حب من فجوة الضلمات

البارت الحادي عشر

أم جوري:- يبوووووو ولج يمه جووووووووري لحكيني

كمت كوه امشي أحس روحي كوه اتحرك شفت ملاك وهدى ورهف بالباب واكفات ويبجن مشيت وإني أحس روحي من الخوف ماتت وصلت يم امي واشوفهه ذابحه روحهه

جوري:- مامه شكو ليش تبجين ماما احجي

أم جوري:- ولج راح خيمتنه راح ابوج ولج جوري صرتو يتامه والناس راح تسلط عليكم

كعدت بالكاع وإني مامتحمله الصدمة اباوع المكان بابه مغطينه رحت كعدت يم سريره

جوري وهيه تبجي:- بابه حبيبي اني جوري يله اكعد شوف شوف أحمد شلون يعيل بيه بابه ليش مترد عليه اني جوريتك حبيبي بابه ابوس ايدك اكعد

اهز بأابويه ميكعد تهسرت حيل

جوري:- ولللللللك بابه مو احجي وياك رد عليه ريح كلبي بابه بس تعوفني تكسرني العالم بابه مراح يرحمونه اذا رحت بوووويه إلهي رجعه الهيييييييييي

اجني ملاك وهدى كومني وحالتهن مو احسن من حالتي رحنه للغرفه غيرنه ملابسنه ولبسنه أسود شويه وبيتنه انترس بالناس أخواتي طلعن يم امي وإني ضليت بالغرفة حطيت راسي بين رجليه وكمت اناشغ

يارب ارحمني صرت يتيمه وانكسر سندي إلهي راح الي جنت احلم اصير دكتوره علمود ارجع الضحكه الأهلي بس شيفيد بعد اخذته الرحمتك ماشبعت منه ياربي صرت ضعيفه ومااكدر لامتحانك بعد ارحم بحالي ياربي ضليت ابجي وإني أذكر كلشي يخص بابه اي جوري بعد المن تكوليهه منو يسميج جوريتي راح سندج وقوتج وعزج صرتي باسوء حال

سمعتهم يصيحون ويكولون جابو التابوت جابو طلعت وإني بلا حجاب امشي واوكع صرت مثل المخبله راح راح الغالي راح خيمتنه راح عزنه راح ابونه نمت عله التابوت وإني اصرخ

جوري:- ولللللللك بويه كوم هاي النومه مو الك يابويه جان حلمك تشوفني دكتوره والبس السدريه البيضه شو اشوفك يابويه انتي لبست الجفن الأبيض هانت عليك بنياتك ينكسرن وراك كوم يابويه كوم يالحنين جان حلمي اشوفك واكف وتباركلي بوييييه اكعد يابو أحمد أحمد مثل الغريب وراك

وخروني كوه عن التابوت شالو بابه وشالو روحي ويا

جوري :- جيبو بابه وين تردون بي حبابين رجعو بااااابه ارجعلنه حبيبي

كامن النسوان يحجن بيناتهن ويكولن خطيه وعاف كومه بنات منو الهن هسه بناته يروحن لغير طريق رحت اركض للغرفه قفلت الباب وضليت أصيح واركع بروحي

جوري:- بابه المن عفتنه الناس بعدك مطالع ضلو يحجون علينه بابه حبيبي تدري محتاجينك يبعد روحي ارجع صعب افراكك يابويه يالغالي المن بعد اكول أريد اطلع طب واعالج أبويه وانته جوه التراب اكعد هاي النومه مو الك الموبايل يدك اول مطبيت للغرفه شفته ايهم فتحته بدون تفكير ولا وعي