زادت بالبجي هواي خفت عليه
تعدلت وسحبتها يمي وعدلتها
قدر: رغداااا احجييي شبييج ليش كاعده تبجييي شكوو
احجي وياها وهيا بس تبجي بشكل هستيري مخليه ايديها على عيونها وتبجي
قدر: والقران حكفخج احجييي شبييج
رغدا: اليوم لمن رحت استلم النتيجه
قدر: اي؟؟؟؟
رغدا: طبيت من فرع هذولا الشباب الي جانو يسمعونا حجي
قدر: اي بس كملي لخاطر دينج
رغدا: فا لمن رحت اول شي شافوني لوحدي ماسوولي شي بس هم بقو يذبون حجي وبعدين لمن رجعت جانو واكفين بنص الفرع اجيت حتى اعبر بسرعه سحبو من ايدي الكارت مالتي بقيت اكللهم جيبو وهما يتمضكون
قدر: شكم واحد جانو؟
رغدا: اربعه
قدر: اي كملي
رغدا: اي فا بقيت اكللهم جيبو للكارت مالتي هما مدري شيتهامسون ويا بعض اخر شي اكو تتذكرين هاي الختله الي يم بيت ببطن الرفع هذا المهم ذبو هناك شمرو يم هاي الختله فا اني رحت ركض حتى اخذه ما احس الا واحد سحبني عالختله وطببني بيها وحصرني بين الحايط وبينه جان ضخم شويه بقيت اصرخ وادفع بي بس هو جان لازمني قوي و..
قدر: احجي ليش سكتي
رغدا: ماااكدر ماااكدر
قدر: رغداااا ولج احجيي شصاار بعديين
رغدا: قدر والله ماكدر
رغدا: باعي حبيبي محسويلج شي اني بس احجيلي فهميني السالفه قابل شراح اسوي بس لازم اعرف حتى اذا صار شي
رغدا: شراح يصير يعني
قدر: هسه بس كمليلي اعتبري نفسج كاعده تحجين ويا مرايتج لاتعتبريني قدر اختج
رغدا: اي فا اجو ثنين فوك راسي وشككو الصدريه واني ادفع بيهم وجانو ديحجون حجي وصخ بقو يحاولون وياي ينزعوني الصدريه واني ادفع بيهم واصرخ لحد ماشويه وسمعنا صوت سيارة ابو الغاز بسرعه شردو ثلاثتهم ولميت روحي طلعت شفت ابو الغاز واكف ببداية الختله باوع عليه وعيط بصوت عالي وكلي سااااقطه اهلج معرفو يربوج
قدر: صخااااام يعني بس دقيقه هسه هما متقربو عليج؟
رغدا: شون يعني
قدر: يعني مثلا ماسوو شي ثاني؟
رغدا: لا جانو بس ديريدون ينزعوني الصدريه ولمن شكوها شردو من سمعو ابو الغاز
جانت تحجي وتبجي واني ايدي على كلبي كلت هاهيه اغتصبوها لاختي بس لمن كالتلي نوعا ما ارتاحيت لان بعدها طفله....
بسرعه سحبتها لحضني وبقيت امسد على راسها وهيا تبجي
رغدا: باعي ايدي اشون وارمه لان كعدو يضربوني عليها
شوفتني ايدها كلها شخطات مبين مالواحد رايد يعتدي عليها
قدر: ديلا حبيبي كافيج بسج عاد والله لاخذلج حقج
رغدا: ليش هيج حجا عليه هذا الرجال
قدر: عوفج منا هذا حيوان بابا احسن تربيه ربانه انتي مالج دخل هما الاتبسززيه سحبوج
رغدا: قدر خايفه شون بعد اروح للمدرسه
قدر: اني هسه اكول لعمه نسويلج سايق لتخافين
رغدا: لالالا فدوه لدكولين لعمه
قدر: ماكللها كل الي حجيتي حكللها بس انو يسوولج اشتراك
رغدا: لو انتي جنتي وياي حان تجرأو وسوو هيج
قدر: هما لان شافوج لوحدج لو اني جنت جان كتلتهم
رغدا: خرب يومك حمزه
قدر: يلا حبيبي يلا اهدي مصار شي هذا درس الج حتى تصيرين قويه
رغدا: بعد ماطلع بالشارع ابد
قدر: مو هيج عاد لعد شون تريدين تصيرين قويه لازم يكون عندج قوه ادافعين على روحج
رغدا: لو انتي بمكاني شجان سويتي
قدر: صح اني هم مو هواي قويه بس جان مخليتهم يطخون شعره مني
رغدا: قددر بس شكلهم بعده بدماغي والله خايفه
قدر: هدي هدي حبيبي لتخافيييين بسج عااد يلا نامي حتى شويه ترتاحين بالعكس مفروض اليوم تفرحين نجحتيي وصرتي صف ساادس وزاري لازم تشدين حيلج ولتفكرين بيهم كافي عاد
رغدا: الله يلعنهم
قدر: كتلج والله اخذلج بحقج هاي دموعج ماخليها تروح بالساهل
رغدا: شحتسوين
قدر: معليج انتي دبارهم يمي هالحيوانات
رغدا: لا فدوه حمزه مانعج من الطلعه من البيت شون حتطلعين
قدر: هو مين حيعرف طلعت معليج كلتج اخذلج حقج وبس
بقيتها بحضني لحد مانامت
فكرت شسوي لهذول الاولاد اذا ماوكفهم عد حدهم راح يتمادون اكثر
وهاي سنة الخ هم حداوم لوحدها واخاف هلمره يسوولها شي ازيد
فكرت اروح وارزلهم...
بس شوون واني ممنوعه من طلعة البيت...
بس شكو بيها احاول مادام حمزه مو هنا
اريد احد يساعدني يغطيلي
ماااكو غير عليي فديته هو الي يغطي عليه
بااجر العصر اروحلهم لالا عصر شنو خلي الظهر
اي الظهر هما يكونون دائما طالعين برا بالفرع
هاهيه باجر اروحلهم
نمت وكعدت ونزلت احضر وياهم العشى والتهيت بس ببالي لازم اروح على هذولا الكلاب
اباوع على رغدا خطيه بس تصفن
حقها شغله مو قليله يريدون يتعرضولها وهيا بهالعمر
لا ومسمعيها كلام وصخ
ورغدا من النوع الي هواي مسكينه
ابد معدها اختلاط
حتى بالمدرسه عدها صديقتين بس
مانحب تختلط ويا احد
من هيج تبقى خجوله ومستحيه
بقت اليوم كلو هيا بس تصفن
حاولت عمه لمياء والكل يعرف شبيها بس مجاوبتهم
حتى بنات عمي بقو يغنولها ويباركولها انو نجحت
بس هيا ولا وياهم عالخط
بس تصفن وتباوعلي مرات
حسيت بيها مقهوره وحزينه
وهذا الشي خلاني اصر انو اروحلهم لهذولا الجلاب باجر
صار الليل وهم اجت نامت يمي ختلت بحضني
صار ثاني يوم
التهينا بالشغل وبعدين بتحضير الغدا
صار الظهر
واني بالي مشغول شون اروح
شون اطلع يارررربي
رحت على علي بالغرفه
دكيت الباب سمعته ديحجي بالتلفون مدري ويامن
بقيت ادك عليه لحد ماطلع ومسوي روحه انو توه كاعد
علي: ادري يعني متخلون الواحد يعرف ينام
قدر: لاا بشرفك تقنعني جنت نايم
علي: لعد شداسوي
قدر: اوووووي لعد نونه منو ديحجي وياها
علي: نونه منو لج
قدر: هسه ماعلينه اريد اطلب منك طلب
سد الباب بوجهي راسها
علي: لاا
قدر: هسه دسمعني بالاول ولك
علي: اكيد شغله صعبه
قدر: لا والله بس افتح
علي: ها خير
فتح الباب ومدلي راسه
قدر: باوع اريد اطلع
علي: وين
قدر: عندي شغله اريد اسويها
علي: شنو هيا
قدر: اريد اشتري شي
علي: شتشترين كوليلي اني هسه اروح اشتريلج
قدر: لا شغلات ماتكدر عليها
علي: شنو هيا الشغلات
قدر: اوووووي علي شغلات نسائيا الا اكلك هيج
علي: هاااا اسف اي وشلمطلوب مني
قدر: تغطيلي حتى اطلع
علي: زين ليش الا انتي
قدر: منو مثلا يطلع بنات عمي كلهم هسه يتحججون واصلا هم محد يخليهم يطلعوت
علي: تطولين؟
قدر: لا شغلة ربع ساعه من هذا الدكان
علي: اووووف ديلا موافق
قدر: فديييتك عرفتك ماحتردني
علي: امشي يلا
طلعنا ونزلنا للمطبخ وسوينا روحنا نريد نطلع للحوش
بعدني تسحبنا شويه شويه وطلعنا لباب البرا
علي: يلا فلتي ولاتتأخرين ربع ساعه والكيج يمي
قدر: تمام تمام
جنت طالعه بالتراك مالتي لونه نيلي وشعري مخربط مسويته طبوسه بأهمال بس مادرت بال اهم شي اروح ارزلهم لهذول الولد
بس يااارب يكونون موجودين
رحت ركض واني كلبي يدك بساع
وصلت الفرع مالتهم والحمدلله لكيتهم موجودين كاعدين عالرصيف
كمت اعيط اول مطبيت الفرع ولمن تأكدت انو هما نفسهم الي يتحارشون بينا
قدر: وينهممممم الي تحارشو بوحده بكد فخذهم وينهمممم المخانيييث خلي يطلعولي اراويهم الامهات شيخلفن
انتبهو عليه اجا واحد تقرب نفسه الي جان يسمعنه حجي
الولد: هههههههه والله عاش من شافج
قدر: مجايه اتعرف عليك
الولد: معناها حجتلج اختج
قدر: اي حجتلي وجايه اخذ حقها
الولد: هههههههههه شون ترفه جانت اختج اويلي الله نعومتها مداتروح من بالي
قدر: اي وجايه اشوفك نعومت اختها الحبيره من تسطرك بسطره شون ادوخك
الولد: انتي؟ ههههههههههه ما استبعدها منج صاحبي عنده انوثه اكثر منج
انحمست من كلمته هواي انقهرت
شكد داخلي مكسور كسرني ازيد بهاي كلمته
لهالدرجه اني محلوه!....
خلاني اشك بروحي.....
هيج اني بشعه!....
تعصبت هواي واني اباوع عليه مخلي ايده بجيوبه ويباوعلي بنظره باهته ومبتسم
ومتوجه عليه
مدري شون رفعت رجلي وضربته على بطنه ووكع بالكاع
اجا تقرب عليه واحد ثاني بس هذاك جان متعصب على انو شون ضربت صديقهم
لزم ايدي ولواها اني رجعت لي خلف فريت ولزمته من ركبته
تفاحة ادم مالته عصرتها حيل
تأذه وتركني
دارجع لي خلف بدون وعاتي ممنتبها وادوس على ايد هذا الواكع بالكاع
اني من عندي تأذيت
حسيت طلعت روحه بالدوسه مالتي
عيط عيطه الفرع كله اهتز
اجا تقرب عليه هذا الولد الاخ جان شعره كفشه سحبته من شعره وركعته بالكاع
سبحان الله اجتني قوه وكتها اني ستغربت من روحي
من صدك الله دزلي قوه من عنده خلتني اكتلهم لهذول الثنين
اما باقي الولد شردو من شافوني مسكطه هذوله
صار واحد لازم ايده والثاني لازم ركبته
قدر: سمعوني انتو الثنين وحق الله وحق الانبياء كلهم ان تعرضتو مره ثانيه الي او لاختي متلومون الا حالكم تره راويتكم شي قليل هسه بعد مطلعت قوتي كلها تمام ياحلويين؟
حجا واحد بيهم
الولد: دروحي باوعي على روحج بالمرايه هم تعتبرين من صنف البنات؟
قدر: على الاقل مو خنثه مثلك
تفلت عليهم ورحت
اذتني كلمته... هم تعتبرين من صنف البنات؟
زين ليش يعني اني خلقت روحي؟....
شذنبي يعني...
كمت اركض اريد بس اوصل البيت وعبالك صار بعيد
اركض وابجي من حركة كلبي
ماحسيت على روحي الا وكعت على طابوكه
ردت اوكع على وجهي بسرعه خليت ايدي انلوت وطكت
روحي طلعت ويا الطكه
كعدت بالكاع وابجي
بس هنا ليش جنت ابجي
على حظي؟...
على كلام الولد؟....
لو من الوكعه؟....
لو عالوجع الي بداخلي وهسه انفتح؟...
جنت ابجي عالصامت احس روحي من الداخل داتتمزق
كاعده بالكاع ولازمه ايدي الوكعت عليها
رفعت راسي للسما جانت الدنيا ظهر وحاره نار.... بابا ماما اخذوني عتكم ليش مخلييني بهالدنيا.. رحمو بحالي واخذوني عاد..... ربي خذ امانتك وريحني والله امنتحانك بهالدنيا صعب حيل
نزلت راسي اباوع على ايدي زركت
جنت كاعده وانوح ويا روحي وادعي على نفسي بالموت!
مادري شكد بقيت على نفس وضعي
باوعت لكيت ايدي زايد الزراك وشي ميطمن
خفت اريد اكوم رجليه انحلت
اكثر من مره احاول اكوم واتزحلك
رجليه مداتعيني مدري شبيه
جسمي كله يرجف
كعدت اتخيل حمزه جاي عليه وراح يضربني
من صدك سوا بيه عقده هالبني ادم
داتخيله كدامي هسه راح ياخذني ويلزمني من ياختي ويوديني على هذا البيت المهجور ويطعمني خوش كتله
من صدك كعدت اتخيل وابجي ويا روحي
ذاب دماغي من الشمس وكعدت اخربط بالافكار.....
دخت عيوني اتخلطنت اريد اكوم ماكدر...
ايديه زراكها مو طبيعي وورمت....
اريد احد يساعدني...
الشارع فارغ...
الدنيا ظهر ومستحيل الكي هسه قسم بشر...
ماحسيت غير سندت راسي عالحايط والشمس داتضرب براسي
شويه وحسيت احد مخلي ايده على جتفي وديحجي وياي بس مداسمع صوته
فتحت عيوني بهدووء
علي: قدررررر هاااي شبيييج
حنان: عمه قدر شجااابج هنااا ولج موتييناااا
علي: عمه كومي خلي نوديها للمستشفى
حنان: كللله منننك كللله اااخ
علي: هسه بس دكومي
شالوني وصعدوني بالسياره
واني كله هذا احس روحي مو وياهم بس داشوفهم كدامي علي اربعه وعمه حنان ثلاث اشخاص
يمكن فقدت الوعي....
بلكت الله استجاب دعائي وحموت! بس هيهات
صحيت على روحي واني متمدده على السرير بالمستشفى ويمي عمه حنان وفوك راسي الدكتوره
رفعت راسي باوعت لكيت ايدي شاديها بالجبس
عرفتها مكسوره
حنان: ها يمه شون صرتي
قدر: الحمدلله زينه
الدكتوره: لتخافين مابيها الا العافيه شويه بس ضربة شمس خفيفه وكسر بالايد
حنان: ولج ااااخ موتتني عليها
الدكتوره: الله يحفظلج ياها بنتج مو
حنان: لا بنت اخويه بس مثل بنتي اعز وحده عليه
الدكتوره: ربي يحفظلج ياها
حنان: تسلميلي دكتوره نكدر نطلع هسه
الدكتوره: اي اي تكدرون بس كعدي شويه خاله باعي جسمج شون يرجف اجيبلج مي
حنان: اي والله رجليه انحلت كومي قدر بس طمني علي كاعد برا
قدر: اي
تعدلت وكمت طلعت دخت شويه احس المستشفى داتفر بيه
بقيت شويه واكفه بمكاني حتى اصحه
كمت امشي حتى اطلع على علي
داباوع بالكاع وامشي
ما احس الا وانجب عليه شي حار على قميص التراك مالتي
بسرعه وخرت
باوعت رجال ضخم كدامي ومندار وجها وجان ديمشي بأتجاهي
ممبين وجها لان جان مندار
تعصبت منو هذا الي لا اوبالي ويمشي وعقله مطير هيج حرك بطني الاثول
طخيته من جتفه وكمت اعيط عليه
قدر: هيييييي انت شنووو مداتشووف وين عيونك
اندار عليه وياريته مندار....
ولكم ايييي ايييي هو
يعني اني مخلصت وطلعت من بالي
النووب اشوفك مره ثانيه
احس كلبي زادت نبضاته...
تسارعت صار هسه ارضيه بالنبضات كلبي....
لساني انعكد...
الدوخه راحت من راسي....
معرف شسوي صار اعصار بداخلي...
اتخربطت مشاعري وحاسيسي..
اريد تحجي انطق بشي ماكدر....
هو واكف وديصفن بيه ومدري شديحجي
مجنت مستوعبه
فقط جنت داباوع بعيونه الاخذت عقلي وكلبي
عيونه الي بقت مرسومه ببالي من اول يوم شفته بي
من اول صدفه صارتلنا....
عيونه هاي الحاده المرسومه رسم...
ممصدكه احس روحي بمسلسل هندي..!
شهل صدفه الي تجمعني وياه دائما
شكد الدنيا صغيره هيج الي وين ماروح الكيه بوجهي
لا والنوب لازم كلما نتقابل نتعارك...
صحيت على روحي وصحيت من صفنتي
ايهم: اسف مجان قصدي
قدر: شنو مجان قصدك غير من تمشي تنتبه لطريق مو انت داتحجي ويا شخص بصفحه وداتمشي بصفحه ثانيه
ايهم: اعصابج مو انتي تعلميني شون امشي
قدر: لا اعلمك لعد هيج تشمي ودعم بالعالم
ايهم: ومانتبهين انتي
قدر: اني توني طالعه من يم الدكتوره وراسي دايفر بيه الدنيا مدا اندل دربي
ايهم: هسه كلنالج اسفين شكو بعد
قدر: باااع احتركت وين اصرفها لهاي اسفين
ايهم: تره كهوتي صارلها ساعه بارده شون احتركتي
قدر: هاا والله بارده تمام
جان بيده لكلاص مالكهوه الي انجب شويه منها عليه
سحبته من ايده وجبيته عليه الباقي منها
انصدم من حركتي كام يعيط
ايهم: هاااي شنووو بنت الاواادم شسويتي
قدر: مو صارلها ساعه بارده شون حركتك
بقى يسمح بهدومه
رفع راسه وباوع عليه
بقى صافن بيه
بعدين ابتسم ورفع حاجبه
ايهم: ههههههه ايييييي انتي مكتوبتلي اشوفج بكل مكان
قدر: نعم؟؟
ايهم: انتي نفسج هاي البنيه ام الشامه ايي والله عرفتج داكول شكلج مو غريب
قدر: حاول مره ثانيه تنتبه
ايهم: لا بربج باع منو دينصحني امشي بابا امشي
قدر: احترم روحك
ايهم: اكول على شنو شايفه روحج انتي هاا
قدر: اني شايفه روحي؟ هه والله يالله دباع على خشمك شعلوه جنك ابن وزير ومحد بكدك
ايهم: اني هيج ميعجبج حيطان هواي اكو بالدنيا لطمي روحج بيهم
قدر: عشتوووو وشدعوه الطم روحي بالحايط علمودك ههه
ايهم: روحي من خلقتي داتمسلتي هواي انتي ومتعرفين شداتحجين روحي بابا روحي
قدر: خاااب دكووم
ادنا وقرب وجها عليه وهمسلي بصوت ناصي
ايهم: عرفي روحج شداتحجين وويامن تره اول مره سكتتلج وثاني مره هم لكن هالمره ميصير خير وداعت اعز شخص عندي
قدر: هاااااااا يممممه خفتتتت شراح تسوي يعني تره توني هسه طالعه من عركه
ايهم: هههههههههههه تمام تمام يلا روحي من خلقتي
كام يضحك وراح من يمي
يربي اريد اسيطر على نبضات كلبي ماكدر
عوووذه شكد مغروور عابتله
على شنو هيج مغرور
لا والله يلوكله على ضخامته وشخصيته
بس هذا هم مايحقله يصير مغرور عالعالم
تره كلنا مخلوقين من طين
امشي واحجي ويا روحي
سطرني سطر مدري ليش
طلعت لكيت علي واكف يم السياره
رحت عليه
علي: ها عار شبيج
قدر: كلشي شدولي ايدي طلعت مكسوره
علي: بس كوليلي وين جنتي
قدر: جان عندي شغل ولازم اخلصه
علي: اي وجذبتي عليه كولتيلي تشترين شغلات
قدر: اييي بعدني احجيلك السالفه بس انت كلي شون عرفتو مكاني
علي: ولج اني بقيت منتظرج بالباب هسه دتجين وما اجيتي معرف بعد شسوي مرت نص ساعه وانتي ماكو وهذول البالبيت بس يصيحون قدددر تعالي اكلي وخبصوني خبص بقيت اغطيلج اكللهم بالحمام بس حسيتهم ماصدكوني سحبت عمه حنان لصفحه وحجيتلها بسرعه لبست عبايتها وكالتلي امشي ندور عليها طلعنا ومشينا على نفس الطريق الي رحتي بي ونعاين عالطري شويه وشفنه وحده واكعه بالكاع نزلنا شفناج انتي ونقلناج للمستشفى
قدر: صخاااام يعني هسه حترزل من جدو
علي: مابعيد تنكتلين هم
قدر: الله يطمنك لعد
نزلت راسي للكاع حتى اعدل شعري وارجع اسوي طبوسه
بس رفعت راسي لكيت هذا الدكتور المغرور طالع من المستشفى ومتوجه لسيارته
ضربت صفنه عليه
جان لابس قميص ماروني ويا بنطرون اسود وحذاء قهوائي طوخ...
والشعر مرجعه لي خلف...
واللحيه العدله....
يربي كلشي بي يجذب الواحد
واحد غصبا عنا يباوعله..
من صدك الله متفنن بخلقته.... وخالقه بدقه تخبل
صحاني من صفنتي علي الحقير وهو يهزني من جتفي
علي:..............
للحكايه بقيه.....
....................................................................................
اعتذر عالسحكات ولتنسون التصوييت💙
#منة الله_الايوبي ✨