مذكرات القدر

بارت التاسع عشر

يتقرب عليه واني ارجع لي خلف والصينيه بحضني
ادفعه من صدره اريده يوخر ولا يفيد
يباوعلي ويتقرب
على غفلا طبت علينه ام ايهم
جفلت بسرعه تعدلت وكمت
انتبهت عليه ارتبكت
كامت تضحك

ام ايهم: كعدي يمه كعدي
قدر: لا كافي اني حرجع للبيت
ايهم: كعدي ماكو رجعه هسه
قدر: لا والله كافي يلا من رخصتكم
ايهم: كلت كعدي سمعي الحجي
قدر: حاضر كعدت

زكح بيه خفت راسا كعدت يما
شربته الدواه خاله
كاعده وياهم وهو بس يباوعلي
يربي والله استحي مو بيدي
ارتبك حييل من يباوعلي بنظراته التخبل

جانت كعده امه يما
كمت ورحت للمطبخ ويا فاطمه جانت كاعده داتوكل جهالها
قدر: صدك باجر حترجعين
فاطمه: اي والله شسوي
قدر: دبقي شويه الخ شعندج
فاطمه: والله بودي اني بس زوجي عنده شغل وميكدر يجيني غير باجر
قدر: اهااا
فاطمه: تدرين هاي صارلي سنه مجايه لبيت اهلي
قدر: ليش هيج
فاطمه: حبيبة مكانتي بعيده عن هنا وزوجي اربعه وعشرين ساعه بالشغل ماكدر اجي هاي بس هسه اخذله اجازه وجابني
قدر: ساكنه لوحدج
فاطمه: لا وين لوحدي ويا بيت عيالي
قدر: زينين وياج
فاطمه: حماتي نوعا ما مرات هيج ومرات هيج حسب الطخه مره جبيره واعذرها بس سلفتي اااااخ من سلفتي مربيتلي عله
قدر: ليش شبيها
فاطمه: تغار مني هواااي وتتخابث يا وياي او ويا جهالي والله كل يوم انغث بسببها
قدر: وليش هيجي يعني
فاطمه: لان اني زوجة اخر العنكود بالعائله ومدلل وفوكاها يحبني هواي فا حاسديني على هاي الشغله كدام العالم لان مانتعارك يحسبونا دوم حبايب والله مايمر اسبوع اذا مو احنا متعاركين فد خمس عركات باليوم
قدر: ديلاا يمعوده شتسوين اهم شي هو يحبج
فاطمه: اي مو اكله لاجل عين تهون عليه مدينه
قدر: الله يديمكم حبيبتي
فاطمه: تسلميلي يوم الالج واجي اركص بزواجج
قدر: ههههههه بوجودج عمري

طبت علينه ام ايهم
مدري ليش تغيرت حسيت نظرتها الي من عرفت انو اني وايهم بينا شي
تبقى تباوعلي وتبتسم
وصرت استحي مرات منها مدري ليش هيج
بقينا كاعدين ونسولف ثلاثتنا

شويه وكامت فاطمه تسبح جهالها
بقينا اني وام ايهم
صار بينا صمت
شويه واجت كعدت مقابيلي وتباوعلي
ام ايهم: اي يمه احجي
قدر: ها شحجي
ام ايهم: احجيلي شون حبيتي لا ابني
قدر: ياااا خاله والله استحي
ام ايهم: لويش تستحين هاي من يمتا تستحين مني ولج حتصيرين چنتي
قدر: چنتج؟ الله شكد حلوه
ام ايهم: ايي چنتي لعد مو حتتزوجين ابني يلا هسه احجيلي

حجيتلها عن اول لقاء النا لحد ليلة الحفله
مضميت حرف عليها
من الي جان حيدعمني واني راجعه من المدرسه واني حبيته
من ذيج اللحظه وهو ببالي عالق
ودفتر مذكراتي شاهد عليه
احجي وهيا مركزه وياي ومبتسمه على حجيي

ام ايهم: كل هذا ومخبيته عني ولج
قدر: يعني شتريديني اكلج يا يمه انو اني احب ابنج
ام ايهم: بذااته شو مجنت احس عليج يعني حتى نظرات مجنت اشوف منج
قدر: جنت استحي اباوع عليه وهم اخاف لحد يشك بيه ومن اعترفتله وصدني ضجت هواي وحتى مجنت اجي لعتكم فتره
ام ايهم: هاي شوكت
قدر: من يوم الي تحولنا لغير بيت وكطعت بيكم فتره ماجيتكم
ام ايهم: اهااا بس تدرين اني اول وحده اعرف بحبه الج
قدر: شون يعني حجالج
ام ايهم: اي شفته هواي يحجي عنج ويسأل واني كلب والده واعرف وافهم بولادي حسيته منجذبلج بقيت الح عليه واسال لحد ما حجالي
قدر: شوكت حجالج
ام ايهم: كبل عرس صديقه يمكن بجم يوم ونصحته يعترفلج كتله بلكت تصير من قسمتك ونصيبك ومستحيل الكي مثل قدر چنه الي