#رواية بنت التونسية لكاتبه🌺 najah_alhaj (مكتملة)💚

29

روايتنا الجديده #بنت التونسيه للكاتبه najah_alhaj
قراااءه ممتعه للجميع 🌸🌸🌸
           🌸الادمن#لـــــوليــــتا👑
#بنت_التونسية
#الحلقة_29
~~~~~~~~~~~~~~~~~~~~~~~~~~لايكاتكم  قبل ماتقروا
.......
معتز_نوماااااااا ...وتلقاها قبل ما اطيح...
نوماااا نوضي نوضيي لاااا ياارب لا...
عمار_هاتها جاي....وخداني منه وحطني ع الكرسي وشاف النبض..
معتز_كنها.؟؟؟
عمار_اضن انك طلقتها شيء ما يخصكش ...اضن انك تعرف الطريق...وتلفت عليا ايفيق فيا_رنيم....رنيم...فيقي...يطبطب ع وجهي
معتز/وعيونه دموع ...وقلبه يوجع فيه_ ردوا بالكم عليها...وتلفت طلع
عمار_مصح وجهك....ريماااااااا ريماااااااا
ريما_نعم..وخشت للمربوعه...هيييييييييي رنييييم ....خيرها خيرها...
عمار_غير بري جيبي صنه بسرعه...
خشت تجري جابت العطر...
وبخوه ليا..انا بديت نفتح ف عيوني _مع..ت..ززز.......مع...ت...زززز
ريما_نوما نوووضي نوووضي شن صار
انا_اه...فتحت عيوني..مشوشه مش فاهمه شيء...وفجأه تفكرت_ معتز...وين معتز...وقعمزت
عمار_بالشويه بس اهدي اهدي
انا_شبحت فيه وعيوني معبيه دموع_ يعني حق الي صار معتز طلقني...وبدوا دموعي يصبوااا
ريما_شنووووو طلقك...علاش شن صار...
عمار_ رنيم خودي نفس عمييق انتي تو صارلك هبوط ف السكر من الصدمه...تو شوية ارتاحي وبعدها نحاولو نفهموا شن صار
انا_وقفت ..شن نهدا ياعمار عرسي بعد عشر ايام الكروت وصلت للمعازيم ...حتى الفيلوا جاهز....كيف كيف نهدا وهو طلقني...طلعت من المربوعه جري ..خشيت للجناح امتعي واتصلت بيه ..مره..واثنين....وعشره..وبعدين قفل الموبايل....
طحت ع الارض نبكي وجنبي ريما تهدي فيا
اتصلت باميره
انا_لحقي عليا ياميروووو
اميره_خيرك العفو شن صاير
انا_معتز طلقني طلقني ونبكي بعبرتي
اميره__شنووو مستحييل مستحيييل....
انا_والله والله ياميروو تعالي بنهبل بنهبللل
اميره__ايجي ايهم وانجيك
انا_باه...
......
وصل ايهم...للحوش
ميروو
اميره_نعم ف المطبخ..
ايهم/شن اديري وحضنها من الخلف
اميره_عشاك انا بنمشي لرنيم
ايهم_ لفها ليها لقي عيونها دموووع...خيرك حبيبي...شن فيه..من امبكي عيون حبي الخضر...
اميره_رنيم طلقها معتز
ايهم_شنوووو علاااش ..
اميره_مش عارفين شيء ..اتصلت تبكي ومهستره...مافمتش منها شيء ..
ايهم_خلي من يدك وخشي بدلي وخلي نرفعك...
اميره_انكمل عشاك ونمشي
ايهم_تو ناكل اي شيء هيا بس
اميره _حضناته _شكراا حبيبي ربي مايحرمني منك.
ايهم_ علاش تشكري فيا هدي اختك ومحتاجاتك...
خشت بدلت ولبست عبايتها ولبست بنتها سمتها ( بلقيس)

.....
وجتني..طول ركبت لجناحي...
فتحت الباب....
وشفتها حطت بنتها...وحضنتني
انا_طلقني ياا ميروو صدق الي قال اليتيم مايفرح مرتين....مالحقتش جتى نكمل فرحتي ....ياميرو حاااره حاااااره ياميروو.
اميره_غير اهدي بس اهدي خلي نفهم منك...
انا_شن بتفهمي انا بروحي مش فاهمه...وخشينا لداري..قابلني الفيلو معلق
شبحت اميره لقيتها تشبحله ...
اميره/خلي املك بالله كبير باذن الله حتلبسيه....
انا_ان شاء الله
.....
في الليل جت عميمه وجدتي وجدي
جدي_هك جي طلق ومشي
انا_ايه..
جدي_ماقالش علاش
انا_ولا  حاجه انتي طالق وبعدها ماتشرفنيش تكون مرتي وبديت نبكي...
جديده_ جبدتني وحضتني طيح سعده هو الي معاش يشرفنا ولاعاد نبوا نسبه ....
جدي_بلاش منه مايستاهلش دموعك مش راجل هدا ...المفروض جانا احني ...زي ما خطبك من تريس المفروض جانا احني التريس.ونفهموا منه وكل حد يمشي ف حاله..
عميمه_ماتبكيش يابنتي..خدتني وحضنتني .....بكيت بكيت لين رقدت ف حضن عميمه...
روح جدي وجدتي واميره...وعميمه قعدت معاي...
.......
قعد تلات ايام نحاول نوصل  لمعتز نبي نفهم منه...
ماحصلتاش بكل اتصلت بهاله
انا_الو
هاله_اهلين كيف حالك
انا_شن حالي بالله ..لو عارفه شيء احكيلي..
هاله_والله مافهمت حاجه  قال مافيش نصيب بس
انا_هو وين في الحوش ..
هاله_لا..ف شقته ما يطلعش بكل ومايفتحش لحد..
انا_باه سلام.
هاله_ربي يجمعكم ..
انا_الي فيها خيره يكتبها ربي...
......
طلعت ثاني يوم الصبح بسيارة ريما ...عيوني هالات سوده
وصلت للعماره ..نزلت و وصل لقدام الشقه ..طلعت المفتاح...وفتحت الشقه وخشيت...
الشقه مكسره كل شيء مكسر عيوني تعبوا دموع....
وشفته مقعمز ع الصالون يشبح فيا وعيونه حمر...
معتز_ شن تبي
انا_نبي نفهم علاش
معتز_الي تبيه عطيتهولك حررتك عديله...بلا لعب من تحت لتحت
انا_شن تحكي...مافهمت شيء...
معتز_ماتكدبيييييييش ماتكدبييييش ...ووقف قرب مني
انا_وخرت ..طووول...
معتز_خايفه ..ماتخافيش مستحيل نقرب منك مانقربش من وحده راكبها غيري
انا_ضربته كف ..احترم نفسك...
معتز_ تي معاش تكدبي معاش تكدبي...شن تبي علاش جايه جايه عشان تشوفي بقايا معتز ها .شوفي...شوفي...ماقعد شيء...ماقعد شيء علاش بس ....علاش بس ...شن الي عنده وماعنديش شن هو الي عطاهولك...وانا حرمتك منه...شن هو...
احكييي...
انا_بدت نبكي_وغلاتك ماني فاهمه حاجه من يلي تجكي فيه ..من هو هدا الي انت تحكي عليه
تلفت ومشي خش لدار النوم ..وجي جايب تليفونه...شوفي هدا من...ومدلي التليفون...
انا شبحت الي فيه ونرعش
انا_ هدا شن
معتز/ها..والله انا المفروض نسأل شن هدا..
انا_انت مصدق هالشيء ...امصدق اني انا حنسلم روحي لهدا ...ليزيد الي حكيتلك عليه وعلي كرهي ليه...
معتز_كيف بنصدقك ..تليفونك راح منك انسرق منك
انا_لا..
معتز_فيه حد يقدر يفتحه غيرك
انا_لا
معتز_مفتاح شقتنا عطيتيه لحد...انسرق منك
انا_لا..لا.......لكن والله والله هالصور والفيديو كدب
معتز_تي شفتك بعيوووني بعيوووني لما عديتي للدكتور في تونس
انا_عيادة شن دكتور شن
معتز_العياده الي يمشولها..الع&$$ وال &$$ باش يستروا عارهم قبل ما يتزوجوا واحد هبل زي انا ...اطلعي بانوما مغاش نبي نحقك بكلل عدي...
انا_والله مضلووومه
معتز_ينصفك ربي عدي يارنيم مش قادر نشوفك اطلعي...
انا_حطيت المفتاح في يده_ ايجي يوم وتعرف انك ظلمتني ...لكن ما ننضمنلكش وقتها اني حنعطيك فرصه...رد بالك علي روحك...انحبك....
وطلعت
ركبت سيارة ريما وماقدرتش نبكي...دموعي مابوش ينزلوا ..شغلت السياره وتحركت مانعرفش كيف وصلت للحوش ولا كيف ركبت للجناح...
فات الوقت وانا امقعمزه في داري ماتحركتش مابكيتش نتفكر في الصور الرسائل مقطع الفيديو...واضح انه  يزيد ورا الموضوع كله لكن كيف قدر يديرها..من الي معاه في شقتنا..من....
...
ريما_ياعمار مشيتلها نحكي معاها وماتتكلمش تشبح في الحيط وبس ماتبكيش ماتبيش تاكل ولا شيء كأنها ميته..وبدت تبكي
عمار_ واضح انها مصدمومه ..ناديلها اميره مش صاحبات اكيد حتخليها تتكلم ...
ريما_اميره عندها راجل وبنت ومسؤوليه مش كل يوم بتجي..مرات راجلها مايعجباش مانبي انديرلها مشاكل..
عمار_الله غالب هدي ضروف خاصه وانا واثق ان ايهم حيتفهم هالشيء
ريما_ خدت نقالها ورنت علي اميره
اميره_هلا شن حالكم اليوم
ريما_ رنيم تعبانه هلبا لاتتكلم ولا تاكل ولاتشرب ولا شيء الي اتفنص ف الحيط وخلاص..
اميره_علاش شن صار
ريما_مانعرفش شكلها الصبح طالعه بالسياره ..مانعرفش وين مشت ولا شن صار معاها...
اميره_خلاص تو انكلم ايهم يخطمني عليكم قبل مايرجع للعمل العصر..
ريما_سامحني ثقلت عليك..لاكن ماعرفتش بمن نتصل..
اميره_شن تقلتي عليا هادي..رنيم روحي وخنقتها العبره....مستحيل حنسامحك لو احتاجتني في يوم وما كلمتينيماتخليهاش بروحها ..نتلاقوا سلام
......
عند معتز
يفكر_علاش جايه علاش بس ...تبي تحرقني اكتر تبي تقهريني اكتر...تبي تشوفي شن نتيجت خيانتك...تبيني نترجاك انك تثبتيلي انه الي شفتها مش انتي انا الشقه مش شقتي ان الرقم مش رقمك...انتي قتلتيني كسرتيني دمرتيني بالي درتيه ..علاش طلعت ف حياتي..كنتي وطني..وتو معاش عندي وين نمشي...صعب صعب نسامحك صعب نغفرلك..صعب نكدب عيوني...
فتح تليفونه وحضر رقمها حضرها في الفيس والواتس والفايبر...لغي التواصل معاها...
  ......
جت اميره وامل وهدايه العشيه
اول ماشفت هدايه
انا_اطلعي اطلعيي كله منكم ومن عيلتكم اطللعي
اميره_خيرك نوما تحشمي البنت ضيفتك
انا_تطلع تو معاش نبي نشوف منهم حد كله منهم
اميره_رنييييييييييم...
انا_طلعيهاااااااااااااااااااااااااااااا
هدايه_ نطلع بروحي...وتلفتت طلعت
امل_مصدومه عمرهم ماشافوني معصبه هك_ خيرك رنيم البنت مشغوله عليك وجاي تتطمن..
انا_مانبي منهم شيء يخطوني بس يطلعوا من حياتي...
اميره_شن صار احكي
انا_يززيد يزيد لعب لعبه كبيره وفاز فيها
اميره_تي تكلمي كويس مافهمت شيء
انا_حنكيلك ..اليوم الصبح طلعت..( وحكيتلها كل شيء)
امل_ مستحيل ...كيف خش للشقه..
اميره_ وكيف انبعتت الرسائل من تليفونك تفكري يارنيم ..تليفون وين يوم فاتحتك
انا_معاي معاي صورت بيه قبل مانطلع معاكم. ..وقعد معاي..
امل_ املا كيف انبعتت الصوره والرسائل
انا_مانعرفش مانعرفش...
اميره/تفكري تفكري كويس ..هادي مصيبه لويسمع بيها جدي ولا حد من العيله تنفضحي هدا عرض مش حاجه ساهله
انل_ماتلوميش معتز نوما اي حد مكانه حيدير احرف من هكي احمدي ربي ما مشي لخوالي فرج ولا فؤاد وحكالهم...
انا_لا انلوم عليه...لانه الوحيد الي وثقت فيه ..الوحيد الي سلمته كل اسراري..لانه الوحيد الي اعتبرته سند ودعم ليا بعد بابا..انلومه لانه ماوثقش فيا ...لو كنت مكانه كنت حنسأله حنفهم منه...
امل_هو مش زيك..التريس مش زينا..
انا_ نبكي..ونتكلم...انا حبيبته ..يا امل خمس سنين مع بعض ..يعني المفروض يعرفني المفروض يوثق فيا ..مش يوم ولا اثنين ..تي معتز يعتبر مربني..هلبا حاجات هو علمهالي..لما تلاقينا عمري16 سنه بس فتخت عيوني علي حبه...كيف بس هنت عليه وطلقني وهو عينه في عيني...قالها وكانه يقولي انحبك..حسيتها طلقه وضربت قلبي طوول..
اميره_معاش تبكي خلاص لازم نفهمواكيف صار كل هدا كيف...
انا_مانعرفش..
.....
فاتت الايامات وجي اليوم الي كان مفروض ننزف فيه ل معتز...
كانت عميمه وريما وامل واميره اختي عاليه كلهم عندي وانا من الصبح نبكي دموعي ماجفوا ..وانا انخمم تو المفروض نمكيج ...تو ندير في تسرحتي تو بنلبس الفيلوا كله نحسب فيه بالساعه
وقفت قدام الفيلوا .. فتحت الكيسه وطلعته
اميره_تبكي رديه مكانه يانوما..
انا_حضنته _ونبكي بعبرتي. ..خنبوا فرحتي مني..حرمونا من بعضنا...حسدوني فيه...حسدوني في واحد يحبني...حسبي الله ونعم الوكيل ...حسبي الله ونعم الوكيل...كيف ماحرقوا قلبي احرقهم يااااارب...يااارب عدلك ياااارب.....
وطحت ع الارض دخت والفيلو طاح عليا
اميره_نوماااااااااا
.........
معتز
من الصبح انخمم ...اليوم كان المفروض ..اني انجهز في روحي عشانها..كانت في هالليه حترقد علي صدري جنب قلبي الي مستاحشها...
ركبت سيارتي العصر...وطلعت ..ماحسيت بروحي الا وانا قدام حوشهم كنت انبحت جيهة جناحها ونبكي ..لين انفتح الباب ..وطلع عمار وبين ايديه ..نوما طشتي ...ميته بين ايديه....طشتي انا.....ماحسيتش  بروحي الا وانا امولع السياره وعديت وراهم
......
#يتبع
#najah_alhaj
أراكم وتعليقاتكم تهمني