كرونيك بعنوان 😈😈#احببت_من_قالوا_عنها_اختي

34

34 دخل ليث للدار لقاها هادية على غير العادة شعل الضو لقا ايلول قاعدة فالصالة ليث : علاه قاعدة هنا وحدك فالضلمة ايلول : ....... ليث : ( يحاول يتحكم في اعصابو و يفهم منها واش بيها ) واش بيك ايلول ايلول : ........ ليث : اربك اني نحكي معاك اهدري ايلول : انت قتلت والديا ؟ ليث : ك كيفاه ش شكون لي قالك ايلول : قتلت والديا ولا لا ؟ ليث : ايلول اسناي نفهمك ايلول : اخرج ليث : لااا لخطرة هاذي مانيش راح نخرج و نخليك ايلول حكمتها نوبة غضب هزت الفاز و تخبطو مع الحيط ايلول : قتلك اخرج عليااااااا و ناضت تكسر في كلش و تعيط اخرررررج اخررررج ليث كي شافها هكاك خاف دير كاش حاجة في روحها خرج راح ركب فالطوموبيل و قعد اما ايلول ماخلات حتى حاجةماكسرتهاش تكسر و تحكي فرد وقت ايلول : ا انا يتيمة انا يتيمة مانيش بنت عايلة **** انا لي يتيمة كذب عليا هو كذب و ادم ماكذبش ادم ماكذبش هو لي يتمني كذااااب الخاين هو كذب و ادم ماكذبش بقات هكاك تعيط و تكسر حتان طاحت من التعب تبكي دموعها ماكفوش ليث بقا في برا فالطوموبيل مابغاش يبعد عليها و بقا يخمم فالمصيبة لي طاحت على راسو كان علابالو بلي حايجي نهار و تعرف بصح حب هو لي يخبرها ماشي تعرف من غيرو بقا هكاك خايف عليها و التخمام قاتلو حتان رقد فالطوموبيل من التعب جا الصباح فاق ليث عضامو يوجعو فيه من الرقدة لي رقدها نزل رايح للدار تنهد حل الباب ودخل تشوكا من واش الشاف الدار مقلبة تقول فات عليها اعصار الزجاج في كل بلاصة قلبو قابضو خاف تكون دارت كاش حاجة في روحها طلع الفوق يعيط عليها و يحوس فرد وقت و قلبو يمشي و يتقبض كي مالقاهاش حوس حوس والو حسها مكانش قشها و حوايجها كلش كاين غير هي مكانش هبل و جن وين ممكن تكون راحت بدا يلعن في روحو كي رقد و مابقاش نايض خرج يجري يحوس فالطريق بلاك تكون مابعدتش بصح والو تقول الارض انشقت و بلعتها روح لدار قعد فالارض حاكم راسو بيديه ليث : وين رحتي يا ايلول وييين وين رحتي و خليتيني