حب من فجوة الضلمات

البارت السابع

جوري

كعدت من النوم لكيت امي وأخواتي جايات بس امي مبين عليهه ضايجه بس متريد واحد يدري فسولف ويه أخواتي رحت غسلت وجهي وطلعت بالطارمة شفت أحمد كاعد بوحده رحت كعدت يمه

جوري:- شبيك حمودي ليش كاعد بوحدك هنا

احمد:- لا ماكو شي بس عندي امتحان وجوه هوسه

جوري:- شنو امتحانك حته كتاب ماكو بيدك خاف اكو شي كول

احمد:- لا والله ماكو شي لاتخافين أخوج سبع

جوري:- مدام كلت هيج يعني اكو شي مبين من عيونك لا تجذب يله احجي

احمد:- اليوم أبو الشغل طردني ودورت شغل وماحصلت وهسه منين ادبر علمود اصرف عليكم

جوري:- وليش طردك

احمد:- تعاركت ويه زبون عنده لأن لسانه موبيده وبس يفشر

جوري:- لا تهتم ياروحي انشالله بأجر تلكه احسن من ذاك الشغل

احمد:- ياريت والله ياخيتي ياريت

جوري:- يله كوم خلي نطب تره ملاك وهدى راح يستحوذن عله امي

احمد:- كلشي ولاهاي امشي لانصير من الذكرى

مشينه يمهم ضلينه نشاقه لمن تعبنه كلمن لزم كتابه وكعد يقرة ومشن ايام عاديه بس ثالث يوم الضابط كلي لازم وحده من عدجن توقع ضليت احجي ويا واكله مايصير بالاخير كال الأحد الجاي هوه يجي للمدرسه ويخلينه نوقع

بس اشو هاذه وره يومين دز رساله وكال باجر اجي ثاني يوم رحت للمدرسه وإني أكل بروحي خاف ننفضح لو يوصلون الحجي الاهلنه لكيت تقى وغدير كاعدات يسولفن

جوري:- هلا بنات شلونجن

تقى وغدير:- هلا أم الجوج

جوري:- من رخصت حبي غدوره بس أريد أحجي شويه ويه تقى

غدير:- عادي حبيبتي اخذي راحتكم اني اروح الصفي باي

جوري:- باي كلبي

تقى:- ها ولج شعدج وكومتي غدير

جوري:- ولج الضابط الي كمش الولد الي يهددج ومسح الصور

تقى:- اي شبي

جوري:- ولج اليوم يجي للمدرسه علمود توقعين عله أوراق التنازل

تقى:- جذابه الله عليج ولج صدك

جوري:- والله والله والله

تقى:- ولج خاف المدرسات يوصلنهه الاهلنه

جوري:- هوه كال اني مااخلي اي وحده تحجي

تقى:- وهوه شوكت يجي اليوم ها

جوري:- والله ماادري ما كال شوكت

تقى:- اوووف بلكي صدك ومايوصلنهه لاهلي