مساء الخير أحبائي ، أكيد ميهون عليه كلامكم ، وانتظاركم ، وحبكم للرواية ، و لخاطركم راح اتحمل وكلشي ، وشكرا لكل كملة حلوة كتبتوها الي ،
اتمنى تستمتعون بِأحداث هذا البارت ، أحبكم 🥀
#أخي_الغيور
للكاتبة _مهرة
@mohra_9_30
عزام
نزلت ويا هزار وحچيت ويا المرأة ، خطيه كسرت خاطري ، گتلها هسع اروح اطلعوا وانه بنفسي أوصلوا للبيت ، طلعت بسيارتي وانه ما شاغل فكري بس رچفت هزار بين اديه كل ما اذكرها يرچف گلبي ، معقولة هذا الحسيت بي لو انه متوهم ، اوووف .
هاي رجعتي للبيت بعد ما وصلت الولد لبيتو وتسوگت للأيتام وتفقت ويا يشتغل عدنه بالمخزن ويا ليث و سيف ، هم يشتغل يصرف على عايلتو وهم يسدد العليه من شغلو
هزار
(هزار تحاول تنام بس دتفكر بالي ديصير وياها )
:والله راح اتخبل شديصير وياي ليش صاير تفكيري بهل يومين بس بي ؟!
ليش رجفت واني بين اديه !!! ، شحيگول لو هو هم حس برجفتي ؟!
ليش حبيت شعوري واني بين اديه ، لچ هزار شجاچ تخبلتي ؟!!
من العصر ليهسه واني بهذا تفكيري
٨:٠٠ صباحا /السبت
گعدت اليوم ما عندي دوام مرتاحة بس اخواني يطلعون لشغلهم و عزام يروح للمكتب ، گمت خسلت ونزلت
ليث : اي شعليچ خلصنه ريوگ وانتي توچ گاعده
:صباح الخير
الكل : صباح النور
: يمه اكو بيض مسلوگ ع الطباخ جيبي وتعاي تريگي
وليد : الگلكم والله بعدني نعسان مالي خلگ اطلع وياكم
سيف : لا تطلع والظهر عودين اشبع نوم
وليد : عاد انت مدير السجن مو مثلك
( عزام گاعد يدخن لان ورا الريوگ ميگوم إذا ما يخلص چكاتره ،دگ تلفونه دحگ بالشاشة الچگاره بحلگه وگال ابويه )
: هلا يابه
: يابه عليش هل عصبيه والله مابينه شي
: انت بس گلي ياهو گلك
: هاي انت تگول انه بمكانك وانه حليتها
: يابه والله هسع احچيلك الصار بس هدي شويه
: تنازلت منو يابه برگبتوا خمس جهال وأيتام اختو أربعة هاي العايله منو الها
: عليش چاي والله فضت ، صار تأمر من عيوني
: ههه الله وياك
( الكل يباوع العزام ومنتظرينه يحچي )
:ها يمه ابوك عليش عصبي
: يمه مدري منو گايلو صاير عصبي لان ما گلنالو
: وأنتم عليش ما گلتولو ، جدي گال عليش تگلو احنه هين ونحلها
: بس يمه مايصير حگو لو عصب
: هاي بعد صارت ، يله انتو ما وراكم شغل لو حلتلكم الگعده
شلت اماعين الريوگ وخسلتهم ، دخلت ع الصالة اشغل التلفزيون احب الصوت بالبيت إذا اشتغل ، لگيت وليد
غافي ع القنفة ( ابتسمة بخبث )
رحت چبت اقباق مال الگدور وگلاص مي خليت الگلاص ع الميز وضربت القباق مثل ما سوى بيه هو فز وصبيت گلاص المي على راسة صرخ وگام مثل الثور الهايچ ههههه ، واسمع صوت عزام يضحك اني وين اريد بس انهزم عزام واگف نازل من الدرج ويضحك داصعد انزمت من ضفيرتي ، عزام قريب عليه
: عززززام لحگلي
( عزام لوا أيد وليد ، ترك وليد ضفيرتها ، هزار ختلت بظهر عزام وهي ترفع حوجبها تغيض وليد )
: وليد والنبي إذا بعد لزمتها من شعرها أيدك اكسرها
: بس خل انگعها مي فدوه عزام
: هاي دين برگبتك بعد ههههه هي بس اخذت حگها
: انه ما ذبيت عليها مي
: هههه احنه دينه ناخذو مربع يله اصعد بدل اخوتك راح يطلعون ( صعد وليد وهو يتوعد لهزار )
(هزار وهي خاتله ) عزام الله عليك لا تطلع لحد ميطلع وليد هههه
( خلاها جوه ذراعا وهو يضحك )
يول انتي تسوين مصايبچ وتجين تختلين هههه
: ميخالف اهم شي أخذ حقي ، وبعدين نصف الشجاعة هروب هههه
: هههههه ديله ام الگراگيع وينچ وين الشجاعة
: ( وخرت منه ) لعد إلا ما انظف غرفتك ههه
: ههههه لا يول صاير عليها غبار من جو البارحة
: بديت تنظيف غرفتي و غرفة عزام وبعدين نزلت للاستقبال كُلها ريحت چگاير وأرگيلة ،لان البارحة أصدقاء ليث اجوي بالليل
٤:٠٠ عصراً
گاعده انفرج ع التلفزيون الولد كل واحد بغرفة بعدهم منازلين طلعت خالتي من غرفتها شاده راسها بس مبينه متاذيه ، خير خاله شبيچ ،
: يمه هل ضغط متخربط شو حتى العلاج ما جاي يفيدني
: خاله اعصرلچ ليمون بلكي ينزله شويه
: اي والله يمه راسي ذبحني
عصرت ليمون وخففتته بمي وانطيته الها ، نزل عزام
من غرفته ،
: خير يمه شوهم شاده راسچ ، هزار شو انطيني جهاز الضغط
( هو يقيس وهزار واگفه يمه )
يمه ضغطچ مرتفع ١٧ شو تحضري خل اخذچ للدكتور
لبين ما ابدل
هزار : اجي وياكم
: صاح بيها ) وين جايه
: يمه دخل تجي وياي انت توگف يم الزلم حتى ما أگدر احچي وياك من احتاجك وانت تدري نلگاها ازدحام
: ديله تحضرن بين ما ابدل
: بدلنه وطلعنه ، وصلنه للعيادة و دخلنه اني وخاله گعدنه وعزام وگف ويا ولد سلم عليّ النوب الولد من مكانه سلم على خالتي ، طبعا الي يروح للدكتور تصير عنه ع الباب مال الدكتور كل ما ينفتح نلتفت عليه، اني بس ارفع عيني عزام يخزرني
النوب طلعت امريه من غرفت الطبيب من شافت خاله اجت سلمت عليها وباوستها ، وبعدين التفتت سلمت على عزام وانطت للولد الگاعد يم عزام الراچيته ايجيب العلاج وهي گعدت يم خالتي تسولف ، المهم وصل الدور الخاله دخلت وياها ، چيك ظغطها وبدل العلاج الها ورجعنه للبيت
٧:٣٠ صباحا
تريگنه وگمنه ، بدلت ونزلت لگت بس عزام بالصالة ،
: ( گام عزام من شافها )
: لعد ليث وين
: امشي انه اوصلچ
( هزار تمشي ورا وتحچي )
: اي هسه هم نتعارك
: اگضبي لسانچ و مانتعارك
(شغل السيارة وهي گاعده يمه )
:انت تنرفزني ، وتخليني احچي
: لتفت عليها وهو مبتسم ، هسع شلون تردين نرجع نزاعل
: لا يمعود عبالي بعد منتراضه طول العمر
: أف ليش يول
: لان اني غلطان و مچنت ناويه اعتذر
: بس عيونچ اعتذراً
: يمته هاي !
: من تلگتينه تبچي
: اي بس اني چنت ابچي على ليوث
: اهاااا بس على ليث
: اي
: دخلت للكلية وأخذت محاظراتي كليتهم ، الأستاذ طلب من عندنه بحث ، واريد اروح للمكتبة أستعير مصادر طلعنه اني وصفا ، وصلتني رسالة من عزام داقرأ بيها ينتظر باباب
صفا : منو
: عزام ينتظرني بالبوابة
امشي خل أخذ المصادر ونطلع
: لا اني اخويه ينتظرني وإذا أتأخر يظل يحچي
: يله باي لعد اني رايحه للمكتبة ، سلمت هوية المكتبة وأخذت المصادر ع السريع وطلعت
هاي شعدها ويااا ؟!!!!
عزام
منتظر هزار تطلع طلعت صديقتها وهي بعدها ، توجهت عليّ
:السلام عليكم
: وعليكم السلام
:هزار راحت للمكتبة
: اي عادي انتظرها
( بقت واگفه ومبينه متردده ) بعدين كتبت رقمها ع السجل مالتها وشگت الورقه وانطتنيها گالت
اسمي صفا انتظر منك تتصل
( واگف ومنتچي على سيارته ومدنگ رأسه وعلى وجهه مرسومة أبتسامة استهزاء )
:ضحكت بداخلي عليها يول قبلچ عرضن نفسهن عليّ بالحلال و بالحرام ومن چان گلبي خالي وماگربتلهن هه
رفعت راسي اريد اجاوبها دحگت هزار متوجهه علينا
: شنو صفا اشو بعدچ مرايحه مو گلتي اخويه ينتظرني
: ها اي بس طلعت ملگيته
: اي بس انتي گلتي واگف يمتظرچ
عزام : يله هزار خل نمشي
هزار :صعدنه وحرك السيارة ، بس احس مثل الجمرة بگلبي من شفتها واگفه ويا ، بس ليش اني اعرف بيها عاجبها عزام من اول ما شافته ، ما هتميت ، ليش هسه من عرفت هو مو اخويه تغير تفكيري يعني وين تردين توصلين يا هزار !!
: صفا شرادت منك ؟
: ههه انطتني رقمها
: وراح تتصل عليها ؟
: ههه والله انه ما متعود العب على بنات الناس بس شتگولين إذا أخطبها
: واني شعليه تخطبها تصاحبها شي راجعلك
: (تحچي وهي متنرفزه مدري ليش حسيت بيها تغار )
يول ليش غير انه اخوچ وهي صديقتك
: منو گال هي صديقتي تره مجرد زميله
: اهااا
: اي
بعد مرور ثلاثة أيام
عزام
صارلها تلث تيام مدري شبيها تعاملني ابرود من يوم لدحگت صديقتها واگفه وياي ، اخذها و أرجعها ما تحچي الا اسألها وتجاوب بختصار
حتى حاولت اداهرها حتى لو تطول لسانها بس ماكو ، النوب أبويه باچر يجي ياخذها ،
وهاي انه اجيت اخذها بس أبالي محاولة اخيره ، وأريد أتأكد من ظني ، دزيتلها رسالة ومنتظرها تطلعلي
هزار
تفكيري تعبني مشاعري المتناقضة تعبتني ، حتى صفا ابتعدت منها بعد متحملت اتصرف وياها طبيعي ، كل ما اتخيل عزام ديتواصل وياها انقهر ، باچر بابا يجي ياخذني خل اروح بلگي ارتاح كم يوم من التفكير ، خلصت محاظراتي وهسه دزلي رسالة وهياتني طالعتله
صعدت
هلو عزام
هلا هزار ، أگول شو صفا ماكو ما اشوفها تطلع وياچ مثل قبل ( لتفتت عليه وخزرتني وحچت بعصبيه )
: مو رقمها عندك واتصل بيها
: وعليش هل عصبيه ؟!!
ما حچت بس بقت تدحگ بوجهي وعيونها نملت دمع
نصدمت من ردت فعلها ، يربي معقولة تغار ،
وصلنه البيت بدلت ونزلت لگيتها تصب غده گعدت بالصالة جابتلي الغدة وراحت
: يول ما تتغدين
: ما اريد ممشتهيه
هزار
صعدت نمت وگعدت العصر بقيت أشتغل بالبحث مالتي
المغرب جعت نزلت ، لگيت بس خاله ، طلعت زيتون وجبن وحميت الچاي وگعدت يم خاله أكُل
رجعت اكمل البحث لان ماعندي وقت باچر اروح لبغداد ، بقيت أشتغل بي حتى الوقت محسيت بي ،
( هزار تكتب بالبحث، وندگ عليها الباب )
ليث : يول وينچ مختفيه اليوم ما شفناچ
: هلو ليوث والله ملتهيه بالبحث اريد أخلصه لان باچر بابا يجي ياخذني
: عوفي البحث هسه وتعاي نتعشا
: تعشوا انتو الف عافيه المغرب أگلت
: عجل من تخلصين انزلي ، غمزلها ( اريد اكلفچ بشغلة
: ههههه والله شغلاتك كُلهن أعرفهن ، بس تره بمقابل ما اسوي بلوشي
: يول أنتي دواچ بس وليد هههه ، يله لا تنسين عودين انزلي
: هههه اي ميخالف إذا خلصت ، لازم مزعلها حمامتك
: يول شمدريچ ؟! لازم گالتلچ مو
: هههه اي ، شويه واخابرها واضبطلك الوضع
: هههههه يول انتي نعمة ، وين اكو منچ
: ديله يله لتدُگ ناعم خل اخلص بحثي
: هههه ماشي
عزام
من رجعنه من الدوام بعد ما شفتها ، حتى بالعشا مانزلت ، وانه مدري شبيه عبالك مضيع روحي بليها
ما فاهم الوضع ، ماكو غير حل بس يصعدون الولد لغرفهم اروح احچي وياها
#أخي_الغيور
للكاتبة _مهرة
@mohra_9_30
🥀دمتم في أمان الله وحفظة 🥀