#رواية بنت التونسية لكاتبه🌺 najah_alhaj (مكتملة)💚

7

روايتنا الجديده #بنت التونسيه للكاتبه najah_alhaj
قراااءه ممتعه للجميع 🌸🌸🌸
           🌸الادمن#لـــــوليــــتا👑
#بنت_التونسية
#الحلقة_7
🌸🌸🌸🌸🌸🌸🌸🌸🌸🌸🌸
معتز_تو انتي اخترتي اللعبه الأولى ولنا بختار الثانيه
انا_باه غير هات الدب...
معتز_هاك... شن تحسابي بناخده منك...
انا_عادي مانستغربش ...
معتز_تعالي بنركبوا في هادي
انا_لا والله انخاف من المكانات العاليه ...
معتز_هههههه وهو المطلوب ..هيا...
انا_مادا شواربي...علاش والله انخاف..
معتز_انا معاك ماتخافيش وغمزلي..
انا_شن نوصف شن انقول رعشت مع بعضي ...شن هدا ياناس في حياتي ماحسيت بهالشيء مانبيش عيوني تتحول من عليه مانبيش ريحته تبعد عليا ...كله ع بعضه حلوو..لو كان هدا اعجاب امالا الحب كييف...
معتز_ماشبعتيش من بكري وين تبحلقي...هدا غمزت بس
انا_اه ..اصلا كنت سرحانه في حاجه ثانيه
معتز_هز راسه صدقتك صدقتك...وغمزلي ثاني
انا_هيا هيا اركب...
ركبنا وكان قطار يرقا يرقا بالشويه وبعدين ينزل بقوة
ركبنا وبدي يرقى ويرقى وانا نرعش وبعدين وقف وكيف بنتكلم ع النظر الحلو ينطلق وينزل بسرعه وما نحكيلكمش عاد بواااااصي...عيااط
والسي معتز يضحك بدموعه ويقول افتحي عيونك حقي النظر سمح ...
مصح وجهه وخلاص...
المهم تمت ونزلت ندروخ
معتز قرب بيشدني
انا_بعدت عليه وفنصت وبعصبيه_رد بالك تقرب ولا اتفكر اتمسي تفهم
معتز_كنك...
انا_معاش تقرب مني هكي ولا تفكر اتمسني...
معتز_تو كنا مقعمزين مع بعضنا
انا_لوضع يختلف .وفته
معتز_كنها هادي...رنيم رنيييم ارجي
انا_هيا تعال اللعبة الثانيه انا بنختارها
ولعبنا ف كل الألعاب مع بعض وكان الجو يهببل...
معتز_تعالي نمشو نتغدوا
انا_لا خلاص مانقدرش ..لازم انروح
معتز_ اضايق هلبا...هيا اخر طلب قبل انسافر غدوه طيارتي..
انا_بسرعه هكي خلاص بتسافر...
معتز_اها
غنا_عيوني تعبوا دموع...بتمشي خلاص
معتز_هز راسه ..اها..تعالي نتغدوا..
انا_تعال بنرفعك لمطعم صغير اهني اسمه الجزيره عندهم كسكسي حوت يهبلل .
مشينا مع بعض وتغدينا.وهو طول الوقت سارح فيا حتي لما انبهه عشان معاش يفنص فيا ويبحلق يحك شعره ويشبح شويه للطاولة ويرجع يسرح فيا لحد ما اني سرحت فيه..
حسيت روحي بنستاحشه هلبا نبي نملى عيوني بيه...

معتز_كانت تحكي وتتكلم بإيديها كنت نسرح بعد كل ضحكه ليها بعد كل ابتسامه حتى لما تكشر نسرح فيها البنت زي الملاك حلوه وااااجد هالبنت قلبت كل حياتي مش عارف كيف حنبعد عليها ماحقيتهاش يومين قريب جنييت.كيف حنسافر.ونبعد..عليها ومش حنقها بكل لو ها الشيء بس اعجاب امالا الحب كيييف
انا_خلاص والله عطلت ..
مغتز_هي نوضي ...دفعت حق الغدي وطلعنا نتمشوا  شوي و وقف قدامه_رنيم..
انا_نعم...
معتز_نحى الساعه امتعه ..وكر يدي ولبسهالي..خليها معاك نبيك تدكرني بيها..
انا_بجد ...شكرااا.
مغتزحنتصل بيك كل مانقدر وحنحاول نكلمك ع الياهو..اوكي..
انا_اوكي...مش تنساني..
معتز_اصلا مانقدرش ننساك...وحول من قدامي وقف تاكسي ..وصلني للحوش ومشي
نزلت مضااااايقه هلبا قعمزت في داري بكيت ونتفرج ع ساعته وتفكرت احلي يومين ليا من لما ماتت ماما يومين في حياتي مستحيل  ننساهم ...
.......
ثاني يوم سافر معتز وكلمني قبل يركب وودعني و كلمني جدي واميرة ....
ومشت ايام وبدت امتحانات السمستر الاول وخديت اجازة عشان الإمتحانات وجاني جدي في العطله بدون ما يعلم حد طلع من الحوش ع اساس ماشي لصاحبه في الشرق وركب طياره وجاني اني
فرحت بيه هلبا وفوتت معاه احلى ثلاث ايام ..
روح جدي ....
ورجعت للمدرسه...وسمعت انه  ياسر خطب عفراء وقالت اميره ان عميمه جليله مش مرتاحه ليها  بكل...واميره قالت اتحسيها خبيثه .
المهم اني ما اهتميتش...
كنت انكلم في معتز ع الياهو كل يوم...
ويتصل بيا مرات...وحتى هو بدت دورت القرايه وكان يتعب هلبا تدريبات مكثفه...وطول الوقت اختبارات...
......
وفاتت السنه ونجحت في سنه اولى ثانوي....
وجت العطله وبديت نخدم في البيوتي سنتر من الصبح للعصر...
وبدوا عندي زباين ايجوا مخصوص ليا اني ...
واصاحبت اني ورغد وكانت بنت كويسه وجوها حلو...
...
وفي يوم كنت طالعه من العمل اني ورغده ...
لين شفت ...
معتز...
انا_معتتتتتتزززز.
معتز_لا غولته....هههههه
انا_امتا جيت..مش قلت مش جاي
معتز...ايفنص فيا....وانا مافهمتش
معتز_قرب مني وجبدني بقوة وحضني ..وانا مفنصه ورغد تتبسم _ استاحشتك يااطشتي...
انا_مصدومه كان حاضني بقوة...وريحة عطره غمرتني وقلبي بيطلع من مكانه واترني في وذني كلمة طشتي..._اطلقني خلاص..
معتز._بعدني عليه_كننننك. انقولك استاحشتك اتردني عليا اطلقني..كنك..
انا_ تحظني بصفتك من ..راجلي ولا  خوي ولا بوي..
معتز_اعتبرني صديق..الي تبيه لكن مش هكي يارنيم مش هكيي..ومشي..
رغد_ اشبيك انت مجنون..
انا_ خفت مش قصدي..
رغد_امش الحقه قاعد يخزرلك
انا _تلفتت ولقيته واقف ع حاشية الطريق وايديه في جيوبه ..ويشبحلي..
ضحكت ومشيتله .
معتز_مانعرفش علاش مانقدرش نزعل منها ياناس .انحبها والله انحبها طشتي..
انا_وصلت فيه_اسفه مش قصدي نزعلك تحشمت قظام رغد
معتز_ ديري عملتك وبعدين تأسفي..اصلا مانقدرش نزعل منك وعندك الحق مش من حقي نحظنك
انا_امتا وصلت ..
معتز_شبح لساعته..من ساعتين وبعد غدوه مسافر لي ليبيا ومنها لدبي...ابنقد سنه فيها..
انا_هكي بسرعه..
معتز_والله مظغوط حصلت بس اسبوع يومين اهني خمسه في ليبيا..
انا_لكن يومين شويه ليا..
معتز_قرب وجهه مني_شنو استاحشتيني!؟؟؟ وغمزلي
انا_سخنت ..و وجهي ولا احمرررر...
معتز_عض شاربه التحتي ..هههههههههههههههه تي انت بنقتلك..
انا_بصدمه علاااااش شن درتلك اني
معتز_شيء ولا شيء ..هيا خلي نوصلك للحوش وغدوه نتلاقوا ع المينا ..
انا_ ف الأول بنقول لا ..لكن تفكرت انه بيسافر ومعاش بنسوفه..ان شاء الله نحاول لكن مانوعدكش..
معتز_تمام...
...
روحت للحوش وكلمت خالتي ورفضت طبعا وبعد تجدي وتجدي قالت
خ سهير_لا لا ...
انا_بالله عليك بالله
خ سهير_بروحك لاااا لااا
انا_باه تمشي معاي رغد
خ سهير_والله لااا ..
انا_اممممم تفكرت رجاء ...خلاص انكلم رجاء وخطيبها
خ سهير_لو مشت معاك رجاء تمام..
انا_حظنتها وبستها وخشيت نجري لداري ...
اتصلت رجاء وطبعا لانها بخيله وكحته عرضت عليها اني انخلص عليهم حق القارب هيا وخطيبي علي...
و وافقت جهزتي حوايجي...والكميرا وقبعتي...ونضارتي...وعطري ..خلاص عاد بمعاشي بديت كل شيء ليا...
ثاني يوم
لبست قفطان صيفي ملون عليه جاكيت ابيض وسباط( امداس ..صندل) نايلوا لونه دهبي مع قبعه كبيره ونضارات و وشاح بيج..
وصلت للمينا شفته واقف
لابس شورت اكحل..وتيشرت ابيض عليها صورة جيفارا..بالأكحل...واسبيدرو.اكحل وقبعه بيضه وكحله ولابس ساعه جلد كحله..طرف امطرفن وخلاص خصوصا مع العضلات الي امبينه التشيرت
انا_ثباح الخير
معتز_صباح الورد..شن هالسماحه هادي
انا_اها ..شكرا..
معتز_هيا عشان نحجزوا
انا_استنى معاي صاحبتي وخطيبها مانقظرش نمشي معاك بروحي وعدت خالتي...
معتز_اوكي رن عليها تاخرت.
كيف بنرن لين شفتها نازله من تاكسي
اشرتلها وجت...
وحجزنا وركبنا وامورنا تمام ..
ومشوا هما لتركينه بروحهم وانا ومعتز قعدنا واقفين ع الحديد امتع القارب...وجو حلو ...
معتز_ رنيم..
انا_نعم...
معتز_رنيييييم نوما رنومه رنومتي..
انا_ههههههههه خيرك قتلك نعم..
معتز_ تهبلي تهبليي يارنيم هبلتني معاك..واشر لمتع الديجي و ولعت اغنية
انحبك مووت ويشهد عليا ربي
وعليك انموووت ياكبيدتي ياحبي..
وقعد يغني معاها...
ويشبحلي...
وانا_شادا في الحديد بنصيخ خلاص ...وبعد تمت قرب مني وهمس ف وذني
معتز_أنا انحبك يارنيم...آه آآآآآه ....انحبك ياطشتي...
....
في ليبيا..
أميره_مانبيييش مانيش ماشيه
ع جليله_غصبا عنك...هادا عمك الكبير وعازم كل العيله ع نجاح بنته...
أميره_مانبيش فكيني...
ع جليله_خشي بدلي ولد عمك قريب يوصل
اميره_وااااك وفوق منها بنمشوا مع ولده البارد
ع جليله_ما بارده الا انتي خيره أيهم ما شاء الله عليه..غير انتي تبيلك...
خشت اميره بدلت وحطت شوي مكياج .خفيف...ولبست عبايتها..وطلعت لقت أيهم واصل ركبت امها واختها وجت تقعميزتها ورا ايهم
أيهم_كيف حالك مرت عمي
ع جليله_الحمد لله كيف حالك انت ..حصلت مكان اتأجره لمكتبك
أيهم_ايه الحمد لله ...شلح في المرايه وشبح اميرة ..شد فرينوا بالقوة
ع جليله_ياساتر ياساتر
أيهم _تلفت لأميره_هدا شنوا الي ع وجهك ....وبعصبيه كيف تطلعي هكي ..
أميره_شن الي ع وجهي
ايهم_غطي وجهك تووووووو..
ع جليله_والله ماشفتها غطي وجهك..
أميره_مش امغطيه مافيه شيء وجهي..
أيهم_والله لو ماغطيتي وجهك ننزل بروحي ونغسله
أميره_جرب حظك واقربني ..
ع جليله_أمييييره غطي وجهك
وينزل أيهم وفي ايده شيشه اميه وباكوا الكينكس ويفتح الباب ويشد ايديها ويفتح الشيشه بفمه ويصبها ع وجهها ومسحه بالكنيكس بقوه
وع جليله واختها مصدومين وأميره ساكته من الصدمه..وطربق الباب
وحرق ع العجل وصلهم وفات طوول
اميره_الحقير التافه...
ع جليله_ماتافهه الا انتي كان غطيتي وجهك
اختها _ههههههه منظرك فزييييع

و  #يتبع
#najah_alhaj

آرأكم وتعليقاتكم وتوقعاتكم تهمناااا 🌸🌹🌹🌹