مذكرات القدر

البارت الثالث عشر

بقيت اصفن بي
عيونه ودتني لغييير عالم
فصلت عن كلشي
كتله بس مو لساني نطقها احس طلعت من كلبي
اول مره اكول هيج كلمه
اول مره احس بيها
من اول يوم شفته هو مخربط حياتي كلها
بدون وعاتي حجيتها بصوت همس بس ينسمع
علامة الصدمه بينت عليه وبينت على عيونه

قدر: احبــك
ايهم: شنو
قدر: احـ.....
ايهم: اشششش لتعيدين
بسرعه كام وبقى يصفن بيه
قدر: شبيك
ايهم: انتي مستوعبه شكاعده تحجين
قدر: اني الي داحس بي كلته
ايهم: بابا انتي صغيره على هيج شي شكاعده دكولين
قدر: ايهم شنو صغيره تره عمري 17
ايهم: اي وهذا عمر مالواحده تعرف شنو يعني حب
قدر: ايهم اني بشر وشنو يعني
ايهم: بشر بس انتي هسه بعمر مراهق متعرفين شنو يعني حب ولا داتسيطرين على مشاعرج
قدر: هههههههه شقصدك يعني
ايهم: مادري قدر روحي شويه اكعدي ويا روحج وراجعي مشاعرج
قدر: اراجع مشاعري؟؟ ليش هيا درس حتى اكعد اراجعه
ايهم: مو كاعد اتقشمر
قدر: ولا اني وشكرا الك عالنصائح

رجعت اكمله العشى
بس شنو شوون شعور حسيت بلحظتها
شون الواحد الينخذل
فشله يروبي فشششله شكبرها
اول مره هيج اكره رووووحي
تمنيت مايته بهذيج اللحظه كبل ما انطق هيج كلمه
مجنت متصوره هيج حيصدني
كررررهت روووحي
اريد ابجي واصررخ
مادري وين راح طلع من المطبخ
كرهتتاااااا
ربي يلعني على هيج شغله تفشل
مجنت متوقعه يصدني
اااخ منج ياقدر ااخ
شون بعد حكدر اباوع بوجها

حضرت كلشي واني دموعي تنزل
كسرني بهذا حجيه
اني مراهقه؟؟؟ لهالدرجه صغيره بعيونه اني
من صدك احس كلبي انمرد مو انكسر
طبيت على ام ايهم ولميت هدوم الخياطه
ام ايهم: ها يمه وين
قدر: حرجع للبيت
ام ايهم: ليش بعد وكت يمه وين ترجعين
قدر: نادتلي عمتي
ام ايهم: اهاا ديلا حبيبة سلميلي على اهلج
قدر: يوصل يمه
ام ايهم: هاي شبيج عيونج باجيه؟
قدر: ها لا بس جنت داسوي بصل
ام ايهم: لويش البصل
قدر: سويت عشى مو لايهم
ام ايهم: اهاا اي وينه
قدر: مادري اعتقد بغرفته يلا يمه اني اروح مع السلامه
ام ايهم: الله وياج يمه انتظرج باجر هاا بعد عدنا خياط هواي 
قدر: ها اي ان شاء الله الله كريم

طلعت من عدها بسرعه بس اريد اطلع من البيت
مادري شون حكدر اجي باجر هم واشوف ايهم
حسيت انو بعد معندي وجه اباوع بوجها
كرهتا وكرهت روحي لان نزلتها اله وهو هيج صدني
صعبه والله صعبه من تعترف لشخص ويصدك هيج
يارببببي سجاجين طبت بكلبي كلماته
ليش هيج ليييش
الله يلعنج قدررر
فشلتي روووحج
متكدرين تلزميين لساانج يعني
انعل ابو الحب الي يذل الواحد
ذليت روحي اله وهو هيج صدني
امشي واغلي على روحي وعليه

بسرعه طلعت اركض ماريد اشوفه
وصلت بيتنا دكيت الباب مره مرتين
لحد الاربع مرات يلا طلعولي
من عصبيتي جنت اهبد بالباب مو ادك
ادك بعصبيييه
فتحتلي هند الباب
واني منزله راسي لان دابجي ماريد احد يحس بيه
بسرعه طبيت بدون ماباوع بوجها