روايتنا الجديده #بنت التونسيه للكاتبه najah_alhaj
قراااءه ممتعه للجميع 🌸🌸🌸
🌸الادمن#لـــــوليــــتا👑
#بنت_التونسية
#الحلقة_32
~~~~~~~~~~~~~~~~~~~~~~~~~
لايكاتكم قبل ماتقروا
في هده الحلقة حتكون الفكره الي نبي نوصلها من كل الرواية
*****_😆
بدت مرحلة جديده من حياتي مرحلة بطعمه خاصه مليان تحديات اولها كيف بنحكي قصتي للناس كيف حنتقبل ردودهم انتقاداتهم اكيد مش الكل حيوقف معاي وفيه الي حيتهمني بالكدب وغيره وغيره ..بالدات لما تطلع القصة ف الصفحات العامه الي فيها شباب..لانه قصة زي هادي اكيد حتطلع من قروبات البنات...وخصوصا الي تكون مخترقه من قبل شباب ...
المهم خشيت توضيت وصليت ودعيت ربي يوفقني في الي بنبدا فيه ويوصلني للغايه من هالقصه كلها...
فتحت حساب جديد باسم ..مستعار وكان اسم عادي جد ما استعملتش جو يتيميه مضلومه ..او اي شيء يدل علي مأساة صارت معاي
اسم عادي جدا ...كان سلمى محمود بالانجليزي..
درت انظمام للقروبات الكبيره في ليبيا والي تكون بنات وبس كل الي قدرت انخشه ..وقعدت نستنى في انهم يقبلوني...
وخشيت للورد ...وبديت نكتب في قصتي ..من لما طلعت من حوش بوي بعد توفت ماما ...كتبت كل شيء مع مراعاه استخدام الفاظ وكلمات منمقه ماتخليش القاريء يشمئز لما يقرا....
والاسماء ماكتبتش كتبت راجل اختي بدل صلاح .وعمي الصغير بدل ع فؤاد .و ولد عمي ..بدل يزيد ونوهت طبعا انه ولد عمي فؤاد...
ماكتبتش علي قصتي مع معتز وشن دار معاي ولد عمي لانها ماليهاش علاقة بالتحرش...
كتبت بس انها كانت سبب غير مباشر للأنهاء خطوبتي وتفركيشت زواجي القريب بس
وبعدها جيت للموضوع الاهم
وكتبت فيه
#انا_تعرضت_للتحرش
هدا حيكون الهشتاق الي حيضم كل ققصنا ع التحرش سواء كان من محارم او غيره..نبيكم تشاركنوي ققصكم عشان انحاولوا انغيروا هدا ..عشان انحاربوا هالظاهره .. فكروا ببناتكم ...لو كان الوضع هك تو شوفوا بعد عشر سنين كيف بيكون..الي خايفه تنشر قصتها تبعتها ليا اني وعليك امان الله ماحد يعلم بيها...
حنفتح قروب. خاص بهالموضوع نحاولوا نوصلوا بيها لطريقة تحد من انتشار هالظاهره بالذات التحرش من المحارم لانها كاااارثه بجد..نستنى فيكم ماتخدلوني...
القروب فتحته وقاعد عام اسمه
معا ضد. التحرش..الي تبي تنظم هدا الرابط...)
.....جهزت المنشور وقعدت نستنى لين ننقبل في اغلب القروبات عشان انزلها ف نفس الوقت..
ثاني يوم فقت من الفجر دوشت وجففت شعري ولبست حوايجي وطلعت مع خالي سمير ف اول يوم عمل..
كنت متشوووقه وفي نفس الوقت خايفه صح انا شاطره في الشعر وحتى المكياج ..لكن هدكا عندي عمل..اما الكيكات..فهو هوايه نحبها ونحب نعرف عليها اكتر واكتر ..انا لو زعلانه ندير كيكه ..ولو فرحانه اندير كيكه..هيا الشيء الي ينحي عليا كل الظغوط سواء كانت زعل او فرح...
وصلنا ..ولقينا الشباب والبنت الي يخدموا معاه في الشارع يستنوا ..
صبح عليهم وهما يشبحوا فيا مستغربين
تحنحنت
انا_بنجوووور
كلهم_بنجورووور
وخشينا ..وبدوا كلهم يبدلو ويلبسوا في اليونفورم متع العمل..
وعطاني خالي واحد زيهم...
لبست اليونفورم..وخداني خالي في لفة في المطبخ وعرفني ع الاجهزة واقسام المطبخ قسم للكيكات والكب كيك وقسم للبريوش بحشوات مختلفة..وقسم للبان كيك( الفطائر المحلاه) ..
وحطني في قسم الكيكات والكب كيك يخدم فيه هو وواحد اسمه جان مسؤول ع الكب كيك..ومعاهم انا... وبنت مسؤولة ع التشيز كيك والكيكات البارده بمل انواعها
في الاول كنت مرتبكه ومتردده بس بعد الساعتين الاولى انطلقت وبديت مع جان في حشو الكب كيك والتزين...
في البريك كنت مقعمزه ناكل في التشيز كيك بصراحه مبدعه البنت الي معاهم كان اسمها ميا...
جي الي اسمه جان حطلي طاسة كابتشينو شكرته ولما شبحت للمق مكتوب ع الرغوة ابتسمي طبعا بالانجليزي
استغربت..قعمز معاي ع الطاولة طبعا حنكتب بالعربي
جان_مرحبا
انا_مرحبا
جان_اسمي جان عمري 25 سنه
انا_ اسمي رنيم عمري 22 سنه
جان_ هل تقبلي ان تكوني صديقتي
انا_اكيد هدا شرف لي
جان_حسنا ياصديقتي اود ان افهم سبب هدا الحزن علي وجهك..
انا_انها قصة طويله جدا وومله جدا..
جان_ اكاد اجزم انها متعلقه برجل او حبيب
انا_ههههههههههه اجل شيء من هدا القبيل
جان_عندما ترغبين بالتحدث سأكون في انتضارك...حسنا لنعد للعمل
انا_شكرا
جان_لما
انا_رفعت مق الكابتشينوا _على الكابتشينو
جان_لاداعي للشكر..
...
كمل اول يوم عمل وكان متعب لكن ممتع
المطعم يسكر الساعه 9:00 ف الليل...
وصلت لشقة خالي مييته دوشت وخشيت لسريري فتحت الفيس وشفت الاشعارات كل القروبات قبلت الاظافة...
حطيت يدي ع قلبي ودعيت وتوكلت علي ربي ونزلت. المنشور في كل القروب وقلبي يرعش وعيوني معبيات دموع....نزلت المنشور....وصكرت الفيس ورقدت لاني كنت تعبااانه ..
.......
عند معتز
كان في قمرة القياده....
بوفا_كنك اليوم اصريت نعدي معاك ف الرحله
معتز_رنيم في باريس..
بوفا_باه
معتز_امرايف وخايف انحقها بروحي نبيك معاي...
بوفا_ وشن بتتستفيد شن حيتغير ابتمشي وتحاول ترجع الي بينكم ولا شن...
معتز_انبرد نار قلبي الي مش مخليني نرقد..
بوفا_ يعني مش حترجع...مش جتحكي معاها...
معتز_مانقدرش ...مش قادر انصدقها قلبي مصدقها لكن عقلي لا..وانت بروحك قلت وااضحه انها هيا..شن الي غير رايك هك
بوفا_ راي ماتغيرش انا نبيك انت ترسى علي بر..لو تبيها امشي وكلمها وافهم منها..ولو لا ماتحرقش قلبك يزياده وتشوفها انساها لانها من وجهة نظري انا ماتستاهلش خاينه وتلعب ع الحبلين
معتز_لازم انشوفها ..ووقتها انقرر لو حنرجعوا ثاني او لا..
.....
عند صدام
صدام في المكتب يراجع في بنود العقد الي بيوقعه غدوه
طق الباب رفع راسه_تفضل
بوه_السلام عليكم..
صدام_وقف من كرسيه_وعليكم السلام اهلا استاد محمد
بوه_شن استاد محمد هادي ماتعرفش تقول بوي
صدام_مش حنقولها لانك مش بوي
بوه_ اجعل لا قلتها ..وين العقود الجدد
صدام_ اضن اني انا مسؤول هالفتره ع الفرع اهني فخليني بروحي
بوه_انا بنشوفهم بس...هات..
مدهم صدام
صدام_راجعهم براحتك انا طالع
بوه_ قعمز اهني انا المدير مش انت..
قعمز صدام يطمطم
ربع ساعه وبوه يقرا ويعاود في البنود والشرط الجزائي...وبعد كمل
بوه_انت شن رايك فيهم
صدام_الشرط الجزائي كبير هلبا ..فبنطلب تمديد اكتر في الوقت لو يبوني انوافق عليه..
وفيه حتى الشرط الي طالبين منا نتعاملوا مع شركه معينه تمدلنا الميه مش حنوافق عليه..
بوه_بالنسبه الشرط الجزائي انا معاك لكن الشركه لا ..لانهم مختارين شركه من احسن الشركات ف الامدادات الصحيه فخليهم
صدام_وانا نعرف شركة احسن وارخص لان مديرها زميل ليا زمان ..
بوه_يستر الله..تو بتعزمني ع العشي ولا اندور من يعشيني
صدام_ عندك ولد اهني امشيله يعشيك انا مش فاضي..
بوه__اطلع قدامي نبي نتعشى معاك انت..
صدام_وانا مانبيش...وخدي جاكيت والشنطه وطلع...
بوه_اه وخلاص..كيف فرطت بيك بس...
......
روح صدام وفتح الفيس
لقي الطلب قاعد معلق
صدام_علاش بس يا امل مصكره الرسائل ..حسابي الاول تصكر كيف بنوصل فيك تو...
خش رقد
.....
عندي انا
نضت دوشت ع السريع وصليت ولبست حوايجي ومكانش فيه وقت انجفف شعري..نزلت جري لحقت ع خالي في باب العماره
سمير_اصباح الخير
انا_صباح النور..
سمير_عطلت اليوم اشبيك
انا_راحت عليا نومه..
سمير_هيا...
وصلنا للكافي وراسي انحس فيه مثلج
جان_صباح الخير
انا_صباح الخير كيف حالك اليوم
جان_بخير ..انت مشرقه اليوم يبدوا ان العمل معنا اعجبك
انا_اجل ان اجواء العمل رائعه
خشيت لبست اليونفورم
وطلعت نخدم مع جان وكل شويه يضحكني او يفنص فيا لما نغلط وانا نقرر بالضحك
وبعدين في البريك قرووا كلهم انهم حيعزموني ع مطعم قريب نتغدوا فيا بمناسبة اني بعت اول كيك ليا انا...
المهم بدلنا كلنا وطلعنا...
في الباب تعاركت البنت مع واحد من الشباب وانا مش فاهمه شيء
كنت خايف لين قرب مني جان وحكالي في وذني انه هو حبيبيها وتعارك فيه لانه ضحك مع وحده من الزباين
بعدها كلنا ضحكنا ...وانا نضحك ونمشي عترت مسكني جان..ورجعنا نضحكوا ثاني
...
وطبعا ما لاحظتش حبيبي الي كان يشبح ومصدوم كيف نسيته ويحساب بيني وبين الولد شيء ..
بوفا_هيا يامعتز مافيش شيء اتشوفه
معتز_ ماحلنا انا لتو مش مصدق انه احني متافارقين وهيا عايشه حياتها بالطول والعرض ولا كان كان بينا عشره وحب لخمس سنين...
بوفا_خلاص معناها حتى انت تنسى وتعيش حياتك وعدها تجربه فاشله وعدت..
معتز_الكلام ساهل. سااااااهل...
ولف ومشي ومعاه بوفا حاط يده ع كتف معتز الي كان حابس دموعه وهو يتفكر في كلامنا وغزلنا لبعض حب كان في يوم أقوى من أي شيء..وفي لحظه انتهي كل شيء كل شيء..
.....
فات اليوم ورجعت في الليل وكنت مريضه هلبا ماحكيت لحد
رقدت طووووول
ومعاش حسيت علي روحي بكل بكل...
....
ماري_ قوم قوم ...سمير
سمير_همممم
ماري_قوم نوما مريضه
سمير_نط بسرعه_اشبيها اشبيها
ماري_مانعرف حراره والنفس يتقطع
سمير_بدل بسرعه ناخدوها للاسبيتار..
ماري_اوكي..
خش خالي للدار وقعد يمس فيا ولما مس شعرب لقاها قاعد مندي
سمير_ليش بس الاهمال ...لفلي حجاب ع راسي ولمني بالبطانيه وطعلني..
حطني في السياره من الخلف
وركب هو وماري
وطول للمستشفى...
اول مادخلوني علقولي تغدية حراره و ركبولي اكسجين ..لان كنت داهشه هلبا....
..
فقت وشفت كل شيء ابيض والضوء قوي..
انا_ههممممم
سمير/اشبيك تعبان ..
انا_خالي...انا وين...
سمير/في الاسبيتير
انا_علاش
سمير_من اهمالك ..كيف تطلعي الصباح وشعرك مبلول..
انا_كنت متاخره
سمير_وتاخري احسن من تموتي كانت حراره في الاربعين...والرئتين تعبانات ودوبك تاخد النفس...
انا_حصل خير انحس في روحي كويسه تو
سمير_ايه تو كويس بعد وقفت قلوبنا...
انا_اسفه بجد اسفه...
سمير_المهم انك لازم تقص شعرك
انا_مستحيل انا وعدت امي زمان ...
سمير_شن وعدت امك اقريب متت انت
انا_خلاص معاش نطلع لين انجففه..
سمير_غصبا عنك لانه لو تكرر هالشيء احتمال تموت ...الدكتور نوه علي انه لورجعتلك الحاله هادي احتمال تموت لو ماحصبت العناية الطبيه في الوقت المناسب
انا_معاش حتتكرر ولو متت فهو يومي ومش حنعيش يوم بعده..
سمير_...اووووف ...نشوف الدكتور ونرجع
...وبعدها مع الساعه7:00طلعت من المستشفى ورجعت للحوش واصريت انهم يمشوا للعمل لانه حالي كان كويس استغليت الفرصه وفتحت الفيس
انصدمت من عدد الرسأئل ...من التعليقات..العدد الخيالي الي اير طلب انظمام للقروب
اول شيء قبلت كل الي يبي يخش للقروب ...وكان للبنات بس عشان مانبيش نحتك بالشباب تو حنكون القروب قبل ...ونتعرف ع الموضوع بكل جوانبه وردود فعل المتابعين في القروب قبل...وبعدها حنفتح صفحه..
المهم بديت في التعليقات ..كانت معضمها متعاطفه معاي وعاجبتهم الفكره..وفيه الي شجعني ..وفيه الي حط اللوم عليا منها متلا ..مرات انتي لبسك مش محتشم..او في من قال عائلتكم شكلها عائله طوووط ..الي كلهم هك..وفيه الي كدبني طبعا...
المهم رديت علي التسؤلات المهمه...
وتوجهت للرسائل
كانت معظهم قصص لبنات تعرضوا للتحرش من محارم او مدراء ف العمل..او مدرسين في مدارس عامه او خاصه...
.....
لفتت انتباهي بعض القصص منها
(القصص حقيقيه)
( انا ممرضه نخدم في مستشفى&$$& كنت ماسكه في توكة الليل...جتنا بنت مع شاب واضح انه خوها والبنت كانت مرتبكه وهك
خشيت مع الدكتور ..وسألها الدكتور أسئله وهك بعدها قاللها مبروك يامدام انتي حامل
البنت وجهها تغير..وارتبكت...
طلع الدكتور لما حس انه الموضوع فيه ان ...
قعدت معاها شويه وخش خوهاوقعد يعارك فيه ويقول علاش تنسي حبوبك وكيف صار هك وشن بيرفعنا لتونس عشان نتخلصوا منه غبيه و كلام هك كبره حطه وانا مصدومه..وطلع ..شبحتلها وسألت من غير وعي..هدا من..قالت خوي ..وانا حامل اما منه او من واحد من خوتي الاخرين او بوي
انا فتحت فمي من الصدمه وقلتها كييف خوتك و بوك ..امك وين...
قالت ماما ميته من زمان وانا واختي بس موجودين..ونعطو خيرنا لخوتي خير مايطلع لغيرهم في مزارع وغيرها انا من الصدمه والغضب الي فيا قريب ضربتها كف_قلتلهاانتي واختك
قالت_اختي ماتبيش لكن تو بظت فوق فوق..)
....
والقصة ثانيه كانت من محاميه...علي قضيه رفعها بوه علي ولده يبوا يحدوو الجنين الي في بطن بنته ليه ولا لي ولده
...
والثالثه كانت من طالبه في القانون تحكيلهم علي وحده من القضايا الصادمه ليها.
وهيا لمراه رافعه قضية طلاق ضد زوجها..ولما سألتها علي السبب قالت انها سافرت دوره للخارج وخلت بنتها مع بوها...ولما عطلت الام الاب عاشر بنته بكل برود.لين حملت منه...ولهدا تبي تتطلق..
.....
والرابعه كانت مؤثره هلبا وهيا لبنت قالت فيها
( كنت صغيره يمكن عشر سنوات او اكتر شوي مشينا مع عمامي الزوز للحمام الكبريتي في تاجوراء زمان..المهم كنا لما نمشوا للبحر ال قريب من الحمام ياخدني عمي الكبير انا وحفيدته عشان يعلمنا السباحه وكان يدخلنا ويقول ارقدو تو نشدكم ولما نرقدو يدخل يده من الخلف في -٪٪$،كنا انخافوا منه ونهربوا..وكان كل مانهرب منه ويشدني ف مكان يخلين نمسك-$# طنت انخاف منه ..ولتو انخاف منه..ماقدرتش نحكي لامي لانها خفت تضربني..خفت بوي يضربني...ماحكيت لحد ولتو..مايعرف بهالشيء الا حفيدته بس ..الي حاول معاها حتى هيا..)
....
هدا الي قدرت نقراه اليوم ..
مشيت نزلت اول بوست في القروب
كتبت فيه
( السلام عليكم ..مرحبا بكل العضوات الي في القروب ..حنبدوا في اول موضوع وحيكون سؤال حتجاوبوا عليه ومن الاجابه حنستخلصوا الاجابه الصح والمزبوطه لها السؤال والسؤال هو
ماهو السبب اللذي يمنع الطفل من اخبار اهله عند تعرضه للتحرش؟
مش حنعطي اجابة انا عشان ماتتأتروش برأي..نستنى في ردودكم)
نزلتهاا..ورقدت
وفاتت ايام وايام وبعده شهر والشهر بدي شهرين وخلاص قربت تنتهي رحلتي في
طرحت هلبا اسئلة واستخلصت الاطوبه في النهايه
اول سؤال
كانت اجابته
جهل الطفل بالتحرش وخوف من عقاب الاهل وعدم المعرفه بنتائج او عواقب التحرش..
سألة اسأله غيره طبعا منها
ما هو ااسبب وراء تفشي هده الظاهره؟
وكان الجواب التستر من قبل اهل المتحرش بيها: بيه،،
كيف نحارب هده الظاهره؟
١ عدم التستر علي الشخص المتحرش( الجاني) مهما كانت صفته الاجتماعيه محرم او غير محرم..والعقاب علي فعلته بماتسنه الشريعه الاسلاميه
٢ بالتوعية ضد التحرش ..يعني نشرح للطفل من صغره اساسيات متلا عظم تبديل الملابس في وجود اي شخص كان مهما كانت صفة الاجتماعيه..التوعيه ايظا بالاماكن المسموح للشخص لمسها مثلا اليد عادي اسفل الظهر لا بين الارداف لا...ايظا بتحديد نوع الملابس المسموك بيها امام المحارم لازم تكون فضفاضه ومستوره..
٣شرح وجة نظر الاسلام في الموضوع هدا ..التكلم بكل تفتح في سن البلوغ مع المراهق والاجابه علي كل الاسئلة بمصداقيه ..يعني مش انتي بلغتي خلاص انفرض عليك الصيام..لا نشرحلها التغيرات الجسديه وتوابعها شن حتحس لازم تاخد حدرها اكتر مع اي محاولة تحرش وتحكيها لاهلها...
زطبعا منخوفش المراهق بالعقاب. ..
....
كيف نعرف ان الطفل يتعرض لتحرش
هدي حتلاحضها الام برفض الطفل مثلا المشي لحوش معين من اقاربه او خوفه من مدرس معين مع انه المدرس ا مشكور في المدرسه..لانه دايما هالفئة المريضه عندهم وجهه مسالم مخبين وراه الوجه الوسخ ليهم..
او خوفه من محل مايحب يمشيله او حتلاحظ اقتراب الطفل منها في حضور شخص معين ..ووقتها بشطارتها ومن غير تخويف للطفل تتستخلص منه المعلومه..
....
كبر القروب هلبا...
وبدت الفكرة تتكون اكتر في دماغي.
و قررت نفتح الصفحه العامه اخيرا..
.....
عند زينه
زينه كانت مقعمزه وتبكي في دار الجلسه في حوش شيابينها
خش عليها
ع فؤاد_ خيرك
زينه_تبكي ..كلهم مايحبوني ياعمي مرت عمي ماتحب حتى تشوفني البنات كل مانخش عليهم ف مكان يطلعوا ويخلوني ..ونسمع فيهم يقولوا مفروض معاش تنزل معاش نبوها
ع فؤاد_حضنها_لا يابنتي كلهم يبوك من يقدر يكرهكك انتي ...تو نعاركهم..
زينه_بعدت لا ياعمي ماتكلمهم يزيدوا يكرهوني..انا بنروح يزيد قريب يجي
ع فؤاد_ بري لحوشك...
ركبت زينه بدلت ولبست روب حلو وبطنها كانت كابره خلاص قربت تجيب...
طق الباب
تحسابه يزيد لانه ديما يديرلها فيها يقولها لاش جايبك كان بنفتح. الحوش بروحي
فتحت الباب وتلقى
و#يتبع
#najah_alhaj
أرآكم وتعليقاتكم.......