حب من فجوة الضلمات

البارت السابع والثلاثون

ايهم :- اسسس كافي عوفي الغسل عله صفحه

جوري :- ها مو خاف عمتي جاي تصيحني

ماسمعني وضلت شفافه تتجول عله ركبتي ثبت راسه بركبتي وكال بصوت شبه مسموع

ايهم :- جوري اريدج

ماحجيت اي كلمه اخذني من ايدي للسرير وهوه يهمس باذني

ايهم :- مشتاقلج اريد ارتوي منج بعد عطشي الطويل احبج واموت عليج حياتي ناقصه بدونج ومالهه اي معنه

كعدني باس راسي ونزل لعيوني وبعدين لخدودي لمن وصل لشفايفي باسهم خفيف وخر راسه شافني ورجع اخذهم بين شفايفه

كل الي يصير واني احس روحي فاصله ومو ويا من حسيته بده يجر بالثوب دفعته حيل

جوري ب بجي:- مااكدر مااكدر

ايهم:- جوري وصلت حدهه لج ذابح نفسي عليج ودفعيني ولاتفسرين اتخيلك وحش لوجسمي يأذيني شنو ماتردين احد يلمسج مثل لمساته

تقرب مني وبده يلمس بجسمي واني ابجي بحركه وادفع بي

ايهم:- هنا لمسج مووو احجي مشتاقتله ومشتاقه لحضنه كل مره اكول راح تتعدل وترجع تحبني وانتي محاوله وحده ماحاولتي تتقربين مني اني مشتعل ابوي وذليت روحي اكثر من مره واكول تهون لخاطر عيونهه بس وصلت حدهه وياج

جوري:- ليش ماتفهم مو سهله اتقبلك موسهله كل الي مريت بي وانته ماتعذر بله تعرف اني شكد تعذب شكد نضرب وبجيت وكله من وراك تزوجت غصب عني وعفت دراستي وترملت بعمر صغير ونخطبت وتزوجت واني مامفتهمه شي وتكلي وصلت حدهه انته كل الي صار بيك مايوصل ربع الي صار بيه وهسه مطلعني اني الغلطانه كافي مو تعبت كافي

ايهم:- حقج ماتعرفين شصار بايهم لج صرت مثل المخبل واني افكر شلون نزفيتي ونمتي بحضن غيري كل يوم انجن اكثر من القبله واني افكر بيج مرتي ماتقربلهه اذا مااتخيلهه انتي واصيحيلهه باسمج احلم بيج اني نايم واني كاعد اريدج يمي بس مااكدر اسوي اي شي لج كلبي كل يوم يموت الف موته

جوري:- غلطك انته الي تخليت عني واني جنت محتاجتك حاولت مره وايست وعفتني بين ادين عمامي الي مايرحمون كل يوم مايمر اذا ماا يطبون يضربوني ويعذبوني وانته عشت حياتك ولا كانما عفت وحده جانت متأمله تقذهه بس خذلتهه ورحت

ايهم:- اني لو انتي شتتوقعين من اجي وجايب عالم معكله وضباط واصير صغير كدامهم واني الكه يوم ملجتج عله غيري ترديني اجي واباركلج ها لج اني ايهم الي الكل يخاف مني تحطمت من وره حبج

سكتنه اثنينه دنكت راسي وهوه يروح ويرجع كدامي اجه وكف كدامي وكال

ايهم:- ترديني ياجوري لسه تحبين ايهم لو صار غيره بكلبج

ضليت ساكته وبس الدموع تنزل رجع صيح عليه

ايهم:- لج احجي تحبي كولي تحبي هم رف ودك كلبج اله بيوم نسيتي ايهم وبدلتي بغير شخص