مذكرات القدر

البارت العاشر

طلعت من عدها ورحت لبيتنا دكيت الباب
وما اشوف الا بوجهي حمزه
خررررب هسه ماكو الا هو يفتحلي الباب
خنزر بوجهي وسحبني من ياختي بهدووء
جريت ايده ودفعتها
قدر: مو صغيره اني اعرف اطب
حمزه: وين جنتي
قدر: والله طلعت افتر شويه عجبني
حمزه: جااااوبي مثل البشر وكولي وين جنتي
قدر: جنت ببيت جيرانه ام ايهم
حمزه: وجنتي تسوين
قدر: قبل ماتسالني على اساس ماتعرف وين جنت هسه تلكي خابص البيت كله تسال وين قدر ووين قدر تره اخذت الاذن من عمه حنان وعمو احمد يعني ميحتاج تجي تسالني هسه
حمزه: لااا عمج احمد وعمتج حنان غييير واني غيير
قدر: ليش لازم انت زوجي
بقى صافن بيه مدري شون تحولت نظرات عيونه
حسيت بيهم فد لمعه غريبه
بقى صافن ردت اطب سحبني من ايدي
قدر: ااااخ شكووو
حمزه: خلصنا حجي حتى تعوفيني وطبين
قدر: مو شفتك اخذت صفنه كلت فصل النت عندك خلي اطب
حمزه: شو مدري شون صايره تمسلتين بالحجي ومتوازنين حجيج ولج احترمي الاكبر منج
قدر: الاكبر مني خلي يحترم روحه وبعدين اني احترمه

تعصب تقرب عليه يريد يضربني واني اوخر
لحد ماشفت عمه حنان بالمطبخ ركضت ورحت خلف ضهرها اتحاميت
حنان: ها شكو شنو
قدر: عمه يريد يضربني
حمزه: عمه وخررري
حنان: حممزه شبييك يمه
حمزه: وووخري عممه
حنان: شسووت فهمتي اني اضربها اذا مسويه شي
قدر: عمه والله مسويت شي اول ما اجيت استلمني اسأله وتحقيق
حمزه: باااااااعي اللساااااني نعلل بس خلي اللزمج
حنان: بس اهدا اااهدا حممزه وقدر صعدي للغرفه يلا
حمزه: والله الج كف بس انتظريلي

صعدت ركض للغرفه
طبيت وركعت الباب حيل
يعني وتاالي....
الى متى هيج ابقى اني...
كلشي لازم تحت امر الافندي حمزه
لشوكتتتت يبقى هذا يدخل بحياتي
والقران ملييت
هسه اي واحد يجي يخطبني راسا وافق حتى بس اخلص من هذا العكره

طبيت سبحت وبدلت هدومي
طلعت وتصطحت عالمنام ضهري صاير وصلتين من التعب
شتغلت شغل مالسنه
تمددت واباوع عالسقف
هناك ويروح بالي يم ايهم
يربي مدري شسويه بيه...
مداكدر انساا...
مداكدر اطلعه من بالي....
اليوم جنت كاعده وياه بنفس السفره
شون الدنيا صغيره...
منو يصدك هذا الزلمه الي جان رايد يدعمني بالسياره هسه يصير جيرانه واليوم جنت كاعده اكل وياهم وببيتهم
اااخ فعلا الدنيا صغيرت...
بين افكاري غفيت من التعب
.
.
.
مر ثلاث ايام على نفس الروتين...
جنت كاعده الظهر بالحديقة عالمرجوحه ويا بنات عمي
شويه وطلعت علينه عمه حنان وكعدت ويانه وبقينا نسولف سوا
حنان: صدك قدو اجا ببالي هسه تدرين منو سال عنج اليوم الصبح
قدر: منو
حنان: ولج ام ايهم
قدر: صدك
حنان: اي والله خبرتني الصبح كالتلي شونها اخبارها ومن هالحجي كالتلي انو حبتج وكلش تونست وياج حتى كالت بعد ماتجي عندي
قدر: ههههههه شيوديني بعد عدهم عيب
حنان: لا عيب ولا شي جهالها الثنين يطلعون من الصبح
قدر: اي ويعني تريديني اروح
حنان: مابيها شي اليوم كعدي سوي فد حلويات كومي هسه والمغرب روحيلهم
قدر: لا واكفه عيب شيوديني
حنان: عيبيش ولج اكلج المره حبتج وداتسال عنج مابيها شي
قدر: والله مادري
حنان: الج واهس تسوين حلويات هسه
قدر: اي عادي
حنان: دكومي نسوي كيك حتى تودي الهم وروحي فد نص ساعه هيج ورجعي
قدر: هاا يعني عادي
حنان: ايي والله عادي امشي تغيرين شويه جو والله داضوج من اشوفج بس كاعده بالبيت
قدر: لعد كومي عمه اني معرف اسوي كيك
حنان: امشي يلا