حب من فجوة الضلمات

البارت العاشر

جوري

مر أسبوع وإني احجي ويه ادهم بس كصديقه وبس وهوه أبد ما مانع كال المهم تحجين وياي من يحجي وياي أحس كلبي يريد يطلع من كد ماينبض بسرعه ومن يحاجيني ويكلي ماحبيتيني اغير السالفه لو اكله عندي شغله وأفلت منه

جوري:- مامه حبابه خلي نروح المكان نطلع والله ضوجه

ملاك:- اي والله محبوسات بالبيت ليل ونهار

هدى:- اي صدك خلي أحمد يطلعنه

التفتنه عليهه اني وملاك وكنالهه بصوت واحد

جوري وملاك :- للللللللا

هدى:- يمه صمله شبيجن هجمتن علية

جوري:- ولج انتي ماتعرفينه اذا طلعنه يخلي الطلعه كشرة

ملاك:- اي والله بعدني بسم الله ستونه نريد نكعد وكال يله خلي نرجع يااخي شفتهمنه من الطلعه ماكو يقفل

هدى:- ولجن لعد منو يطلعنه محد بحالنه

طب أحمد وهوه شايل كومه غراض طب للغرفه حطهن بالكاع

احمد:- يله كومن جوري الهه العلاكات الحمر وملاك الورديات وهدى البنفسجي ورهف أخذت مالاتهه برة

جوري:- اكول خويه وعود هذني شنو

احمد:-  ملابس وجنط الجن صارلجن سنه لازكات بنفس ملابس الطلعه

جوري وملاك وهدى:- يااااااااااااي

رحنه كلنه ركضنا اله وحضنا

جوري:- الله يديمك النه يبعد روحي روحك ياخويه

ملاك:- إلهي يعلي قدرك كولن آمين ولجن

جوري وهدى:- اميييين

هدى:- والله اكو ناس جانت ماتريد تطلع وياا موو

جوري:- والله لوسكتين مو اخيرلج وابركلج

ملاك:- اي والله تحجي اكاذيب لاصحه لها في الواقع اصلا
هدى:- شوف المصلحه شسوي ولك أحمد وعلي اكللهن خلي أحمد يطلعنه يكولن لا كلشي ولا هوه وانتي اختك المكروده الوحيده وكفت وياك وكلت اله انته تاخذنه

احمد:- ههه ولجن كافي وانتن عله عنادجن راح أخذ هدى ورهف وانروح لمدينة العاب وانتن أبقن مكابلات الحايط

جوري:- اكوول حمودي مو اني اختك الجبيرة اخذني علمود ادير بالي عله الزعاطيط الي راح تاخذهم

ملاك:- اي اي وإني اغسل ملابسك مده شهر

احمد:- اوووف أحس روحي سلطان أيتها الخادمه اذهبي واحضري الماء فورا

ملاك:- امرك مطاع يامولاي

اني طكيتهه ضحكه أريد اسكت ماكوو صرت حمره وحته اختنكت كام أحمد ضربني عله ضهري