روايتنا الجديده #بنت التونسيه للكاتبه najah_alhaj
قراااءه ممتعه للجميع 🌸🌸🌸
🌸الادمن#لـــــوليــــتا👑
#بنت_التونسية
#الحلقة_33
________________________________________
لاااااااااااااااااااااااايك ..قبل ما تقرووووووووا
والكومنت بعد تكملوووااااا
~~~~~~~~~~~~
فتحت الباب وانصدمت
زينه_عمي ..شوي بس وخشت تجري لدارها لبست مصليتها وجت
ع فؤاد_وبيكلها بعيونه_ شن تحسابيني يزيد
زينه_متحشمه_ايه...
ع فؤاد_ هالولد مش مقدر النعمه الي عنده ...تعالي هاك
زينه_شن هدا
ع فؤاد_ هدا باش تعرفي انه اجني نحبوك ومايهونش علينا زعلك هديه بسيطه
زينه_خدتها وفتحتها لقتها خاتم دهب حلو وكبيير_شكرا يااعمي بارك الله فيك كلفت علي روحك
ع فؤاد_انتي تستاهلي أكتر من هك بهلباااااا
زينه_ صحيت
ع فؤاد_قيسيه شوفيه كان كبير انقصلك فيه
لبساته وجاها بالزبط
زينه_لا كويس ...
ع فؤاد_باه بكل .هيا ببنزل انا
زينه_باه بالسلامه
ع فؤاد_تلفت وحط يده ع بطنها_ربي ينوضك بالسلامه
زينه_تفأجات ..ان شاء الله.صكرت الباب...و مستغربه لانه يزيد لتو مالمس بطنها بكل ...
كان فرحانه انه فيه حد ف العيله مهتم بيها...
....
عندي انا كنت انجهز في شناطيا بنروح خلاص
خش خالي سمير_ جهزتي كل شيء
انا_شوي بس ..
خ سمير_طيارتك بعد غدوه الساعه سبعه
انا_باه ..قتلي عندي ترانزيت في المغرب كم ساعه
خ سمير_ساعتين بس
انا_كويس بكل...
خ سمير_لو خايف نمشي معاك
انا_لا ..نبي انكون بروحي..
خ سمير/ان شاء الله تكون الاقامه عندنا ريحاتك
انا_هلبااااا ارتحت شكرا خالي علي كل شيء ...انا تغيرت هلبا هلبا في هالسفره ..عرفت انه انفصالي علي معتز كان فيه الخير ليا صح كان وجعه قوي هلبا ...لكن عرفت انه الحب الي جمعنا كان كبير وقوي في قلوبنا وضعيف في مواجهة الواقع...عرفت انه المره جايه لما حنحب فيها حنحب فيها بعقلي قبل قلبي ..مش حنسلم قلبي بس لمجرد كلمات حلوه ..حنسلمه لشخص يكون يستحقه حق..
حنسلم لشخص تكون ثقته بيا وثقتي بيه عميه...مش قابله للانكسار ابدا مهما كانت الضروف...
خ سمير_ انا واثق في هالشيء..وواثق انك قويه كيفك كيف امك و ابوك..
...
ثاني اليوم مشيت للكافي ...
خشيت وودعت الكل وأخر شيء جان وميا
جان_ستغادرين
انا_اجل..كان شرف ليا العمل معكم جميعا هيا تجربه لن انساها ماحييت..
جان_ونحن لن ننساك ابدا ...طفلتنا المشاغبه
انا_ههههههه ..سترتاح الان من ثرثرتي المتواصله
جان_ايتها الحمقاء الثرثاره سأفتقدك حقا ..كنت نعم الصديق..
انا___وانا أيضا سأفتقدك كثير..لقد ساعدتني كثيرا في تجاوز ما مررت به
جان_ فقط ابقي علي تواصل معي ..
انا_أكيد..
حضنت ميا وودعته ببعض الكلمات الي حفظتهم بالفرنسي..
جان_هل لي بحضن
انا_لااا
حسيته زعل...
رجعت حضنته بسرعه وبعدت
جان_هههههه انك مخادعه حمقاء ثرثاره.
انا_ههههههههه
.....
وركبت طيارتي راجعه لي ليبيا ..بتغير كبير في داخلي ..بإمال جديده بروح جديده..بقلب مكسور لكن يحاول يستعيد ويجبر كسوره ...
....
وصلت واستقبلني عمار وامل واميره وايهم...
سلمت علي عمار..وايهم ..وحضنت أميره ..
اميره_استاحشتك وفقدتك هلبا..معقوله حتى في الفيس معاش تفتحي ..
انا_كنت لازم نقعد بروحي
اميره_ياكلبه انا روحك كيف قعدتي من غيري
انا_اهو رجعت خلاص عاد اسفه بجد لكن كنت نبي نقعد من غير اي تواصل بي اي حد يفكرني بيلي صار..
امل_تي ياسركم حتى انا استاحشتك..
حضنتها_والله استاحشتكم
امل_حتى احني...هيا اختك دايره خلقت كسكسي حوت حاجه روووعه
انا_عارفتني انحبه..
روحنا للحوش
ريما_نوماااااا وحضنتني..
انا_ريمااا..استاحشتك مووت انتي والصغار..
ريما_كداابه لو استاحشتيني كنت اتصلتي بيا
انا_انتي عارفه اني نبي فترة نقاهه..زين الصغار..بعدت عليه..جتني قبس تجري حضنتني.وبعدها خالد ..وقمت قيس الكبيده هادا وانبوس وانعاود...انا_حيي نسيت وين بنتك الصغيره ..شن سميتيها..
ريما_خشت لدارها جايبه بنوته اتهبل شدوق منكته. ....
انا_يااحليلي تهبل تهبل..حطيت قيس وخديتها..
ريما_من تشبه.!؟؟
انا_مانعرفش..اتخطر عليا في شخص بس مش زابطه..
ريما_تشبهلك انتي نسخة طبق الاصل حتى في لون الشعر
انا__ جد قصدك انا حلوة هك ..
عمار_ ههه لا بنتي احلى..
اميره_اطول هيا تطلع تشبه لنوما..
امل_اهو ناض محامي الدفاع..
انا_موتي قهره انتي..تي ماقلتيش شن سميتها
ريما_رنيم..
انا_جد...علاش ...مانبيش حضها زيي ياسرها الشكل حصلتيها حت في الاسم..
ريما_وخيره حضك ياحنانه كيف مروحه من فرنسا
انا_ههههههههههه ..كانه ع السفر يااريت تحصلي زي..عليك سفره تهبل كل نهاية اسبوع في مدينه من مدن فرنساا
امل_اه بالله ساد بس تشبحي هادوكا الشقر بعيون زرق وخضر اه ياقلبي
عمار_ههههههههههههههههههههه مطرشقه
امل_ووووه نسيتك ههنههه
اميره_حشم حالك حشميتينا...
طلع بعدها عمار..وقعمزنا نحكيلهم ع السفره..بعدها تغدينا كان الغدي يهبل كسكسي حوت مع كبة حوت..وحوت مشوي..
كملنا وجبت هدايا البات ريما والصغار وعمار..واميره وبنتها وراجلها الصغار جبتلهم حوايج والعاب والكبار عطوور راقيه..وجدي وجدتي جبتلهم اسبيدورات مخصصه للمشي الصحي وتمنع الانزلاق مع عطور حتا هما..
قيلت والعصر مشيت لجدي وجدتي ونفس الشيء احضان ودموع اتقةل كنت مهاجره...روحت منهم خطمت علي عميمه وعطيتها الهديه..وخطمت علي عمي فرج ومرته...
.....
المهم فات اليوم وتعبه ورقدت من العشره ميته ....
..
اتصل خالي بيا وانا راقده مارديتش
اتصل بريما
ريما_اهلا خالي شنو حالك
خ سمير_بخير الحمد لله ..نوما ماتردش
ريما_راقده
خ سمير_كنت بنحكيلها انها نست تقاريرها الطبيه ..
ريما_تقارير شن
خ سمير_لما كانت عندي تعبت لانها طلعت من غير ماتجفف شعرها ..وسببلها مضاعافات والدكتور قال لو كنا ماسعفناها بسرعه كانت ممكن تفقد حياتها
ريما_كييفاش..وعلاش ما اتصلت ياخالي وحكيتلي
خ سمير_ماحبيت نشغلك..
ريما_باه وتو شن
خ سمير_لازم تنتبه انها تجفف شعرها او احتمال لو مرضت ثاني بمكن ماتلحقوا عليها..لانه الرئة تعبت في الازمه الاخيره ليها..
ريما_هيا قبل ماتطلعش لين تجفف شعرها ..كيف طلعت هك
خ سمير_كانت مستعجله..الهم احكيلها اني بعثلها التقارير علي ايملها في الجيميل..
ريما_به ...شكرا خالي علي كل شيء
خ سمير_ولو..انت بنات الغاليه...سلام تو ودير بالك ع روحك..
.....
صدام_فتح ثاني بأميله الجديد وشاف انه الطلب تم رفضه.._علاش يا امل بس...وبعدها رجع خش للصفحه ( الي بدت صفحة عايشه وهو مايعرف) ولفت انتابهه الكلة الاجتماعيه لقاها مخطوبه .._كيف مخطوبه زعما دايرتها بس عشان ماحد يضايقها..
...عند امل
امل_جد جي وخطبك
عايشه_ايه ايه مش مصدقه والعرس بعد شهر والله مانحسابه جد يحبني..
امل_مبروك غلاي مبروك..تعرفي انصدمت لما طلعتلي تمت خطوبتها ...قلت خلي انشوفها نحسابك دايرتها بالجو..
عايشه_لا انختبت...تو بنبدا من جماعة ختيبي جاب ختيبي قال..شوفي شوفي ونبدا نأشر بدلبتي باش اتشوفها
امل_ههههههه غير البسيها وانتي تفشكي من تو
عايشه_بندرب من تو..
امل_هنهههه ربي يكملك علي خير
عايشه_و الفال ليك انتي وصدام
امل_اه وخلاص ان شاء الله قلبي مش مريحني مختفي من شهور لا حس ولاخبر...
عايشه_ان شاء الله تسمعي اخباره قريب الغايب عذره معاه..
....
فتحت الصفحه وبديت انا والبنات الي في قروبي ننشروا فيها...
وانضملنا شباب هلبا وبنات ولما عرضت فكرة الجمعيه الخيره واسمه..الورده البيضاء.ضد التحرش...
فيه من تبرع بمقر للجمعيه وكانت مرا متزوجه وعندها ورث من بوها محلات هلبا عطتنا زوز جنب بعض عشان الجمعيه..
وفيه من تبرع بفلوس وفيه بادوات قرطاسيه وكمبيوترات .غيره هلبا وفيع الي جبته من عني والفكره عجبة هلبا كل العيله ودعمتني..كان اول خطواتنا مطويات تتوزع ع المولات الكبيره وتعطى للزبائن ..ولي المدارس .وللروضات درنا رسومات كركاتيره توضح الاماكن الممنوع انه اي شخص يلمسك فيها..وهلبا نصائح حول هالموضوع...
....
مرت يزيد جابت ولد وسموه ادم...
يزيد مهتم بالولد بشكل هستيري كل شيء يديره المهم ادم مايعيطش ..فيه اهتمام شويه بزينه لكن قاعد يقاوم في انجدابه ليها
ع فؤاد_مغرق زينه بالهدايا..شي لبس. شي دهب شي ورد لما جابت جابلها باقه كبيره..
ربا وروابي وهدايه مش عاجبهم اهتمام بوهم بمرت خوهم ...
وزينه معاش زي قبل تلبس في لبس مشحط قدام شيبانيها لما يجيها في الحوش عشان يسأل علي الولد الي دايره سبله وكل شوي يركبلها..
وع وفاء_حاسبه انه كله عشانها يتيمه وماعندها حد..
....
وفاتت اربعه شهور كملت فيه النص الاول من السنه الاخيره ليا في الجامعه..
وكنت مروحه تعبانه تلاقيت قدام الباب مع منيره
انا_لااااا مش معقووووله لمتا روحتي..
منيره/
_ههههه ليا شهر.
انا_خزيي شهر وماجيتي درتي حتى مسج
منيره_غير سلمي قبل...سلمت عليها بالاحضان صح هيا كانت مسافره ومانتلاقوش الا بعد وين لكن انحس فيها قريبه مني هلبا بنيه طيوبه وجوها خياال لو عندي خو كنت خطبتهاله...
انا_خشي خشي..
وركبت معاها طول لجناحي
انا_شن الي شغلك..وماقلتيلي انك جيتي
منيره_رفعت يدها انخطبت
انا_لااا لاه مبرووك..
منيره_يبارك فيك..شن صار فيك انتي
انا_كل واحد مش في حالها في ناس خشت بينا ولعبتها صح وفرقونا..خليك مني ..احكيلي انتي وين لقيتيه ولا تلاقيتوا برا
منيره_لا والله اتصلوا بماما ناس اقاربها..وخطوبوني ولما بابا سأل طلع الولد كويس ومن عيله كويسه وبس واتخطبت تلاقيت معاه بعد جيت مقابله شرعيه..وعجبني يهبل يهبل...
انا_والله فرحتلك..وامتا العرس..
منيره/وهادي الماجأة بعد اسبوع وغيبتي عليك لاني كنت انبتت..
انا_لا قويه هادي ...
منيره_اسكتي مش مصدقه لتو..طبعا نبيك انتي وريما اطلعوني
انا_ادليلي واعتبريها هديه مني ليك
منيره_وحتحضري العرس كامل انتي وريما..
انا_بإذن الله...
......
فات الاسبوع وانا ف تواصل مع منيره بكل شيء ومشيتلها في الحنه وروحت بكري لان ...عمار مش قاعد ومانقدرش نتاخر لاني بنسوق بروحي...
المهم اليوم الحفله ..جت من الساعه عشره المهم جبدتلها شعرها وزي ماتعرفوا شعرها طويل واسود ماغيرتلهاش اللون...المهم يعدها خدت فطور معتبر لانها اخر وجبه حتاكلها بشبع غسلت سنونها وبدت فيها ريما مكياااج..وكملتلها ودرت شعرها تسريحه حلو بينتلها شعرها الطويل لاني مارفعتاش كله ولبسناها فيلوها ودرنالها الكريمه للجسم كلها وبخيتلها عطرها عبيتها ..وبعدها حطيت مكياج بناتي مع روج لونه وردي فاقع ولبست قفطان عنابي قصير ومنفوخ كت من فوق وساده مافيه شيء لبست معاها اكسسورات ع الاكحل وكندره كحله ..وطلقت شعري ..وأكيد رقيته ..وزادت حتى ريما رقتني...
المهم
قت منيره تستنى في عمها بيجيها يرفعها للصاله واني لابسه عبايتي الي جايبهالي معتز .. انا وريما بنمشوا وراها بيرفعنا عمار
منيره_اسمعي نبيك اتخشي بعدين لما يجي راجلي باش اتصورني بنقالي
انا_لا نتحشم فكيني
منيره_لا بالله عليك ماعندي غيرك بالله عليك بالله.
انا _باه ...
منيره_حضنتني..شكرا شكرا احلى نوما ..
انا_توغير لسني..
......
عند معتز
بوفا_او.وووه نسيت ياراجل بكل
معتز_كنك
بوفا_تي الادارة باعتتلك بن د العقد الجديد باش تقراها كان. افقت بيوقعوا معاك عقد خمس سنين قدام
معتز_وين بعتوه ماوصلني شيء
بوفا_قالوا ع ايميل الياهو الي عندهم
معتز_حي عليه في الشك نسيت حتى كلمة السر
بوفا_يبوا الرد غدوة افتح وشوفه
معتز_واااك ..وقعمز فتح وتفاجأة انه متفكر كلمة السر..
قري العقد وكيف كمله انتبه انه في رسائل مني .خش يبي يحدفني بعدين قرر يشوف شن فيه قبل ما يمسح لقي الرسالة قراها هيا الاولى..وحاسه بقلبه ناغزه..فتح بعدها الفيديو ...يتفرج ومصدوووم...
معتز_بوفاااا
بوفا_كنك وجهك اصفر..
معتز_انا ظلمت رنيم...ظلمت حبيبتي..ظلمت طشتي..
بوفا_شن تخرف انت...
معتز_ظلمتهااااا .ظلمتهاااااا شفت الدليل تو...كانت عارفه كانت عارفه..
بوفا/مافهمت شيء
معتز_شوف شوف الدليل بعتتاه ليا من سنة فاتت..
بوفا_يتفرج ومصدوم...كيف هك...كيف قدروا يلعبوها هك لا ويحكي بكل برووود..
معتز_ انا خسرت حب خمس سنين بتهور طلقتها طول لا سألتها ولا حاولت نيتفسر ع الموضوع صدقت فيها الشينه وهيا قعدت متمسكه بيا جت لباب شقتي ورديتها لزيتها...ودموعها علي خدها انا قتلت حبي بإيدي ...ونزل ع الارض
بوفا_يامعتز..واضحه انتم مش نصيب بعض ..مش لبعض كل هالضروف اجتمعت ضدكم...
معتز_كيف بنقدر انشوفها لما تتلاقى عيونه صدفه ولو بعد حتى عشرين سنه كيف بنتحمل نظرة اللوم والعتب في عينها...
بوفا_خلاص قصتكم انتهت ياصاحبي ..حتى لو حاولت ترجع تو مش حتسامحك وحتى لو سامحاتك حتقعد ديمه متفكره كيف صدقت فيها شيء زي هدا ..مستحيل حيرجع حبكم ثاني ..خش دوش يامعتز واعتبرها مرحلة والوم نهايتها..
معتز_ناض وخش دوش..
.....
وصلنا للصاله ورقص وهياجه وجو مش عادي ..فجأة قلبي نغصني لما قالوا العريس وصل...
طبعا ماخشش لانه بيصور هو وياها قبل ما ايخش..
انا جابتلي امها عبايتي وقالتلي تستنى فيك..وجابتلي تليفون منيره..لبست عبايتي في الحمام .خففت من الروج....
ومشيت للباب طقيت
من ورا الباب
منيره _خشي نوما...
انا خشيت ومواطيه راسي...لفتني ريحة العطر نفس ريحة معتز ..رفعت راسي ..وانصدمت كان العريس يضحك ويحاول يحط قبعة الكابتن علي راس منيره وهيا تضحك معاه..والعريس كان...كان...
انا_بصدمه ورجليا مش شايلاتني_من..منن هدا
تلفتوا الزوز في نفس الوقت
منيرة_خيرك رنيم ..انعرفك هدا معتز زوجي ..معتز هدا رنيم..صاحبتي..
انا_انت راجلها...انت
منيره مش فاهمه شيء
معتز_ بدون وعي_طشتي. نوما..
انا_الله الدنيا صغيييره..اخي عليها اخي...منيره مبروك الف الف مبروك ...عمري ما غلطت معاك كنتي تتزوجي منه بدون مانعرف علاش بس تناديني واتصري اني انصورك مع شخص كان في يوم كل شيء ف حياتي ..انا عمري ماضريتك..حرام عليك والله حرام عليكم..
منيرة_قصدك معتز هو الي كان خاطبك قبل..
انا_ ماااتكدبييييش ماتكدبييش
منيرة_بدت تبكي_وحق ربي مانعرف .ونترزا في بوي وامي مانعرف ان شاء الله نلقاه في صحتي كاني نعرف..
انا_وتو عرفتي ومش حيغير شيء هدا
معتز_نوما
اناانا_انت تسسسسكت....الف مبروك عليكم وتتهنوا ان شاء الله...ماتفرطيش فيه منيره..معتز راجل كويس واسألني انا..غير النصيب فرقنا...وانت معتز دير بالك عليها وماتظلمها زي ماظلمتني..ومديتلها فونها ..وطلعت
....
معتز_كنت نحاول انغير الجو قعدت نلبس فيها في قبعة الكابتن...لين يمعت صوت..نحساب روحي نتخايل ..لكن لما شبحت كانت طشتي قدامي..كلامها وهيا شاد دموعها كان يقتل..ماتمنيتش اتشوفني..انا عارف انها حتسمع بزواجي في يوم لكن اني نشوف المه والالم والوجع في عيونها كان قااتل قااتل ليا...تمنيت انلمها في حضني وانسكتها لكن ماقدرت...ماقدرت...
منيرة_شن بنحكي انا كان احساسي اخييي البنت الي وقفت معاي وتجري طول هالاسبوع نطلع انا متزوجه حبيبها الي طان في يوم راجلها وعرسهم مزال عليه ايام قبل ما يخربوه ليها..لما قالت كلامها الاول كان زي الرصاص بالنسبالي ..لكن لما باركت في الاخيرة ووصتنا علي بعض..تمنيت انموووت انموووت ولا نشوف نضرات الوداع بينهم..حسيت اني انا الي فرقتهم
....
تلاقيت مع ريما وانا شاده دموعي بالسيف
ريما_خيرك نوما
انا_طلع راجلها
ربما_من هو راجل من
انا_طلع معتز هو العريس يا ريما ..معتز تزوج تزوج..
وطلعت جري لقيت عمار كيف درس
انا_وصلني لجوش جدي وبعدين ارجع لريما..
عمار_خيرك رنيم
انا_بالله عليك عمار وصلني لحوش جدي بالله عليك..ومعاش تسألني علي شيء..
وصلني لحوش جدي وكلم ريما في الطريق وحكتله.الي فهماته مني
وصلت لحوش جدي وطق عمار ع الباب وانا قاعده في السيارة... لين فتح ياسر...
ياسر_شن فيه..
عمار_ع محمد وعمتي عواشي قاعدين
ياسر_ايه شن فيه احكي
عمار_رنيم تبي جدتها..واشرلي بمعنى انزلي
نزلت بسرعه وبعد ياسر ع الباب..خشيت للخوش طقيت ع الدار فتح جدي
انا_اهلين جدي
جدي_خيرك نوما
انا_بدو دموعي ينزلوا
جدي _خيرك..شن فيه..طلعت جدتي تربط في محرمتها ع راسها..اول ماشفتها حضنت جدتي وانهرت نبكي بالعبرة صورته بين عيوني المكان الي مفروض فيه انا. اقفه فيه وحده غيري وهو يضحك ..نساني...وانا قاعده نراجي فيه يمكن في الواقع مبينه اني عايشه حياتي لكن كنت نستنى فيه نستنى في اعتدار منه..لكن وصلني اعتداره ..لكن كان اعتدتر علي انه حبني في يوم كان يتأسف انه تعرف عليا انه قضي خمس سنين من عمره معاي...مش اعتدار علي انه ضلمن...علي انه فرط فيا...معتز قصة حب وانتهت اليوم انتهت بالرسمي..كنت نبكي ونبكي علي عباطتي علي سداجتي...
....
حكي عمار لياسر الي فهمه من ريما ووصاه عليا وروح..
ياسر قعد في الجنان ويسمع فيا نبكي بعبرتي وجدي يسأل هو وجدتي وانا مش قادره نحكي..
و #يتبع
#najah_alhaj
أرآكم وتوقعاتكم تهمني أكيد
أنت تقرأ
#رواية بنت التونسية لكاتبه🌺 najah_alhaj (مكتملة)💚
Romanceبنت التونسية لكاتبه najah_alhaj🌹🌸
