أخي الغيور

﮼البارت،السابع،والعشرون

أخي_الغيور
للكاتبة _مهرة

عزام

صعدت فتحت باب غرفتها مقفول ، دگيت الباب ، ما فتحت الباب بس اسمع صوتها گالت
:منو
: هزار افتحي خل احچي وياچ

هزار
بهاي اللحظة اني كارهته لعزام وما طايقه اسمع صوته
،منظره هو وياها مديروح من بالي ، لو مشايفتهم بعيني
مصدگت ، واني سمعت صوته هو وياها، قبل مااشوفها
حاضنته ( بچت وهي تگُله )
روح عزام ما اريد لا اشوفك ولا اسمع صوتك

عزام
: من حچت وهي تبچي عرفت ما راح تسمعني ، والبيت متروس ناس مو مال احچي وياها هسع ، تركتها ونزلت

هزار
اجتني سما گالت
: هزار عمه تگول خل تجي تُگعُد يمنه

نزلت ماما گاعدة بالأستقبال ، اني هديل حتى ما شفتها
رحتلها
لچ طالعة اتخبلين
: بعد وگت .... يول ليش ما اجيتي بالزفة و حتى من دخلت هين ما چنتي موجودة

: لچ تعرفين اخاف من الرمي

: وهسع انتي لونچ مخطوف من الرمي ! يول انتي زغيره ههه

: اييي شسوي اخاف مو بيدي ، الليلة تعرفين شنو معنى الخوف ههه

: اسكتي يول لا تذكرني.... بالزفة وتحلف بيه ههه ، النوب ما يسكت وعمي هو اليسوق متت بدمي

: ليش مو عزام لزفكم ؟

: لا ..عزام موجود بالزفة ...بس عمي مروان وامچ هما الويانه

( سمعت ماما تصيحلي )

خل اروح اشوف ماما

: بلي ماما
: تعالي أگُعدي ، شلون صرتي
: زينه ماما مابيه شي
: لچ ماما حتى ما رمو هواي ، غرام ما خلاهم

بهل أثاء أجت سمر گالت
: هزار تعاي وياي شويه عندي شغلة وياچ

هزار
اني لو بيدي أكُلها بسنوني ، ما گادره اباوع بوجهه، شلون جسارة ، وصلافة عين ، تريد تحچي وياي ،

النوب ماما يمي ما أگدر اطردها و ما اروح وياها گمت
وهي امشي وياي طلعنه من الأستقبال لتفتت عليها

شتردين سمر ، إذا على الشفته
( ما خلت هزار تكمل كلمتها )

: فدوه هزار بس تعاي وياي اسمعي شريد أگول... ، امشي نصعد لغرفتچ

( صعدت هزار و سمر ، هزار فتحت الباب ودخلت وسمر وراها ، دخلت وقفلت الباب ، ولتفتت على هزار )

هزار : شوفي سمر إذا على الي شفته ، لتخافين اكيد مراح أگول الأحد

سمر : تعاي أگعدي وخل نحچي
( گعدت هزار ع السريروهي تهز برجلها من العصبية)