حب من فجوة الضلمات

البارت التاسع عشر

جوري:- وللللللج يممممممه

لكيت ابو بريص واكع عليه كمت اصيح واكمز عله السرير اريده يوكع ماكو مجلب بيه ماادري شوكت انفتح الباب وكرار طب صعد يمي

كرار:- شبيج ولج ليش تصيحين...ولج اركدي بمكانج شبيج تكمزين

جوري:- ابو  ابو  بريييييص عليه يمشي فدوه وخره

كرار:- بس اركدي خلي اشوفه هاذه المسموط وين

وكفت بمكاني وهوه يكلي دوري

كرار:- طاح حضج كون هاذه يخليج تصيحين

كامشه من ذيله ويشوفنيا

جوري:- ذبه لا يعضك ذبه

كرار:- لا جاي افكر اخلي حيواني الاليف

جوري:- يبوو لا هاذه حيوان قاتل حته يموتك

كرار:- كافي مزعطه هاذه وراح اذبه تره معلومه الج تستفادين يكولون ابو بريص ابن التمساح

جوري:- تره موهلكد غبيه كدامك طالبه سادس

كرار:- لعد ماتعرفين ابو بريص مايعض لوبس وياج

جوري:- لا هوه مايعض بس يخوف والله شوف شكله مرعب

كرار:- ولج وينه مرعب اصلا شكله بريء وكيوت

جوري:- ووع وينه وين الكياته فدوه ذبه

كرار:-  لا راح اضمه اخوفج بي

مانحس غير زلك من ايده سويتهه طفره من السرير للباب وهوه ورايه فحطان من الضحك وصلت للدرج شفت ملابسي عززه وهاي اني صارلي ساعه واكفه كدامه هيج يافشله مابعدج فشله

رحت لغرفه رسل اخذت ملابس وغسلت رحت لغرفتي كرار طالع  طبيت عزلتهه وخلصت ونزلت تحلم ياابو ابريص ابقه وياك نفس الغرفه ونفس السكف تريد تستفرد بيه وتهجم عبنك جبان

اسمع صوت الضحك والسوالف بالاستقبال واني كاعده ع الدرج اذكرت اهلي وكعدتي وياهم وشقانه  لييش هيج صار وياي وليش هيج صفه بيه الدهر  امي هسه شلونهه هم تسأل عليه اخواتي منو يكعدهم الصبح احمد منو يسويله ريوك بيوم العطله

وايهم اوووف الي مشاكلي كلهه من ورا هسه هوه عايش حياته وسعيد وانتي ياجوري صدكتي وشوفي تاليتج وين صوجج وثقتي بي وذنبج عدتي نفس غلطه تقى

كرار:- شعدج كاعده هنا

جوري:- ها موضوجه ومجايني نوم اجيت كعدت هنا

كرار:- واني موكتلج ترحين تنطمرين

جوري:- مانعسانه والله

كرار:-  أستغفر الله امشي للمطبخ سوي جاي وضلي كاعده هناك وهم تحركي عود وطلعي

جوري:- طلقه وتلكه الجاي يمك