تعصبت هوااي من حركته هاي ونظرة عيونه بسرعه دفعته من صدره ومدري شون تقويت وصلخته هذاك الجف المرتب
عيونه تحولت احمرررر دم متتت خرف بسرعه شردت ركض كمت ارجف شكله مجان يطمن ابد وبقيت اركض واركض....
بس اريد اوصل للمدرسه خفت هواي على خواتي
مادري شكم مره وكعت بالكاع من كد الركض وكليتي موتتني من الركض بس ماوكفت لحظه اريد بس اوصل
وصلت لكيت من راس الفرع ماكو كل احد بالمدرسه والمدرسه بابها مقفول
لطمت على وجهي واني اللهث من التعب يمكن الموت شفته بعيوني لحظتها...
وين راحووووو وينهم هسسسسه شووون حلكيييهم صخاام بوجهج قدرر طول عمرج ثوووله....
اتلفت يمين يسار اريد بس اللمح احد الفرع مالمدرسه سبع مرات اروح واجي بي كلت لايكون هما طالعين
لوحدهم
بس هما صغار يعني ميعرفون الطريق يعني اكبر وحده بيهم رغدا وبصف خامس ابتدائي... عقلي افتر قفلت الدنيا بعيوني اريد بس اعرف وين صارو
طلعت من الفرع وانب متوتره جسمي كله يرجف من الخوف عليهم صح معندي هواي اختلاط بيهم ولا حتى احسهم خواتي بس يبقون من لحمي ودمي... يبقون شي يجمعني بيهم شي بابا تركلي اياه
شفت رجال جبير كاعد براس الفرع رحت عليه ركض
قدر: عمو بس سؤال الطلاب مالهاي المدرسه الابتدائيه من شوكت طلعو وانتها الدوام
الرجال: والله يابنتي طالعين اعتقد من ساعه 12 هيج
قدر: زين عمو متعرفني انت دائما اجي اجيب خواتي ثلاثه اوصلهم
الرجال: بلي والله كل يوم اشوفج وياج بنتين صغار يشبهوج
قدر: اي عمو اني اليوم تأخرت عليهم مشفتهم وين راحو الله يخليك عمو هذول خواتي
الرجال: بلي والله شفتهم اجت عليهم سياره وصعدو بيها ومشت
قدر: لاااا يالرررب
اسودت الدنيا بعيني بالازيد كلت هاهيه انخطفو وهذول هم ثول ازيد مني
بعد معرف شسوي اللطم ابجي لو شسوي
اريد ارجع للبيت بس بيا وجه شكللهم اذا سألوني...
حلفت مارجع الا وهما وياي اعرف افتر شوارع بغداد شارع شارع المهم ماتركهم...
بقد رجلي تمشيني بس معرف وين امشي والجنطه بضهري وتعبانه توني راجعه من الدوام
مدري شون اجتني فكره ارجع لمدرستي... اول موصلت لكيت سيارة عمو احمد ومتجمعين كدام المدرسه ولد عمي نصهم
اني هنا لزمني كلبي دائما اشوفهم متجمعين من يكون عدنا احد متوفي... سترك يارب بعد منو اخذت مني
وصلت يمهم بسرعه حضني عمي احمد وعيونه مدمعه
قدر: شكو عمو شبييك
احمد: ولج وين جنتي كلبنا الدنيا عليج
قدر: جنت رايحه اجيب خواتي من الدوام تأخرت عليهم
حمزه: وليش هيج تأخرتي عليج زماااله
علي: شبييك حمزه مو هسه كدامك صديقتها كالت جان عدنا درس اضافي
قدر: اي عمو تاخرت عليهم جان عندي درس
احمد: ولج خبرونا بمدرسة خواتج جانو كاعدين ديبجون خايفين رحنا عليهم بعدين اجينا عليج لكيناج مموجوده كلبي وكع كلت راحت امانة محمد ومكدرت احافظ عليها
حمزه: وسم لو رايحه ومخلصين منج هواي احسن
قدر: هسه انت شكاك حامي حمامك عليه
علي: معليج يلا تعالي طبي هسه خلنرجع جدو قلقان عليج
صعدنا بالسياره بس حمزه اصر اصعد بسيارته عود عشتووو تخرج وشتراله جدو هديه سياره عووذه شكد ميشكله
طول الطريق وهو مخنزر عليه ويباوعلي من المرايا يااخييي شكد اكرررررهك
وصلنا واول مانزل جانت عمه حنان كاعد بالباب بسرعه اجت حضنتني
حنان: ولج وين جنتي بط كلبي عليج ليش هيج يايمه تسوين بينه ليش
علي: عمه جان عدها درس اضافي وتأخرت على خواتها وبعدين من طلعت راحتلهم وكت ما احنا تجينا لمدرستها من هيج ماتقابلنا سوا وصار سوء تفاهم
حمزه: وهسه انت شكاك لس ادافعلها هيا معدها لسان تحجي وتبرر لو كاعد تغطيلها على شي
علي: حمزه انجب اني اخوها الجبير
حمزه: حيواان عليمن هاي النجب
محمود: هسه شبييكم وتالي حمزه شبيك بس هايج علينه دسكت عاد
احمد: علي بويه طب جوا انت وقدر وطمنو جدكم
جانو الا شويه حيتمالخون علي وحمزه ياربي مدري شبيه هايج علينه من صدك هذا حمزه وعبالك كاتلين امه لو ابوه ممتحمللنا كلمه لازم بس هو يحجي بس هو يأمر بس هو ينسمع كلامه عابتله
طبينا وطمنت جدو وراسا بوجهي لفوك صعدت اريد ارتاح شويه
اجيت انام اجا ببالي هذا الرجال الي تعاركت وياه اليوم
معرف ليش بقى ببالي هيج صوته الخشن وضخامته ياربببي شبيه اني.... من التعب نمت جفي
.
.
.
مرت ايام عاديه نفس الروتين اروح للدوام وارجع ماكو شي جديد... حمزه زايد بالخباثه وياي لازم يغثني او يمد ايده عليه على شيء ولا شيء
فد يوم جنا كاعدين بالليل ودناكل فاكهه اني جنت كاعده ويا النسوان على غفلا طب علينه حمزه وعيونه الفرح مواسعهن مدري شبيه اول مره اشوفه يضحك
حمزه: يمممه باركيلييي
قمر: على شنو
حمزه: قبلوني بالكليه العسكريه
قمر: شنووو عليك الله صددك يبوووو الف الحمدلله وحيصير ابني ضااابط ول قربااان ينرادلك
حنان: بالمباااارك ضابطنا يروح عمتك
الكل فرح وكام يباركله وهو بس يباوعلي منتظرني اباركله بس مابردتها عليه اني بقيت مسويه روحي ملتيها ياخي حتى ما احب اجامله اكرها كرم مو طبيعي
صعدت فوك اريد اتمدد او حتى ابقى لوحدي...
طبيت اجيت حتى اتمدد عالجربايه طب عليه حمزه
حمزه: خومو نايمه
قدر: لا
حمزه: ممكن اطب
قدر: رايد شي
حمزه: شو مباركتيلي
قدر: نسيت مبروك
حمزه: الله يباركلج
طب بقى صافن عليه رايد طلع كبل ليطلع اندار عليه وكال
حمزه: تحبين الضابط والشرطي
قدر: وشون عرفت
حمزه: مره جنتي صغيره وسمعتج دكولين لعلي احب الشرطي والضابط لان يحمونا
قدر: اي
حمزه: اي
حسيته رايد يحجي شي الاخ بس اني غطيت راسي ورحعت تمددت
حسيته طلع مدري مرات انقهر على تعاملي وياه ومرات لا اكول بلي يستااهل هيج واحد يعامله الله يساعد الي راح تاخده على عصبيته وتهوره
.
.
بدينا بالخبصه نحضر لحمزه افندي لان راح يروح للكليه العسكريه مدتها ثلاث سنوات ويرجعلنا كل شهر مرتين
الكل مخبوص ويحضرله وامه تروح وتجي وتبوسه وجدي فرحان هواي يمكن اكثر واحد فرحان على اساس انو هو الوحيد الي طلع براسه خير ما انو محمود ابن عمو احمد اكبر ولاد عمامي هم متخرج من كلية صيدله بس محد فرح بيه هيج الكل عدهم بس حمزه وحمزه
اني ارتاحيت شويه لان يروح بلكت شويه اخلص منا ومن مغثاته
اجا وكت روحته وراح البيت احسه فارغ هيج راااحه نفسيه شكد طيبه من هو ماموجود البيت هدوووء ياربي علوه يبقى هناك
.
.
.
جنا كاعدين العصر دانتفرج عالتلفزيون بس احنا النسوان بالبيت الزلم كلهم طالعين عدهم فاتحه مالصديقهم بمنطقه بعيده عنا وكلهم طالعين حتى ولد عمي
بقينا للمغرب ننتظرهم وهما ماكو من الصبح طالعين نخبرهم ميردون قلقنا هواي عليهم
عمتي ماذبت تلفونها كلشويا تتصل على احد ومحد يرد
اخر شي دك مبايلها فتحته
حنان: الو محمووود
محمود: عمه لتخافين احنا بخير
حنان: وينكم ولك شو تأخرتو
محمود: عمه مقفول الطريق ومدانكدر نرجع
حنان: شنووو لا عليك الله شداتحجي
محمود: وداعتج عمه الطريق قافليه صارلنا ساعتين واكفين بالسيطره ومديقبلون يخلونا نطب
حنان: زين وينكم هسه بيا سيطره
محمود: بسيطرة................
حنان: صخاااااااام بعدكم بعاد عن بغداااد يعني
محمود: اي والله عمه وتعبنا صارلنا ساعتين على نفس الوكفه
حنان: وشون هسه
محمود: جا حنرجع اكيد مانكدر نطب مديخلونا وجدو صار اعصاب وعمي تعب مابعد يكدر يسوك
حنان: ايي ولكم رجعو احسن مراح ينفتح الطريق تره هسه
محمود: هو هم هيج بس بابا يكول شون نتركم لوحدكم
حنان: شكو علينه احنااا لتخااف بس اهم شي هسه انتو احنا قابل حياكلنا شي
محمود: لزمي هاي ابويه وياج
احمد: الو حنان
حنان: احمد بداعت ماما رجعو صارة الدنيا ليل
احمد: اختي شكاعده تحجين اذا رجعنا هسه تره لي بعد باجر يلا نجيكم
حنان: شكو علينه لتخااف لعد هيج تبقون بالشوارع
احمد: شنو شكو عليكم حرمات لوحدكم
حنان: لتخاااف اني وياهم قابل حيصيرلنا شي
احمد: والله واكفه يا اختي
حنان: احمد بروح ماما اسمع الكلام وارجع لتعند وربك يدبرها شوكت تجون لتشيل هم هسه باجر يفتحو بس لتبقون بالشوارع وانتو شباب لوحدكم وبابا لايتعب
احمد: الله كريم خيه هسه ننتظر ساعه اذا مفتحو نرجع
حنان: مودعييين الله ومحمد وياكم
احمد: مع السلامه وديري بالج عالبنات انتي هسه الزلمه مالتهم
حنان: لتخااف اني بالف رجال لتشيل هم
سدته منا وراحت قفلت كل البوب وحتى الشبابيك شكد تونست مدري ليش هيج افرح من نكون لوحدنا تمنيت ينط علينا حرامي حتى شويه يصير اكشن.. ابد ماخاف من هيج اشياء....
تقسمنا كلنا بغرفتين ننام الجهال ويا عمتي والنسوان لوحد نمنا من وكت كلش
مدري شون غفينا واني جنت داحلم وكع علينا حرامي وكاعدين نتخباله حتى نلزمه وحلم كله اكشن ومتونسه بي يعني يمكن مبتسمه واني نايمه من كد ماجنت متونسه بي
فزيت على صوت بجي اختي جنى الصغيره داتصرخ وتنوح مو بس تبجي كلتنا فزينا على صوتها اجت عليها مرت ابويه
لمياء: شبييج ماما شبيييج ليش تبجييي
حنان: عمه جنى شبيييج ليش تبجييين بيج شي
نحجي وياها بس هيا ولا ترد بس تصرخ ولازمه بطنها
جنى: اااااااي بطنييييي
لمياء: شبيها بطنننج شبييييج ولج احجييي
جنى: ماما بطني داتوجعنييييييي
حنان: من وين
جنى: هناااااا
لمياء: هسه شووون بله منو حيوديها للدكتور ساعه 12 بالليل
اريد احجي بس اخاف اترزل اني اعرف السياقه جنت دائما من اطلع ويا علي مثلا نشتري شي او نروح للسوق لوحدنا جان ننزل بنطقه ترابي ويصعدني اسوق حتى يعلمني شويه سيارته جانت صغيره مو هواي جبيره جان امه اشترتله اياها من نجح بس محد يدري بيه اسوق او اعرف لان ميقبلون
ترددت احجي كلت لا ترزل وينفتح عليه الكل هسه مو وكتهم....
بس شفت جنى داتبجي بجي مو طبيعي كلبي انمسك عليها كلت احجيلهم والي يصير يصير قابل شنو تموت كدامي لاسمح الله حتى ارتاح
قدر: عمه كومو لبسوها شي خلي اوديها
حنان: وين توديها كعدي بمكانج
قدر: عمه اني اعرف اسوق
حنان: انجبي مين تعرفين
طيبه: علي علمج مو
قدر: اي جان يعلمني بس محد يدري
حنان: واجازه مين عندج
قدر: معندي اجازه واكيد ماكو مفرزه هسه ساعه 12 بالليل لعد تروح من ايدنا جنى واحنا كاعدين نتفرجلها هيج
لمياء: وشووون ياسياره تروحيين
هند: قدر سيارة علي موجوده مراح بيها جدو مقبل
طيبه: ايي صددك وخله مفتاحها يمي
حنان: لعد روحو جيبووو خلي نلحك نوديها بس يمه قدر صدك تدرين مانريد يصيرلنا شي بهالليل
قدر: وداعتج عمه اعرف صدكيني
لمياء: اني اروح وياج
حنان: لا كعدي انتي اني اروح
قدر: عمه انتي ابقي بالبيت وياهم اني وعمه لمياء نروح لتخافيييين وتشيلين هم صدكي هذا توترج اني ينرفزني ويخليني اتوتر بالازيد
حنان: ها هيج دكولين
قدر: اي والله يلا بس كومو جيبو المفتاح وكومي عمه لمياء لبسي عبايه حتى نروح بسررعه
لمياء: كمت كمت
رحت بدلت عالسريع شون من كان وجابتلي عمه طيبه مفتاح سيارة علي
رحنا صعدنا سميت باسم الله واول مره اسوق كدام الكل جان دائما علي يكعد يمي ويعلمني حسيت روحي كلشي نسيت ياربي شبيه اني توترت هواااي وصراخات جنى وترتني بالازيد
مشيت على مهلي بالبدايه وهمزين الطرق تقريبا اعرفها لان رايحه حايه مشي اني والشوارع فاغه ماتيه والمستشفى صح مو كلش قريبه من علينه بس هاي اكثر شي نروحلها كلشويه واحد من الجهال متمرض يعني حافظتها وحافظه طريقها
وصلت نزلو وبسرعه اني بقيت برا كاعده بالسياره بالكراج
شويه واجت مرت ابويه وشايله جنى بيدها كانونه
اجت صعدت
قدر: ها شطلع بيها
لمياء: مادري كال صايرلها مغص انطاني ادويا وشكللها كانونه بس اكول هسه الصيدليات مفتحه
قدر: والله مادري هسه اشوف اقرب صيدليه
شغلت السياره مبدال ما امشي من كدام غلطت ورحعت لي خلف واني مستعجله يعني رجعت وسمعت هبده قويه
راسا وكفت ولزمت كلبي
لمياء: صخااام شسويتي
قدر: والله مادري بالغلط
لمياء: انداري شوفي شوسيتي
قدر: عمه انداري انتي ماريد انصدم شوفي ياسياره خلفنا
لمياء: لا اخاف
نزلت بهدووء واني ايدي على كلبي رحت خلف السياره واباوع داعمه سياره من هاي العاليه ومبخصوه خوش بخصه اريد اللطم معرف شسوي...
اباوع يمين يسار اتمنى محد شافني...
اشو اجا عليه كارس الكراج
الحارس: هااي شسويتي
قدر: اخويه والله مو عالقصد عندي مريض وجنت مستعجله
الحارس: اوكفي مطلعيين مناااا
قدر: شنو ماااطلع كلتك مو عالقصد اسسفه
الحارس: مو سيااارتي من يجي صاحبها عوود اتفاهمي وياااه
قدر: يابه مستعجله مطيير
جنت رايده اروح لرمني من ايدي
الحارس: وييين كتلج ماكو رووكه خليجي صاحب السياااره وين تريدين تفلتيين
قدر: حيواااان وخررر
الحارس: يابه اسفين بس كتلج ابقى ميصير اطلعين وانتي توج داعمه سياره وصاحبها ميدري لعد اني شنو شغلتي هنا
قدر: يابه متولي ووخر عنيييي وانت إنجاز ويا صاحبها كله جاهله ودعمتك
الحارس: ماكو روحه يعني ماكوو
تعالت اصواتنا والتمو علينا ناس وجنى تبجي من صفحه واني خايفه عليها جانت الدنيا بارده بعدها شتا
شويه واجا وكف فوك راسي واحد ضخم باوعت عليه ياربي والله اعرفه وين شايفته هذا جان لابس زي الممرضين
ايهم: شكو شصاير
الحارس: دكتور هاي البنيه دعمت سيارتك من خلف
قدر: عيوني اخويه والله العظيم اسفه مستعجله عندي مريض بالسياره واريد الحك الصيدليات كبل متعزل والقران اسفه وشتحجي عليه حقك
ايهم: زين انتي معتكم احد يطلع بمكانج معتكم زلمه ولد شكو انتي حرمه طالعه
لمياء: اخويه والله معدنا صدكني وبنتي هسه توها طلعناها من المستشفى
بقى يتأفأف ويتلمس مكان الطخه...
وجها ابد مغريب عليه...
باوع عليه وبقى صافن ورفع حاجبه اعتقد هو هم مشبه عليه
قدر: هسه نروح لو تبقى صافن يعني
ايهم: شهل اسلوب
قدر: تره مستعجله داكلك والله
ايهم: واذا كتلج ماكو روحه
قدر: لازم هيا بكيفك امشي عمه امشي
سحبت عمه لمياء ومتوجها للسياره اريد اصعد عيط عليه
ايهم: اوكفي لج
قدر: احترم روحك
ايهم:...............
للحكايه بقيه......
....................................................................................
اعتذر عالسحكات ولتنسون التصوييت💙
#منة الله_الايوبي ✨