مذكرات القدر

بارت السابع عشر

اخذ مني مصطفى وراح
بقيت متبسطمنه
احس روحي جمدت
مبتسمه وضاربه دالغه
حسيته راح يطلع فزيت بسرعه نزلت
مر اليوم واحنا بينه نظرات بس
مدري شنو معناها
مادري شنو ورا هالنظرات الي يباوعلي هيا
لكن احسها تحييني من جديد

نمت اني وفاطمه ويا جهالها بنفس الغرفه
بالطابق الثاني
غرفه فارغا بس بيها فراشات
.
.
مر يومين واني بعدني ببيت ام ايهم
صح اضحك واتشاقه وياهم
بس ابقى مو مرتاحه
ابقى غريبه بنصهم
هما عائله وحده اني شكو بنصهم
فاطمه كلش تنحب
حبتني هيا هم
وجهالها هم حبوني بالاخص مصطفى
يبقى وياي وين ماروح
صدك مثل مكالت ابو بنات من هو وصغير بعده
ايهم وين ما ابقى كاعده احسه يجي يكعد بنفس المكان الي اني بي وبمجرد ما اباوع عليه الكي عيونه عليه بسرعه يديرها من عني
كل يوم يزيد حبه بكلبي
ماكدر انساه ولا اتناساه
حبي اله مو حب مراهقه
بس صعبه الحب من طرف واحد
وصده الي ماكدر انساه
ديبقى خط كدامي ماكدر اتجاوزه
.
.
.
جنت كاعده داخيط ويمي مصطفى وفاطمه
ام ايهم داتصلي
جانت الدنيا ظهر
ايهم بالدوام شويه ويرجع
دك الباب نزل عمر يفتح
شويه واجا طب عليه
عمر: قدر ابن عمج جاي عليج
قدر: ابن عمي؟
عمر: اي

طلعت عليه كل ظني علي الي جاي
بس اتفاجأ بوجهي حمزه
مبين من عيونه متعصب
وبيده جكاره
انتبه عليه خنزر
قدر: حمزه
حمزه: لمي غراضج ويلا ارجعج وياي
قدر: جنت منتظره علي يجي
حمزه: ليش بله شيفرق عني علي
قدر: لا ميفرق شي بس شوكت اجيت
حمزه: تخرجت خلاص
قدر: ها صدك عالخير
حمزه: يلا عاد روحي لمي غراضج خلنرجع
قدر: ثواني

طبيت واني عقلي مضروب
اويلييي هذا حيبقى هناا يعنيي
صخااام تخرج حيبقى كاعد مقابيلنا
طبيت لميت غراضي
ورحت على فاطمه
قدر: فاطمه اني حرجع للبيت
فاطمه: يوووو وين رايحه والله تعودنا عليج
قدر: شسوي اجا ابن عمي
فاطمه: براحتج حبيبتي بس لاتكطعين بينا
قدر: لالا خوما انتي هسه راجعه
فاطمه: لاااا اسبوع الاخ ارجع
قدر: اي زين كل يوم من الصبح يمج
فاطمه: بعد عمري والله تعودت عليج
قدر: يلا حياتي حروح اني سلميلي على خاله داتصلي ماسلمت عليها
فاطمه: يوصل سلميلنا انتي هم على اهلج
قدر: يلا بيباااي

اني وداطلع لزمني من ايدي مصطفى
قدر: ها حبيبي شبيك
مصطفى: لاتروحيين
قدر: باجر اجي حبيبي
مصطفى: ابقي هنا هليوم هم
قدر: باجر من الصبح اني يمك

طلعت لي برا وهو لازمني
شافني حمزه رفع حاجبه
حمزه: منو هذا
قدر: صديقي الجديد
حمزه: يلا امشي
مصطفى: قدرررر ابقى هناااا
قدر: لا حبيبي حروح كتلك باجر من الصبح يمك
مصطفى: اكييد
قدر: اكييد عمري انت يلا انطيني بوسه

باسني من خدي وحضنته وبسته
اباوع على حمزه ديخزرنا
طلعت صار بوجهي ايهم نازل من السياره
نزع مناظره الشمسيه وباوعلي
سلم على حمزه
بس احس عيونه عليه
عبرنت من يمنا حتى اعبر للبيت
ابتسمتله وابتسملي
ونظراتي اله تحجيله كلامات
تعبرله عن حبي