أخي الغيور

﮼البارت،الرابع،والعشرون

اخي الغيور
للكاتبة مهرة

عزام
رحت لدوامي و اخذت اجازة يومين وطلعت من وگت
١٢:٠٠ انه بالبيت ، لگيت الولد هم راجعين وگاعدين بالحديقة  وامي خطيه واگفه بالمطبخ تحضر بالغدة ،

انه صعدت بدلت ونزلت ، طلعت يمهم شوية و وليد فتح
الباب الخارجي ، وسيارة أبويه دخلت ، كمنه نستقبلهم

اول وحدة نزلت هزار أوف ربي هسع مو مال اخذها لحضني واشبع من ريحتها ، احنا واگفين انه وليث وسيف توجهت النا ،

باست ليث وسيف واجت عليه ادري بيها ما تسويها انطيها ايدي وسحبتها على كيف

هزار
نزلت وليد قريب عليه ينزل بالجنط هو وحيدر ، مدري شهمس لبابا و بابا ضربه على رأسه وضحك ، بعدين سمعته  يگول لحيدر ،

يول هذا جسمك نفخ لو حقيقي ، طبعا حيدر اشگر وضخم وطويل بالنسبة لعمرة ، طالع على خوالي

صحت عليه ، هلو لودي
: هلا ام الگراگيع ...

هههه عفته ورحت لليث بوسته
: يمه فدوه للعريس ، وجهك مورد هههه
: من شفتچ غير هههه

: يوم النفرح بيك حبيبي
: حبيبتي شتاگنالچ ،

عزام واگف يمهم لابس ترك رصاصي فدوة لطوله ، طالع يجنن ، مدلي ايده وهو مبتسم خليت ايدي بيده ، سحبني اله وباسني وهو يشم بيه ، طبعا بوس عزام مزدوج هي بوسه هي شمه ، رتبكت اني بتعدت منه بسرعة

لتفتت لسما شفتها وراى ماما ، سلمو عليها الولد وطلعت خاله من المطبخ تهلي وترحب ، بوستها وراحت لماما

: هلا ام هزار نورتي الديره وبوستها
: هلا ام عزام منوره بأهلها

: هلا أبو عزام
: هلا ام عزام

: هاي الحلوة منين ما شاء الله
ماما لتفتت لسما گالتلها
: هاي بنت اخويه سما اجت تحضر العرس ويانه
: يا هلا ومية هلا
: هلا بيچ خالة تسلمين

حيدر صاح
واني يمته يوصلني السرا

خاله گالته
:هلا بيك تعال بعد خالتك تعال احبك
: هلا بيچ خاله ، والله متشوق أتعرف عليج من كثر متسولف بطيبتچ هزار
: بعد گلبي يا يمه

النوب عزام گاله تعال يول
طالس عزام
اباوع لعزام مبتسم وحيدر رافع حاجبه النوب ضحك عزام وهو يحضنه يمكن چان ظاغط على كف حيدر

النوب سلم على ليث، گاله
ما تنطيني هذا بنطرونك البسو بالزفة مالتي هههه
: لا ...اعتذر لان حاجزي قبلك هههه

: هلا بالسبع
: هلا بيك سيوفي حبيبي

ام عزام : يله ادخلو اكيد تعبانين منلطريق

دخلنه صعدت اني و ماما و سما لغرفتي وحيدر آخذا وليد لغرفته وبابا راح لغرفته بدلت ونزلت اساعد خالة ماما و سما بقوا بالغرفة يرتاحون

نزلت لگيت خاله تحضر بالمواعين اني فرشت السفرة وخاله تصب واني ارتب بالسفرة

نزلوا حيدر و وليد

حيدر : بابا كم ساعة لازم احترم وليد
: ههههه ورا ما تخلص غده
: اي زين يعني اشحن واستلمه
: يول اليوم انت بضيافتي ، لازم اقوملك بالواجب هههه
: واني اقدر الضيافة هسه تشوف ههههه

: صعدت صحت ماما وسما وگعدنه كُلنه ع السفرة ، سما گعدت بصفي و ماما من الجهه الثانية

سيف
من شفت هل سما وانه لهسع ما اندل دربي ، بنت الأوادم شني هل خلقك ، سبحانك ربي راسمها رسم ،

صح هي تنطي هواي شبه لهزار بس هاي شگره ، النوب سافرة ولبسها ضيگ ، اهاي شلون يخلونها تطلع
هيچ ،
والله مال واحد يظمها وما يخلي عيون الخلگ اتدحگ بيها ، فوگ ظيم گلبي گعدت گبالي بالغدة ،

أستغفر الله ربي ، والله انه ما يوم دحگت بحرمه هيچ ، اول ما نزلت من السيارة وانه عيوني تبوگ النظر الها الناس ملتهيه تسلم ،  وانه وگف عقلي بس يمها

النوب العيون صفر كبار يشلن العگل ، صحاني من هذا تفكيري ، صوت هزار گالت

: سيف حبيبي انطيني خبز من يمك ( وهي تبتسم وتغمزلي ) 

: لعنت الله على بليس راح انفضح  ، دنگت اكل ، بس والله احس نفسي شبعان ، ما چن انه الدخلت البيت خبصت امي ع الغدة ،

هزار
داتغده ورفعت راسي اريد خبز ، اباوع لسيف صافن عليه ، لا والله مو يمي يم سما ، خفت ينتبهوله ، گُتله ،

انطيني خبز ، وغمزتله حتى ينتبه لنفسه ههههه ، لان مبين داخ ، خلصنه غده وسويت چاي ، خليت خاله تصب
واني وسما خسلنه المواعين ، وخاله صبتلنه چاي اخذنه
الچاي وصعدنه لغرفتي

: لچ هزار اخوانچ مو بس حلوين شكل لا حلوين شخصية همات تحسيهم عدهم شخصية مزدوجة بين المرح والرزانة والثگل والهيبة ، لچ فضيعين

: اي لعد شعبالج تلگيهم مايعين وشخصيات فارغة مثل
النماذج المنتشرة بهل وقت ، تعالي دنام شويه ورايه شغل العصر هوايه

گعدت العصر لگيت لگيت سما و ماما نايمات ، طلعت
لگيت خاله گاعدة بالصالة

: خاله اشو وحدچ لعد بابا و اخواني وين
: يمه طلعوا راحو لجدچ
: لعد اني حنظف غرفة عزام
: اي والله يمه هو گال من ترجع هزار تنظفها

: بهل اثناء دخلو علينا وليد و حيدر ، شاليلين جنط گال
: يمه هاي غراض هديل راح اصعدهن لغرفة
نزلت ماما و سما ، ماما گالت هاي غراض العروس

: اي ماما
: إذا تحبون ارتبهن الها بالكنتور

: اي والله ام هزار انه ما أگدر اصعد الدرچ

: لا ام عزام اني حأرتب الغرفة و انظفها

سما :لعد اني شسوي
: انتي ورحي نظفي غرفتي هههه
: عابت شگد انتهازيه هههه يله رايحه

: خلصت غرفت عزام  ، ورجعت نظفت الصالة ، خاله بالمطبخ تشتغل تحضر للعشا

ماما وسما خلصو ونزلو

ام عزام : والله تعبتكم وياي ، لو ما انتن انه شلحگ

ام هزار : لا ام عزام تعبش قابل ممشتغلين قبل

رجع بابا و اخواني وبدت هوستهم وطلباتهم الماتخلص
وتصنفهم وضحكهم

حضرنه العشا وگعدنه تعشينا وشربنه چاي ، بقينا لـِ ١٢:٠٠ وبابا گال

: يله يابه بسكم ضحك ، باچر ورانا گعده من الصبح
وخطار شو گوموا لغرفكم ،

حيدر و وليد اول من صعدو وهما واحد يدفع بالثاني ،
ههههه همزين لتها ويا حيدر وفك مني

بابا دخل لغرفته ، عزام گال

: انه راح اطلع اشتري چكاير وارجع

سيف و ليث همات صعدو ، ماما گالت

: هزار ماما شوفيلي براسيتول راسي مصدع ، يله حبيبتي سما خل نصعد

: ماشي ماما ادورلچ واصعد بس خل أخسل الستكانات
اخذت الستكانات و المنافظ

ودخلت للمطبخ خسلت الستكانات ، ورجعتهم للكاونتر ، وفتحت الثلاجة ادور براسيتول لماما ملگيت ، دخلت خاله تاخذ مي

: خاله ما عدنه براسيتول
: والله يمه انه خلصت ، اصعدي لغرفة عزام بلكي تلگين عندو

: صعدت دورت بالمجرات مالگيت فتحت الباب ....

عزام

: طلعت شتريت چگاير ورجعت قفلت البيبان وصعدت
فتحت باب غرفتي ،
هلا و الله اجيتي برجليچ هههه شچاي تسوين هين بغرفتي
تقدم عليه وطبگ الباب و هزار رجعت ليوره

: عزام ترا ابد مو وقتك هههه

: اي اضحكي انتي مرتاحة وانه گلبي شابه نارو

: عزااام دادور براسيتول لماما مصدعه

: وانه هم محتاج مسكن ألام هههه

: لا صُدُگ عزام عندك

: يمچ بالمجر

: دورت اشو ماكو

: البارحة خليتو خاف جوه الأوراق ( يحچي وهو ينزع بالقمصه مال التراك )

: فتحت المجر رفعت الأوراق لگيت شريط أخذته وداطلع محسيت إلا بي حاضني من ظهري وخله رأسه برگبتي يشم بيه ويگول

: اهون عليچ تتركيني هيچ وطلعبن

: عزام حبيبي البيت متروس بشر تركني خل اروح

عزام

انه خلصت اليوم گلو بس ادحگ عليها ، النوب ناري تزيد ما تطفى مصدگه تفلت مني ، اخذت الشريط وتريد تطلع وانه حضنتها من خصرها لصدري بحيث ظهرها طابع بصدري ، خليت راسي برگبتها شميتها ، حسيتها رجفت و گالت بصوت مرتبك

: عزام حبيبي البيت متروس بشر تركني

: طبعت بوست رطبه على طول رگبتها ، طعم جلدها يخليني افقد ما اتحمل ، وخرت منها بسرعة اعرف الوگت مو مناسب

: ول حبيبي روحي لا اجرم بيچ ، طفيلي الاضوية وشغلي التدفئ خل انخمد ( هي گامت تضحك وطفت الاضوية وشغلت التدفئ وطلعت )

هزار
نزلت اخذت مي وصعدت لغرفتي ، لگيت ماما شاده راسها ، بشال و مدده ومغمضة عيونها ،

ماما حبيبتي اشو اگُعدي اخذي براسيتول

( فتحت عيونها وأخذت الحبايه )

: شبيچ ماما معقولة كل هذا من الصداع ، اباوع ماما نزلت دمعتها ،

: لچ ماما مشفتي ابوچ متجاهلني طول الوقت ولا كأن موجوده

: شوفي ماما ترا بابا لا تتوقيعن تشوفي هنايا مثل ما يمنا ، بابا هنايا هذا تعامله ، مو علالچ مثل يمنا بالبيت يدلل عليچ وتدللين عليه 

: اي بس مو هشكل ولا كن موجوده

: انتي لان ممتعوده على هشكل ، بس هم حقا متشوفين ولدا رياجيل تريدين يگُعد يدلل بيچ گدامهم

سما : عما ترى الرجال يم الي يحبها يرجع طفل ، يعني هو لو مأخذ راحته حتشوفي يتصرف على طبيعته مو هشكل

خليت راسها بحضني وگعدت افرك برأسها لحد ما غفت ، سما همات غفت ، قللت التدفئ ونمت

گعدت الصبح ب ٨:٠٠
لگيت سما گاعده بس باقيه بفراشها
صباح الخير
:صباحو حبي
يمته گعدت
اصلاً منمت زين لان فراشي متغير
: يله امشي ننزل
: وعما
: خليها نايمة

نزلنه لگينه بابا گاعد بالصالة واخواني بعدهم نايمين بس خاله بالمطبخ

صباح الخير بابا
صباح الخير عمو
: صباح النور حبيباتي ، عجل امچ ليش مانزلت

: بابا البارحة صار عدها صداع قوي وتأخرت يله گدرت تنام

گام بابا صعد لها ، وحنه دخلنه للمطبخ

اخي الغيور
للكاتبة مهرة

🥀دمتم في أمان الله وحفظة 🥀