مذكرات القدر

البارت الثاني والعشرين

بدلت وتحضرت العصر حتى اروح للدكتور
اذكر هاليوم هذا بكل تفاصيله.... اذكر هاليوم الي حول حياتي
اذكره بكل قسوته ومرورته
جان علي منتظرني بره حتى هو يوصلني
رحت لوحدي
ما اخذت احد وياي
صرت معتمده على روحي ولوحدي بكل شي
ما احب المساعده من احد
بس اذا مشوارات طويله مرات اخلي علي يوصلني
ومرات عادي اصعد بتكسي معندي مشكله

مشينا ووصلني عالمستشفى
نزلت عالدكتوره التغديه وكطعت سرا حتى اطبلها

صار دوري وطبيت
قدر: مرحبا دكتوره
الدكتوره: اهلا وسهلا حبيبتي تفضلي
قدر: دكتوره اريد فد مشهي او اي شي يخليني اكل تخيلي جان وزني 66 هسه صار 38 وكلشي ما اشتهي اليوم كله لو علي خيارايه او خبزه وبالف زور اكلها
الدكتوره: زين من شوكت هالحاله عندج؟ يعني شوكت صار عندج هالفقدان
قدر: صارلي فتره يعني مادري والله ماذكر
الدكتوره: زين لايكون حاله نفسيه او شي داتمرين بيها
قدر: بصراحه دكتوره مارا بهواي حالات نفسيه بس مصايرلي هالشي هذا
الدكتوره: زين بعد حالات صايرتلج
قدر: اي دكتوره بطني احس بيها انتفاخ والم مزعج هوااي بيها واكثر من مره اكعد بنص الليل على حمى قويه هواي مادري شنو سببها وباعي عندي كدمات هواي بجسمي مدري شنو سببهن
الدكتوره: ماما اني اكول روحي حللي دمج احسن
قدر: ليش
الدكتوره: اكيد بيج فقر دم او شي روحي حللي احسن حللي باسرع وكت روحي هسه
قدر: تمام دكتوره شكرا

طلعت من يمها ورحت عالتحليلات الدم
اخذو عينه من دمي
وانتظرت التحليل
شويه وطلع ولد
الولد: قدر محمد حسين
قدر: بلي انا
الولد: تفضلي نتائج التحليل الدم

رحت اخذت نتائجي
اباوع عليها كلها بالانكليزي
حولوني على دكتور اختصاص الدم
رحت عليه
باوع على نتائج الدم مالتي
طلع عندي مشكله بصفائح كريات الدم البيض
طلب مني اسوي تحليل النخاع
اروح منا واجي منا
والمستشفى خبصه
رحت سويت تحليل نخاع
كالولي ساعه ويطلع
بقيت انتظر

دك عليه علي
علي: ها قدر
قدر: ها علي
علي: خلصتي بعد
قدر: لا بعد انتظر التحاليل تطلع
علي: تحاليليش
قدر: سويت تحليل دم وهسه تحليل نخاع
علي: تحليل نخاع ليش
قدر: شمدريني الدكتور طلب مني هيج طلع عندي مشكله بصفائح كريات الدم البيض
علي: صخام يلا عود خبريني من تخلصين
قدر: تمام
علي: تحتاجين اجي وياج
قدر: لالا
علي: براحتج شوكت متريدين خبريني اني كاعد
قدر: تسلم ضلعي

سديته وبقيت انتظر تحاليلي
بعد ساعه وشويه
نادالي الدكتور
الدكتور: قدر محمد حسين تفضلي للغرفه

طبيت للغرفة الدكتور
جان كاعد وبيده التحاليل
اعتقد مالتي
اشرلي اكعد
كعدت
اباوع عليه ومدري ليش خايفه
توترت هواي
بقى صافن بالتحليلات
بعدين رفع راسه وباوعلي
الدكتور: قدر
قدر: بلي دكتور
الدكتور: شنو الحالات الي جايه تواجهج حاليا يعني اعراض شي بشنو داتحسين هالفتره
قدر: والله دكتور باوع على غفلا صرت افقد من وزني هواي وما اشتهي اكل نهائيا ولاحظت اكو انتفاخ بركبتي وشي الاخ مرات اهواي افز بالليل على حمى قويه وعرق يصب مني وصاير عندي كدمات هواي بجسمي معرفت افسرهم من شنو
الدكتور: صارلج هواي على هالحاله؟
قدر: تقريبا اسبوعين وشويه هيج على ما اعتقد
الدكتور: تحاليلج هياتهم كدامي
قدر: اي شطلع؟ يعني شبيهم التحاليل؟
الدكتور: قدر
قدر: بلي دكتور
الدكتور: شكد عمرج
قدر: 18 ونص هيج
الدكتور: قدر انتي عندج سرطان الدم الليمفاوية
قدر: شون؟؟؟؟؟؟
الدكتور: تحاليلج هياتهم كدامي واعراضج كلها تدل على هالمرض
قدر: لا دكتور عفيه كول غيرها
الدكتور: والله يابنتي يؤسفني اني اكلج هيج
قدر: زين من النوع الحميد لو الغبيث
الدكتور: عندج سرطان الدم الليمفاوية الحاد