حب من فجوة الضلمات

البارت الثالث والثلاثون

ايهم:- ماترحين افتهمتي

جوري :- اصلا اني بس كتلك واروح

ايهم :- اطلعي خطوه وحده ياجوري وشوفي الي يصير بيج

جوري :- انته ليش هيج تسوي دائما بس تريد تغثني ماتخليني اروح والله اختنكت بالبيت

ايهم :- جاي اكلج ماكو طلعه واذا مختنكه من البيت كوليلي واني اطلع وين ماتردين بس ذاك البيت ماتعتبينه

جوري :- تدري بهاذه تصرفك اثبتتلي انته واحد جبان شخص ميت وانته تمنعني اروح بس اريد اعرف انته من شنو

ايهم :- جوري اعرفي شلون تحجين لا قسم بالله ابطل احترمج واشوفج ايهم منو مو شفتيني متساهل وياج اخذج الواهس

جوري :- يوم الخميس اروح اروح ومدافع ماراح توكفني

ايهم :- هسه اني نبهتج وعود روحي الي مارايده روحج

سديته واني اغلي لان مايخليني عجيب شخص ميت وتمنعني اروح لبيت اهله شهل خباثه الي عنده

كل هاذا بقيت مصره اروح للثواب صار الخميس وجاي البس علمود امي تاخذني مااسمع بس سحر وسمر يرحبن بس ماعرف منو الي يرحبن بي

طلعت واشوف نسوان جاي طب وزلم هم بيت عمامي اجوي كلهم حته كرايبي الي علاقتي موهلكد جايين

الكل كاشخ ولابس اباوع واني مثل الاطرش بالزفه اريد واحد يفهمني شنو الي جاي يصير اجتي مريم وكفت كدامي وهيه مبدله

مريم :- هاي لسه انتي مامجهزه روحج ولج بعد ماتلحكين

جوري :- اوكفي اوكفي وعله شنو اجهز وانتي ليش هيج مبدله وكاشخه خير ياطير من. معرس

مريم :- ولج لاتغبين بروحج غير ملجتج اليوم ماتشوفين الوادم ترست بيكم

جوري :- شنو وهاذه الحجي شوكت وليش اني مادري فهميني

مريم :- عود صدك تحجين لو تشاقين من الاثنين خابرنه عمو رعد وكال يوم الخميس ملجه جوري

خليت ورحت ادور عله امي طبيت للمطبخ ولكيتهه تحضر بالعصير والكيك

جوري :- يمه شنو ملجه شنو هاي العالم ليش ماكتولي دائما تحسبوني ماالي اي رأي بس اريد اعرف انتو الي تردون تزوجون لواني

ام جوري :- والله يايمه البارحه يله دريت كالي عمج باليل

جوري :-والله مليت منكم انتو ليش هيج تسون اني عدوتكم بس فهموني

رحت لغرفتي واني ابجي مااريد ارتبط بي مااريد ارجع انجرح مره ثانيه شلون ابدي حياه جديده واني كرار لسه ماناسيته لسه افكر بي وماراح من بالي

ضلن يدكن بالباب وماارضه افتحه الهن بس الي فاجئني صوت عمتي ورسل بره طلعت واني مامصدكه معقوله جاي اتوهم طلعت وشفتهن واكفات اي ذني هنه