أخي الغيور

﮼البارت،الثالث،عشر

#أخي_الغيور
للكاتبة _مهرة
@mohra_9_30
‏
عزام
بعد الصار گلت خل ابتعد عنها احسن الي و الها ، هي ماتگضب لسانها ، وانه عصبي ، ما اريد اأذيها ، لان أأذي روحي گبل ما أأذيها ، لهسع دموعها يحرگن بگلبي من انذكرهن

مرت علينه تلث تيام واحنه ما نتحاچه ، و ليث هو ياخذها ويجيبها ، وهي الظاهر عاجبها الوضع ، تضحك وتسولف ويا اخوتي ، وانه كاتلني القهر ، بس ما ابين هذا الشي ، ومتجنبها كلش ، ما ادحگ بوجهه ، الا إذا ما منتبه ، متابع كل التسوي من بعيد ، ومن تطلع الصبح لازم ادحگ لبسها و شكلها گبل لا أطلع بس تردون الصدگ ..... گلبي صاير نار عليها ، شتاگيت السولفها وياي .... الصوت ضحكتها من يرن بالسيارة ، ويترس گلبي فرح ، أشتاگيت أسمع أسمي بصوتها .....

هزار
احاول أنسى الي صار بيني وبين عزام ، بس ما بطلت واني الوم نفسي على طولت لساني ويا ، يمكن احسن الي و اله انو يكون بعيد عني وخاصتنا بعد ما عرفت هو ابن عمي مو اخويه ، كل الي صار بسبب تفكيري وشد الأعصاب بليلتها ما نمت واني افكر شلون راح يكون تعاملي ويا ، يبقى هو ابن عمي مو اخويه ، يعني لو چنت اعرف هو ابن عمي يصير اروح انام على سريره ويشيلني ويخليني بفراشي مثل ما صار بليلة العاصفة ، لو اروح ابوسة من زعل مني ، لو حضنتي اله من هدالي الغرفة ، اووووف ، راسي حينفجر من تفكري المتناقض ، لان ارجع و أگول هو يعاملني مثل اخته وكل الي صار شي طبيعي بين الإخوه ،

بس ما اكذب واگول ممهتمه لزعله ، احسن نفسي ناقصني شي بدونه ، يمكن لان تعودت على اوامره المتخلص وهو يوصيني يوميه قبل ما انزل من السيارة ، لا تختلطين ويا زملائچ ، وصوتچ من تحچين لاتعلي ، وضحك ماكو و و و ، ههه أشتاقيت انرفزه من أگوله
(والله الي تأخذك سنه وتدخل مصح نفسي )
، بس الظاهر چنت حمل عليه ، لان أحسه مرتاح مني ما يباوع بوجهي ولا كأن موجودة ، حتى البارحة من رجعنه من الدوام ، تعرفون نرجع سوا بنفس الوقت ، بدلت ونزلت رحت للمطبخ هو دخل صعد ، اني حميت الأكل وحضرتله صينيه هو نزل گعد بالصلة ، خليتها گدامه ، يعني حتلو ما احچي ويا مو معنها اخلي هو يصب ، اشو هذا خله وراح للمطبخ صب اكل وأخذه وصعد لغرفته ، نقهرت حييل من سوا هشكل ، حتى رجعت الأكل وماتغديت ما گدرت اكل ، بس والله يا عزام إلا أرجعها ألك

٧:٣٠ صباحاً
تريگنه وصعدت ابدل واني ناويه أنطي جرعة غصب لجبل الجليد ، بدلت وبديت أخلي مكياج رسمت عيوني وخلتهم يبرزن أكثر و دحددت شفتي بالون حلو وملفت ، وصلاً هي شفتي مليانه فمن اخلي حمرة تصير تلفت النظر لبست حچابي وأخذت سجلاتي وطلعت مشفته بالصلة ، خرب فشلت الخطة مالتي ...
ليث و سيف ينتظروني بالصالة طلعنه

عزام

مثل كل يوم انتظر اچيك لبسها يله اروح ، طلعت انتظرهم برا طلعت سيارتي بالباب ورجعت هي طلعت من باب المطبخ ، ادحگ هاي اليوم تريد تخبلني ، مآخذه راحتها هل أيام ،ادري بيها متقصدة تسوي هيچ ، بس حتى تعصبني ، بس بسيطة يا هزار ما راح احاسبچ هسه ، انه اعرف شلون اعاقبچ

هزار
ههههه تشفيت بي ، صح محچه بس مبين من وجهه و عيونه صارم حمر من العصبية  ،

الخميس ٤:٠٠ عصراً
نزلت لگيت اخواني گاعدين بالصالة و خالة وياهم
ليث : هزوره سويلنه چاي
سويت الچاي وأخذته وخليت ماعون مال گعك وگعدت اصبلهم ، عزام يتخبل من الچاي حلو لازم بي مروره يله يشربه ، اكثر كوب خليت بي شكر هو كوب عزام
صبيت الچاي ونطيتهم طبعا بيهم طبيعة كل واحد ألا كوب معين يحب يشرب بي ، واني منتظره ردت فعل عزام ، ويا اول رشفه غمض عيونه گوه بلعنه ، رفع رأسه الي وخزرني ،هههه اني ولا عبالك بس هم محچه ،جر  القوري رجع الچاي وصب لنفسة چاي مر

ليث : عزام تره والله هذا طولها باچر توصلنه بضاعة وكلها سددتنه بس هذا المن طرفك حتى دفعه من الفلوس ما نطانه
:خابرتو گبل يومين و گال الفلوس حاضره ما جابهن آلك ؟!
: لا والله لا فلس ولا عانه كلشي ماكو
: هسع اخابرو
: لا عزام انه راح اروحلو للمحل واخذهن منو لا تخابر

هزار : ما اعرف شمنتظر گاعد ويانه وعينه على تليفونه ، وصلته رسالة فتحها من قراها أخذ تليفونه ودخل للاستقبال يخابر ، اوووهسه اني شعليه بي صايره ادقق على كُلشي يسوي ، شويه واخواني طلعو و عزام ،هماتين بدل وطلع ، نظفت غرفتي و غرفة عزام و نزلت للصالة هماتين مسحتها بعدين  طلعت للطرم اخسلهم طالما السيارات طلعوهن  خلصت ودخلت ، خاله تقرأ قرآن بالصالة واني گعدت اتفرچ ع التلفزيون ، بهل أثناء دخل عزام يحچي بالتليفون وصاير عصاير عصبي ناااار
اني وخاله ثنينه فزينه من مكاناتنه من گال
: يول احچي منو منهم ليث لو سيف هسع چاي ( يحچي وهو صاعد الدرج سوى الدرج شبختين )
: يمه عزام شبيهم اخوتك ( صاحت بصوت خايف )
: نزل ع السريع وهو يخلي مسدسه بظهره

(وهزار و أم عزام وگفات والخوف مبين على وجوهن )
(هزار من شافت السلاح گامت ترجف )
چلبت أم عزام بيده
: ول يمه بس گول شصاير
هزار : عزام گول شصاير اخواني شبيهم
: يمه ما كو شي ( نتر أيدا من أمه وطلع )
: ول يمه اركضي ورا شوفي شصاير
طلعت ارگض ورا لحگت بي يم الباب الخاچي چلبت بايده  بس احس حلگي يبس من الخوف والكلمة گوه تطلع مني وهو عيونه صايره بگصته
: عزام فدوه شبيهم اخواني
: يول مابيهم شي خل اروح ادحگ شصاير ( يحچي بصياح وغضب )
: طلع و عافنه ، رجعت لخالتي وجهه صار اصفر من الهبطه و الخوف
: خاله مگال شي تركني وطلع
( بچت أم عزام وهي تدعي وتگول )
: يا اإلاهي ولدي احفظهم بحفظك ، لا تجرگ گلبي بيهم ،
( هزار تفتر وتفرك باديها من الخوف و التوتر )

: ول يمه خابري جدچ گليلو خل يلحگونهم
( هزار صعدت جبت تليفوني اخابر على جدو ميجاوب ، اتصلت على هديل
: الو
هديل وين جدو اشو ميجاوب
: يول شبيچ جدي طالع راح لبيت عمي هارون  وتليفونو هذا عايفو ع التلفزيون

: خاله جدو يم بيت عمو هارون
: يمه فدوه البسي ورحيلو انه رجلي گامن ما يعنني ( بصوت مكسور و خايف )

: لبست ردائي و شالي واني الرجفه بعدها بيديه ونزلت ركض بيت عمو قريب علينه

: يمه لا تبطين ارجعي بساع
( هزت راسها لخالتها وهي تمشي سريع )

دگيت باب بيت عمو طلعلي عثمان ، ستغرب اول مره اجيهم والخوف مبين عليه

: جدو يمكم
: اي هين شبيچ شصاير فتت للبيت ما حچيت باب الاستقبال مفتوح دخلت
( شيخ سعود وعمها هارون وگفو على حيلهم اول ما شاف شكلها خايف )

: جدو عزام أخذ سلاحه وطلع و مقبل يگول شصاير بس اخواني مدري شصاير وياهم
( تحچي وصوتها يرجف )

: لا تخافين بويه ردي البيت وهسع رايحلهم يله هارون
هارون : عثمان بويه طلع السيارة

:اني رجعت راسن للبيت گلبي يم خاله وجهه صار اصفر مثل الليمون

لگيت خاله شاده راسها اكيد ضغطها ارتفع
: ها يمه
: خاله جدو راحلهم لا تخافين ان شاء الله مابيهم شي

بقينه ننتظر وكل ما تفوت الوقت نخاف اكثر اتصل عليهم ميجاوبون ، الليل نزل وهما ماكو ، النوب خالتي
راسها گام يوجعها جبتلها علاج الضغط و خليتها تمدد ع القنفه ، البيت صار يخنگني طلعت واني  الف ظن براسي شلون لو واحد منهم صار بي شي و عزام !!! شلون لو مجرد الفكرة خلت دموعي تصب وارجف من الخوف عليه بهل اثناء سمعت صوت سيارة مشيت ع السريع للباب الخارجي بعدني بنص الگراج دخل عزام وخواني ورا ، واني الله ذب عليه بچي
: ليش متجاوبون من العصر لهسه الف فكره اجت ابالنه
( تحچي وتبچي )
ما حسيت الا عزام حاضني لصدره
: اشش يروحي هاي حنه هين ما بينه شي
: (حضنته وابچي ) ما فكرتوا شحيصير بينه متنه خوف
:حضني حيل كافي حبيبتي والله التليفون نسيتوا بالسيارة

ليث : والله مابينه شي حبيتي لا تخافين
وليد : يول انتي أخت سباع لا تبچين
ابتعدت منه شويه ومسحت دموعي

روح لخاله ضغطها  أرتفع وتخربطت و حرت وحدي شسوي

يتبع
#أخي_الغيور
للكاتبة _مهرة
@mohra_9_30
⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️
ملاحظة مهمة
إذا شفت تعليقات تگول البارت قصير بعد ما انزل يومي ابقى لحد ميكمل بارت طويل يله انزله ماشي حبيباتي
لا تنسون التصويت
🥀دمتم في أمان الله وحفظة 🥀