مذكرات القدر

البارت السابع

مادري شحجت بعد وياي حسيت على روحي هاهيه فقدت
يا نمت... يامتت..
.
.
.
فتحت عيوني لكيت الدنيا ظلمه وصوت هوسه جوا مثل كل مره
استندت عالجربايه وكمت
طك ضهري بس شنو...
احس العمود الفقري انكسر من قوة الطكه..
كمت ومشيت على مهلي وطبيت للحمام
جان اكو بالحمام مرايه معليكها يم المغسله
هيا شويه طويله لمن اني اوكف ما ابين لان ناعمه وقصيره من هيج اجيب طبله واصعد حتى اشوف روحي
جان كاتلني الفضول حتى اشوف وجهي
تخيلت وجهي عيوني زركه...
وخشمي طاك دم فقط...
سحبت طبله وصعدت عالمرايه...
بس الي شفته غير مجنت متخيلته!
هذي قدر؟؟؟
منو هاي؟؟! ههههههههههه لا ممعقوله....
الي شفته بهذيك اللحظه من صدك احس شي بداخلي انكسر...
اني انقهرت على روحي...
احس فقدت شي بيه..
عيوني جانو ورامين وحوليهم زرك...
خشمي من صفحه مكسور وطالع دم ويابس الدم...
شفتي الفوك عبالك ضاربتها بوتوكس..
خدي منفوخ من الورم اشون الفناخه....
وباقي معالم وجهي مختفيه من الدم والجلخات
اما باقي جسمي.... ههههههه
لا هذا لوحه فنيه يعلكوها بالمتحف على شكله اليخبل
مخلوط اللوان احمر وازرك وبنفسجي
اباوع عالمرايه من صدك هاي اني؟
شو احس المرايه داتعكس حزن مو داتعكس قدر!
مادري شون شعور حسيت بلحظتها...
طلعت الدنيا من عيني واني واكفه كدام المرايه الي داتعكس روحي المجروحه...
كرهت روحي كرهت اهلي وعمامي
كرهت كلشي بحياتي
سودت الدنيا بعيوني

مادري شكد بقيت اصفن بروحي بس منزلت ولا دمعه
هيا لو دموعي خلصت؟... لو الدموع ماتوفي ولا تطفي النار الي بكلبي لحظتها....
من لحظتها واني احس غير قدر صرت
اني حسيت نفسي اكو فد شي بيه تغير وانكسر

غسلت وجهي بهدوء لان جان ديأذيني
جان عدنا بالحمام هاي الاسعافات الاوليه
طلعتها وكمت اعقم بخشمي وبالجروح الي بوجهي
تعلمت انو كلشي يخصني اني اسويه
ماريد اعتمد على احد...
ماريد اذب شغلي على احد...
ماريد بعد احب واتعلق بأحد...
اريد هيج اكون بعيده عن الكل
عقمت جروحي صح جنت اتأذه بس الجرح الي بداخلي اكبر من الجروح الي بوجهي
فتحت المي وكمت اذب على روحي
تحس دايطلع مني حراره ناااار
نااار واريد اطفيها
صرت مثل المخبله اذب على روحي المي وابجيييي بحركة كلب
واسال نفسي السؤال نفسه...
لو جان عندي اب جان هذا حالي؟
لو جان عندي ام او اخ هذا جان حال؟
اكيد لا بس ابقى هيج من غير سند
صح اكو يحبوني مثل عمي احمد عمه حنان مرت عمي طيبه وعلي وهند وووووو...
بس هم ابقى وحيده... ابقى بدون سند واحد يحميني لحد ما اكبر
الا اذا تزوجت.... بس هه اكيد حيزوجوني واحد من ولد عمي...
احس روحي ضايعه... تايها.... تعبانه...
يدنيا هدي شويه تره والله صغيره وطفله اني بعدني

خلصت سبح واني قضيته كله بجي
لفيت روحي بالمنشفه وطلعت
صحصحت شويه لمن سبحت
طلعت وبدلت هدومي
طبت عليه عمتي
حنان: ها عمه سبحتي ليش مو جنت جايه اني عليج
قدر: لا عادي
حنان: متاكلين شي
قدر: لا ماشتهي
حنان: عمه صارلج يومين مماكله شي
قدر: عمه ماشتهي
حنجرتي متجرحه من العياطات الي عطتها على حمزه بزور احسي اتأذيني
حنان: زين تعالي نزلي ويانه جوا
قدر: ماريد
كمت ابدل بقت شويه وطلعت
رجعت طبيت بالمنام وسحبت دفتري وقلمي وكعدت اكتب مذكراتي
جنت مسميه الدفتر ''مذكرات القدر''