بنت_التونسية
#الحلقة_40
والأخييرة
الجزء:::الثاني
________________________________________
ياسر_لما بتروحي كلميني..
انا_باهي. ونزلت..
طقيت فتحلي عدي..نسمع في صوت عيااط ..وعميمه تهدي في حد عرفته امل خشيت نجري..
انا_اموووله
امل_بصوت عااالي...شفتيييه ..الكدااااب كددداااااب يانوما كددااااب ..وانا الهبلة نستنى ....انا الحماره...انا الحمااااره...ياما قلتولي ماتستنيش فوتييه ..وينه ..وانا نزعل ف امي ومتعبه العيله ف جرته..وهو ولا ع باله..آخ اخ ..بنمووون يانوما بنموووت ..قلبي يامييمه قلبي
عميمه_وعيونها دموع_تحشمي ع وجهك واسكتي..بلا عااار لاحشم لاجعره ...صكري فمك
اميره_اسكتي الجيران يسمعوا فيك ..فضحتينا...
امل_اييه فضحتكم..اصلا انا ماجبتلكم الا الهم...انا مصيبه مش بنت..وخشت لدارها تجري
انا_مش هك ياعميمه هيا مصدومه صح غالطه لاطن تحملوها ولما تهدا لوموا عليها وعاركوها شن يأميره تتفلحي عليها درتي احرف منها ..وخليني ساكته احسن..وفتتهم..طقيت ع الباب ونسمع حاجه خبطت ع الباب..وبدي التكسير.وهيا تعيط داخل
_امل _كدااااااب كدااااااب كدااااااب..ياخاين ...الله لا تسامحك..ياكدااب....خزي خزي....وفتحت الدرج وطلعت حبوب البروفين..وخدت الزرف كله...
امل_ قوليله يانوما مش مسامحاته...وقولي لامي تو انموت وانريحكم....
انا_امل بلا اهبال شن اديري افتحي الباب..
امل_مش فاتحه لين نموت..وبعدها تكسروا الباب وتلقوني ميته..
انا_امل شن درتي امووله ردي بالك هدا الشيطان يوسوسلك..اتموتي كافره..راه
امل_خلاص تو...
انا__امل ..امل....وووه عليا عمييييمه لحقي عليا اشبح شن دارت في روحها..
اميره_شن فيه
انا_كلمي ايهم وخلي انكلم ياسر...بسرعه يجو يفتحوا الباب بسىررعه اشبح شن دارت..
عميمه/شن دارت امل ...امل ردي عليا ..امل...اموووولة..افتحي سلم بنتي.بلا هبال..انا عاركتك لانك وجعتيني ماتزعليش بنيتي افتحي الباب
انا_الو ياسر لحق عليا امل اشبح شن دارت ف روحها وسكرت الباب ومعاش ترد..بسرعه
ياسر_مافهمت منك شي لكن انا جاي .
وصكرت منه
عميمه_ماتتكلمش ماتردش
اميرة/ايهم والنبي تعال ..امل خشت لدارها وصكرتها وكانت تعيط وتكسر وتو معاش عندها حس انكلموا فيها ماترد لحق عليها وتبكي
ايهم_اس حبيبي انا جاي ماتخافيش مرات بس مضايقه ماتبيش تتكلم..
اميره_بسرعه الله يربحك..
ايهم_عشر دقايق بس..
انا_امووله تسمعي فيا ..عميمه مهناش مفتاح ثاني
عميمه/من لما بدت تغضب واتصكر ع روحها خدت النسخ كلهم دستهم ..
انا_ياااربي نادوا حد من الجيران يفقع الباب..
عميمه_ ايه برا ياقصي جري نادي ولد حمد يفتح الباب جري.
طلع قصي فتح الباب وقابله ياسر
ياسر_شن فيه
قصي_امل كانت تعيط وتبكي بعدها عاركتها امي واميره خشت جري لدارها وبدت تكسر وتعيط ..ومعاش ندروا لين نوما بدت اتنادي في امي خش ياسر بسرعه
ياسر_وقف قدام الباب_عمتيي رنيييم ..
اميره_عطيني وشاحك هاتي ..
مديتهوله
انا_تعال بسررعه
جي ياسر وضرب الباب كسره.وخشينا امل طايحه ع الارض والمرايا مكسره كل شيء ع الارض مكسر
انا_قيمها بسرعه...
ايهم_امييييره وينك..
ياسر_حطي خرا ع راسك .
انا_باهي غير طلع البنت..خديت وشاح من امل لبسته وطلهت مع ياسر وعميمه ولميره قعدت مع قصي وعدي وبلقيس بنتها ف الحوش..وايهم جي ورانا..
وصلنا لاول عياده دخلناها
ياسر_احكي شن فيه..
انا_مش وقته تو.
ياسر_ باه شن صار..
انا_ياااسر والله ماوقت كلام نطمنوا وبعدين ساهل..
ياسر_يستر الله..عميمه الا شاده باب الطواريء وتبكي
عميمه_يااارب طلبتك ماتحرمني منها..يارب نجيهالي..ماعندي غيرهم بعد خديت بوهم..يارب يتيمه صغيره ...مافرحت بروحها قاعده ....
يااارب طولي في عمرها يااارب
ياارب احفظها بس ..بعد عليها كل مكروه يضرها...يااارب ...
انا_مشيتلها_عميمه غير قعمزي..الي منزلته السمواوات حاملاته الاراضي...قعمزي وادعيلها بس..
عميمه_خليني سلم بنتي ماني قادره انقعمز نار في كبدي..
طلع الدكتور بعد ساعه
الدكتور_درنالها غسيل معده...الحمد لله انكم كنتوا قريبين منها...واخده حبوب بكميه كبيره...
انا_وشن حالها تو
الدكتور_لا تو بخير...شويه وحتطلع لغرفه عاديه..وبعدها تقدروا تشوفها..وحنعرضوها ع طبيب نفسي لانها محاولة انتحار
ياسر_يصير خير غير تنوض.
مشي ياسر كلم ايهم لانه واقف بعيد خايف من ياسر هههه......حكاله شن قال الدكتور..
ايهم اتصل بأميره
ردت عليه وهيا تبكي
ايهم_دبدوبتي ...اس مافيها شيء .واخده حبوب نضفولها بطنها...وتو شويه وبيطلعوها للقسم
اميره_احلف
ايهم_ والله شن بنكدب عليك
اميره_الحمد لله عطيني ماما..
ايهم_مانقدرش نقرب ياسر يقص رقبتي.
اميره_هههه ..تو نتصل بيها...
.......كلمتني اميره
وعطيتها عميمه ومشيت لياسر
انا_ياسر انا بنبات اهني ..وانت روح بعميمه بعد تتطمن ع امل ..خلي تتريح ف الحوش
ياسر_لا والله مافيش بيتان..تروحي
انا_لا بالله عليك...لما مرضت المره الي فاتت هيا الي باتت معاي..وبعدين عميمه صاحبة سكر ودوبها واققفه تو..واميرةعندها بنيه واكيد بتبات الليله مع امها..مانقدرش انخلوهم وهما اول مره يحتاجوني..
ياسر_ ياطول صبرك يا ياسر..
انا_شن قصدك
ياسر_ولا شيء...
شويه ونقلوا امل للقسم وخشيتلها انا وعميمه وطلعت انا خش ايهم وطلع رجعت ثاني معاي ياسر
ياسر_الحمد لله ع سلامتك ...
امل_من غير ماتشبح فيه_الله يسلمك..
ياسر_انا مانعرفش علاش درتي هك لكن تاكدي مافيش شيء يستاهل انك تموتي كافره عشانه ..لانه ربي هو الي دايما موجود يستنى فيك بس اطقي بابه بدعواتك..مهما كان الي صايرلك بس ادعيله ..وحيجيبلك الي فيه خيرتك...كيف بتقابلي ربي لو متي ..شن هو عذرك الي بتقوليه لما تنسألي شن السبب الي خلاك تفرطي في حياتك وتفشلي ف اختبار الحياة شن بتجاوبي
انا_شديت ع يده بقوة عشان يسكت..
ياسر_معاش تتهوري احني نعتبروا فيك العاقله الكبيره ديما نعزر فيهم بيك.
امل_خلاص ياسر بالله عليك معاش قادره وانهارت تبكي..
انا_خلاص امووله احني بس خايفين عليك
وحضنتها لين سكتت
.....
