مذكرات القدر

البارت الثالث والعشرين

ساعه اني افتر بالمستشفى ادور على غرفة الدكتور جاسم
يمكن فتريت المستشفى كلها
سالت الاستعلامات عن الدكتور جاسم
دلوني على اكثر من دكتور
امشي هيج وامشي هيج
اخر شي وصلت غرفه
قريت اسم الدكتور جاسم فلان فلان

دكيت الباب وطبيت
ياربييييي
وششووف
اويلييي دنيتي كلها كدامي
انصعقت
شفت ايهم واكف كدامي منتجي عالميز وبيده كلاص قهوه وغااص بالضحك
بقيت صافنه بي
وكعت عيني بعينه
بسرعه بقا صافن بيه

حجه وياي الدكتور نفسه ماللبارحه
الدكتور: اهلا قدر انتي مو نفسج الي اجيتيني كبل شكم يوم
قدر: اي دكتور سويت تحاليل مره الخ
الدكتور: اها تمام انطيني ياهم اشوف

جانت بيدي ورقة التحاليل انطيته هيا
وايهم صافن بيه
توترت هواي
شكد مشتاقتله ياربييي
لو بيدي اروح اركض عليه
احس ولدت من جديد من شفته
بقى يباوع عالتحاليل الدكتور

الدكتور: اي نفس نتائج البارحه
قدر: يعني دكتور شنو
الدكتور: يعني عندج لوكيما
قدر: تمام دكتور شكرا

اخذت التحليل وطلعت
حسيت احد سحبني من ايدي
انداريت لكيت ايهم
ايهم: شنو هذا السمعته
قدر: ها هيج ولا شي
ايهم: انطيني شو
قدر: وخر معليك
ايهم: انطينيي لج

سحب التحاليل من ايدي
وبقى صافن بيهم
حسيت عيونه دمعت
مجنت رايدته يشوفهم
بقيت منزله راسي للكاع
اجت الدمعه بطارف عيني

بقى مصدوم
يباوع عليه ويرجع يباوع عالتحاليل
ايهم: من شوكت تدرين بيج
قدر: كبل فتره
ايهم: من هيج خبرتي هذاك اليوم وحسيت بيج عندج حجايه
قدر: يلا ايهم اروح اني
ايهم: اوكفيي
قدر: شكو
ايهم: اهلج يدرون
قدر: لا بس علي
ايهم: ليش مكتيلهم
قدر: ماريد احجي لاحد
ايهم: قدر لازم تتعالجين
قدر: يلا حروح
ايهم: اوكفييي داحجي ويااج
قدر: ايهم معلييك
ايهم: شنو معليه ميصيير لازم تتعالجيين
قدر: مارييد اتعااالج منو كلك اريد اتعاالج
ايهم: لتصيرين ثوووله مازييين شهل حجي

اختنكت بعد ماكدر
نزلت راسي وكمت ابجي
لزمني من ايدي وسحبني ويمشيني
قدر: ويين موديني
ايهم: بس سكتي هسه

سحبني وطببني بغرفته
وكعدني عالكرسي واجا كدامي
ايهم: قدر ليش تبجين شبيج
قدر: ايهم تعبتت والله تعبت
ايهم: احجيلي من تركتج شصار وياج
قدر: متحملت وحجيت لحمزه
ايهم: على شنو
قدر: كتله ما احبه احبـ...
ايهم: المن تحبين كمليها
قدر: وخرر خليني اطلع
ايهم: اوكفي ليش تريدين تتبعدين مصدكت شفتج
قدر: ايهم ما ريد نرجع لبعض ايامي معدوده اني
ايهم: معدوده شنو
قدر: المرض ماشي بيه
ايهم: تتعالجين وترجعين احسن من كبل
قدر: لا ايهم
ايهم: بلا لااا

ادنا مقابيلي على ركبه ولزم ايدي
ايهم: انطينا فرص نرجع لبعض لتصيرين هيج تره لا انتي ولا اني جنا مرتاحين واحنا بعاد كافي عاد تعبت والله تعبت اريد ارتااح راحتي يمج
قدر: ايهم ماريدك ترجع تتعلق بيه كتلك ايامي معدوده
ايهم: يروحه لايهم لدكولين هيج
قدر: ايهم المرض ماشي بيه داكلك
ايهم: تتعالجين ماصدكت رجعت لكيتج تدرين شنو جنت مايت بغيابج؟ ولج من خبرتيني والله احس عشت من جديد كافي عاد اني الي ما فد يوم احتاجيت بشر احتاجج يمي مشتاقلج والله
قدر: مـ...
ايهم: كبل لتحجين شي اسفرج برا البلد تتعالجين
قدر: وشون تتوقع عمامي يقبلون
ايهم: اروح اخطبج منهم ونسوي شي بسيط ونسافر باسرع وكت وبس تطلعين بخير وسلامه أن شاء الله اسويلج احلى عرس تحجي بي بغداد كلها
قدر: مادري ايهم مادري
ايهم: بس كولي اي موافقه وخلي كلشي عليه... هااا جاوبيني؟