أخي الغيور
الكاتبة مهرة
هزار
رجعنه للبيت اني دخلت ،وعزام راح لدوامه لان مأخذ اجازة زمنية ،
دخلت للمطبخ لگيت خاله
:هلا يمه ها گضت شغلتچ
: اي خاله قدمت بس ميصيرلي نقل
: عجل يمه اگضي السنه يمنه ونشيلچ بعيونه وهل اخوتچ اتدحگين شلون مكيفين بيچ
( تأثرت هزار بكلام هل مره الطيبة راحت بوستها )
: فده لعيونچ خاله والله اني هم مرتاحة يمكم
حبدل ملابسي واجي اساعدچ
: ول يمه خابري ابوچ شوفي يچي اليوم
: ماشي خاله هسه اخابره
خابرت بابا جاي بالطريق رحت نظفت الصالة وساعدت خاله بالمطبخ
اخواني رجعو ليث وسيف و وليد رجعو بالوحده بهوستهم المعتادة ههه وگفوا بالمطبخ
سيف : يمه تره ميتين جوع مو هم ننتظر عزام للثنتين
: ول يمه عجل شلون ابوك هم جاي بالطريق ، اسبحو وبدلو لبين ما يجون
( ليث يفتح بالگدور )
: عجل يمه بس اريد تصبيره للغده
: ول يمه چم مره اگُلك لا تكشف الچدور تروح بركتهم
هزار
: هاي شبيكم تره خبلتونه هههه
ليث : يول صدگ شسوتي اليوم بالجامعة
: قدمت هنا ميصيرلي نقل
( وليد كيف حتبقى يمهم متخلف بيها )
وليد : هلا والله عجل خلصت الضيافة ، هسع تدحگين شلون راح ادللچ ههههههههههه
: وليد والله هسه يجي بابا وشوف شلون حگُله عليك
تره مناسبه سوايتك الصبح
: انه شعلي عزام گالي هههههه
( بهل أثناء دخل أبو عزام )
السلام عليكم
الكل ( وعليكم السلام )
( سلمو الولد واحد واحد على ابوهم وبعدين هزار راحت حضنت ابوها )
: شتاقتلگ بابا
: يول البيت وحشه بدونچ وحيدر كلش ضايج عليچ ،
اخذچ عزام اليوم ؟
: بلي بابا وقدمت هنا
: خير ان شاء الله ، عجل عزام وينو
: بابا رجع للدوام لان مأخذ اجازة زمنيه چان
صعدوا اخواني لغرفهم يبدلون وبابا همات اني گعدت بالصالة اتفرج ع التلفزيون ، دخل عزام
: يول الولد رجعو
: وعليكم السلام ، اي رجعوا وبابا همات اجه ودننتظرك حتى نتغده
: (دحگ عليها بطرف عينو وصعد )
:مدري شبيه حتى لسانها الطويل حبيتو ، يول عزام شچاك انت تتخبل ولا احد يداهرك بالحچي عجل هي ليش ؟!!! ( يحچي بداخلو )
:حضرنه السفرة اني و خاله نزلو الولد وآخر واحد نزل عزام
:عجل وين ابويه
(طلع أبو عزام من غرفته )
: ها يابه هين
: هلا يابه شلونك
: هلا بيك انت شلونك ، شغلك بتكريت گضيتو
: اي يابه اتفقت عليه وبعد بس نبلش بالشغل
( عزام مهندس مدني ، متعين بدائرة حكومية ، و العصر عندو مكتب عقارات ، شغلو الخاص )
(گعدو يتغدون هزار گعدت بصف ابوها ومنتجيه عليّ )
: أگُلك بابا اريد اشتكيلك من وليد ، تعرف اليوم الصُبح نگعني مي واني نايمه ..
(دحگ أبو عزام لوليد بطرف عينو وهو مبتسم ، و وليد خربان ضحك )
: يول ليش هيچ ويا هزوره وهنوب تضحك
: يابه انت لو مدحگها چنها دجاجة ناگعه مي ،چان متت ضحك عليها ههههه
: ( هزار وهي معصبه) شوف بابا شلون حخلصها هاي السنه وياااا ؟!!
: لا عزام يمچ يطيحلچ حضو
( عزام هنا يريد يخفي ضحكته )
: اي صحيح 😒
بابا هو عزام الي دزه ينگعني مي
: يول ليش هيچ ويا مدللة ابوها
: بابا وهاي من غير عرگت عزام وياي لان لابسة بنطرون
: انه مو گتلچ لا تلبسين هيچ اخوتچ ميقبلون بابا احنه هين مو مثل بغداد ، وهين عزام بمكاني تسمعين كلمتو
افتهمتي بابا
: بلي بابا
سيف : يابه البارحة جدي سأل عليك
: العصر نروحلو ذيچ جيتي ما مرتلو
: بابا اروح وياك
( هنا عزام بسرعة رفع راسو وگال )
: لا ماترحين
: ول بابا ابيش ترحيلو الا تلبسين عبايه ، إذا يدحگج بلبسچ الاجيتي بي شيخلصنه ههههه
وليد : يول انه مره دحگني بالبرموده كسر عصاتو على ظهري
عزام : تستأهل هههه
DU LIEST GERADE
أخي الغيور
Romantikفتت ع البيت ، جمدت بمكاني ، يربي شنو خربطت بالبيت لو هذا بيتنه؟!!! ، شنو خربطت هذا بيتنه ، عجل هاي منين ؟!!!!! مشيت وبديت أتقرب اكثر ، لاهي من بنات عمامي ولا خوالي ، بس مبينه ماخده راحتها ، لابسه برموده والزنود طالعه ، والشعر نازل على ظهرها ، تغس...
