أخي الغيور

﮼البارت،التاسع،والثلاثون

#أخي_الغيور
#للكانبة_مهرة

أبو عزام : وانت يعزام شتگول

رفع رأسه عزام لأبو وهو يگول

: اريدها يابه لا تكسر گلبي وتنطيها لغيري

أبتسم أبو عزام وهو يگول
ماعاش ليكسر گلبك وانه أبوك ، بس لازم  أخذ رأيها

: تنهد براحه عزام وهو يگول بداخله خلص هزار صارت الي

و وجوه الگاعدين أستبشرت

الجد : عجل ننتظر منك خبر حتى نجيك ونعقدلهم عقد شيخ

سيف : أنه هم اريدكم تخطبولي  ( حچه برتباك )

: ضحك ابو عزام على شكل ابنو المرتبك ، خير أن شاء الله
منو سعيدة الحظ ؟

: يابه اريد سما بنت أبوعلي خال هزار

( هنا بينت الصدمة على وجوه الگاعدين )

أبو عزام : ول يابه سما ماغيرها ؟!! ، أنت متأكد من موافقتها

: اي يابه متأكد منها، أنت بس قنع أبوها

:وليد وهو يدحگ لسيف بطرف عيونو ، صدگ لو گالو من السكوتي موتي ومن المطگطگ فوتي ، عمي بس أنه طلعت فقر بيناتكم ، عجل اجتنا يوم واحد حبيتها ؟!!

: ليث وهو يضرب وليد ويضحك ، يول شبيك صاير مثل العجايز

الجد : ول يابه خاف هم يشلع گلبنه مثل ما سوا أبو گبل من مشينا على زينب

لتفت الجد لأبو عزام :  ها يبو عزام  شتگول ينطونك مره لسيف

: والله يابه ما ادري ، احنا طلبهم لخطبتهم هزار راح نرفضه ، وانه خايف يردونه مثل ما رديناهم ، انه أگول نأجل موضوع سيف هسع

بين القلق على وجه سيف ، أبتسم الجد على حالة حفيده

: لا تخاف اخذها آلك لو وزنوها ذهب ، گام وهو ينگت عبايه كتفه ، انه شلون بيه ويا ولد مروان وعشگهم

ضحك أبو عزام و أولاده على كلام الجد وگامو ويا

أبو عزام : عجل شعدنه غيرك يا يابه

هزار
الساعة صارت ١١:٠٠
واني دانتظر على نار ، من خابرني عزام العصر وگلي  جدو حيحچي ويا بابا ، واني مداگدر أگعُد بمكان باقية افتر بالبيت وتليفوني بايدي منتظر عزام يتصل بيه ويگلي شصار

ام هزار : لچ ماما متگُليلي شبيچ بس تفترين

:شنو يا ماما لعد وين اروح ما أحب أگعُد

حيدر : هزار تعالي نلعب بلي

هزار : العب وحدك مالي واهس

أم هزار : حقفل البيبان وأرح أنام ، حيدر بعد لتطلع

: لا ماما ما اطلع  روحي نامي ، أني صاعد لغرفتي