយុ 30ឆ្នាំជាងហើយមិនមែនក្មេងទេ បងពិតជាមិនខ្លាចគាត់មែនហេស? ”
“ គេមិនហ៊ានធ្វើអ្វីខ្ញុំទេ! ” YuYav នាងស្គាល់តារាប្រុសរបស់នាងច្បាស់ណាស់ ចរិកមិនចាស់ទៅតាមអាយុសូម្បីបន្តិច
“ ហាសហា....ពួកបងមើលទៅស្និតស្នាលនឹងគ្នាណាស់! ” នាងក៏ចង់បានមនុស្សស្និតស្នាលទុកឈ្លោះគ្នាម្នាក់ដែរតែរកមិនទាន់បាន
យប់បន្តិច XianNu ត្រឡប់ចូលផ្ទះវិញបន្ទាប់ពីដើរលេងចាយលុយដើរផ្សារទំនើបដូចបាចក្រដាសពេញមួយថ្ងៃ រាងស្តើងដើរកាត់មុខស្វាមីតែឈ្មោះរបស់នាងដែលអង្គុយផឹកកាហ្វេក្នុងបនហទប់ទទួលភ្ញៀវឡើងទៅលើបន្ទប់ធ្វើមិនឃើញ
“ ថ្ងៃនេះចំណាយអស់ច្រើនលានណាស់ មិនស្មានថាអូនត្រឡប់មកវិញជាមួយកាបូបតូចមួយបែបនេះទេ! ”
នាងជាប្រពន្ធបង្អាក់ដំណើរមុននឹងងាកមកតបនឹងប្តី
“ មិនបានមកជាមួយកាបូបតូចនេះទេតែ សម្លៀកបំពាក់ កាបូប ស្បែកជើង គ្រឿងអលង្ការដែលទិញមកច្រើនពេកដល់ថ្នាក់យកឡើងមកមិនរួចក៏គិតថាទុកឱ្យអ្នកបម្រើជញ្ជូននៅថ្ងៃស្អែក អូនមិនបានចិត្តខ្មៅឱ្យនរណាទៅធ្វើការទាំងយប់អាធ្រាត្របែបនេះទេ ”
“ កាតខ្មៅរបស់បងអូនយកទៅតាំងពីពេលណា? ” រាងខ្ពស់ក្រោកឈរជ្រែងហោប៉ៅពេញកម្ពស់ នាងចាយវាយខ្ជះខ្ជាយខ្លាំងណាស់ ទោះគេជាសេដ្ឋីក៏គេមិនចូលចិត្តឱ្យនរណាមកបំផ្លាញទ្រព្យសម្បត្តិគេបែបនេះដែរ
“ ជាប្តីប្រពន្ធ លុយបងក៏ដូចលុយអូនដែរ អូនមានសិទ្ធិក្នុងការចាយវាយ ឬក៏បងចង់បិទគណនីកុងមិនឱ្យអូនដកចាយក៏តាមចិត្ត ឱ្យវាដឹងទៅថាមានស្តុកស្តម្ភលំដាប់សេដ្ឋីរបៀប Min Yoongi តែខ្លាចរលាយដោយសារប្រពន្ធខ្លួនតូចមួយនេះ ” XianNu និយាយចប់ដើរឡើងទៅបន្ទប់បាត់មិនខ្ចីចាំស្ងាប់នរណានិយាយទៀតទេ
Suga អស់ពាក្យនឹងតប នេះនាងចង់សងសឹកគេដោយវិធីបែបនេះមែនទេ? តែទោះនាងចំណាយច្រើនប៉ុណ្ណាក៏មិនអាចឱ្យគេរលាយដែរ នាងគ្រាន់តែព្យាយាមធ្វើឱ្យគេខឹងក្តៅក្រហាយប៉ុណ្ណោះ
បានលឺយូរមកហើយថា Hwang XianNu មិនដែលចុះចាញ់នរណាទេ ថ្ងៃនេះនាងចាប់ផ្តើមបង្ហាញស្លាបរបស់នាងហើយ តែកុំបារម្ភអី កុំថាឡើយស្លាបហង្សដ៏រឹងមាំរបស់នាងទោះស្លាបនាងជាមយូរ៉ាភ្លើងក៏ Min Yoongi អាចកាច់បំបាក់បានដែរ បើកផ្លូវឱ្យនាងសប្បាយអស់ដៃសិនចុះ
សូមបញ្ចេញមតិយោបល់សម្រាប់ភាគនេះនៅខាងក្រោម😉🤘💙