#رواية بنت التونسية لكاتبه🌺 najah_alhaj (مكتملة)💚

36

!روايتنا الجديده #بنت التونسيه للكاتبه najah_alhaj
قراااءه ممتعه للجميع 🌸🌸🌸
           🌸الادمن#لـــــوليــــتا👑
#بنت_التونسية
#الحلقة_36

________________________________________
ياسر_هيا ياجدي تصبح علي خير...
جدي_ اقعد اهني في دارك
ياسر_لا بنروح للحوش امي والبنات بروحهم...
.....
عند عادل ..
كان عند امه ومروح ويفكر
عادل_ كلها اتخش ع نساوينها من اول ليله ماخطرلها اتجيها الا ليلة عرسنا حظي نحس ونعرفه....
وصل للحوش الظي طافي
عادل___وااااااك وفوقه الظي هارب...اوف اوف...نزل وخبط الباب امتع السياره...
وفتح الحوش ..لقاه كله شموع وريحة عطر نسائي معبي الحوش...
عادل/استنشق العطر بعمق وصكر الباب..._هداااااايه ...هدااايه
هدايه_بهمس شن ما يعرفش يقول كلمه حلوه عليك حظ اوف اوف_وفتحت باب دار النوم وطلعت
عادل_كبروا عيونه كانت لابسه روب ابيض قصير ومشبك وفوقه ديشمبر ابيض ستان...وتمشي وراسه ف الارض متحشمه هيا تقرب وهو قلبه يزيد دقاته لما وصلتلها لا اراديا ابتسم..
عادل_ شن هدا كله ...
هدايه_ ابتسمت بس..
عادل_ هديوه متحشمه انتي...ارفعي راسك واشبحي فيا..( وف خاطره خلي انشوف عيونك) حط يده تحت دقنها ورفعلها راسها وشافها متحشمه هلباااااااااا وعيونها معبيات كلام...
عادل_شن تنحى الحضر خلاص
هدايه_واطت عيونها وهزت راسها بإيه
عادل_واخيرررااااا ....وقامها بين ايديه وخشوا لدارهم...
وووووو معاش دخلكم ....
.....
تليفون عادل يشرين
هدايه_تليفونك..
عادل_فوتيه ..
هدايه_مرات صاير شيء الساعه واحد من بيتصل بيك...
عادل_اوووف....وناض طلعها من جيبه سرواله ولقاه ياسر_خوك هدا السامط .._الوووو
ياسر_هلا شن الجو
عادل_...لبس سرواله ...وطلع من الدار....
مليح قبل ماتتصل...
ياسر_خيرك تتكلم هك ..
عادل_ماهو فيه صاحب رزيل ثقيل دم وصحيح وجه متصل بصاحبه ونسيبه ف الليل..
ياسر_هههههههههههههههههه والله نسيتك نحسابك قاعد عزابي...
عادل_ والله الليله بس ودعت العزوبيه نطيت انت فيها برا اقلب زومتك...
ياسر_مافيهاش كيف تجيني..
عادل_لا والله تبيني انخلي عروستي وانجيك..
ياسر_كان كملت تعال حتى الفجر انا قاعد قدام حوشنا..
عادل_ قلقه كلام صاحبه_خيرك..
ياسر_ هم يلحق فيا وخلاص امت تفضى تعال...
عادل_نص ساعه انكون عندك
ياسر_منور ياعدول
عادل_مش بينا..لكن لو تزوجت الا مانردهالك..
ياسر_ههههه ماعنديش غيرك تحمل وخلاص .
عادل_باه نتلاقوا...وتلفت شاف هدايه واقف ومتكيه ع حاشيه باب دار النوم..
هدايه_شن فيه خيره ياسر..
عادل_ قرب منها ..وباسها ع خدها_مافيه شيء بس يبني...
هدايه_لفت وجهها وتلاقوا عيونهم_تو
عادل_الله غالب نسيبي صحيح وجه..
هدايه_هههههه
عادل_ غير معاش تضحكي تو نفوته خوك...
هدايه_واطت راسها ..وقعدت تحرك في رجلها للقدام وللخلف
عادل_بصوت هااادي _هدايه
هدايه_رفعت راسها..وفاجأها ببوسه ع
عادل_شكلي هك بنفوته خوك...هدايه_لا امشي ...وخشت للدار فتحت الدولاب بدت اتحطله في حوايج...خش هو للحمام ..دوش وطلع لبس ..ومشط شعره..و وقفت هيا مدتله تليفونه ومفاتيحه...باس هو خدها وششفشفلها شعرها وطلع...
.....
ياسر متكي في كرسي السياره ويده ع رقبته من الخلف..
طق واحد ع المرش شبح لقي عادل
ياسر_فتح الباب ونزل
عادل_شن الجو
ياسر_يدره الكبد...
عادل_علاش ..شن صاير..
ياسر_تعال نركبوا فوق سطح حوشنا زي زمان..
عادل_الله احلى ايام..هي..
خشو ..وركبوا فوق السطح...قعمزوا ع حاشية الحيط
عادل_شن فيه
ياسر_ اوووف هدا جدي يبيني نتزوج من بنت عمي ..والي يرفض بينا بتبرا منه..
عادل_ من من بنات عمك مش فرج معرس بناته كلهم
ياسر_بنت عمي خالد اسمها رنيم..
عادل_وباه ..انت رافض طبعا
ياسر_ايه
عادل_علاش هيا عندها حد ولا ماتنفعش..
ياسر_كانت مخطوبه ومقريه فاتحتها وبعدين فيه من لعبها لعبه خلا خطيبيها يسيبها ( طبعا محبش يقول خوي اول شيء لانه مات خلاص والشيء الثاني عشان هدايه باش مايقعدش ماسكها ليها ويعزر فيها بيها)
عادل_باه مافهمتش انت علاش رافض
ياسر_اول حاجه قاعده تحبه..وثاني حاجه مدلعه وشايفه روحها اتصدق اني مانعرفش حتى شكلها وجدي يبي الزواج بعد شهر
عادل_ انت متأكده انها قاعده تحبه..لو تحبه مش حتوافق تتزوج ..
ياسر_هو تزوج وانا سمعتها كيف تبكي عليه يومها قعدت للفجر وهيا تبكي..يعني مش حترفض عشانه..
عادل_باه قول لجدك مانقدرش نتزوج وحده قلبها مع غيري صعبه راه..
ياير_جدي قال تقدر تكسب قلبها ..وجدي مقال هك الا وهو متأكده من هالشيء انا خايفه اني انا مانحبها ..بعدها كيف اندير انطلقها ولا انكمل..
عادل_هيا كشكل شنو..
ياسر_تي انقولك مانعرفش..لكن زمان يزيد يشكر فيها كان يبيها
عادل_مدام خوك يزيد قال حلوه معناها حلوه ..وكانه ع الدلع حلاوة البنات في الدلع  قصة شايفه روحها هادي مع الوقت تقدر تغيرها قصدي ماطلعتش عيب كبير مثلا فمها كبير وترد ف الكلام ولسانها ملوي ع رقبتها ومتع مشاكل..او امتع علاقات..او فتانه او سيرتها بين الناس مش ولابد هادوا تخاف منه وحتى المهمله في روحها وفي حوشها مشكله وبما انها بنت عمك اسأل خواتك عليها ووتو يعطوك تقرير كامل..
ياسر_اوووف اووف ..من وين جدي طلع بهالفكره...المشكله من صغري مانحبهاش كيف كان عمي يقول جت القناصه وهيا تبدا تدلع وتحكي ع السلاح وكانه لعبه..تكسر ف رقبتي..لا ومشت لتونس من غير رضا العيله وخدمت في مزين ..امتع الي ف راسي بنديره وانا هدا مايمشيش معاي ..
عادل_سلاح شن..!!؟
ياسر_وهادي قصه اخرى من صغرها عمي معلمها ع السلاح تعرفه كله ..وتو قبل فترة شهور هك كان ع فرج يتكلم انها تحدت واحد من الولاد ع فرج من يفك البندقه ويرجعه في اسرع وقت ..وغلباته..
عادل_حي ع الجو ..يعني اطيرهالها يطير راسك.ههههههه
ياسر_ههههههه تخايل تطلع ترقد وتحت راسها رمانه..
عادل_ههههههههههه اتقولك ارقد وطفي التلفزيون ولا نقتلك راه..
ياسر_هههههههههه
عادل_باه تو نقدر انروح للمودام...
ياسر_هههنههه حرمتك الليله شكلي..
عادل_المشكله انها اول ليله كان عليها حضر..
ياسر_صكر فمك..راهي اختي..
عادل_حتى انا ماعندي غيرك اسمع وابلع
ياسر_برا اقلب وجهك..
عادل_ نستاهل انا الي مخلي عروستي  وجايك
ياسر_منور عدوله..
عادل_نزل ع الحاشيه الي كانوا مقعمزين فيها_ادلل يابروا هيا تشاو
ياسر_تشاو...اتصدق لو وافقت ع الزواج بس لاني حاسدك
عادل_هههههههههه تي كانك علي هك تزوووج طوول...
ياسر_هنهههههههه.
.......
عندي انا..
توضيت صليت العشيوالشفع... ..وصليت الاستخاره وبعدها الوتر
دماغي استك معاش قدرت انفكر..فطفيت الظي ورقدت
....
انا_ ماما..
ماما_نوما ..اشبيك شنو مقلقك
انا_ مانعرفش خايفه
ماما_متخافش ..البس هادا...ومدتلي كندره تهبل وكلها تلمع...لكن كانت كبيره شويه
انا_كبيره ياماما..
ماما_ تبي شوي وقت وتو تبدا اتجي عليك ومايقدر يلبسها غيرك هادي ليك ليك انتي....
....
نضت ع أذان الفجر بالزبط كنت مرتااااحه وتفكرت الحلم ..كانت ماما فرحانه ووجهها مرتاح مش زي لما جتني زمان لما ريما مرضت..
....
صليت الفجر...وصليت استخاره ثاني...ورجعت رقدت
وفاتوا ثلاث ايام ..وطول الوقت واميره وامل وعميمه يتصلوا ويقنعوا فيا بياسر...وجديده حتى هيا ...وانا الامور ملخبطه عندي بكل...
.......
ياسر_روااابي
روابي_نعم..
ياسر_تعالي...ودخلها لداره
روابي_شن فيه مش انا راه مادرت شيء
ياسر_خيرك خايفه..بنسألك بس
روابي_مانعرف شيء
ياسر_ روووااااابي خيرك ماتعصبينيش.اووف ..احكيلي علي بنت عمك
روابي_من منهم
ياسر_بلا استعباط رنيم
روابي_زي شن
ياسر_كل شيء اوصفيهالي
روابي_ كشكل انت تعرفها وطبعها
ياسر_ مانعرفش شكله مانتفكرش مره اني شبحت لملامحها ..الحاجه الوحيده الي نعرفها انه بيضه لاني مره شفت ايديها وقت خدت مني ولد اختها
روابي_قصدك انت ماتعرفش شكلها بكل..حي علي ..تهبل تهبل...عيون كبار .ووجه مدور..ولا شعرها ..حاجه خياليه حتى في الاعلاناتماجابوه  ( ركزوا ماقالتش طويل او لوين طوله )...وجسم ولا كيم كرداشين
ياسر_بلا تسهويك زايد مش لهالدرجه
روابي_عندك حق ماشفتهاش
ياسر_باه وطبعها...
روابي_ هاديه مش عصبيه لكن كان عصبت تحط كلمات في السنون طول...مرات انحسها من كثر ماهيا طيبيه لين عبيطه..تحسها تتهتم بالتفاصيل هلبا مرات لين اطيرهالي..نقصد ف الاتكيت والجو هادا ..واتحسها معتدمه ع روحها في كل شيء يعني صعب تعتمد ع غيرها..انيقه هلبا...اكبر عيوبها ماتتحمل في اختها شيء يعني حتى لو ريما تغلط واي حك ناقشها اتسكته رنيم طوول ماتحبش من يوصل في اختها حتى لو كانت غالطه ..وعندها شوي دلع..ومغروره مش هلبا لكن مغروره..بس...
ياسر_ يعني شن جوها مع الي كان خاطبها قبل..
روابي_ماتتكلمش عليه بكل بكل بالدات بعد تزوج صاحبتها...انت خلاص وافقت ع كلام جدي..
ياسر_لااا...بري تو وكلمي امي تجي..
روابي_ ياااارب تكون نصيبك..وطلعت تجري...
ياسر_اوف اوف اوف...
شويه وجت امه..
ع وفاء_شن تبي
ياسر_قعمزي يام ...
قعمزت امه ع سريره
ياسر_شن رايك ف كلام جدي..
ع وفاء_ والله مافيه مانكرهه ..صح ف الاول قلت مايتفاهموش لان شخصيتها قويه هلبا..وانت نفس الشيء ..لكن لما خممت فيها..البنت تنحط ع الجرح يبرا ..وحتى ادم بتهبل عليه لقبل شويه كانت تكلم في البنات ع النت تبي تشوفه وهدا حالها من عرس هدايه من لما شافته اول مره يوميا تتصل بالنت تلعبه وتشوفه..وف الزين حد الزين ..صح مرا اطوول في لسانها كان حد تكلم ع اختها ..ولا امها..لكن عادي جيل تو كلهم لساناتهم طويله
ياسر_يعني شن نتوكل خلاص ونقول لجدي موافق..
ع وفاء_النهار السعيد توكل توكل...
ياسر_اه باه...وطلع من الدار ..ومن الحوش كله ..وركب سيارته ولحوش جده..
.....
اتصل بيا جدي
انا/السلام عليكم
جدي_وعليكم السلام..
انا_كيف حالك انت وجديده
جدي_الحمد لله ف نعمه ..شن صار صليتي الاستخاره..
انا_ايه..
جدي_وشن صار..
انا_مش عارفه
جدي_فكري انك حتكسبي اجر اليتيم الي بتربيه لان ادم بيتربى بينكم
انا_قصدك هو بيربي ولد خوه
جدي_املا شن ..
انا_كويس بكل...
جدي_باه هيا عطيني ردك..
انا_اه ديري الي يريحك جدي
.جدي_يعني موافقه
انا_الراي رايك والي تقوله يمشي عليا ...لطن قبل عندي شروط ونبي نقوهاله بروحي..
جدي_باه به معناها مبروك ..هو جاي تو ..نحكيله علي شروطك ونبلغه موافقتك مبدئيا..
انا_باه هو وافق ولا لا..
جدي_تو اتصل بيا وقال يبيني وجاي ف الطريق..تو نعرف رده..
انا_ماتحكيلاش اني وافقت لين هو يحكي قبل ولو رفض قوله حتى هيا رفضت..
جدي_هههههههه باه...
....
وصل ياسر ونزل فتح حوش جده وخش
جدي_تعال تعال..بإبتسامه عريضه..
نحى ياسر كندرته..وخذ سلم علي جده وباسه راسه
ياسر_وين جدتي
جدي_في الكوجينه
ياسر_انسلم عليها وانجي..
خش للمطبخ سلم عليها وباس راسها ..وطلع لجده
جدي_كيف حال امك وخواتك
ياسر_الحمد لله بخير يسلموا عليك
جدي___عليك وعليهم السلام.. شن صار في موضوعنا
ياسر_موافق لكن عندي شرط واحد ادم ولد خوي تحطه في عيونها ..ادم اهم مني حتى انا
جدي_لا عندها علم وفرحت هلبا لانك بتربي ولد خوك..
ياسر_وافقت هيا..
جدي_تو قبل لاتخش كنت انكلم فيها وقالت انها موافقه وعندها شروط تبي تقولهملك بروحكم..
ياسر___خير ان شاء الله تو نخطم عليها وانا مروحه
جدي_شن تخطم عليها تمش غدوه لابس ومعاك شكلاطه و ورد زي اي خطيب بيشوف خطيبتها ..وتعطيها علم انك بتجي ..وترفع معاك امك وخواتك..
ياسر_وعلاش هدا كله بنت عمي مش برانيه هيا..
جدي_والله هادي الاصول...
ياسر_باه بااااه تو انشوف اخرت دلعك ليها...
جدي_هههههههههه ايجيك يوم..وادلعها انت..
ياسر_شبح لجده بصدمه_ جدي انت كبرت وبديت تخرف..
جدي_ضربه ع رقبته_ تحشم علي وجهك ياولد الكلب( حشاااااااكم)
ياسر_ تو من الي مفروض يتحشم.....وناض باه هي بنروح تو وانت قول لبنت خوك انه غدوه بعد صلاة العشيء
جدي_باه تو نتصل بيها..قاعد ياسر واقف لما جدي اتصل بيا وفتح المايك بالعاني باش ياسر يسمعني
انا_السلام عليكم...
جدي_وعليكم السلام..
انا_شن صار اكيد رفض صح الحمد لله..
جدي_ وشاد ضحكته_لا مارفضش وافق ..
انا_جد باه ان شاء الله خير...وحكيتله انه عندي شروط
جدي_ايه وبيجيك غدوه هو وامه وخواته
انا_علااش
جدي_كيف علاش مش بتقولليه شروطك
انا_حق باه مرحبتين بيهم...مش مصدقه اني بنتزوج النعااااامه
جدي_نعاامة شن
انا_هو كل مايشوفني ولا يسمع صوتي ك راسه ف الوطا زي النعامه
جدي_ههههههههههههههههههه وياسر بيطربق وجهه احمر وكاني قدامه راه قتلني...
انا_ههههههههههه مش حقا..
جدي_لا في هادي عندك حق...هيا تو تصبحي علي خير
انا_تصبح ع خير يا احلى واغلى محمد ف الدنيا كلها..( ياسر ف هاللحظه زي من صب علي نار اعصابه اميه..طول ابتسم)
جدي_شبح لياسر الي يبتسم_ماغالبتيني الا بلسانك..
انا_والله هدا ربي ماعطانا قوتنا في لسانا...
جدي_اقعدي هك لين تكملي رصيدي زي كل مره..
انا_هههههههههههههههه باه هيا سلام وسلم علي جديده..
.......
#يتبع
#najah_alhaj
أرآكم وتعليقاتكم.......