#أخي_الغيور
#الكاتبة_مهرةبعد مرور عامين ،
اليوم اول يوم عيد الاضحى بابا وعزام و أخواني بعدهم مرجعين من صلاة العيدفزيت على صوت هديل
: هزار يله ما تگعدين عمي و الولد راح يرجعون من الصلاة
گوه فتحت عيوني بعدني نعسانه البارحة تأخرنه يله نمنه
: صباح الخير هدوله
: صباح الخير حبيبتي و كل عام و انتي بخير
: و أنت بخير حبيبتي ، هسه اخسل و انزل وراچ
نزلت لگيت خاله گاعدة بالصالة ويمها أسودي ابن ليث
(اي ليوث صار عنده ولد و سمها أسد عمره سنه ونص )صبحت على خالتي و عايدتها
: صباح الخير خاله وكل عام وانتي بخير: صباح السرور يمه عساچ من العايدين
اخذتلي بوستين من هذا ابو خدود اموت عليه وبعدين ، دخلت للمطبخ
اني وهديل دنحظر الريوگ لبين ميجونأم عزام : هديل يمه شو تعالي لوليدچ شو يلوب خاف جوعان
هديل : جايته خاله بس خل اغسل اديهسمعت الباب الخارجي نفتح باوعت من الشباك ، بابا دخل و وراه اخواني
تلگيت بابا عايدته وبوسته
كل عام وانت بخير حجي مروان
: هههه ول يابه حلوه بحلگچ حچي مروان ، الله يسمع منچ ، وانتي بخير حبيبتيليث : يول خل نعايدچ گبل لا يجي عزام ههه
: هههه كل عام وانت بخير ابو أسد
: حبيبة أخوچ وانت بألف خير
: صُدُگ لعد عزام وين
لتفتت على سيف وهويگولسيف
هسع يجي ورانه دحگتو واگف ويا شهم
: سيوفي حبيبي ان شاء الله يوم الأفراح بيك واشوفگ احلى عريس
بوسني وهو يگول
: يول هما خوالچ وراهم عرس خلوني أئيس اخذها
: تهون حبيبي شيخ سعود تكفل بالموضوع لا تشيل هم
:يول صار سنتين صابر بس شگول غير الله كريمدخل وليد وهو شايل
علاگه مال كاهي و گيمر بتسمت واني أگُله
: هلا بلودي
وليد : على الفاينه السويتهه بيچ أمس هاي الهلا للكاهي والگيمر مو الي ههه
: مشكلتك فاهمني صح ، وتره ثاري اخذه بس هسه تعال اعايدك
وليد : كل عام وانتي بخير ام الگراگيع إن شاء اليوم فد عاصفه زينه حتى اضل اضحك عليچ ههه
بهل اثناء دخل عزام وليد ما نتبهله وهو واگف يسمع
: اخاف متقبل تره عزام يمي ماخاف بعد
: يول عجل ما تدرين عزام هاي الشتويه راح
يگصيها ...
عزام : اي بله وين أكضيها
:لتفت وليد شاف عزام مشي وهو يگول
وين تگضي يخوي غير يم هزار
صاح عليه عزام
: حدر يول حدر اعايدك
دخل وليد للمطبخ وهو يگول
تعايدنه يخوي عجل كلساع نتعايدلتفت عزام على هزار الي واگفه تضحك على وليد لان نهزم
حچه وهو يتقدملها
: عسى الله لا يحرمني من هل ضحكه الي ترد روحي من ادحگها
هزار : وهي توگف على اطراف اصابع رجليها وتطبع بوسه على خد عزام
: كل عام وانت بالف خير حبيبي
عزام وهو يضمها لصدره
: كل عام وانتي بخير وصحه و سلامة ياروح عزام
گادني من ايدي ودخلنه هديل شالت صينيت الريوگ وهي تگول
: هزوره جيبي الچاي والخبز بطريقچ
![](https://img.wattpad.com/cover/187777571-288-k852845.jpg)
YOU ARE READING
أخي الغيور
Romanceفتت ع البيت ، جمدت بمكاني ، يربي شنو خربطت بالبيت لو هذا بيتنه؟!!! ، شنو خربطت هذا بيتنه ، عجل هاي منين ؟!!!!! مشيت وبديت أتقرب اكثر ، لاهي من بنات عمامي ولا خوالي ، بس مبينه ماخده راحتها ، لابسه برموده والزنود طالعه ، والشعر نازل على ظهرها ، تغس...