#رواية بنت التونسية لكاتبه🌺 najah_alhaj (مكتملة)💚

14

روايتنا الجديده #بنت التونسيه للكاتبه najah_alhaj
قراااءه ممتعه للجميع 🌸🌸🌸
          🌸الادمن#لـــــوليــــتا👑
#بنت_التونسية
#الحلقة_14
~~~~~~~~~~~~~~~~~~~~~~~~~~
لايكاتكم قبل ماتقروا ☺
******
نزل معتز بسرعه ووصل للباب
بوه ع حسن_ السلام عليكم
ج محمد_ وعليكم السلام اهلا وسلم عليه
ع حسن _الحاج محمد &$$ ..
ج محمد_ وصلت...
ع حسن_ انا حسن ال٪$## وهدا ولدي الكابتن معتز
مد معتز يده
معتز _كيف حالك يا حاج..
جدي محمد_اهلا وسهلا بيكم تفظلوا ...ودخلهم للمربوعه
ع حسن_ اكيد ياحاج تقول من هالناس الي طبوا علينا
ج محمد_ لا مرحبتين بيكم...اكيد بنستغرب لاني ماعرفتك..
ع حسن_ احني والله اندوروا لي ولدي في بنت وفيه من دله علي بنت ولدك..المرحوم خالد وسألنا علي عيلتكم وكل الناس شكرتكم من الحاج فرج و ولاده لسيطك الطيب الي معبي شارعكم وكل حد يعرفكم..وسيط المحروم بعد سألت عليه وعرفت من صاحب ليا سمعته الطيب في عمله زمان وكيف استشهد وهو يدافع علي بلاده وهدا السبب بروحه يغلنيا نتشرفوا ونطلبوا ايد بنتكم رنيم لولدي معتز
ج محمد_ الشرف لينا احني ..انا لازم بنسأل عليكم زي ما سألتوا علينا وزي ماقتلك انا مانعرفك مع اني يشهد ربي عليا ارتحتلكم من اول مافتحت الباب....شن يخدم ولدك ياحاج
ع حسن_ يخدم كابتن طياره. في دبي يبي يتزوج ويسافر بيها..
ج محمد_ لو صار وقبلنا حتكون خطبه بس مش حنزوجها لين تتخرج
ع حسن_ والله ياحاج. قبل عرس اخته بعد شهر ونبي نتهنى عليهم مع بعض..
ج محمد_ والله واخد ع روحي عهد مانزوجها لين تتخرج
واخيرا نطق معتز.
معتز_ مش مشكله بس انشوف ردكم وكل هالأمور نتفاهموا فيها..لانه اهم شيء عندي انكم توافقوا احني شارين نسبكم
.
ج محمد_ يصير خير نسألوا وانردوا عليكم
ع حسن_ هادي مش زياره الخطبه حنرجعوا ثاني مع العويله ونخطبوا رسمي ..ايجوا الصبايه وانديروا المقابله..
ج محمد_ علي خير ان شاء الله. انخش انسوف الشاهي وانجي ..بعد عرست الاولاد والبنات ..ماقعدت غير انا والعزوز لامن يظهر عليا لا يخش..
ع حسن_
خود راحتك..

طلع جدي وخش للجديده
ج محمد_ سقدي روحي خدمي طاسة شاهي ..
جديده_ من حداك..
ج محمد_ بعدين سقدي روحك الضيوف بروحهم حطي ثلاث طواسي..
..
ع حسن_ باين عليهم عيله كويسه
معتز_قتلك ياباتي..
ع حسن_ نبي نعرف بس وين حقيتها بس وانت طول الوقت مسافر...
معتز_ ابتسم وماردش ع بوه..
خش جدي بسفرة الشاهي وقف معتز و خداها منه ووزع هو وشربوا الشاهي وروحوا..
....
اتصل جدي بعمامي  وقاللهم ايجوه ف الليل واتصل بياسر حتى هو..
....
عندي انا ..
طلعت من المزين وكريت ريما معاي..
ريما_ تي خيرك
انا_ عيوني تعبوا دموع
ربما_ شن فيه...من مات
انا_ معتز عند جدي..
ريما_من معتز...اها شن ايدير
انا_متشي مع بوه يخطبوا فيا ..وانهرت بكي دموع فرح ..مش امصدقه
حضنتني ريما_ ياهبله مفروض تزغرطي تعيطي من الفرح مش تبكي ..
انا_ ماتوقعتش يفاجأني بيها هكي اصلا هو مايتكلمش ع الخطبه هلبا مره او اثنين بس..ماتوقعتش الموضوع حيتحول لشيء رسمي وجدي بدون مانطلبها او حتى انلملحها..
ريما_ الحمد لله طلع فعلا يبيك وخطبك..
انا_ ايه خلي انكلم اميره
اتصلت بأميره
انا_الو
اميره_الوين ..شن الجو
انا_ معتز خطبني من جدي..
اميره_كدااااااااابه
انا_والله والله قبل شوي اتصل بيا وحكالي انه قدام حوش هو جدي هو وبوه بيخطبوني ..
اميره_لا كبيييره هادي ...مش مصدقه اتقول خطبني اني..هههههه
انا_مانحكيلك بكل حاسه روحي نحلم..
اميره_الف مبروك مقدما
انا_يبارك فيك..الفال ليك انتي وايهم
اميره_ ان شاء الله..
انا_هيا سلام عندي زباين..
...
صكرت منها ورجعت نشتغل ساعه وهكي واتصل بيا
انا_الوو
معتز_طشتي ...شن الجو
انا_ تمام ..فرحانه مش مصدقه كيف هكي وانت امس جاي بس امتا حكيت لبوك..واقنعته
معتز_حاكي لبوي عليك من قبل قتله بنت طرابلسيه عاجبتني ومن عيله كويسه ونبيها ولما جيت البارح كنت امكلمه اني حنخطب اايوم وطبعا مرت باتي فرحانه عشان تفتك مني ومن اختي ..وقبل بنفاجأك انه العىس بعد شهر لكن جدك قال خطبه بس لين تتخرج..
انا_ اووووه وانا الي قلت شكله مش حاط الخطبه في باله بكل
معتز_ تي انا من لما قتلك انحبك كنت نبي نخطبك ونتزوجك ..لكن قلت ما نصغطش عليها قاعده صغيره وانا مش مكون روحي وفات الوقت وتو انتي حتكوني خطيبتي لكن قصه اني بنرجا مزال سنتين او ثلاثه..
انا_ قصدك اربع سنين انا نبي كلية الإقتصاد..
معتز_ نعمممممم عاودي عاودي ..لينا قريب ثلاث سنين ومزال بنرجا اربعه اسنين لا يانوما شوفي تخصص ساهل وتخرجي بسرعه لانه جدك مسكر راسه.ع قصة الزواج بعد التخرج..
انا_ معتز زي ما انت قىيت وتعبت عشان تبي شهاده كويسه .. حتى انا نبي شهاده جامعيه واحني قاعدين صغار والعمر قدامنا..
معتز_ هدا كله سااااهل ونتفاهموا عليه المهم اعلك يوافقوا بس وتلبسي دبله قدام الناس نتبث بيها انك ليا انا وبس والباقي كله ينحل ..
انا__ان شاء الله حيوافقوا ونلبس دبله منك ونبدا اول الخطوات الرسميه الي بتجمعنا مع بعض..انحبك انحبك وانموووت فيك
معتز_انحبك طشتي انحبك واااااجد ..اسمعي وين انت تو
انا_طلعت من المزين وتو في الحوش ..
معتز_ انا قدام الحوش اطلعي نبي انشوفك مراايف عليك..
انا_ والله مانقدر شن تحساب قاعدين في تونس ماحد يعرفنا..انا وريما العين علينا والكل يستنا لينا ف غلطه..
معتز_ياطشتي تو معقوله بنقولك اطلعي لو مش مأمن ان الشارع فاضي..انا انخاف عليك وعلي سمعتك ..زي ما انخاف علي اختي بالزبط..اطلعي والله مرااااايف..
انا_باه شويه بس نلبس عبايتي..
معتز_ياناعليااا شن لابسه اطلعي هكي
انا_لا والله ...هههههه بعد نتزوجوا تو اتشوفني كيف تبي
وصكرت لبست عبايتي ووشاح وطلعت فتحت الباب..وشفت حبيبي الي مستاحشتاه ولولا الحشم والدين كنت اظبطته..
معتز_طشتي ...هههه شن الجو..
انا _ تمام شن جوك انت..
معتز_ بعد شوفتك وبعد هاليوم السمح لنقنا جوي لوز لوز..
انا_ حلوه اللبسه مشيت بيها لجدي
معتز_اها..ساعه وانا وبوفا نختاروا ف اللبسه..
انا_هههههه بوفا ديما حاصل معاك..
معتز_تو نتزوجوا وتحصلي انتي..قولي كانك زايده سماحه صح..
انا_تحشمت ..هيا خلاص تو يشوفنا حد..
معتز_قولي انحبك..رايفت اني نسمعها وانشوفك وقت تقوليها..
انا_ باهي خلاص وحق ربي انحس في وجهي ولا زي الطماطم..
معتز_وهدا المطلوب اصلا تزيد سماحه وقت تتحشمي ..هيا قولي انحبك
انا_ امممم انحببببك
معتز_ ياناعلياااااا انمووووت فيك اني خشي خشي قبل ما نتهور..وغمزلي
صكرت الباب واتكيت عليه..وقلبي يدق بقوه وان سخنت لين سمعته يهمس ن ورا الباب..
معتز_بهمس خشي ياطشه قاعد نسمع في صوت نفسك..
انا_خشيت نجري..ونضحك تلاقيت انا وريما
ريما_بسم الله الرحمان الرحيم..وين كنتي..
انا_قاعده
ريما_ولاش لابسه العبايه والوشاح..
انا_الباب طق..
ريما_ مش مصدق ..اها..من الي يطق
انا_ واحد غالط في الحوش..
ريما_ باهي بسرعه امشي فيه وحده تبيك انتي تقصيلها..
انا_واااك والله تعبت اليوم نبوا وحدات معانا
ريما_تو انشوفوا.. غير امشي تستنى فيك
...
مشيت للمزين
انا_اهلا وسهلا بيك ..قالت اختي انك طلبتيني اني..
هيا_ اها ..صاحبتي قصيتلها شعرها وعجبتني هلبا وهيا دلتني عليك...قالتلي انك صغيره لكن شكلها غالطه .
انا _كيف خديت الشهاده الثانويه
هيا/لاااااا جسمك مايعطيكش هالعمر بكل...ماشاء الله عليك..
انا_ههههه هلبا يقولوا فيها..
هيا_ ماشاء الله ياسعد الي بيتزوجك لو مس مرتبطه او مخطوبه انا اندور لخوي..
انا_ههه تو اجلي موضوع الخطبه هدا وخلي انشوف شعرك..
فتحته وكان شعرها اسود وطويل لكن تااااعب هلبا تقصف وجفاف والشعره ميته..
انا_ بتقصيه!!؟؟
هيا_ايه خلاص تعبت منه دمرلي نفسيتي..كلن يهبل لين حضرت بيه عرس منها وهو معاش مشي القدام لما اندوش لين نبكي لما نلقاه معبي الحوض..
انا_حرام تقصيه..انا بنحففه ونعطيك زيت من عندي اشري زيه من عبد الصمد القرشي روووعه اسمه جدايل
هيا_امجربتيه انتي
انا_ايه شوفي ها ..وفكيت شعري..
هيا_لا لا مااااااشاااااء اللله عيني ما اضرك مافيكش غلطه بكل جسم وشعر ..
انا_ههههههه تسلمي من قال مافياش غلطه مش كل شيء مظهر مرات عندي عيوب ف شخصيتي تلغي هالشيء وضميت شعري ..حففتلها  شعرها ..وتعرفت عليها كان اسمها منيرة..
.....
ف الليل عند جدي
ع فرج _ شن فيه ان شاء الله خير..
ج محمد_كل الخير اليوم فيه واحد جي مع ولده وتقدم  لرنيم بنت خالد اسمه حسن ٪## وولدها اسمه معتز نبيكم تنشدوا عليه وانت يا ياسر انشد عليه في بنغازي
ياسر_ان شاء الله عطيني يومين بس وانجيبلك كل شيء عليهم
ع فؤاد_ لكن يابوي ولدي يبيها
ج محمد_ولد عمها اولى من الغريب..
شبح جدي لياسر
ج محمد_تبيها ياياسر..
ياسر_بصدمه _لالا لا انا صكرت بابه الزواج هالفتره..
ع فؤاد_مش ياسر يزيد
ج محمد_ الصايع الدايح...والله مايخدها ولو علي جثتي هدا ماناقص نعطي رنيم لهدا..
ع فؤاد_وخيره يزيد يخدم علي راسه وكانه ع السهر طيش شباب وتو يعقل ويابوي الولد رايدها ..
ج محمد_عصب ....قتلك علي مووووتي مايخدها..و ولدك مش صغير باش اتقول طايش خيره خوه ولاد عمه في عمره ماداروا هالعار وانت ساكت اتهز في راسك..خزيي ع التربايه الناقصه..
ع فرج_ غير اهدا يابوي عندك القلب..
ع فؤاد_ باه باه وانت يابوي ادورلي فيها العركه ..
ج محمد _ نووض من قدامي...بتوقف قلبي انت
ناض ع فؤاد يفنتر..وطلع بعده بشوي ياسر وقعد ع فرج مع جدي وجدتي عواشي تعشا وروح..
.....
وفات الوقت وجدي وافق واليوم بتجينا مرت بوه واخته هاله بس..وهو معاهم وبيديروا مقابله طبعا مشينا لحوش جدي بيجوا غادي
جهزنا الضيافه عصير وشكلاطه وشاهي وحلاوات درتهم بروحي.ميني كب كيك..و ماكارون..وقرينات..وسليله..
لبست قونه لتحت الركبه بشوي تايقر كلها ومرسومه ع الجيم مع بلوزه من غير اكمام سكريه وشعري مفتوح وشديته بس بتوكه صغيرمن الخلف..وبخيت عطر لانكوم وطلعت جبت معاي الشاهي ووراي اختي بالحلاوات..
انا حطيت السفره وسلمت ع مرت بوه هيا الاولى
كانت مصدومه واتفنص وخلااص
مرت بوه_ اهلا
انا_هلا بيك..انستونا
مرت بوه_ تأنسك رحمه الله..وين لقاك معتز بس
انا_تحشمت ...وسلمت بعدها ع اخته..
كانت فرحانه و وااضح من عيونه وسلامه الحار
هاله_اهلا اهلا بخطيبة الغالي السمحه سن هالزين ماااشاااء الله  تبارك الله..
انا_تسلمي ..هاله صح..
هاله_ايه..غمزتلي..نشبهله صح ولا...
انا_ايه
وقدمت الشاهي وهدرزت ع هاله جوها يهبل هاله_وانا انقوول كنه معتز مصكر راسه ومعند عليها..والله الي يشوف هالزين والشعر مزال يسوف لغيرك هو
انا_معتز ماشافش شعري بكل ولا عمري طلعتله بلبسه بينت جسمي ابدا
هاله_املا اليوم بيخطفك من المقابله ادا كنت انا مش قادره انحي عيني من عليك يابال هو..
انا_هههههه يستر الله اصلا بنلبس عبايتي و وشاحي.
هاله_ لا معتز يبيها مقابله شرعيه  ابتطلعي من غير وشاح و بلوزه اتبين سواعد يديك ومعاقل رجليك لازم يبانوا يعني سروال
انا_اه.  ....
وبعد شويه خشيت بدلت..لبست سروال وبلوزه تلات ارباع كم لونها وردي وشعري خليته زي ماهو..
طلعت وشيت لع فرج يستنى فيا وخشيت معاه للمربوعه
اول ماخشينا رفع معتز راسه وفنص عيونه معاش سكرهم
ع فرج_وهادي رنيم بنتنا ياكابتن
معتز_بدون ما يركز ..هدي رنييييم..
ع فرج_ بإستغراب ...ايه..علاش كنت تستنى في وحده ثانيه ولا شنوو
معتز/__لا لا مانحسبهاش هكي ..بس
قعمزت وشوي وطلع ع فرج ههه يفهم في الجو
معتز_ تعااااالي تععااالي...
انا_نضحك لاااا
معتز_باه اوقفي
انا_وقفت
معتز_لفي..لفي
انا_لفيت..
معتز_قلتي لنهاية ظهرك ومش كثيف
انا_هالكلام ليه سنتين طول ودرت زيت بدي كثيف..
معتز_فكيييه شيلها الي ماسكتيه بيها..
طبعا يحكي وهو يعض في شواربه بيقطعهم..
انا_فكيته..ها شفته..خلاص
معتز_ناض وجي جنبي.._انحبك واليوم بديت متيييييم بيك شن هالزين وين طنتي داستيه بس
انا_تحشمت خلاص ...داساته للشخص الي حنكوم حلاله..
معتز_اتهبلي حبيبتي اتجنني...
قعمز وجبدني قعمزي بجنبه بعدت عليه شويه_ تو ياطشه من جدك طالعه هكي مافكرتيش بيا شن يصير فيا لما بنحقك هك بالسماحه والشعر..تو كيف بنروح وانت اهني كيف بنرقد في الليل وانا نتخايل فيك..
انا_غير ابعد عمي قريب ايجي
ناض من جنبي بعد خطف من خدي بوسه ورد لمكانه وشويه وخش عمي ونضت انا..
خشيت جنبهم وشويه و روحوا..
.....
فات الوقت وتزوجت هاله وبوفا
وقرروا يديروا بيان كبير بما انه العرس مطول ...
بدينا في تجهيزات البيان..
اميره_ ماما نبي نمشي للسوق ابنشري كابات وعبيات الجامعه بتبدا وماعندي شيء
عميمه_ديما وانتي ماعندك ..الحوايج الي معبيه الدولاب لمن ...لمن..
اميره_هيا ماما بالله عليك..
عميمه_هما تلات ميه جنيه مارايا غيرهم ويرفعك ايهم مع امل تبي حوايج حتى هيا وبصي يبي يطلع ..
اميره_شن ذنبه ايهم يحصل فينا. كلمي ياسر ولا حتى يزيد الي بلا فايده
عميمه_ايهم موصي مالعوش للسوق مع غيره الا لو اعتذر منا..
اميره/ به كلميه..
كلماته..وتفاهمت معاه..
اعصر طلعوا معاه واميره وايهم طول االطريق وعيونهم علي بعض
خشت شرت العبايه الأولى شرت كاب اسود حلو..وبتشري اوشحه تموا الفلووس
امل_شوفي محلاه هدا يمشي مع كابك
اميره_تموا فلوس خلاص امك مكرت فيا..
امل_احمدي ربك انا عطتني ميه بس
اميره_بالله شوفي الدنيا كيف غلت..
امل_بلاس المره الجايه نشروا اوشحه
ايهم_الاوشحه مني انا..هديه اختاروا الي تبوه
امل_اما انت صقع..
اميره_لا ماتكلفش روحك تو ماما تعطينا ونرجعوا نشروا
ايهم طبس عليها_مش بينا دبدوتي مش بينا..وبعد عليه وشبح لامل وغمز خودي الي يعجبكم واشر علي اميره بعينه
كملزا ولما وصلوا للحوش نزل قصي الاول وبعده امل واميره جت بتزل تلفتلها
ايهم_استني
اميره_نعم..
ايهم_معاك العطر امتعك..
اميره_ايه في الشنطه
ايهم_هاتيه
طلعاته اميره ومداته/شن تبيه!؟؟
ايهم_بنخليه معاي ..
اميره_علاش والله ماعمدي غيره
ايهم_تو انجيبلك بدله لكن هدا نبيه وفتح درج السياره وحطه فيه وطلع عطر رجالي ومدهولها
ايهم_هدا عطري المظل دولتش قبانا عود خليه معاك ولما نكلمك ف الليل نحكيلك علاش انزلي تو حبي
اميره_باه سلام حبيبي ..وهربت تجري
......
بدت المدرسه وامل بدت اداوم ثاني يوم هيا طالعه تستنى في الباص بتروح وشاب طالع وهيا مش امركزه تسمع في بنت تتكلم مع صاحبها الي بتتلاقى معاه.. واقفه قدام الباب واتبربش في التليفون
الشاب_هي انتي ياطالبه حولي
امل_ بدون ماترفع راسه .باه بلا عياط اكيد حبيبتك قاعده تستنى طبعا ماشبحتش للوجه الي ولا لونه احمر بيتفجر من الاعصاب وهيا تتمايل بالشويه وبعدت ع الباب
الشاب_ شن اسمك
امل_رفعت راسه..لا والله ومن حظرتك..باش نعطيك اسمي اوينه صاحبتك تستنى امشيلها
الشاب_الإستاد صدام مدرس الرياضه الجديد..
امل_زمطت ريقها_ماكنتش نسحابك استاد ..اسفه اسفه معاش انعاودها والله وبدت تتصخف..
صدام_اسمممك الثلاثي
امل_امل
صدام_كيف بيتكلم وصل المدير_هيا يا استاد تفضل معاي..وطلعوا مع بعض وامل تشكر في ربي و تحمد ان المدير جي..
......
انا_ريما
ريما_هممم
انا_فيه دوره مختبرات وتمريض فاتحه كان اتخشي وتاخدي وحده منهم
ريما_فيكيني..
انا_لا بالعكس انتي من قبل خاطرك في مجال الطب والدورات هدي معتدمه جربي ماتخسري شيء
ريما_زعما
انا_ايه والله اقل شيء تكسبي شهاده
ريما_يصير خير وين فاتحه
انا_ تو نبعتلك رقمهم بكري سجلته واسألي
ربما_باه..كملتي حجز كل شيء
انا_ايه خلاص غدوه بندير ظوره ع روحي وبعد غدوه بننقش شوي حنه ع يدي وبعدها  اليوم المنشود..
ريما_ربي يكملك ع خيى..
انا_ان شاء الله
#يتبع
#najah_alhaj
أرآكم وتعليقاتكم تهمنا