حب من فجوة الضلمات

البارت الخامس والثلاثون

بقيت مااكدر اتحرك والضرب مستمر الحد ماصحت بااعله ماعندي

جوري:- يااااااعلييييييي

احس كلشي اختفه شويه شويه رجعت الحركه اليه كمت واني دموعي ماوكفت خايفه لا يرجع ويصير بيه هيج

محد موجود اخواتي بالمدارس اني رايحه للسوك رحت للاستقبال اخاف ارجع لغرفتي ويتكرر الي صار الخوف قيدني اي صوت يصير افز

كاعده وحاطه راسي بين رجليه وابجي لسه الرهبه والخوف بيه حته وجهي بي طبع ضرب ايد جسمي يون ابجي ودك الموبايل رفعته ايهم رديت عليه بس ردت احد يطلعني من الخوف الي بي

ايهم :- الووو جوري ... شنو شبيج جاي تبجين احجي منو وياج ... لج احجي

جوري:- خا خايفه محد يمي

ايهم:- لا حبيبي تعوذي تعوذي من الشيطان لاتخافين بعدين دنيه الصبح

جوري :- والله مساع واحد ضربني بس ماشوفه ايهم خايفه خايفه

ايهم:- شنو ضربني لاتخبليني عليج جوري شكو احجيلي الصار

حجيتله شنو الي صار ضل يهدي بيه وكالي ارتاحي بعدين احجي وياج سديته منه والخوف لسه بكلبي ايديه يرجفن موقف يخلي الجبير يبجي من شده الخوف

شويه ورجعت امي شافتني سألتني شبيه ماحجيتلهه شي كمت مسحت دموعي واخذت المسواك منهه وعزلته

اتحرك بس احس جسمي فد مره يوجعني كله شنو اشيل ايدي ترجف حيل مااسيطر عله اي شي اخر شي عفت كلشي وكعدت عله حيلي

مااكدر جسمي احسه اثكل من قبل كوه امشي واشيل اي شي بقيت عله هاي الحاله طبت امي عليه وشافتني

ام جوري:- شبيج يمه ليش كاعده هل كعده

جوري:- لا ماكو شي بس دخت شويه وكعدت

ام جوري:- خاف ضغطج نازل يايمه .... هاج هاي خياره بيهه ملحه اكليهه

اخذت الخياره من امي مااريدهه تحس بيه اكو شي مااستحمل اشوفهه ضايجه عله اي شي وره ساعه خابر ايهم

ايهم :- ها جوري طمنيني شلون صرتي

جوري:- الحمدلله بخير لاتخاف

ايهم :- دزيتلج حرز بيد مقتدى عسكري حيل قريب مني العصر يوصله الج البسي وابد لاتنزعي اني ماكدرت اجيبه عندي انذار

جوري:- ليش ماكو داعي والله صؤت احسن

ايهم:- بس البسي مراح يصير شي واذا حسيتي بشي كبل خابريني ماشي

جوري:- انشالله

سديته من ايهم صدك العصر واجه مقتدى مارضه ينطي اي واحد اله اني طلعتله يله انطا اليه لبسته قبل لااطب

اول ماحطيته احس نفسي صرت خفيفه حته الرجفه الي بيه راحت الحمدلله من دزه ايهم اليه

بقيت لابسته بس كل ماطب الغرفتي احسهه تخنكني اخلي واطلع حته كمت انام بغرفه بيبي احس نفسي ارتاح من اكعد الفجر والكه بيبي تقره قران اكعد يمهه لمن تخلص يله اكوم