#رواية بنت التونسية لكاتبه🌺 najah_alhaj (مكتملة)💚

1

وحانبدوووو أول الحلقات من روايتنا الجديده #بنت التونسيه للكاتبه najah_alhaj
قراااءه ممتعه للجميع 🌸🌸🌸
           🌸الادمن#لـــــوليــــتا👑
#بنت_التونسية
#الحلقة_1
🌸🌸🌸🌸🌸🌸🌸🌸🌸🌸🌸
اول شيء نتعرفوا ع الشخصيات
رنيم _مواليد 1993 بنت صنعت منها ظرفوها شخصيتها الفريده...عنييييده قويه مسؤولة حساسه وحنونه......
جميله واحلي مافيها عيونها الكبار العسليه  مايلة للأخضر ورموشها الطوال .. ملامحها طفوليه  مع خشمها الصغير وشفايف فمها الورديه المليانه و كأنها حاطه عليهم روج وردي .بيضه شعرها طويل وحلو لونه كستنائي مع خصل شقرا وكأنها صابغاته وهالشيء ورثاته من امها هيا نسخها علي امها في الشكل وشوي من بوها في الطبع ...خصوصا من ناحية قوتها وقدرتها ع التحمل...
امها.. سعاد تونسيه تزوجها بوها لانه كان يبي ولد لانه مرته الأولى جابتلها خمس بنات ومعاش جابت لكن ماما ماجابتش الولد لبابا لكن مع العشره حمل ليها حب ومشاعر كبيييره.... شخصيه هاديه وماتحبش المشاكل بكل ..لكن عزيزه نفس مستحيل اتمد يدها او تطلب عاشت علي مبدا تبي تعيش اخدم وربت بناتها علي هالشيء
بابا/خالد...حبيبي وسندي في هالدنيا... شخص حنوون  وقلبه كبيير مقدم في الجيش يخدم  في حرس الحدود.. عاش حياته شبه في السياره وهو من دوريه لدوريه ..لكن مع الوقت اكتسب لقب قناص الحدود ماحد يغلبه بكل ... كان يتمنى ولد يعتمد عليه ويقدر يرتاح لما يبعد علينا احني وعلي حوشه الثاني الي مليان بنات لكن ربي ماكتبش لكن حاول يعلمنا كيف نحموا روحنا بروحنا وربانا علي القوة في كل شيء مانهابوا شيء ...
....
اختي الوحيدة ريما.1989.. حلوه وعيونها كبار ولونهم بني بيضه وخشمها صغيرون وفمها نفس فمي... شعرها ناعم ومش طويل لونه اسود
شخصيتها ضعيفه معندهاش كلمه اتصدق اي حد ماتعرفش اتحكم عقلها بكلل  احيانا انحس روحي انا الي اكبر منها مش هيا ..لكن قلبها كبير كريييمه لين مفسده وفااالحه نضافه لين اموسوسه
....مرت  بوي _نجاة مراه كويسه بصفه عامه .. ما احتكيناش بيها بكل لان هدا شرطها لما تزوج بوي عليها..مانتلاقوش الا يوم الجمعه في حوش جدي بس ... ...خواتي من بوي
علياء_ 1981الكبيره متزوجه وعندها ولدين وبنت
علا _1983دكتورة نساء  متزوجه ولد عمي اسمه  علاء مواليد_1979 مهندس نفط
عاليه_ 1985 متزوجه عندها ولد وبنت تخدم مدرسة  طيبيه لين مفسده حنونه زي بابا الوحيده من خواتي الي تسأل علينا
عزة_مواليد 1987 ارملة وماعندهاش صغار تخدم في معمل للحلويات
عروبه_موليد 1988 تخدم مدرسه وماجهاش نصيب لتو..
....
عندي عمين وعمه وحده
الكبير عمي فرج وعنده
ثلاث ولاد وبنتين كلهم متزوجين
وعمي فؤاد الصغير اصغر من بابا
وعنده
ولدين واربع بنات
الكبير ياسر _مواليد 1988  هادا واحد امتع خدمه وبس في الاول خدامه سواق علي سيارات كبيره ينفل في بضايع بين الجنوب والعاصمه وبعدها فتح شركه للنقل الثقيل
مواصفاته..اسمراني  بشعر كثيف واسود وعيون بلون اسود وحواجب عريضه الشبحه من عيونه تخوف وتجدب في نفس الوقت خشمه واقف وفم حلو محدد بالحيه السوده الخفيفه
طويل وجسمه حلو
يزيد _مواليد 1990_ حلو وفيه شبه كبير بخوه ياسر لكن ياسر احلى الفرق انه يزيد اقصر وابيض من ياسر وعيون ياسر لونهم بني ..مانحبه هالولد بكل امتع بنات