سمعت الي حجته كمت اضرب بيهه بدون وعي اريدهه تنكر الي كالته بس جان دليلهه وهوه التقارير تثبت هاذه الشي
وخرت عنهه وهيه مدمايه طلعت ماطايق ابقه بالبيت احسه كام يخنكني طلعت واني ماادري وين اروح الي افتر بسيارتي وكل الي بالي اني عقيم ومع كل هاذه جانت جوري هيه الي مستحوذه عله عقلي
كل الي صار بيه واني افكر هيه حامل وراح تصير ام واني كلمه بابا راح انحرم منهه طول حياتي هيه كملت حياتهه وعاشت من دوني واني حياتي دمرت بيوم هيه نزفت وصارت مره لغيري
البيت كمت مااطب اله قليل وجان مسكني هوه بيتي الي بي كل ذكريات حبي لجوري الغراض الي جنت اشتريهم واكول ذني الهه لو ذكريات من اسمع صوتهه وترفعني السابع سمه من اسمع اسمي من لسانهه
صارت حياتي محطمه الى ان اجاني اتصال من كربله وعرفت بجوري اترملت تجدد املي انو ترجع وتصير الي كل سوته وكل الي صار نسيته بلحظه وحده همي جان جوري وبس
ثاني يوم رحت مباشره لكربله بصفتي صديقه لنسيبهم بس جان املي اشوف جوري ولو من بعيد صار 7 اشهر واني مالامح عيونهه ولا طولهه
واكف بالفاتحه وفقدت امل شوفتهه اكيد لازمه عده وماتطلع بس من طلعو التابوت جانت ملزمه بي والوحيده من النسوان ماترضه تهده حته مانتبهت اليه من وخرتهه اله اجه اخوهه وخرهه وحته هوه ماانتبه عليه من الهوسه
وصل بحبي الهه اغار عليهه من الميت مااريدهه تبجي عليه اريد كل احساسهه اليه بس كل هاذه ونصدمت انو هيه مامبين عليهه حامل مااعرف شعوري بذيج اللحظه افرح او تسأول وشنو الي جبر مرت عمهه تخابرني وتجذب عليه
خليت الاربعين يطلع ورحت لعمامهه كعدت وياهم رفضو وعمهه الصغير ضل ينطط وبس يريد يتعارك بس عرفت هاذه كله وجان قصده فلوس وصدك اول مانطيته كبل وافق
وصارت خطبتي وجبت اهلي بس جوري عرفتهه ماتوافق هددتهه باخوهه صح مراح اسويله شي بس هيه من ضلهه تخاف وافقت بس شرطهه خلاني اكرهه وارجع كل الي سوته لازم اضوكهه من الي جاي اضوكه الي بس لازم اضمنهه اليه
كل مره اجي لكربله اريد اشوفهه واملي عيوني من شوفتهه ماريد اضيع ولايوم ومااشوفهه بس هيه متجاهلتني وابد ماتطلع اليوم جنت مقرر اروح ولازم اشوفهه فاطمه جلبت اله اروح وياك اخذتهه ومشيت
نفس الشي مارضت تطلع لمن جابتهه امهه هيج ياجوري صارت ايهم ماتعجبج واني الي موت روحي عليج ليش تخليني اكرهج بهاي تصرفاتج بس مو ايهم الي تذله مره واني الج
طبت كعدت جانت لابسه اسود بس ياكل ويشرب وياهه صح ملابسهه حيل بسيطه بس جانت بنظري ملكه جمال
وفاطمه هيه ومكياجهه ولبسهه ماكدرت تاخذ مني نضره من نضراتي لجوري بس الي قضه عليه من دنكت وانطتني العصير صدرهه طلع وهيه قريبه مني كمت اشتم عطرهه لحظه جنت فقدت سيطرتي لوما موخره
اكيد هاي من دنك الكل يشوف الي شفتهه كتلهه تحركهه لدشداشه مااريد اشوفهه عليههه واحد يشوف الي لازم بس اني الي حق بي
طلعنه واني طول الطريق افكر بيهه بس هيج وكدرت تنسيني اني وين اذا صارت حلالي وبس اني وياهه امكن الدنيا كلهه تنسينياهه اوووف ياجوري لشوكت راح تخليني احترك بنار عشكج
رجعت للبيت واني كل الي يحجي وياي ينصدم شهل التغير البيه كل مااصفن اذكر شكلهه وارجع ابتسم لان راح تصير اليه
مرت الايام وكمت كل ماروح جوري تكعدهه امهه غصب عنهه يمي كدامهه ابين اني حاقد عليهه وهيه تشعل بيه كل كعده لازم تثبتلي هيه ماتحبني وكلبهه لغيري حته صورته حاطتهه بموبايلهه
لحد مالزمت الموبايل وكسرته صار طشار وهيه ضلت تحجي
ايهم :- صوتج مااسمعه يله امشي ولي جيبلي شي اشربه
جوري :- ليش منو كايلك اني خدامه عندك مثلا
ايهم :- مو اله خدامه انتي مرتي وغصب عنج تخدميني
جوري :- لا بله اعتقد ضاحك عليك الي قانعك بهاذه الحجي
اتقربت منهه هيه خافت وطفرت
جوري :- راح اجيبلك مي واجي
ايهم :- عفيه بالتسمع الكلمه بارد جيبي موحار
اوف ياجوري شوكت تحسين بلي بكلبي مو حته هوه عجز ويريد يفهمج بس انتي كلبج اله العين الحمره يله يرجع يدك الايهم ومو لغيره
......................................................................
جوري
طلعت واني احجي بيني وبين نفسي
جوري :- والله يالله هاذه شايف نفسه علينه هسه من الطشه بالكاع هم واحد يكلي ليش نوب الحقير كسر موبايلي الله يكسر عظامك هسه منين ادبرلي موبايل
اخذتله ماي وحطيتله ملح اني الك تكسر موبايلي رجعت وانطيته المي شربه صكه وحده رجع ذبه واني فحطت ضحك عليه شكله كله صار يضحك
رفع وجهه وعيونه حمر من العصبيه تقدم اليه وهوه شكله يخوف
ايهم :- شهل تمسلت لج شايفتني طفل كدامج
جوري :- ماادري خاف هوه الملح جان بالكلاص قصدي حاف جان اكو شي بالكلاص
ايهم :- انقذي روحج وطلعلي من يمي
خليت وطلعت هوه هم خله وراح عده اليوم عادي حجي سمر وسحر وتجاهلي الهن لليل وطبت هدى كالت ايهم يريد يشوفج واكف بالباب
جوري :- عمي هاذه الرجال مايتوب ياربي ماعولت اخلص منه رجع
هدى :- جوري كومي لا تصير سالفه هيه حجايه ومن الباب
جوري :- لونهه حجايه ماحجيتي انتي بس اله جوري
خليت وكمت وهدى تصيح ورايه خبله موبيدج سحبت الشال وطلعت اله فتحت الباب جان منتجي ع السياره ويدخن شافني وتقدم يمي
ايهم :- هاج هاذه تلفون الج بس قسم ياجوري اذا خليتي بي صور الي جانن بذاك الموبايل ماخليج عايشه وانعل ابو حبج لابو عشكج
جوري :- تسلم مااريده مامحتاجه موبايل اذا اريد اخابر من امي او احمد
ايهم :- اخذي بلا مرادد وراي طريق
مااخذته ثبت جكارته بحلكه ولزم ايدي حط العلاكه ودار وجهه وطلع
مشه وهوه يأشرلي اطب طبيت للبيت واستقبلني سمر وسحر بحجيهن الماينجرع لوينحط عليه عسل
سحر :- والله عمي زمن شو جنه مخطوبات ماسوينه هيج اطلعله للباب واخلي يشبع مني
سمر :- اسكتي خيه هاي جوري حظهه وحد لعد هوه الاول قصر جته الثاني مايدلل
سحر :- اي والله عمي هيه الحضوض لعد شلون تصير اشكالهه والوانهه
جوري :- لونهه اسود لان بس الحضه اسود يكعد ويه اصحاب هل بيت والشاطر يفهمهه
خليت ومشيت من يمهن طبيت للغرفه وملاك وهدى اخذن العلاكه فتحنهه وكامن يصيحن
هدى:- ولج ملاك شوفي ايفون بويه ماتوقعت الزمه بيدي بيوم من الايام
ملاك :- ولج بالسفره اني اخذه اتفيك بي كدام البنات
هدى :- انجبي اني اخذه اني اكبر
ملاك :- تكومي اني كلت قبلج كال اكبر كال وهيه كلهه 3 دقايق
جوري :- شو جيبن لا الج ولا الج يبقه بعلبته واضمه
هدى :- ولج لعد جايبه الولد مزهريه
ملاك :- اذا ماتردينه انطينيا
جوري :- كافي اسكتن هوه موبايل فضحتن الدنيا ماانطي الج بس العدهه دراسه ومافاهمتهه واني مااعرفلهه تاخذه
هدى :- ملاك ايسي يعني مانلزمه اذا جوري كلشي كتب الثالث كلههه جانت طالعه بيهم اعفاء
ملاك :- اي والله حرامات كيفت ع الخالي بلاش حته رجليه راحن من التكمز
خلن وطلعن راحن يقرن صار خوفي لا يلزمن موبايلي ويرتكبن غلطتي حطيت الجهاز ع الشحن وطلعت كعدت يم امي كمنه نحجي
ام جوري :- اليوم ام كرار خابرت
جوري :- اي شلونهه وليش خابرت
ام جوري :- مسوين ثواب للمرحوم ويردنج ترحين يمهن
جوري :- اي يمه اروح الله عليج خليني
ام جوري :- ولج يامضخمه انتي هسه مخطوبه شعدج موليه
جوري :- يمه واذا مخطوبه لاتنسين لسه ماصرت مرته
ام جوري :- اكعدي وسكتي ماترحين
خليت وكمت من يمهه لازم اروح بس محد راح يخليني طبيت للغرفه واني افكر شلون اروح
فتحت الموبايل واجتي الاتصالات ايهم عرفته كاتب ابو جهالي والله مصدك نفسه غيرته وكتبت عديم الاحساس
شويه ورجع خابر شلته
جوري:- الووو
ايهم :- هلا جوري شلونج
جوري:- زينه وتره قبل شويه شفتني
ايهم :- موصوجج صوجي اني اسأل عليج ليش جان موبايلج مغلق
جوري :- جنت مخليته ع الشحن وستوني فتحته
ايهم :- جوري ماكو غير بس الواتساب تنزلينه غير شي ماكو واذا تنزلين تكولين اليه يله
جوري:- لعد المن جايبلي الموبايل اخذه الك
ايهم :- شنو ماعاجبج لعد شنو تردين تنزلين بي من هسه اكسر راسج اذا شفت طاري للفيس بموبايلج
جوري :- لا مااريد الفيس اصلا بس غير جهازي وحره بي
ايهم :- اي بس اذا تردين تنزلين كوليلي واني اسويلج حساب عله البرنامج التردينه
جوري :- ايهم باجر اهل كرار مسوين ثواب ويردوني اروح خلي اروح
..................................................................... .
.
.
.
.
.
.
.
.
.
.
.- أحبجَ حب عراقي وعنده نهرين .
يشوفن بيج تآريخ وحضاره ".
.
.
.
اسفه بس البارحه صار خلل بالواتباد ونمسحت القصص الي كاتبتهن وتطلع عندي بس كقصص
اكدر اقراهن
.
.
.
.
.
.
.احبكم
......زينب احمد